عالم الحياة الزوجية - منتدى

نوره وكمان نوره · 19-12-2005, 06:04

الاظافر:

نوره وكمان نوره · 19-12-2005, 06:07

نكمل بالتسريحات:

نوره وكمان نوره · 19-12-2005, 06:12

للامانه جميعها منقوله

HaVeN · 19-12-2005, 06:26

نورة وكمان نورة..مجهود تشكري عليه صراحة...الله يوفقك ويسعدك

اما صموتة فمسكتة!! الله لا يحرمنا من طلتك الحلوة في القسم

بقية البنات ربي يسعدكم ويوفقكم <--صايرة كأني امكم هههههههههههههههه

نوره وكمان نوره · 19-12-2005, 09:49

يسلموااااااااااااااااااا
حبيبتي على المرور

صـمـت الـوجـود · 19-12-2005, 11:24

حبايبي والله أحرجتوني بكلامكم وماسويت إلا الواجب ومن فرج كربة مسلم فرج الله عنه كربات يوم القيامه..
يلا ببداءمعك وحده وحده pink moon

اقتباس:

تتوقعون كم فستان لازم يكون عندي

الفاستين على حسب ماتقتضيه حاجتك يعني لو أهل زوجك بيسون لك حفلات بعد الزواج وعزايم أختاري أكثر من واحد عشان بعد لوتفأجأتي بمناسبه ماتنزنقي...
بس أنتي في الرياض ومتى ماحبيتي تنزلي السوق لو قبل المناسبه بثلاث أيام يكفي..
دايم أقول للبنات لاتكثروا فساتين والله تتركن بالدولاب ويتغيرجسمك بعد الزواج تنحفي تسمني ماتعرفي وش يصيرلك..
والموضه دااايم تتجدد عشان كذا أقولك أنتبهي لاتكثري إلا حسب ماراح تستخدمي ومتأكده أنك بتلبسيه..

اقتباس:

وكم طقم رسمي

شوفي حبيبتي على حسب نوعية الناس اللي بتطلعي لهم..وعلى حسب أنتي وش تحبي ترتاحي بالرسمي وإلأ لا..
لكن أقولك لايزيدوا كثير عن حاجتك والبنات مايستخدمونه كثير الرسمي أكثر شيء السبور..
يعني لايكثر عن الأربع طقوم بتكميلاتها كلها ..

اقتباس:

وكم عباية

حبيبتي العبايه جيبي لك ثنتين يكفون..
أنتي تحبي تفصلي وإلا تشتري جاهز..؟؟

اقتباس:

وكم اطقم داخلية وكم قميص نوم وبجامه

عيني هذي حطي حيلك فيها لأن أكثر شيء بتستخدميه وماراح تخسري فيها أبداً جيبي على قد ماتقدري يعني كثرررررري مررره منها..

اقتباس:

وكم روب حمام

عيني هو يجي طقم كامل خوذي واحد يكفيك..

اقتباس:

وكم عطر

العطورات أهم شيء بعد الملابس اللانجري أحسها مرره أستخدامها مهم وكثيــر شوفي العطورات خوذي لك خط كامل لعطر حلو يعني مجموعته الكامله كلها ..عطرين مثلاً مجموعتهم مع مجموعتهم الكامله..والباقي لا عطر يكفي لحاله ..
ودهن العود والمخلطات..ومجموعات الجسم حقات الفواكه مثلاً..
يعني حددي أيش اللي تبغيه وإذا محتاجه اسامي مجموعات أوعطور أو دهن عود ولايهمك أكتبها لك..

اقتباس:

وكم شنطة جهاز كبيربحتاج

جيبي لك طقم كامل وشنط للمكياج ومجموعات الجسم وشنط للجزم وأنتي الكرامه..

اقتباس:

وكم مفرش مع العلم انا مو ناوية اخذ كثير؟

اثنين يكفون وبعدين أن شاءالله تجيبي على راحتك..

اقتباس:

ايش رايكم بفساتيين السهرة في مجمع الموسى مو حلوه واسعارها مناسبة او التفصيل يكون اقل تكلفه

فيه أشياءحلوووه لكن يبيلك روقاان وأنتي طالعه هالمجمع لأنك بتملين وأنتي تدورين..
فيه لمسات طيبه بصراحه أكثرفساتيني منه لأني احصل مقاسي وإذا تبغي تعديل فيه عدلك اياه ..ودااايم موديلاتهم حلوووه ورايقه وعلى مزاجك..

