عالم الحياة الزوجية - منتدى

مسكين حالي · 23-11-2005, 02:55

السلام عليكم
السؤال موجهه لمعشر الرجال

وياريت احصل اجابات تقنعني وتدخل راسي

هل تختلف نظره الشاب الصغير يعني بين عمر 20وفوق المقبل على الزواج عن شاب ثاني عمره 25 وفوق يعني من ناحيه الاوضاع الجنسيه من حيث المداعبات وغيرها
يعني معقوله تكون عقلياتهم مختلفه خصوصا انه الكبير بيكون ملم وفاهم والصغير يمكن يكون اكثر عنف ؟؟مادري والله.
سؤالي هذا بسبب تعليق حد من صديقاتي لما عرفت انه خطيبي صغير قالتلي عباره خوفتني بصراحه:قالت الكبار متفهمين وعاقلين لكن الصغار هم اللي ينخاف منهم وبتهلكين

وراح ادعيلج والله يكون في عونج خصوصا انه الولد كان باغني من 5سنوات وانا لين الحين والله افكر ومتردده
علما باني اكبر عنه ب11 شهر تقريبا وانا مرتاحتله بس فكره الزواج من اصغر عني مب داخله راسي واقول اتزوج اكبر افضل؟؟
ياريت تعليقكم

حب بلا حدود · 23-11-2005, 03:15

حبيبتي و انا متلك تقريبا ..خطيبي صغير عمره بس 22 سنه و انا 21 و من 4 سنين و هوه يلمح على الخطبه و من كم شهر تمت
بس كل الناس يقول لي انو صغييييييييير و رح تتعبي معاه و يمكن عشان فرق السن بينكم قليل بس سنه وحده يتزوج عليك بالمستقبل و هدا الكلام..المرأة تكبر قبل الرجل وووووووو
صرت كتييير خايفه اكمل الموضوع و اتزوجه من تحذيرات الناس التي لا تنتهي ابدااااااا
لدرجه انو بعض الناس قالولي انو يمكن بعد كم سنه يحس انو ختياره كان متسرع و يبدا يتغير معاك؟؟؟؟؟؟؟؟
ما بعرف شو الحل متلك؟؟؟ بس انتى ادرى الناس بطبيعته و عقليته و اخلاقه
اسئلي عنه كتيييير خاصه اصحابه و جيرانه و اذا كان واعي و تصرفاته مع الاخرين متزنه صلي الاستخاره و توكلي على الله

مسكين حالي · 23-11-2005, 03:35

حب بلا حدود
الله يعطيج العافيه حبيبتي على ردج

مابجذب عليج لانه العبارات اللي انتي سمعتيها انا سمعتها وشفت الصد من اخواني وخواتي بس امي وابوي راضين .الولد ماينعاب وفوق هذا هو اللي مختارني وانا اعتبرته مثل اخوي بس ماانكر اني كنت معجبه فيه
انتي تقولين الفرق بينكم شهور وهو الاكبر ويحذرونج
انا اللي شو اقول؟؟اكبر عنه بسنه تقريبا والكل مب متقبل هذي الفكره وحتى امي وابوي كانوا يقولون انتي تبيلج واحد يعقلج مش يتخبل مثلج على سوالف طبعا
وانا كانت مبادئي تقول اني اخذ واحد اكبر عني بكذا سنه وصدقيني انا ماوافقت علشان محد يتقدملي او شي لا والله ولا فوق العشرين واحد اتقدم وماشالله مايعيبهم اي شي مناصب واخلاق وشهادات وصلاه ونسب وحسب بس محد يدري وين نصيبه؟؟
انا الحمد لله استخرت ويمكن لاني عارفه الولد واهله ارتحت اكثر
بس خيفانه لاقدر الله اندم مستقبلا بس اعرف انه الولد يموت علي اخاف تكون فتره وتعدي لاقدر الله؟؟
محتاره وفتحتي علي ابواب ماودي اتكلم عنها ؟؟احس اني مب فرحانه وفي نفس الوقت افرح يوم اشوف امي وابوي وخواتي الصغار فرحانين لي .اما الكبار فكل واحد يعاملني باسلوب مختلف عن اول ؟؟
دعواتكم لي بالتوفيق

مدينيه · 23-11-2005, 06:32

الكبر كبر العقل مو كبر السن

والله يوفقك أهم شي انتي تكوني واثقه من عقله ومتفاهمه معاه ومافيها شي اذا صارحتيه عن مخاوفك شوفي كيف بيكون رده

والله يكون معاكي ويخترلك الافضل لان الانسان مايعرف فين الخير..

