عالم الحياة الزوجية - منتدى

cool girl · 29-11-2005, 04:29

(شعار التميز من روح الفراشه)

الحمدلله والصلاة والسلام على رسول الله وعلى آله وصحبه أجمعين

أخواتي المتزوجات..كم يحب الزوج ان تتفني له في تغيير حياتكم وفي كسر الروتين..
فتعالي معي .. لتغيري حياتك وتسعدي زوجك..

مرة من المرات خطرت على بالي فكرة لتغيير الجو في المنزل..
طبعاً يبيلها استعداد مسبق..
والفكرة هي البحر.. حولت غرفتي الى شاطئ البحر..

قولوا وشسويت...؟؟
اول شي فرشت الغرفة تور ازرق فاتح وتركواز عشان يعطي انطباع انه البحر..ورميت بعض مجسمات للأسماك عليها
وطبعاً تركت مساحة قليلة فاضية يعني انها الرمل .. ولون الفرش عندي بيج يعني يمشي الحاال..

وعلى احدى زوايا الغرفة حطيت احجار من الفلين متوسطة الحجم..وأصداف وقواقع..
وطبعاً وزعت في الغرفة شموع وديكورات كلها على أشكال سمك .. وصدف .. وحجر..

والمفرش خليته بدرجات الازرق ..والتركواز.. وبعض المخدات الطغيرة على شكل سمك تلقونها في هوم سنتر..

حطيت على احدى الجهات .. مظلة ملونة.. ورميت كرات صغار ملونين..على طرف التور اللي على الارض..

وخلف السرير علقت شيفونات زرقا مموجه..
خلصنا من الغرفة..
................................نروح للحمام وانتو بكرامة..

تفرشين على الارض فوط بدرجات الازرق..وتملين البانيو ماي وتحطين فيه شموع على أصداف وسمك..
وتنثرين على أطراف البانيو أصداف وقواقع..

وطبعاً تخلين كل اكسسوارات الحمام على أشكاال صدف وسمك..
...........................انتهينا من الحمام .. نروح غرفة الطعام..
مفرش الطاولة ازرق..
شموع بيضا.. بكل الاحجام..
صحون على شكل سمك..
تلقون منها اعتقد في هوم ار اص.أو هوم سنتر..
ونجوم جليتر تنثرينها على الطاولة..

طبعا الوجبة تكون عبارة عن اكلات بحرية،،

..................................وأخيراً أنا..
طبعاً لبسي كان عبارة عن لباس بحري

..؟
وانتي وذوقك .. تبينه قطعه كاملة او قطعتين..

مع قبعة للبحر .. ونعال البحر..ونظارة..

تلقينهم في دبنهامز؟؟

واخر شي تسوينه .. تكتبين لوحة وتعلقينها على الباب..
انتظرك في امسية رائعة على شاطئ البحر..((أحبك))

يالله سوووووها وقولوا لي شرايكم ياحلوات..

م ل ط وووووووووووش

jamnaw · 29-11-2005, 09:33

رائع يسلموا

الكروموزوم · 29-11-2005, 09:59

حتى هوليود مايمديها على هالصنعه كلها

من جد مجهود خارق وجباررر

بس حريمنا ياكافي والله يبيلهم شهر لين يطلعون غرفة النوم بهالشكل

بس اللي انا اخاف منه انه بعد كل هالتعب وبعد ماتحطين اللوحه حقت الدعوه على غرفة النوم يجي الرجال ويشيلها ويكتب بدالها الغرفه للتقبيل

تقبلي تحياتي والله يعطيك العافيه

روح الفراشه · 29-11-2005, 10:19

موضوع جيد

تشكرين على النقل

فمـان الجرح · 29-11-2005, 10:23

يا الله خياااااااااااااال فكرة البحر ...

bissano · 30-11-2005, 16:53

مشكوووووورة حبيبتي

cool girl · 03-12-2005, 00:38

يسلموا يالغالين

سلطانكو · 03-12-2005, 12:53

شي لو فيه بعد كريمات حمام الشمس ......

مشكوره ويعطيك العافيه

الـقـنـــاص · 03-12-2005, 13:49

ههههههــ

شي طيب . . . وشدوو حيلكم على التجربه

تحياتي لك يالمبدع بالأفكار

ورد77 · 03-12-2005, 14:15

كول فكرة فعلا كوول..

لكن ما في فايدة لازم اسيفها عندي في الميموري( المخ) ههه ليما يجي وقتها وبسوي بعد فكرة البستان والغابة ...

الهمتيني افكار يا كوول ،، مشكووووووووورة

تحياتي

cool girl · 06-12-2005, 03:01

يســـــــــــــــــــلموا ورد 77 سيفيها يالغاليـــــــــــه

القناص مدري ليــــــــــــــه احسك تتطنز

شكلك من النوع اللي كلها تعبان وتبي تنام

.... خخخخخ الله يعين زوجتك او زوجه المستقبل

امزح امزح

<<< خافت

طفيت الشموع · 06-12-2005, 07:22

والله حلوه للحين ماتزوجت يصير خير اذا تزوجت
ههههههههههههههههههههه
بس توني اكتشف ان عندكم ذكاء يالامتزوجين ههههههههه
ههههههههههه
<<<<<امزح لاتشيلون في خاطركم هههه

عاشق المراة · 06-12-2005, 07:41

صورة حلوة
وفكرتها رائعة
لانها ذات مردود ايجابي
وخاصة باثارة النشاط الجنسي
وكانك على جزيرة
تسلموا يالغالية

cool girl · 07-12-2005, 02:17

طفيت الشمــوع انا مو متزوجه

الموضوع ملــــطوووش

ويسلــــــــوا على المرور ان شالله تطبقينها مستقبلا

هــــــــــــــلا عاشق المرأه يسعدنا تواجدك يالغالي

عفريتة هانم · 07-12-2005, 05:50

عالم فاضية

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

المتزوجه تدخل والعازبه بتنقهر لو دخلت :((