عالم الحياة الزوجية - منتدى

طابت علومي · 12-10-2005, 20:00

الحين اكمل الجزء الثاني امس لهيت وضاعت علومي ام سو سوري ...طبعا موضوعي كتبتة لاني من مناصرات المرأة لان كثير اقرا الي يقول زوجتي ماتدلعني ولاهي
مرضيتة طبعا هذي النصايح مني ومن تجارب الي حولي مو شطارة مني لا والواحد لازم يتعلم من الي اكبر منة .
واكرر واقول هذي الحركات للي زوجها او خطيبها مستقل فيها يعني هي خاربة خاربة خلينا نعميها هههههههههههههههه مو تجي وحدة تسويها ويخرب بيتها خصوصا النقاط
الشديدة :
7/يابنوتات ياحبايبي النعومة ثم النعومة ثم النعومة يعني ابعدي عن اي لفظ اي حركة اي شغل (مثل تركيب اللمبات موجعة قلبي )يعني خطيبك ماتعاملينة
مثل صديقاتك افهمك اكثر يعني ياليت تبدلين كلمة (يللة حيية)بكلمة نور البيت هلا بحياتو هلاااااْْْءءءءءءءءءء ركزي عالهمزة ههههههههههههههههههههه جد واللة.
والا لماتأكلين كولي برقة يعني شوي شوي ومو كل شيء تاكلينة مو يسألك وش فاكهتك المفضلة تقولين جح لو هي ربيع قلبك سوي نفسك ماتعرفينها ههههههه امزح عاد
نعمة ربي بس قولي احب الفراولة المشمش شيء زي كذا(عارفة فية ناس مستنقدين هالكلام لكن هذي من متطلبات الانوثة)
وكذالك ملمس يدينك و رجلينك وبشرتك لازم تعتنين فيها .
8/الثقل صنعة يعني الوحدة تثقل تتصل بخطيبها او زوجها بس مو لدرجة انها تتطفشة مايشفق عليها بعدين يعني مثلا لازم تتصل علية في الدوام تسال عنة واذا كان زوجها
تساألة وش تحب تتغدى اعتقد كثير يحب هالحركة ولو انة مو كلهم يمكن البعض يخجل !!!!بس احسن تعودة ماتخلي لاحد فرصة يهتم فية لان بعض الرجال يحس
بنقص حنان ماتشوفون اكثر نكاتهم فاقد حنان ناقص حنان اللة اللة بالحنان .
9/هالنقطة قابلة لنقاشة(كني فيكم تقولون وش هالمغرورة )او اكثر نقطة احس فية اختلاف اراء وودي تقولون اذا انا غلطانة الغباء او تتصنع الغباء يعني لاتسوين نفسك
عارفة كل شيء خليك مثقفة بس مو تعرفين الي تحت الارض اضرب لكم أمثلة مو حلو البنت تعرف اسماء الشوارع او انواع السيارات او الاعبين مو تجين تقولين من
الي سجل هدف ياسر القحطاني(ياويل ويلك يغارون من هالآدمي )يعني يفضل إذا زوجك ماعندة مانع شجعي نادية المفضل وتحمسي للموضوع عشان يجلس معك
ويستانس لان اغلب الناس يحبون الي ميولها نفس ميولهم بس من دون التدقيق بالاعبين.
الغباء بالجنس ببداية الحياة لان الرجال صراحةةةةةةةةةةةةةةةةةةة يظلمون البنت لو هي قارية قال هذي(___)
الغباء لماتتغاضى عن بعض الامور مثل عينة زاغت يامال _لاتسوين نفسها شافت مو تتهاوش معة تخرب مزاجة ويقول هذا اكثر ماعندها.
10/عاملية زي الطفل بالزبط لان يابنات بصراحة الي تدلع زوجها كانها مدلعة روحها وا الخشنة ماتعرف تتدلع أحد ‘ اضرب أمثلة:
مثلا لما تشوفينة يأكل ومروق وانت جالسة معة أكلية بيديك وسوي لة عصير حتى لو ماطلب مثلا برتقال وشربية اياة وقولي فيتامين سي مفيد لصحتك ولمايمرض عطية العلاج
بمواعيدة خصوصا إذا انتي فاضية والا الي عندها طفل يمكن ماتقدر عاد انتي وشطارتك وتسمية اسامي الدلع مثل محمد ميدو مو حمودي ههههههههههههههه وسعود سوسو