فصل الربيع · 23-11-2005, 07:37

يا عزيزتي لا تخافي ولا تحاتي انا أعرف شاب ارتبط بفتاة تكبره ب3 سنوات وكلنا تفاجئنا بالخبر لكن بعد الزواج واللحين ماضلهم حوالي 3 سنوات وكلما سالت عنهم كنت اسمع الاخبار اللي تشرح الصدر عنهم فالحكمه فالعقل والتصرف وليس في السن والطول والعرض وانا اشوف من رايي ما دام الشاب اختارك بملئ ارادته وذكرتي انه كان يفكر فيك من 5 سنوات يعني انت تربعت على عرش قلبه من الطفوله والحب اللي ينشا ويتطور ويختمه صاحبه بالزواج لا يمكن ان يتلاشى وينتهي بسهول فكما ضل صامدا طول هذه السنين فطبيعي ستكون النتيجة انه سيبقى صلبا بعد للسنين القادمه توكلي على الله ولا تحطمي قلب هذا الشاب ، فلا اراه صغيرا فكم من شاب من قريتي تزوج في هذا السن وهو الان يملك اسرة ناجحة بمعنى الكلمة.

فهمتي شي

!!! أنا ما فهمت شي

>>>>> اتغشمر

أتمنى لك التوفيق والثبات

أرق تحية من أخوك
فصــ الربيع ـــــع

خجوله حيل · 23-11-2005, 07:56

استهدن بالله قلت يمكن فرق 5 ولا 6 سنوات طلعت سنه مدري 2 كبرن عقولكن وتوكلن على الله كل وحده منكن عارفه ريلها ويبيها صار له فترة والاتفاق والسعادة ماخصه بالشكل والطول والسن اهم شي الحب والتفاهم والانسجام برايي مخاوف مالها اي اساس من الصحة

بالتوفيق وادعولنا

مسكين حالي · 23-11-2005, 14:06

مدينيه
اشكرج الغاليه على الرد
وفعلا مثل ماقلتي الكبر كبر العقل والاخلاق،بس بعد بتم متخوفه طول عمري الولد يدرس حاليا ولين مااي البلاد يباله وقت علشان يشتغل ويرتب اموره مع اني اللي اعرفه انه هو المستعيل

وانا بصراحه عادي عندي مش مستعيله بس قالولي لازم تصبرين عليه لانه لحد الحاضر مايقدر على بيت او على اشياء يقدرولها اللي هم فوق ال25 وانا صابره ومتحمله والله يكتب اللي فيه الخير ان شالله

مسكين حالي · 23-11-2005, 14:09

فصل الربيع
اخوي العزيز كلامك وردك اثلج صدري

لانه جمله العشق اللي قلتها اسعدتني
انا اللي اعرفه انه اهل الولد ماشالله ماعليهم اي كلام ولاني كنت متخوفه بغيت اجيس نبض اهله اذا راضين وبصراحه قالولي في البدايه استغربوا من موقف ولدهم بس هم يدرون انه كان يباني ووقفوا معاه كلهم ومحد وقف ضده لانه الولد يوم يريد يتزوج المفروض محد يوقف حاجز في دربه
بس انا محد واقف جنبي غير رب العباد اللي ماتغفل عينه عن خافيه ووالدي وخواتي الصغار واصدقائي يباركون لي اما عن خواتي واخواني فلا تعليق

