عالم الحياة الزوجية - منتدى

عذبي العذبي · 15-10-2005, 11:35

براد الليل يفتح للهواجس والحديث طروق..
ودرب يفتح جروحي قطعت العهد ما أسيره

رفيقي والله ان بعض السوالف تستثير الموق..
خصوص ان حرك الغربي دروب الحزن والحيره

الا ياصاحبي ضب الحديث وغيرّ الطاروق..
أنا داخل على الله ثم عليك تفضها سيره

ترى من غربي البارح ونسناسه وأنا بي شوق..
لمنهو ماحد غطى ثلومه من هل الديره..

تراني ضايق من كل شيّ وخافقي منتوق..
وأحس ان الفضاء عندي صغير ويمكن أطيره

فلا ضوضاء المدن تغري ولا النزهه مع أغلى النوق
ولا قد دلّه القلب الشقي كثرة مشاويره...

وأنا حر يتاوق للسحايب والغرام سبوق..
يترجم حب طيره بالوكور ولون أجاريره..

أسلي الروح في بعده وأقول العالمين صدوق..
اذا من قالوا الخيره تباري كل تأخيره..

دخيلك لاتذكرني غلاه ولا تصحي العوق..
حديث الذكريات أرجوك سكر شره وخيره

على اللي من عرفته ماأذكر انه خاشره مخلوق..
تفرد بالغلا في خافق مالد في غيره...

غرانيق تقال وجوهره هي والله الغرنوق...
تغطت بالجمال وفي غنادير الزمن خيره..

هنوف حبها ماأحد يوفق به من اول سوق..
هواها مثل الابره في البحر تتعب مداوير..

تنام العين في هاجس غلاها وان صحيت أفوق..
على حب تبعثر في الضمير وبان تأثيره..

وهبها الله بياض القحويان وجارة الرقروق...؟
مع ريح النفل لاحرّك الغربي نواويره

كأنها منظر فيه السحاب وروضة الزملوق
وفيها منظر فيه الغبار وخيله مغيره
الى منها حكت ذاب التواضع في كثير الذوق
تناثر حكيها مثل الرحيق وخاثر الشيره

اموت ان دبّرت في ليلها اللي من وراه بروق
واذا من قبلت برق دجاه يزيد تسفيره...

بها الليل المطير المدلهم وللضياء حقوق..
اذا من دبرت ليلى والى من هلّت منيره..

عذابي دانة تذكر ولا تشرى من ادنى السوق
خذت كلي وقفت به وجدك من مداويره..

الا ياصاحبي وش لك بجرح وتلة المعلوق
ترى بعض السوالف تركها ياصاحبي خيره

وراك تنـبّـش جروحي وأنا أجنّب عن الطاروق
انا ماقلت لك في وجه ابوك تفضها سيره...؟؟؟

فمـان الجرح · 15-10-2005, 11:37

لاعدمناك ياحمد ...

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)