عالم الحياة الزوجية - منتدى

نوره وكمان نوره · 18-12-2005, 03:02

والله بالنسبه للقاعات
المقصوره حلوه وفيه درج لكن المشكله الاعمده الي فيه تحب الؤيه شوي
وقصر الرياض رائع بس يخوف شوي درجه
والي مايبي الغالي فيه درة اليالي نفس طريقة قصر الرياض بس ارخص
وفيه الحمرا بس كبيره جدا جدا تكفي 1000حرمه
وبالنسبه لغناتي سمعت عنها بس ماحضرت فيها

نوره وكمان نوره · 18-12-2005, 03:22

مثلا هذي بعض انواع المكياج:
http://ara8.com/uploader//uploads/12...9212494830.jpg

pink moon · 18-12-2005, 03:54

احبك يانورة ومن جد مو عارفه كيف اشكرك

تقترحين علي اخيط فستان الزفاف او اشتريه او استئاجره ومن وين الاقي حاجه حلوه مع العلم انا احب الفساتين الناعمة والسكريه أكثر من البيضاء ولا انتي عندك راي ثاني
وبعد ايش رايكم في فكرة ان تشتري الشنط بدري وكل مره تزوري فيها محل وتلاقي فيه حاجه تعجبك تشتريها وتحطينها في الشنطة
او تعتقدون هذي الفكرة بتضر الميزانية وتحوسها
ووين ممكن الاقي طقم شنط كبيرة حلو انا ودي بطقم يكون لونه غريب شوي تعرفي هذي الشنط بتستفيدي منها لمدة طويلة مره

وشكرا

الفجر الخجول · 18-12-2005, 04:23

اممممممممم

انا اقول فصلي احسن

وهذي بعض الفساتين

يمكن تعجبك؟؟

تحياتي المدمرة وبس

نوره وكمان نوره · 18-12-2005, 04:38

يسلمواااااااااااااااااااا على المرور

pink moon · 18-12-2005, 05:03

مشكورة اختي المدمرة
والله انك معمرة مو مدمرة
استفدت من ذوقك عجبني الثاني والاخير فيه افكار حلو ممكن نستفيد منها

وشكرا

الفجر الخجول · 18-12-2005, 05:57

اهلا بكم

وانا اذا عندي ماراح اقصر

HaVeN · 18-12-2005, 06:25

يا زينكم يا بنات....عجبني التفاعل كثير...الله يوفقكم جميعا ويفرحنا بزواجكم

صـمـت الـوجـود · 18-12-2005, 09:17

مرحبا عرايس كيفكم أن شاءالله مبسوطين..

لا وشدعوى أرسلتهاووصلتك هذي سميه اللي قلتلك عليها تصور..
لكن فيه وحده ثانيه والله نسيت اسمها صورت صديقتي مررره حلوه وتلعب بالخلفيات لعب وتفتح وتغمق على كيفك وغير كذا تدخلك خلفيات شعر اللي تبغيه على الشريط اللي تسويه لك وتكبر لك الصوراللي تبغيها وغير كذا اللي عجبني فيها بسرعه تطلعهم من بعد يومين بالكثير إذا مو مزحومه تخافين تطول أكثر من كذا وأنتي مسافره مثلاً..
المهم إذا بتسوين ليزر روحي ديرما للعيسى والله ذمه وماراح يلعب عليك وبيقولك الصراحه ..أحسه ثقه عن اللي غير..

المقصوره والله حلوه لكن مشكلتها زي ماقلتي الأعمده مع أني ماحضرت زواجات كثير في الرياض لكن تعتبر حلوه ..
تقولي باريس غاليري بكم الخلطه بتطلع لك على حسب أختيارك للمخلطات معها زيت لوز وتخلطيهم مع شوي مويه بعد ماتتحممي تدهني جسمك فيها وتتبخري وتلبسي فستانك ريحه شيء بصراحه ..
البرنامج وجهك وجسمك على حسب بشرتك وش تبغى كم جلسه بس إذا مو واهمه فهي 250 للجلسه..
وإلأ خوذي المقشر من عندهم وأستخدميه على راحتك بالبيت أنا سويت كذا لأني مو عروسه بس احب أقشر جسمي دايماً ..
وش بعد طقم الشنط فيه عند جارالله تلقي شيء حلو والأرواب حقاتهم بعد ..

