عالم الحياة الزوجية - منتدى

المعرف · 03-09-2004, 07:46

السلام عليكم ورحمة الله وبركاته

يا اخوان عندي مشكله وابي اخذ رأيكم فيها لانكم ما شالله خبره يعني متزوجين

انا ولله الحمد من عائله مقتدره ماليا

المشكله ان انا انسان خجوول لابعد درجه ما اعرف اكلم الجنس اللطيف ماعندي اسلوب او ما اقدر

وانا اصلا ماجربت هذا الشيء لاني اعلم انه خطأ انك تكلم وحده غريبه عنك حتى خالتي وعمتي ووو كلهم ما اقدر اتكلم معهم

بعطيكم قصه حلوه

في يوم عمتى مرضت ودخلت المستشفى فبلغوني فرحت واشتريت حلااو بقر لا امزح اشتريت هديه والمهم ادخل المستشفى والاقي اولاد عمتي واقفين بره لان الحريم عندها جلسنا شوي الا وشافوا لي الطريق ودخلت اول ما دخلت لقيت 8 حريم متغطيات وجالسين حوالينها

وتخيلوا الحريم كلهم يناظرون في

المهم لا اطول دخلت سلمت عليها وحطيت الهديه وقلت ما تشوفين شر هي لسه تبي تقول كيف الحال انا خرجت من الغرفه ما قدرت والله قابلت اولاد عمتى بره قالوا ما امداك

شغلت السياره والله اني طاير من الفرحه هم وانزااح هذي وهي عمتى وشلون لو كانت وحده ثانيه والله يغمى علي

كلمت الوالده الله يحفظها وابيها تتدور على الغائبه <--- لايكون في عضوه بهالاسم وابلش

الوالده تقول وش تبيني اقلهم يدخن <--- عندها هالشيء مصيبه

قلتلها ان رفضوا ما همني ندور غيرهم واااثق

وانا عن نفسي بلشان في شوفه شرعيه وفي ليلة دخله وفي اشياء كل ما اتذكرها والله قلبي يدق فصرت ما افكر في الموضوع

السؤال الاول

تنصحونا نتزوج او لا نصبر علما ان عمري 23 سنه

اذا نعم والخجل ذا وش اسويبه

علما اني حتى مع اقاربي ما اقدر لكن مع خوياني والله ازعجهم وكلهم يقولون لي وش حليلك واني طيب وحبوب و و و ..ز الخ كلها مدح

رأيكم ياشباب

انا والله كنت مستحي اكتب هالموضوع لكن مادام البساط احمدي هنا وما احد يعرفني

<--- هذا اكبر همه فقولوا اللي تبونه

اطيب الامنيات لي ولكم

اخوكم

المعرف

ابوانس العجمي · 03-09-2004, 07:54

ياخوى والله انك مثل حالتي انا اذا شغلت السياره ووديت الاهل لسوق

عيوني بالارض ماارفع راسي بس للاسف الشباب اذا شافوك عيونك بالارض قال يارخمه

انا نفسك عزوبي ودي اتزوج بس خلها علي ربك

اخوك:_ ابوانس العجمي

المعرف · 03-09-2004, 08:04

والله انك صادق

قل الحمد لله لقيت واحد مثلك والحين ان شاء الله يردون ويعطونا الحلول المناسبه

يا اخي هذا يدل على التربيه الطيبه ولا مو

~¤©§][الصايرة][§©¤~ · 03-09-2004, 10:48

السلام عليكم

أولاً الوضع طبيعي جداً وبالعكس شي جميل انك تستحي

فالخجل شعبة من الايمان

ثانيا

كل شاب وكل فتاة وقت النظرة الشرعية يصيبهم نوع من الارتباك

فهو شيء يحصل لأول مرة

بس انصحك خذ معاك مناديل ورق

لأنك تحتاجهم كثير

حتصب عرق اللين تقول بس

ومن ناحية الكلام مع الجنس اللطيف

انت جيب بنت الحلال وشوي شوي تتدرب عليها

أكيد ما بتصير فلته من أول يوم بس بالتدريج يصير الموضوع عادي

وبعدين خجلك بيخليك تقعد عزوبي على طول طبعا مو منطق

المهم توكل على الله وخلهم يخطبولك

وقبل لا تروح تشوفها تعال هنا ونقولك وش تسوي

ديـــــــــــما · 03-09-2004, 10:53

المعرف اذا بغيت تروح تشوف خطيبتك

أمــــــــــزح الله يوفقك

اختي ديما الموضوع جاد ومانبي احد يزعل منك

فمـان الجرح · 03-09-2004, 11:42

أخي المعرف عندي اسئلة كثيرة ممكن

1- هل انت خجول من صغرك ؟
2- هل انت تخجل من الجنس الناعم فقط ؟
3- هل خجلك يعتبر مرضا في نظرك ؟
4- هل يحمر وجهك وتتصبب عرقا عند الكلام ؟
5- اوصف شعورك واحساسك عندما تكلم اي انسانه غريبه ؟

على حسب هذه الاسئلة من الممكن ان نجد لك حلا

جاوب وبكل صراااااااااااااااحة لانها بتحدد كل شئ

نوف

WarDyah · 03-09-2004, 12:14

هههههههههههههه ياحلو اللي يستحوووووووووون

من جد يعجبني الرجال اللي يستحي ..