وتنومة بحضنها وتقص علية قصة ليلى والذئب وتلعب معة كانة يحب اللعب.إختى الي اصغر مني تقول تعاملة كنة قطوة ههههههههه تفرك رأسة .المهم اكمل تسبحة يعني
تسوي لة شاور.
11/رجاء اختى العزيزة لاتبينين نقاط ضعفك تراهم مايرحمون ماقول امدحي روحك كثير بس لا الرجال ولاغيرة يبين لة نقاط الضعف مثلا الي تقول انا دوبة وتسب
بروحها يحس انها ولاشيء لكن لو تغاضت ممكن مايحس لو قالت انا مو مثقفة او قالت انا دفشة عاد من يبي يحسن صورتها الثقة بالنفس تحبب بالانسان.
12/الكر والفر يعني مو تبين انها ميتة علية كل مرة احيانا تطنشة احيانا مو كثير ولكن بالاصل تبين انة كل حياتها لان الرجال لضمن الوحدة خلاص ما
يسوي شيء عشان تحبة يعني مايحاول إرضائها .وجة نظر.
13/اهم نقطةةةةةةةةةةةةةةةةةةةةةةةةةةةةةةةةةةةةةة...الرجال لايقرونها بليز سر للبنات,,يابنات الصوت احلى شيء صوت المرأة منخفض وناعم
صعب التصنع لكن ممكن بدل ماصوتك يكون مرتفع تخفضينة لما تتكلمين معاة وكذالك مايكون سريع لان الصوت إذا قصر يصير ناعم اوكيةةةةةةة.
من اكثر الامور الي تفرق المرأة عن الرجال الصوت وربي حتى الكلمة الدفشة بالصوت الناعم غير .
والصوت هو الي يثير ويجذب الرجل للمراة ويخلية يتعلق فيها.
14/اللبس وهذا بعد مهم جدا جدا جدا تخيلو صوت حلو وكلام حلو والبس قميص ابو عشرة ارضية في سمعة ونظرة ولمسة وووشمة العطر شيء مايختلف علية اثنين يعني
كل وحدة وذوق زوجها الي يحب البناطلين والي يحب الشورتات والي يحب الجلابيات فية رجل مودرن وفية كلاسيك انا عن نفسي ماحب الجلابيات الا الضيقة واحس
ان الجلابيات تلبس في المناسبات (قلنا عند الزوج مو تقولون خربت البنات)يعني البنطلون الميدي ماشي هاليومين والشورت للي تعتني برجولها جنان على الزوجة
والزوج بعد وبالبيت ممكن تلبس ملابس بيت تفوق بجمالها ملابس السهرة مثل القمصان الدانتيل والستان البيج والذهبي والبجامات الستان مع الشبشب حقها طبعا مو حلو
كل شيء عاري عشان مايمل يوم هيك ويوم هيك كر وفر اما العطورات انا من مؤيدين العطور الفرنسية مدري لية ماحب البخور فية عطرين يذوبوا مو انا الي اقول
عنهم كذا انا وغيري :1_بومب فلور من فكتور اند رول من وجوة ودبنهامز 2_ماجنتزم من اسكادا روائحهم سويتي .هذا اجتهاد مني .
15/مهم جدا ياليت ماتتعودين على الزعل حتى لو غلط ازعلي شوي ومشي السالفة كأن شي ماصار وإذا كبيرة مو تروحين لاهلك اقولك لية مو خوف علية لا ياقلبي خافي على
كرامتك طبعا لماتروحين عند اهلك بتستنينة يراضيك ويمكن مايجي يصير الاخ زعلان فهي يابتطول السالفة يابتذلين روحك وترجعين لة ملومه محسورة ويتعود على زعلك
يصير شيء عادي فاذا ماكبرتيها بتكسبين لانك بعد ماتهدين وتكلمينة عادي هو بيستحي يمكن يبين لك ندمة ويمكن تحسين بالندم من تصرف ويسوي الي كنتي تبين وتكبرين بعينة
16/الصبرمفتاح الفرج وماتضيق الا ربك يوسعها (علمي نفسك)لاني متضايقة من أمور وماعندي لها حل الا الصبر عشان كذا اتفلسف عليكم بهالنقطة.
اتمنى انكم تستفيدون منها وتحملوا نتايج النقاط الي فيها قسوة او لاتسونها طيب اابغى ابري ذمتي .ارفوااااااااار.

