عالم الحياة الزوجية - منتدى

يمكنـ وهمـ · 13-11-2005, 11:05

السلام عليكم

عندي سؤال للبنات وهو :

ليه البنت تلبس لبس وسيع داخل البيت وتلبس لبس ضيق برا؟

وش الهدف من هذا.. استعراض عضلات ..ولا اغراء ..ولا شو..

ومنكم نستفيد

انتضر الاجابات المقنعه على نار..

ام وليد · 13-11-2005, 11:16

سؤالك عاااااااااااااااااادي بس انه معقد هههههههههههههههههههههههههههههه من ضمن السهل الممتنع..

بالبيت يالطيب الوحده تلبس اي شي واسع ضيق والواسع للراحه والخروج عن اللبس الرسمي يعني مو معقوله الوحده تطلع لمشوار وهي لابسه دراعة بيت لان كل مقام له لباس وكل مكان له لبس غير

هذا رايي الشخصي

ومثلكم يالرجال ليش الواحد بالبيت لبسه غير ويوم يطلع يكشخ بالثوب المكوي والشماغ والتشخيصه..........؟

راهي الدمام · 13-11-2005, 11:17

<<<<<<<<<<<< داخل لقافه

واقف مكتف يدينه.. ويضرب بقدمه على الأرض.. وينتظر الإجابه

الطيبة · 13-11-2005, 13:02

لأن اللي في البيت معتمين ههههههههههههه

===== وي بسم الله عليهم

حتى لو لبسنا يونية عيش محد بينتبه

والله نلبس ما نخلي شي .. القصير و الضيج و الطويل و المشخلع على قولتهم... كل شي يا أخي...... ما نخلي شي

و حتى لو لبسنا لبس وسيع يكون حلو مب مبهدل يعني شي هادي و مرتب ... و مريييييح.. أهم شي مريح... تعرف الجو عندنا حر

و في الزيارات و العزايم نلبس و نكشخ بعد .. يعني على حسب المناسبة و على حسب جسم الحرمة .. ساعات ضيج ساعات وسيع يعني كل وحدة تلبس اللي يناسبها.... و كل وحدة تبي تكون حلوة أكيد

اقتباس:

المشاركة الأصلية كتبت بواسطة ام وليد

مو معقوله الوحده تطلع لمشوار وهي لابسه دراعة بيت لان كل مقام له لباس وكل مكان له لبس غير

هيه والله

مشكور يا أخي على الموضوع

يمكنـ وهمـ · 13-11-2005, 13:06

ام وليد مشكوره على مشاركتج معانا

صح الواحد يشخص ويكشخ اذا جاء يطلع برا ..بس لبسه عادي مب مغري مثل الحريم

انا استغرب بصراحه من الحريم الي يمشون ويمسكون عبايتهم من قدام ويسحبونها على قدام وهم يمشون

وش الهدف من ذا كله ؟

مادري يمكن بعض الحريم يشوفون الضيق كشخه

الطيبه مو مشكله في البيت عادي صح بس مايلبسون البس المشخلع على قولتج بره الا في مشكله

وماحب اني اذكرها <== بحر قلبج هههههههه

انا ماقول تلبسون دراعه اذا طلعتو بالعكس اكشخو بس كشخه معقوله

يقول المثل:

الحبل القصير يجر حمار واحد والتنوره القصيره تجر ميه ؟؟؟؟؟تكرمون

راهي الدمام حنا مثلك ننتضر الاجابه

الطيبة · 13-11-2005, 13:06

اقتباس:

المشاركة الأصلية كتبت بواسطة ¶§»يمكـ§ـن وهـ§ـم«§¶

وش الهدف من هذا.. استعراض عضلات ..ولا اغراء ..ولا شو..
انتضر الاجابات المقنعه على نار..

