عالم الحياة الزوجية - منتدى

بدويه · 18-10-2005, 01:56

أولا احب ابارك لكم بالشهر ... واسلم عليكم ..............

عاد رحبوا فيني؟؟؟

باختصار احب اني اطرح مشكلتي وابغى منكم مساعدتي فيها ... قصتي فيها نوع من الغرابه بس عادي راح اقولها لكم
انا امرأة مطلقه عمري 20 سنه تزوجت وانا عمري 16 ما كملت سنه ونص إلا وانا متطلقه من (ولد خالتي ) انا كنت ساكنه عند اهله في شقه لحالي بس خالتي ماكان يرضيها هذا الوضع كانت تبغاني مثل الخدامه عندها .. طبعا كان ولدها في آخر سنه من الكليه .. وكانت تشتكيله مني ومن تقصيري في خدمتها وكل يوم على هذا الوضع إلين تعبت اعصابي ورحت عند اهلي وماكانت نيتي الطلاق جلست عند اهلي شهر وجاء شهر شوال في ثالث يوم من العيد ( الناس تاخذ عيديه وانا اخذت ورقة طلاقي ) طبعا كانت طلقه واحده وجاء طليقي في ثاني شهر من العده يبغى يرجعني ابوي رفض ثم صار يتردد كذا مره ويقول انا غلطان واللوم يوقع علي أنا وامي
المهم مرت سنه وغصبته امه ان يتزوج غيري وبالفعل تملك وبعد الملكه بشهرين ارسلي رساله اعتذار ويقول ابغى اكلمك
كلمته بكل ادب وقالي انه يبغى يرجعني بعد مايتزوج بسنه ونص وانا وافقت لأن رغم اننا متطلقين لمده سنه ونص وقالي استنى لمده سنه ونص وانا وافقت لإني بصراحه احبه ...
ادري طولت عليكم بس ابغى اسمع رايكم بمنتهى الصراحه الله يخليكم...

شحروره · 18-10-2005, 02:05

هلا وغلا فيك اختي نورتي المنتدى

رأيي استخيري ربك وتوكلي على الله والله يكتب لك الي فيه الخيره

بدويه · 18-10-2005, 02:15

مشكورة اختي شحرورة على ردك

وانشاء الله الأخوان والأخوات مايقصرون ... ويا هلا فيك

الدبلوماسي · 18-10-2005, 03:11

ياهلا فيكي يابدويه بين اخوانك
اسمعي يابنت الناس ليه يبي يردك بعد سنه ونصف ؟؟؟؟؟؟؟؟؟؟؟؟؟؟؟؟؟؟؟؟
اذا يحبك ويبيكي ومعترف بغلطه يردك الحين ، ويدافع عنكي امام امه ( الله يحفظها ) وامام العالم
اما يروح يتزوج ، ويلطعك سنه ونصف ، وماندري وش يجي بعدها ، هذا اتمنى ان ترفضيه
واضح انك ما عندك مشكله انه يتزوج ، اذن يردك قبل ما يتزوج ، وهو حر بعدها يتزوج وياخذ راحته
ما تدرين يابنت الناس بعد سنه ونصف وش يصير ،
احفظي حقوقك من الحين ، ولا تضيعينها لانك تحبيه ، الحب عمره ما أكل عيش ، الموده والرحمه والتعامل الخلاق هي التي تفتح بيوت .
هذا اللي عندي ، والقرار لك
وبالتوفيق

قنبري · 18-10-2005, 03:55

استخيري ربك وتوكلي على الله والله يكتب لك الي فيه الخيره

الشك · 18-10-2005, 06:05

استخيري ربك وحياك في المنتدي لكن تكفين كبري خطك .......................

حمامه · 18-10-2005, 08:29

اشمعنا سنه ونص ؟؟؟؟

يعني نفس المده الي عاشها معاكي ؟؟؟ على شو ناوي ؟؟؟

امه خالتك ((( خت امش )) لو ام زوجتش ؟؟

الله يوفقش يا رب

أتعبتني · 18-10-2005, 08:58

اقتباس:

المشاركة الأصلية كتبت بواسطة الدبلوماسي

ياهلا فيكي يابدويه بين اخوانك
اسمعي يابنت الناس ليه يبي يردك بعد سنه ونصف ؟؟؟؟؟؟؟؟؟؟؟؟؟؟؟؟؟؟؟؟
اذا يحبك ويبيكي ومعترف بغلطه يردك الحين ، ويدافع عنكي امام امه ( الله يحفظها ) وامام العالم
اما يروح يتزوج ، ويلطعك سنه ونصف ، وماندري وش يجي بعدها ، هذا اتمنى ان ترفضيه
واضح انك ما عندك مشكله انه يتزوج ، اذن يردك قبل ما يتزوج ، وهو حر بعدها يتزوج وياخذ راحته
ما تدرين يابنت الناس بعد سنه ونصف وش يصير ،
احفظي حقوقك من الحين ، ولا تضيعينها لانك تحبيه ، الحب عمره ما أكل عيش ، الموده والرحمه والتعامل الخلاق هي التي تفتح بيوت .
هذا اللي عندي ، والقرار لك
وبالتوفيق

أختي العزيزة أنا مع الدبلوماسي في كل كلمة .

الله يوفقك يارب .

