عالم الحياة الزوجية - منتدى

مسكين حالي · 08-11-2005, 17:33

ماهي الاضرار الناجمه او خلونا نقول ماهي العواقب السلبيه الناتجه عن زواج الفتاه بشاب يصغرها بسنه تقريبا

صديقتي يتقدمولها وايد بس دايما ترفض واخر مره تقدملها شاب محطنها في باله من خمس سنوات ويحبها حب لايوصف بس مشكلته انه اصغر عنها وهيه مب قادره تتخيل هذا الوضع وهو مايهمه العمر بس مع الايام مايندرا شو راح يصير؟؟؟

علما بانه حاليا يمشي في ال21 وهيه تمشي في ال22
هيه مرتاحتله اكثر من اللي تقدموا قبله لانها محظوظه بانسان يحبها وهيه تحبه بس الفكره صعبه شوي مع العلم انه اخوانها وخواتها مب متقبلين الفكره وووالدها ووالدتها وايد فرحانين لانهم عارفين الناس.
هل ترفضه وتخسر انسان حبها بصدق وترضي اخوانها وخواتهااو انها توافق عليه وتظفر بواحد حبها
والولد بصراحه ماينعاب بس مشكلته انه صغير

ملاحظه هو فاتح اهله بالزواج منها يعني مب هم اللي ضغطوا عليه

شو رايكم
لا تبخلون الله يخليكم بالردود

FLYING BIRD · 08-11-2005, 18:12

الحب يمحو اى فروق وفرق سنة لا يعد كبيراً ، عليها بالأستخارة بداية واذا شعرت خيراً فلتقدم بسرور على تلك الزيجة ففيها الخير انشاء الله .............الشاب يحبها وهو شاب لا يعيبة شيئاً فما المانع

FLYING BIRD

دلوعـ أبوهآ ــة · 08-11-2005, 19:05

اقتباس:

هل ترفضه وتخسر انسان حبها بصدق او انها توافق عليه وترضي خواتها واخوانها؟؟

أكيد (( لا ))
مآفي أي سبب لـرفضهـآ له
واذا خوانهآ وخواتهآ الحين معـهـآ بكره بيتزوجون ومحد يبقى لهـآ
اذا مآتزوجت اللي يحبهآ وتحبه

واذا رفضته وخسرته بتكون خسآره كبيره لهآ
لان الفرضه مآتجي بعمر الانسـآن الا مره وحده بس ..

اقتباس:

والولد بصراحه ماينعاب بس مشكلته انه صغير

دامـ مآفيه أي عيب .. وين المشكله ..!!
صغر السن مب مشكله

(( عقل الانسـآن مو بـ عمره ))

وبعدين سنه وحده مآتفرق كثير ...

اقتباس:

ملاحظه هو فاتح اهله بالزواج منها يعني مب هم اللي ضغطوا عليه

وهذا أهمـ شي
عشآن تكون بداية زواج نآجح ..

:
:

دلوعــ أبوهـآ ــة

مسكين حالي · 08-11-2005, 20:27

FLYING BIRD

احسنتي. رد جميل ومقنع بصراحه

مسكين حالي · 08-11-2005, 20:28

دلوعـ أبوهآ ــة

اشكرج على المرور حبيبتي

هل من ردود اخرى؟؟

الدبلوماسي · 08-11-2005, 23:00

اقتباس:

والولد بصراحه ماينعاب بس مشكلته انه صغير

الصغر مو مشكله يالغاليه
ياجماعه نبينا الكريم تزوج خديجه وهي اكبر منه بـ 15 او 20 سنه
عمر الكبر والصغر ما يؤثر على الحياة الزوجيه دامها قامت على الموده والرحمه
مع تحياتي

MR.soso · 08-11-2005, 23:09

قولها اهم شي انها هي تحبه وهو اخلاقه زينه والعمر موب مهم وخصوصا ان الفرق الي بينهم سنه وحده ومااعتقد انه مؤثر لهذي الدرجه واهم شي انه قد المسؤوليه لتحمل الزواج

مسكين حالي · 08-11-2005, 23:16

الدبلوماسي
اشكرك على ردك وفعلا مثل ماقلت في العمر ماله تأثير اهم شي يكون قد المسؤوليه

والله يكتب اللي فيه الخير ان شالله

مسكين حالي · 08-11-2005, 23:28

MR.soso
اشكرج على تعليقج الغاليه
وفعلا اهم شي الاستخاره ومن ثم الارتياح

مسكين حالي · 08-11-2005, 23:29

هل من ردود اخرى؟؟
ومنكم نستفيد

الشاكوش · 09-11-2005, 02:43

السلام عليكم و رحمة الله و بركاته

ارضاء الناس غاية لا تدرك وبعدين اي اهم انه امها و ابوها راضين عن هذا الزواج او اخوانها

اذا هذا الرجل ممن يرتضى دينه و خلقة تستخير ربها و لا تناظر لكلام الناس لان العمر ليس عيب شرعي

انا اللي قاهرن انه تلقى الواحد ليته يبي يفصل له زوج او زوجة على مزاجه بس لا و يبي يفصل لغيره و على مزاجه بعد.

و الشاكوش يتمنى منكم قبول التقدير و الاحترام

مسكين حالي · 09-11-2005, 23:12

اشكرك ياالشاكوش على التعليق وفعلا كلامك مقنع

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

هل نعتبرها مشكله او مسأله عاديه؟؟