اول شي طبيعي انك تستحي وهذا المفروض انه يصير لان انت ماسويت علاقات مسبقه .. هذا شي طبيعي بس انصحك حاليا حاول تتداخل بعماتك اكثر وتجلس معاهم لان انت اظاهر ماتشوفهم الا في السنه مره .. هذول عماتك وواجب عليك توصلهم ... وبالنسبه لزوجه المستقبل لما تجلس معاها انت بتحس نفسك القائد و راح تفرض شخصيتك عليها شوي شوي ... مو شرط ان يصير بينكم شي اول يوم ... خلها لحد ماتتعودون على بعض

تحياتي

ورديــــه

المعرف · 04-09-2004, 05:51

1- هل انت خجول من صغرك ؟
لا في مرحلة الشباب تقريبا

2- هل انت تخجل من الجنس الناعم فقط ؟
لا في بعض الرجال اللي هم الكباريه ما اقدر اتكلم معهم واتهرب من جلستهم

3- هل خجلك يعتبر مرضا في نظرك ؟

لا انا اشوفه ميزه لكن عندي اخوي الكبير دائما مشاكل معه بسبب الخجل لاني ما احضر عزايم ولا شيء

4- هل يحمر وجهك وتتصبب عرقا عند الكلام ؟
والله القلب يدق وفي ربكه

5- اوصف شعورك واحساسك عندما تكلم اي انسانه غريبه ؟

انا ما اتحدث مع حريم ابد انا مره تكلمت مع وحده وكان عن طريق صديق لي عطاني جواله وقلي كلم المهم كلمت وانا ما اعرف من المتحدث لقيتها تسال كيف الحال وليه ما تكلم بنات وليه وليه بصراحه رميت التلفون في وجه صاحبي مارديت عليها قلبي يدق ومرتبك مع اي بنيه ما اقدر اتمالك نفسي مدري ليه لكن الجمل تطلع مني عادي يعني اعرف اتكلم

ديما خذي راحتك

عيدي الكلام ما قريته بعد اذن المشرفين

المعرف · 04-09-2004, 07:20

الاخت الصايره وورديه ونوف وديما

الله يعطيكم العافيه

بس ما تلاحظون انه كل اللي ردوا بنات يالله ياشباب همتكم

<--- متحيز للشباب

King · 04-09-2004, 09:08

اخي المعرف

انت مشكلتك مع الفتيات واللي قاموا بالرد عليك هم الفتيات وهذه هي الخطوه الاولي في علاج المشكله
اشتراكك في المنتدي اولي خطوات علاجك وسوف تتجرأ وتنسي الخجل اللي انت بتعاني منه لانك سوف تقوم بالرد علي الفتيات وسوف تناقش بالموضوعات وهذا مع الوقت سوف يعطيك شئ من الجرأة
تحياتي
اخيك
الكنج

المعرف · 05-09-2004, 08:58

هلا اخوي الكنق

شاركنا في اكثر من منتدى واصبحت من المشرفين ومزحنا مع بنات وسويت كل شيء لكن ما في فايده انا اقصد كمواجهه وليست ككتابه هنا المصيبه

الله يعطيك العافيه

احبك وربي احبك · 05-09-2004, 13:58

اهلا فيك المعرف

وتبي النصيحه مني توكل على الله وتزوج

وبالنسبة لمحارمك تستحي منهم غريبه هذي المفروض يكون الوضع

عادي حاول تتقرب منهم اكثر قبل ماتجي زوجة المستقبل عشان تتعود

وبالنسبة للزوجة مااعتقد انك راح تستحي منها ليلة الدخلة يمكن فترة

الخطوبة بيصير شوي خجل من الطرفين وهذا شيء طبيعي لكن ليلة

الدخلة هي بنفسها بتموت من الخجل فراح تكون انت المسيطر في

الكلام شوي شوي راح تتعود عليها وماراح يكون بينكم خجل

وبعد شهر اوشهرين راح تقول استحي يابنت لايزعلون علينا البنات

ارجو ان اكون افدتك

مع اجمل تحية

احبك وربي احبك

المعرف · 07-09-2004, 15:02

كل ما قلته صحيح

الله يجزاك خير اخوي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

مشكله وابيكم كلكم تعطوني رأيكم