مب إستعراض عضلات و لا شي....... أصلا ما فينا عضلات هههههههه

بس ..كل وحدة تبي تكون حلوة يا أخي

يمكنـ وهمـ · 13-11-2005, 13:30

اقتباس:

المشاركة الأصلية كتبت بواسطة الطيبة

مب إستعراض عضلات و لا شي....... أصلا ما فينا عضلات هههههههه

بس ..كل وحدة تبي تكون حلوة يا أخي

لا ياطيبه فيكم عضلات من يقول مافيكم

زمردة · 13-11-2005, 13:42

انا مع الطيبه بكلامها
واصلا عندنا بالسعوديه والملتزمين بشكل عام اللي يلبسون عباءه هذي اذا صارت عبايه سنعه حتى لو اكشخت والبست الضيق ابد مايبان منها شي بس الحين حتى العبايه صارت فتنه

ومشكور وسمي على موضوعك ولك ارق التحايا والك وح ش ه

رادن · 13-11-2005, 14:05

حرررام عليكم لاااا تسيئون الظن صحيح إحنا نسوي كذا يعني نكشخ برا البيت لأن المره بطبعها تحب الزين والكشخه وما تبي احد يناظرها إلا وهي كاااشخه حتى لوكانت صديقتها يعني عندها بالفطره تعطش لكلمات الإطراء والمدح ولو من أقرب الناس لهاواللي لازم تتأكد منه إن النساء لهم عااالم خاص في تفكيرهم وحياتهم وأعتقد ماحد راح يفهمنا كثرنا

صـمـت الـوجـود · 13-11-2005, 17:13

وعليكم السلام,,
طيب أنا عندي سؤال قبل أجاوب على سؤالك
ليه البنات الحين يلبسون العبايات بهالشكل؟؟
العبايه أنا الي أشوف بالأسواق وكل مكان صارت موضه والبنات الله يهديهم صاروا يتبعونها أول بأول كل يوم شكل غير..!!
مع أني شخصياً نفسي أعرف وش فاتن البنات فيها يعني تطلع تعرض وبس الستر وينه والعبايه عباده قبل لاتكون عاده لكن الله المستعان صارت بوقتنا الحالي عااااده وبس,,,

سؤالك ليه البنات مايلبسون ضيق في البيت ويلبسونه برا البيت أتوقع كلها قناعات شخصيه بالأول والأخير يعني البنت إذا متعوده على اللبس الضيق والقصير بتلبسه جوا البيت وبرا..
وأعرف بنات مايلبسون في البيت عشان أخوانهم مايبغونهم يلبسون <<وإذا طلعوا ياكافي ماأدري وش غطت بس؟؟
يعني بالبيت أهلها مقيدين حريتها لكن برا البيت تأخذ راحتها على الأخر ولا فيه شيء يردعها..
إذا لم تستح افعل ماشئت...
سؤالك نفسي أسأله لكل البنات مع أني بنت بس ماأدري ليه البنات من جفره لدحديره على قولتهم
كله تشرب لحضارة الغرب بنظرهم أنها موضه ولازم يمشون عليها ..
طيب تمشي على الموضه بالستر وبدون أستعراض وإغراء...
كلامي مايخلص ,,,

يوم آخر · 13-11-2005, 20:52

الاسباب كثير ...خذ مثلا

1 .. لتسمع كلام حلوة هي محرومة منه للأسف بعض النساء لا تشعر بأنها أنثى ألا أثناء معاكستها..(( هداهن الله))

2 .. لأن الموضة تقول أن الفتاة الرشيقة أكثر جمالا فتتعمد بعضهن لبس الضيق لان الواسع لا يظهر رشاقتها ..(( عقول فارغة ))

3 .. لأن أكثر مايهم بعض النساء أن تظل صغيرة لا تكبر أبدا والملابس الواسعة للأسف تظهرها كبيرة في السن ..((قمة الحماقة))

4 .. لان بعضهن الود ودها تفسخ العباية لكن مابيدها فتلبس عباية مخصرة وتكون ضربت عصفورين بحجر

فلا هي تركت العباية فيثور عليها الجميع ولا هي لبست عباية مثل الخلق والناس ..

5 .. التقليد الاعمى ..

ومع ذلك أنا أتفق مع رأي صمت الوجود .. اللي متعوده على الضيق تلبسه في كل مكان حتى في بيتها

يوم آخر · 13-11-2005, 20:58

.