مسكين حالي · 23-11-2005, 14:13

خجوله حيل
انتي بصراحه عجيبه

رمسه العيايز تعيبني انا

انا تقريبا سنه ومسويه حفله ع السالفه كيف لو 6 مادري 5 سنين

قالولي تاخذيلج واحد يكبرج ب10 ولا اصغر عنج

مب كل صغير غبي وكل كبير ذكي والا شو رايكم؟؟

والله يوفقج ياعزيزتي

انا اشوف ردودكم مايخصها بسؤالي؟؟

الدبلوماسي · 23-11-2005, 14:20

كيف بيكون عنيف معك ؟؟ يعني بياخذ ساطور ويفصلك تفصيل قبايل ؟؟ههههههههههههه
لا عنيف ولا شيء ، انتم الاثنين بتكونو مشتاقين لبعضكم ، ويمكن تكوني اعنف منه هههههههههه
بالعكس قربكم من بعضكم عمريا يساعدكم على تخطي كثير من الامور
بطلو ها الافكار الغريبه ، اللي تخليكم كانكم رايحين المسلخ مو بيت الزوجيه
صحيح يكون الشاب الاكبر ثقيل وهادي اكثر من الصغير ، ولكن هذا مو مقياس تقاس به الحياة الزوجية
فتزوجي يابنت الناس ، ولا تنظرين لها الامور الصغيره ، وتخلينها سيف على رقبتك ترعبك وتكدر حياتك .
مع تحياتي

مسكين حالي · 23-11-2005, 15:06

ياعييييييييييييييني عليك يالدبلوماسي :d
وياعيني على توقيعك :d شكلي بتغزل فيه :d
فعلا كلامك منطقي وصحيح 100% بس ياريت الناس كلها تفكر بمثل تفكيرك على الاقل بنقول الدنيا فيها خير

مسكين حالي · 23-11-2005, 19:07

هل من ردود اخرى
لا تحسسوني اني يالسه اشحت منكم؟؟

كلمات · 24-11-2005, 02:10

خصوصا انه الكبير بيكون ملم وفاهم والصغير يمكن يكون اكثر عنف ؟؟مادري والله.

......................... جاوبتي نفسك ...بنفسك

مسكين حالي · 24-11-2005, 04:51

اختي كلمات
مشكوره على الرد

بنت النور · 24-11-2005, 05:29

اقتباس:

المشاركة الأصلية كتبت بواسطة فصل الربيع

يا عزيزتي لا تخافي ولا تحاتي انا أعرف شاب ارتبط بفتاة تكبره ب3 سنوات وكلنا تفاجئنا بالخبر لكن بعد الزواج واللحين ماضلهم حوالي 3 سنوات وكلما سالت عنهم كنت اسمع الاخبار اللي تشرح الصدر عنهم فالحكمه فالعقل والتصرف وليس في السن والطول والعرض وانا اشوف من رايي ما دام الشاب اختارك بملئ ارادته وذكرتي انه كان يفكر فيك من 5 سنوات يعني انت تربعت على عرش قلبه من الطفوله والحب اللي ينشا ويتطور ويختمه صاحبه بالزواج لا يمكن ان يتلاشى وينتهي بسهول فكما ضل صامدا طول هذه السنين فطبيعي ستكون النتيجة انه سيبقى صلبا بعد للسنين القادمه توكلي على الله ولا تحطمي قلب هذا الشاب ، فلا اراه صغيرا فكم من شاب من قريتي تزوج في هذا السن وهو الان يملك اسرة ناجحة بمعنى الكلمة.

فهمتي شي

!!! أنا ما فهمت شي

>>>>> اتغشمر

أتمنى لك التوفيق والثبات

أرق تحية من أخوك
فصــ الربيع ـــــع

انا مع الآخ فصل الربيع فالنضج مو بالسن عزيزتي بالعقل كم من كبير بالسن وزوجته اصغر منه بسنين وراح تزوج على زوجته
وصدقيني حبيبتي مسآلة المرأه تهرم اسرع من الرجل كانت زمان ايام كانت المراه تجيب 10 و12
بطن اما هالآيام الستات مدللين

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

سؤال شاغلني وايد