عالم الحياة الزوجية - منتدى

طابت علومي · 25-10-2005, 23:51

السلام.............
اتكلم جد ياويلنا من ربي الشر يعم ولاتضحكون وتقولون عادي موضوع بسيط لا موبسيط وبتفهمون.
توني اتصفح موضوع بمنتدى نسائي والقى موضوع عن شنط (ديور) شنطة يدوية صغيرة الي نستخدمها حنا يالبنات الشنطة ب 890 دولار وهي3400ريال تقريبا طبعا فية تقليدها بعشرة مدري عشرين طبعا كثير يشترونها هي وماركات اخرى بنفس السعر.
فساتين الزواج اول نستغرب لما وحدة تشترية بالف الحين عادي ورخيص بعد طبعا اتكلم عن طبقتي وهي الطبقة المتوسطة الحين اغلبهم اربع الاف طبعا هذا فستان واحد فقط بالغالب واحد ولاشيء (انا اغير كثير بس مو بهذي الاسعار)
الساعة 25الف 12 الف.
مو كل البنات والحريم عقولهم تافة لكن انا لاحظت اني شاذة ومرة من المرات وحدة من قريباتي اكبر مني ب3 سنوات شهادتها متوسطة لانها ماكملت الثانوية *********غير موظفة***********تقول لي الحين اذا اشتريت ساعة بالفين استحي لاحد يدري؟؟!!!!!!!!!!!يعني قيمتي بساعتي والا اخلاقي وتعليمي ووعملي كم تدخلين عشان لك وجهه تستحين من هالمبلغ الي ماتدخلينة بالسنة كاملة.
انا اللة حق اصرف كثير بس بدون مبالغة بالاسعار .
الموضوع ذوق فقط......
اذا كنتي تبحثين عن الاناقة خلي الي حولك هم يتكلمون عن اناقتك مو انتي تتكلمين عن لبسك واسعارهم وربي عيب.
ياخوفي من يوم مانلقى شيء ناكلة والحين وين نروح بعيد فية ناس ماعندهم شيء ياكلونة بافريقيا وباكستان والسعودية ماهي خالية فيها فقراء ماعندهم احد يصرف عليهم .

سلطانكو · 26-10-2005, 00:01

اغلبهم اربع الاف طبعا هذا فستان واحد فقط بالغالب واحد ولاشيء

راتبي + سداد جوالي ومصاريفي ما تجي اربعة الاف ريال وهذي بس فستان ..... الله يخارجنا

ياساتر عني لا تزوجت دام زوجتي تبغى فستان بهذا السعر ... اذا حبت بالمعقول الى 500 * 900 ريال معقوله تنبلع ....

الله يكمل الجميع بالعقول .

والتبرعات احسن من التبذير على كلام فاضي .

الف شكر اختي طابت علومي .

طابت علومي · 26-10-2005, 00:12

سلطانكو:
من جد احمد ربي اني بنت الحين غالبية شباب هاليومين معاشه 2500 مع البدلات 3000 وكلهم وراهم زواج.
وحتى الي سبعة وش يكفي وش يخلي اذا هي مو موظفة .
وطبعا الي معاش زوجها منخفض لازم تقدر فلاتخاف.

الدبلوماسي · 26-10-2005, 02:26

تسلمين طابت علومي
مد رجلك على قد فراشك
والله يحفظك

صـمـت الـوجـود · 26-10-2005, 03:02

صادقه طابت علومي أكثرالبنات يحبون يتباهون بلبسهم والماركه الفلانيه وبالسعرالفلاني
ليش ؟؟
أحسه نقص بالبنت اللي تسوي كذا الحمدلله ربي منعم علينا كلنا وكلنا قادرين نشتري بس كل شيء بحدود...
أنا ماأنكرأني دايم أشتري وكثير أصرف بس موزي كذا أبداً...
يعني الحين بالله وش فيها ساعة بألفين يعني لازم خمسين ألف وإلا ميه ألف عشان تبين قدري عند الناس؟؟؟
والله تفاهه !!!
ناس مالاقيه تأكل وناس تلعب بالنعمه..
الحمدلله على النعمه اللي عايشين فيها...والله لايزولها ...

أحس خلاص بديت انفعل والله شيء يقهر... مشكوره طابت علومي...

**درب الزلق** · 26-10-2005, 04:00

شـــــــــــــــــــــــــــكرا

طابت علومي · 26-10-2005, 19:18

الدبلوماسي:
مشكور على مرورك وربي يحفظك.
صمت الوجود:
اجل انتي موافقتني.
درب الزلق:
عفوا.

~ اليمامة ~ · 26-10-2005, 20:02

قال تعالى ( وكلوا واشربوا ولا تسرفوا )

معاكي حق يا طابت علومي

نفس الخوف موجود لدي من ان يعاقبنا الله بسبب تبذير هؤلاء والمبالغة في الأموال التي يدفعونها لأشياء تافهة

واذا قلتي لهم تصدقوا تشوفينهم يا دوب يدفعوا مئات الريالات إن لم تكن أقل حتى من مئة وتكون غصة في حلوقهم لكن لو قلتي لهم عن سلعة جديدة مطروحة من الماركة الفلانية ماعندهم اشكال في انهم يدفعون الآلالاف لها ويطلعون وهم يبتسمون

سبحان الله تناقض عجيب

دائما نردد ربنا لا تؤاخذنا بما فعله السفهاء منا

لنا اخوان في السعودية وغيرها ما يعلم بحالهم الا الله ومتعففين عن السؤال لكن ماعندهم حتى ثمن مواد غذائية وفي الكفة الثانية نجد الآلاف تدفع مقابل شنطة والا ساعة تتلبس مرة او مرتين وبعد كذه تخلل في الدولاب وتعفن بعد

يار بي لا تعاقبنا

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ياخوفي ربي يسخط بنا ........عقول فارغة.