°°»Najla«°° · 18-10-2005, 09:27

ولا يهنون اخواني

وش الحكمة من زواجة

وارجاعك له بعد سنه ونص؟؟

وبدال مايتزوج وحده غيلاك ليش مايرجعلك انتي اولى

اذا هو يبي يتزوج ويجرب بنت الناس وبعدها يمكن يرجعلك

فان الومك على موافقتك لانك حطيتي نفسك جسر للاعيبة

اذا يبحك انتي ياخذك انتي وتنتهي المشكلة

ولا تبين يصير عندك ام زوج عسى ربي يخلية له متصلطة وبرضه زوجة اخرى دخلت البيت وانتي مطلقة

ويش السبب الاساسي في طلاقك عشان رحتي بيت اهلك بس؟؟

ماختلافنا انتي تحبينه بس هل هو يحبك ..

هل راح يرجع مثل قبل في معاملة لك

هل انتي عندك استعداد تحمل زوجة اخرى في حياته

ضعي نفسك مكان الزوجة التي سوف يتزوجها وش راح تكون ردت فعلك وقتها

ترضين بنفسك وهل تتخيلين بعد سنه ونص راح يصير كل شي بصالحك مدام ماصار وانت لوحدك على ذمته؟؟

فرضيات كثيرة ليتك تحطينها براسك

ماقالك ارجعك بعد سنة ونص الا وهو يفكر بشي حاولي معرفة هالشي بطريقتك

استخيري ربك وراجعي امورك ولا تستعجلي وترخصي عمرك

وبعدها ترجعين تندمين

مجرد رأي لو انتي اختي بقولك نفس هالكلام

واتمنى اني ماكنت قاسيه عليك

م-سيف · 18-10-2005, 09:56

طيب واذا اعجبته زوجته الثانية !

وش مصيرك ؟

اخاف تعجبه وبعد سنه و نص يطلقها ويقولها بعد سنه و نص ابرجعك ..!!

زوجك ضعيف شخصية امام والدته وامام المحيطين به ... عفوا هذا ليس من البر ... اين الحفاظ على الحقوق ... اين قوة الشخصية

بعد ما يرجعك هل انتي على يقين انه سيمسك بك ؟

ما تخافين امه ترجع تزن عليه علشان يطلقك مرة ثانية ؟ وتصيرين ضيعتي عمرك بين روحه وجيه

اختي الكريمة .. انا لست ضد عودتك له ... والله لا يخرب بيتك

ولكن اطلبي من زوجك ان يردك الان ... قبل ان يرتبط بالزوجة الثانية ... ان وافق فعليها .... وان رفض ... فاتوقع انه لن يرجعك ولو بعد السنة و النص...

تخيلي مجرد تخيل ان نتج حمل و ولاده من زواجه الثاني ... ماهو موقفك ؟ سيقول لك لا استطيع التخلص منها ولكن ارضي بان تكوني ثانية

الله يوفقك

الفصول الاربعة · 18-10-2005, 14:04

لساتك صغيرة
تزوجي و انسيه هو يتحمل تبعات غلطته
ما اظنك تحبينه هو بس اعتياد و اي وحدة تتزوج تحب زوجها
لو كان يردك هالحين اوكي لو ما بده لا توعديه بالانتظار
اذا جاكي نصيب توكلي عالله اذا ما إجا و مرت سنة و نص و بدو يرجك اوكي
بس شغلي عقلك لا تقعي في الخطأ مرتين
و صدق الدبلوماسي يا حبيبتي الحب عمره ما أكل عيش

~®§§][][ جانيت ][][§§®~ · 18-10-2005, 17:41

سبحان الله ،
ولاحول ولاقوة الا بالله

بدويه · 18-10-2005, 21:38

مشكور اخوي الدبلوماسي على كلامك ( وبالعكس هذي وجهت نظرك ) وماانسى باقي الإخوان والأخوات ماقصرتوا ويعطيكم ألف عافيه ....
المشكله هو صار له متزوج ثلاثه شهور ... والله العالم وش صار ...
ومشكوره اختي الفصول الأربعه على رايك وهو بالفعل تقدم لي كذا واحد بس انا اللااراديا ارفض لييييييييش ما ادري
(يمكن من الحب الله يلعن ساعته

عاشقة الاحزان1 · 18-10-2005, 23:23

عزيزتي السلام عليكم
انا ماراح اضيف اكثر من اللي ذكروه الاخوة والاخوات بس انت لازم تجلسين مع نفسك وتسألين ليه لازم تنتظري هذه المدة اكيد عنده غرض فيها لانه لو كان فعلا يحبك ومايقدر يستغني عنك مايصبر سنة ونص حتى يعيش معك وقد يكون سبب موافقتك على الرجوع اليه من باب رد الاعتبار فشعرت انك ترغبين برد اعتبارك امام اهله واهلك ومعارفك واصدقاءك لذلك اسمحي لي اقولك ان هذا الشخص غير واضح تماما وفيه غموض واحمدي ربك انك خرجت من التجربة بدون طفل يدفع ثمن زواج فاشل واذا رجعت له وحدث ان حملت منه ولاسمح الله حصل اختلاف فانك سوف تندمين ندما شديدا ووجود الطفل في حياتك يعيقك عن اكمالك لمسيرتك وخصوصا انك لاتزالين صغيرة وفي مقتبل عمرك ومن الصعب عليك تحمل مسؤولية تربية طفل بدون والده وللزيادة بالاطمئنان وكما نصحك بعض الاخوة يمكنك الاستخارة وهي افضل الطرق لهداية المسلم بالاقدام على الاعمال ....... ووفقك الله وانشاء الله تلاقين كل الخير في حياتك

سلطانه · 19-10-2005, 04:24

أرحعي له والله يوفقك

وعن العناد وليه مارجعتي قبل زواجه هذه غلطة أبوك

أرجعي أحسن لك ما دامتي تحبيه حتى لو عنده زوجه ثانيه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

عضوة جديده وتبغى رايكم