اقتباس:

والاكسسوارات تلاقون محلات في اسواق المعيقلية شيء خيالي كلها تقليد على اطقم الماسات تجنن واسعارها من 15 ريال _120ريال بس
وبعد في مركز العقارية فيه محل يبيع اكسسوارات وساعات كلها تقليد لازوردي حتى ان لازوردي جنب المحل تقدرون تطلعون من المحل وتشوفون التشابه بيناتهم بس طبعا تقليد
وفيه محل الماسات اسمه الاثير في العقارية اسعاره تجنن وكل حاجة عنده ناعمة وانيقة

المعيقليه يحكون عنها بس ماعمري رحت لها..

اقتباس:

وانا لاحظة ان محلات المكياجات بسواق المعيقلية ارخص بكثيير من غيرها, لكن اي ماركة تنصحوني وش رايكم بمكياجي انا عاجبني شكل العلب عندهم بس انا ابد مو خبره بالمكياج

شوفي حبيبتي الرخص يمكن رخيصه لأن فيسس وباريس أنوااع النصب علينا..
لكن ممكن تلقياها أرخص بشيء مو كثير....عندك مي أوزهرة مي تحصليها بكل مكان وين ماتروحي بس العطورات أخذها أحياناً منهم المكياج ماعمري أخذت لكن يقولون حلوو عندهم..
علب مكياجي حلووه لكن اللي أنا اللي مجربتهم وعمليات مرره شنط زهور الريف صراحه أحجام وأشكال خيـال وغير كذا حلووه..
ماركة المكياج على حسب نوعية بشرتك وبما أنك موخبره لازم أحد يساعدك فيه ..بدلك على وحده اسمها لبنى بباريس غاليري متعامله معاها من زمااان وصراحه مريحتني وفهمتعلي الحين وعرفت وش أبغى..
روحي لها بس أتذكر أنها على وشك ولادة...بس جربي روحي تسوي لك تجربه لكل شيء من الفونديشن لأخرشيء وإذا تبغي أي لون أوماركه قوليلها تجرب وشوفي بالتجربه اللي يناسبك وخوذيه...يعني لاتصدقين كل كلامها وتأخذي والسلام لا خلك ذيب>>>ماأدري بس ماأحب أحد يلعب عليك يعني خوذي اللي تحتاجين بس وتحسين أنك بتستفيدي منه مو تركنيه بالدرج وخلاص..وإذا تبين أروح معك ماعندي مانع ترى ماأصدق هههههههههه...

اقتباس:

وعطور باريس غالييري حلوه وتثبت ريحتها ومميزه

قلتلك عطور مي حلووه بس على حسب أنتي وش بتأخذي من العطور وبنزل لك أسامي العطوروالمجموعات ودهن العود اللي مجربتهم ونقي اللي يعجبك وبكتب لك أسامي المحلات ..

اقتباس:

وتتوقعون ايش الاشياء الي راح احتاجها من الصيدلية وكمية كل حاجة منها

ممكن نخليها أخرشيء لانها أشياء ثانويه تعتبر..

اقتباس:

وسامحوني على اسئلتي الي ماتنتهي لكن والله صار لي مده بردة ويائسة ان احد يساعدني بعد الله سبحانه وماعد تحمست اجهز لكن الحين ربي ارسلكم لي تساعدوني
الله يوفقكم دنيا واخره

يالغلا وش دعوى أسألي زي ماتحبي وقلتها لك من أول وأقولها الحين حنا خوات وبيجي يوم وترديها لي ماراح اخليك ههههههه..
تكفيني هالدعوه الحلوه منك

صـمـت الـوجـود · 19-12-2005, 11:33

حبيبتي تأمري بس بدورك الرقم عند صديقتي

نونو والله ذوقك شيء ربي يحفظك ..
التسرحات اللي أشوفه الحين الدارج صايرين يتركوه بدون تسرحه سشوار بس فيه حركات ورد أو فراشات أو بير أو تلفيف بسيط بالأطراف يعني موضة الرفع صارت قديمه شوي..
الأظافر والله حلووه خصوصاً لماتتسوى بالفرنسي يعطي شكل يهببببل وفيه كريستالات صغيره تطلع شيء..