فستان الزواج أحلى تفصليه وإذا تبغي مشغل حلو فصل لصديقتي على حسب مزاجها والقماش وكل شيء..
وطلع مرره مضبوط ومبين متعوب عليه..
وش بعد فكرة تقولي الشنط كل مره تشتري ترتبيهم ماأنصح فيها شوفي فيه طريقه مررره حلوه وتريحك جيبي نوته وأكتبي كل أغراضك اللي تبغيها من إلى لبس أكسسوار عبايه مكياج عطور والحفله ولوازمها وكل ماتخلصي من بند شطبي عليه وكذا تكوني جمعتي أفكارك وماتنحاسين ..

المهم بنات عندي فكره مررره حلوه لشنط السفر لماتجي تسافري (الالنجري) حقك كل طقم حطيه بكيس أورجانزا تعرفون قماش الأورجانزا يصير ثقيل شوي أختاري أوان كثيره وألوانه حلوووه بصراحه فواتح أكثرها وإذا حاولتي تنسقي كل طقم بلون يكون أحلى بعد ..المهم القماش توديه الخياط يسويه لك على شكل كيس ويبرط من فوق بالشد >>ماأدري فهمتوا علي..
وبعدها تريحي عمرك عشان ماتنحاس بالشنطه وتطلعيها مره وحده ويكون شكلها حلووووه مره..
صح كنت بقول المكياج والعطور خليها لك أخرشيء أحسن لك..
تصدقون ذكرتوني بصديقاتي وقريباتي وش نسوي وش نجيب

فيه شيء ثاني بعد ماأدري إذا تذكرت شيء جيت لكم ..
بالتوفيق..حبيباتي..

pink moon · 18-12-2005, 19:02

مشكوره ياصمت الذهب

واسمحي لي اسميك باهذا الاسم ياصمت الوجود لان بالفعل صمتك ذهب وكلامك يطيب الخاطر ويطمئن المحتار

وفكرت اكياس الاورجانزا ممـــــــررررررررررررررررررررررررررررررررررررررررر ررررررررررره حلوه

وياريت اذا مافيها ازعاج ترسلين لي رقم المصورة المشغل على الخاص

والشكر لكل العضوات معنا

pink moon · 18-12-2005, 19:29

مرحبا عرايس

تتوقعون كم فستان لازم يكون عندي وكم طقم رسمي وكم عباية وكم اطقم داخلية وكم قميص نوم وبجامه وكم روب حمام وكم عطر وكم شنطة جهاز كبير بحتاج وكم مفرش؟ مع العلم انا مو ناوية اخذ كثير

ايش رايكم بفساتيين السهرة في مجمع الموسى مو حلوه واسعارها مناسبة او التفصيل يكون اقل تكلفه

والاكسسوارات تلاقون محلات في اسواق المعيقلية شيء خيالي كلها تقليد على اطقم الماسات تجنن واسعارها من 15 ريال _120ريال بس

وبعد في مركز العقارية فيه محل يبيع اكسسوارات وساعات كلها تقليد لازوردي حتى ان لازوردي جنب المحل تقدرون تطلعون من المحل وتشوفون التشابه بيناتهم بس طبعا تقليد

وفيه محل الماسات اسمه الاثير في العقارية اسعاره تجنن وكل حاجة عنده ناعمة وانيقة

وانا لاحظة ان محلات المكياجات بسواق المعيقلية ارخص بكثيير من غيرها, لكن اي ماركة تنصحوني وش رايكم بمكياجي انا عاجني شكل العلب عندهم بس انا ابد مو خبره بالمكياج

وعطور باريس غالييري حلوه وتثبت ريحتها ومميزه

وتتوقعون ايش الاشياء الي راح احتاجها من الصيدلية وكمية كل حاجة منها

وياريت اختي نورة وكمان نورة اعرف رقم مهندسة الديكور صاحبة اختك اذا تقدر تساعدني في الكوشة

وسامحوني على اسئلتي الي ماتنتهي لكن والله صار لي مده بردة ويائسة ان احد يساعدني بعد الله سبحانه وماعد تحمست اجهز لكن الحين ربي ارسلكم لي تساعدوني

الله يوفقكم دنيا واخره

نوره وكمان نوره · 19-12-2005, 05:44

اتركم مع الصور:

وانشاء اللله تفيدكم

نوره وكمان نوره · 19-12-2005, 05:50

نكمل:

نوره وكمان نوره · 19-12-2005, 05:56

والحين ور التاجات بما انها موضه:

نوره وكمان نوره · 19-12-2005, 06:01

والتسريحات:

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 2 ( الأعضاء 0 والزوار 2)

عالم الحياة الزوجية - منتدى

عرايس الرياض......... خلونا نتعاون