*وليف الروح* · 12-10-2005, 20:27

^

^

الله عليتس

يازين علومتس والله

تعجبيني

ويعجبني كل اللى قلتي

والله يكثر من امثالك

النعوومه اي وربي اهى كل شي

لو كانت الحرمه شينه

تغطيها النعوووومه

تسلمين وربي

يوم آخر · 12-10-2005, 20:30

يعطيك العافية أختي وبارك الله فيك على النقااااااااااااااااااااط الروعة
وأحب أركز على النقطة 12 ....ياليت تربطونها بباقي النقاط

غريب على الدنيا · 12-10-2005, 20:43

^

^

كما قال وليف الروح

طابت علومي · 12-10-2005, 20:54

وليف الروح :
مشكوررررررر على قرأة الموضوع اكيد قريتة كلة؟؟؟ طبعا في اشياء تصلح لكم عادي.
شمعة الجلاس:
مشكورة انتي بعد هالنقطة طالعة من جو قلبي لاتسالون لية اتمنى احد يقول راية فيها (رقم 12)لان البعض يمكن بدل مايكحلها يعميها.
غريب عالدنيا:
شكرا علمرور.

** عازف ** · 12-10-2005, 20:54

كله تمام التمام ...

لكن إذا بتجلس جمبي تناظر المباراة ...تجلس تقهويني بس...وبدون أسئلة...وإلا تجلس تهذر >>>فرصه أبكون مركز بالمباراة وأخليها تقول اللي في خاطرها...

طابت علومي · 12-10-2005, 21:05

عازف :حلوةةةةةةةةةةةةة تصرف حكيم ولية لا .اهم شيء لاتدري انك مطنشها.

احبك حبيبي · 13-10-2005, 01:32

الله يعطيج الف عافيه وياربي يرزقج ربي بولد الحلال اللي يستاهلج

طابت علومي · 13-10-2005, 02:09

احبك حبيبي آآآآآآآآآآآآآآآآآآآآآآآآآآمين يارب العالمين .ودي اتزوج وانا خايفة موووووووووووووت اخاف يجيني واحد مايستاهل كل ابو الكلام هذا هههههههههههههه حلوة صح .
ودي انسى ودي اقسى واتزوج بس ماقدر.

مشمشه الفوشيه · 13-10-2005, 07:25

موضوع حلو
يسلموا

زين المزيونة · 13-10-2005, 07:55

يعطيك العافية طابت علومك يوم اعرس بطبدزها <<< يالليل مطولك

المفتون · 13-10-2005, 13:32

الله يعطيك العافية

* حلا * · 13-10-2005, 16:27

يا حليلكم يا بنوتات

كنا نقول مثل كذا وأحسن

يوم تزوجنا مدري وش صار ؟؟

على العموم جزاك الله خير والواحد في النهاية يظهر على طبيعته اللي انخلق عليها

والتصنع ما يكون ناجح دايماَ .

najmat sama2 · 13-10-2005, 18:23

teslamen 7abebti 3ala nasayeh el mofeda

طابت علومي · 13-10-2005, 19:51

اريد حلا مشكورة عالمرور لما كنتي بنت تقولي كذا بس بالاعادة افادة ممكن النصائح تنفع وانا انصح نفسي قبلكم فيها اكيد مو كلها فيني .

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ادلع ياكايدهم الجزء الثاني والاخير.