وش بعد كنت بسألكم أخترتوا طريقة الزفه كيف بتكون ومن بيسويها لكم ..
فيه محل سوها لنا بشعر وبدون موسيقى بدف بس طلعت مررره حلوه إذا تبغون رقمه...!!

وبس فيه شيء ثاني أسألوا صمــت بالخدمه

..

pink moon · 19-12-2005, 22:36

مشكورات خواتي
والله مو عارفة كيف ارد لكم هالجميل
ومن ناحية الدعوات عمري ما حنساكم بحلاها

وانا اقتنع بكل اذواقكم ونصائحكم لان ماعندي غيركم بعد الله والله يحفظكم ويحفظ كل من ساهم في هذا المنتدى

وبنسبه للزفات كمان هذي محتاجه لخبرتكم فيها يعني انا اشوف اعلانات في الجرايد بس وش تنصحوني بالافكار والطريقة الي بنزف فيها
يعني انا افكر انزف انا وزوجي مع بعض وبعدين بعد مايدخل الوالد ياخذه معاه واظل انا لوحدي واطول بالجلسه وانبسط فيها واضل حوالي 2_3 ساعات بعدها ادخل صالة الطعام نتعشاء ونطلع
ايش رايكم ودي اسوي شيء جديد وبنفس الوقت ودي احلل هذي اليلة الي ماراح تتكرر وخسايرها
وبنسبه للصور الي تنعرض على شاشة عندكم افكار احلى

انا حضرة مناسبة كانت العروس طابعة اسمها واسم زوجها على كل حاجة وكل حاجة نفس الشكل البطاقات ودفتر التهاني ولكوشه وعلب المناديل والشوكولاته
وكانت معلقة إيشربات (مناديل حريرية ) على كل كرسي عشان يتغطون فيها الحريم عند الزفة وعن الكاميرة
وعند المدخل وفرة اشياء حلوه عند المرايا مثل الفرش والارواج والعطورات المناديل والبنس وسبري والسشوار
ياالله كان زواجه مرتب بشكل حلو مره ماشاء الله
تتوقعون احد من الشركات ساعدها بهذا الشي ووين هذي الشريكات وإلا هي من نفسها سوتها
انا حبيت اوضح هذي الافكار عشان يستفيد منها الكل

وشكرا طولت عليكم

نوره وكمان نوره · 20-12-2005, 05:25

صادقه حبيبتي صمت بس فيه ناس يقولون لازم العروس تحط تسريحه مجرد مبدء

ويسلموا على مجهودك الكبير في مساعدة بنك

والله يوفقنا اجمعين
وستارة كل ما شوف طلتك البهيه على الموضوع انبسط الله لايحرمنا من هل طله

صـمـت الـوجـود · 20-12-2005, 09:25

هلابكم صبايا..
كيف الحال..

ولوماسوينا إلا الواجب حبيبتي..
برسلك رقم اللي سوى لنا الزفه بزواج خالتو..
والطريقه تتفقي أنتي والمصوره حتى العرض بالبروجكتر هي راح تبتكرلك طريقه على حسب مزاجك..
برسلك الحين المصوره الثانيه أم كمال الأولانيه أنا حضرت لها زفه كان عرض البروجكتر مررره خيــال انبسطوا البنات وتصفيق وحاله بس اللي ساعد الصور كانت مرره حلوه صور صديقتي من يوم كانت بالمهد لحد حفلة الملكه كانت شــيء الصراحه ماشاءالله تبارك الله ...
أم كمال شفت لها صور لصديقتي الثانيه وكانت لاعبه بالخلفيات لعب مرره حلووه...جربي وصوري عندها إذا عجبك وإلا جربي غيرها..

أتوقع الزواج اللي تتكلمي عنه شركه ماسكته لأن الشركات يبين شغلهم ..
بس تقدري أنتي تسوي أحلى منهم إذا تعاونتي مثلاً أنتي وخواتك وصديقاتك وبنات عيلتكم والله يطلع الزواج شيء..
كذا طريقتنا حنا والله كأنه شركه ماسكته ماشاءالله كلهم يسألوا من سوها لكم من وين جبتوها...
يعتمد على الذوق والفن والترتيب..