طابت علومي · 14-11-2005, 00:58

اعتقد قصدك بالعباية الضيقة صح؟ابشرك غيروا الموضة الحين الموضة الفراشة واسعة ومفتوحة من قدام .اللة يهديهم.
القصد مدري عنهم كل وحدة وضميرها انا لما كنت البس زيهم كان هدفي الوحيد حب الاناقة ويأنبني ضميري لما خليتها وخليت الاناقة في مجال اخر.
اما اذا قصدك لبس البنت عند البنات والنسوان كذا ملابسنا مدري تبي نلبس ثوب؟او يشبة لة امبسيبل.
وبالبيت عادي ممكن البس لو اني مافضلة للي ماتزوجت مو حلو تظهر مفاتنها عند اخوانها وابوها .

نـدى · 14-11-2005, 00:58

اقتباس:

الحبل القصير يجر حمار واحد والتنوره القصيره تجر ميه ؟؟؟؟؟تكرمون

________
اتفق مع شمعة في اللي قالته .... وخاصة في النقطة الاولى ....

اقتباس:

1 .. لتسمع كلام حلوة هي محرومة منه للأسف بعض النساء لا تشعر بأنها أنثى ألا أثناء معاكستها..(( هداهن الله))

سليييييييييييييييم مية مية......
وطبعا كل بلد والمتبع عندهم ... عندنا في السعودية لبس العباية هو الدارج.. ومثل ماقالت زمردة...

اقتباس:

واصلا عندنا بالسعوديه والملتزمين بشكل عام اللي يلبسون عباءه هذي اذا صارت عبايه سنعه حتى لو اكشخت والبست الضيق ابد مايبان منها شي بس الحين حتى العبايه صارت فتنه ..

صحيح وبالرغم من لبس العباية تشوف العجب العجاب ...... وفي الحقيقة شي فطري عند المراءة انها تحب تشوف حالها جميلة وين ما كانت ... سواء داخل بيتها او خارجه لكن ساعات يزيد عندها العيار حبتين او يمكن ثلاثة (( على حسب حالة النقص العاطفي عندها ... )) ويمكن في الحالات النقص الشديد يتحول عندها هذا الموضوع الى مــــرض خطييييييير اسمه ...((انا جميلة )) ومعناه ... لازم الكل يعجب ويفتتن فيني ... ويمكن يكون جمالها عاااادي جدا لكن تبي تثبت لنفسها اولا وللجميع ثانيا ... انه بمقدورها ان تلفت النظر ...(( عافانا الله ))..
وتعمل كل شي واي شي في سبيل ارضاء غرورها الداخلي .... لانها تحس ب الرضى التام لما تشوف ان الجميع يأشر عليها بالبنان ... وتكون في قمة السعادة والبسطة والونس لما تحس ان النظرات تلاحقها وين ماراحت... والاشباع الذاتي يكتمل لما تسمع كلمات الغزل من كل حدب وصوب .... يزداد غرورها لما يزيد عدد المعجبين والمعجبات .... وفتزرع في اعمااااااااق اعمااااق قلبها قناعة تقول ... سحري لا يقاومه احد ..........
وكون على ثقة انها تعمل جاهدة في كل مرة تكون احلى واجمل من المرة السابقة ......
لا هذا غير التقليعة اللي طلعت من سنوات وهي ... تروح الوحدة للكوافير وتقولها ابي ميك اب سوق ..!!!!!!!!!!! ولا بعد ماتتعب على نفسها مااقولك انها تكشف لا تتلثم لانها تطلع احلى واجمل ... لان اللثام يخفي كثير من العيوب ويبرز جمال العيون اكثر واكثر ......
وبصراحة انا ماراح اقول المفروض الوحدة تطلع من بيتها شكلها يلوع الكبد او بعباية مغبرة وماادري منين جيبتها لا ... حلو انها تكون مرتبة ...
...المهم انها تحترم حالها وماتتعدى حدود الاحتشام ... ====>> حتى ماتجر وراها مية حماااار

تحيتي لك يمكن وهم ... وكل عام وانت بخير (( بعد الزحمة ))

بنت الرجال · 14-11-2005, 02:30

اللبس الضيق وش تقصد به اللي بالزيارات النسائيه ولا قصدك العبايات الضيقه؟؟؟

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ســــؤال للنساء فقط؟ ابيكم في كلمه راس