الله يوفقك بنات ويتمم لكم بخيـر..

ريم المدينه · 20-12-2005, 18:41

بنات انا بساعدكم بشي بسيط بس انشاء الله يعجبكم في كوش مررره عاجبتني بشارك فيها معكم
هذي روووعه اسمها كوشة ليدي

وهذي كمان حلوه

وهذي كوشة الاحلام مرره ناعمه

يلا كل وحده تختار وحده
وربنا يوفقكم وانشاء الله اذا لقيت شي حلو اكيد بضيفه لكم حبايبي

pink moon · 20-12-2005, 19:18

مرحبا ريم المدينة

مشكورة حبيبتي لمشاركتك وتشرفنا بزيارتك لنا

والشكر لكل البنات معنا والله يوفقكم آمين

pink moon · 20-12-2005, 19:23

مرحبا عرايسنا

بنات لا يفوتكم صور مفارش السرير في موضوع غرف النوم للهامور
بركن الديكور

انا ما ادري إذا كان عادي انقلها لكم او لا

بس من جد حلوه

واذا عادي انقلها انقلها لكم هنا وتستفيدوا منها

وشكرا

صـمـت الـوجـود · 21-12-2005, 09:54

مرااااااااحب..

تسلم يدينك ريم حلوووه الكوش ربي يعافيك..
كوشة الأحلام احسها رووومانس مرره..

المفارش أحلى شيء حقت بيد آند باث وعمليه بعد...

صـمـت الـوجـود · 21-12-2005, 10:01

//مجموعات الجسم:
*زهور الريف ــــ نيبتون_التوت_الشاي الأخضر//عطرمايا// فيه كثير خوذي اللي يعجبك بس هذولي حلوووات.
*نكتارــــــــ التوت البري_يلش_دريم>>نفس الشي.
*بودي شوب ــــــــ المسك "جناااااان"_الجوبا>>نفس الشي.
*نعومي عنده مجموعات خيــال للعرايس صراحه مرره حلوووه..

//دهن العود:
محل الصفوة عندي توب ماعليه كلام وبتلقي عنده أشيلء حلوووه مررره إذا بغيتي فرنسي أو دهن عود..
أجمل،، خوذي منه:
سوسن-أبراج مع بودرتهن-TAKE OFF- بودرة دهن العود.
*جنيد في صحارى خوذي منه:
الحجر- ترف-ورود-دبي.
*سويس أربيان عنده:
كشخه.
*الشركه العربيه للعود خوذي منهم:
البحرين-مخلط الضيافه-السراج-الوافي-عطرنوف-عطرمدام ديلوكس-مسك مسّلق.
*عبدالصمدالقرشي.
*الرصاصي. فيهابتلقين أشياء تعجبك طبعا على حسب ذوقك.
*ملك العود في المملكه.

//العطورات:
*المعيقليه ومي زهرة مي.
*وجوه.
*باريس غاليري.
أسماءالعطورات من ذوقي عاد واختاري اللي يعجبك منها:
أميركأنه عود.
ماركل.
مذهله.
ستايل.
جلوريا.
ديوراديكت.
تشانس ومجموعتهاكلها حلوه.
لوليتا لمبيكا.
رومانس.
فيزيت.
كوكوشانيل.
Elizabeth Arden.
Sexy212.
BEAUTIFUL>>مجموعه.
BURBERRY BRIT.
INFINIMENT Chopard.
BLACK Kenneth cole.>>مجموعه
Paco rabanne pour.>>مجموعه
L,INSTANT DE GUERLAN.
ECLAT D,ARPEGE.
So magic.
ANGEL SCHLESSER.
Love in paris.
Ultraviolet.
Miracle magic.
ECLAT D,ARPEGE.
Armani mania.
ْChanel<N5
MONT BLANC.
ESC ADA SENTIMENT.
EAU TORRIDE>>مجموعه.
LACOSTE>>مجموعه.
محلH20 في الفيصليه عنده عطر HINT

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 4 ( الأعضاء 0 والزوار 4)

عالم الحياة الزوجية - منتدى

عرايس الرياض......... خلونا نتعاون