عالم الحياة الزوجية - منتدى

أم وليد% · 26-12-2005, 09:05

راح أقول موقفي حتى أوصل المعلومة بشكل جيد
كنت بالديرة في زيارة لأقارب زوجي 0وجلسونا بالحوش 0 وكلكم تعرفون طبعا جو الديرة والقرية وبساطة العيش هناك00 المهم كنت جالسة أسمع من الحرمة سواليفها وأنا متكئة على الجدار وهي تجلس جنبي , وفجأة 000كأن صوت في أذني يقول لي غيري جلستك , غيري مكانك, وأنا منسجمة مع القصة اللي تقصها الحرمة لكن الصوت أزعجني وشوش تفكيري ,فقلت وش ورانا نغير جلستنا فتقدمت شوي عن الجدار وصرت على جنب بمواجهة الحرمة 000 ماأمداني أغير جلستي ألا وهي تشهق , انتبهي 0 قومي بسرعة (عاد أنا مايحتاج) فزيت من مكاني والتفت ألا وش أشوف؟؟؟ذيك العقرب الصفراء الله لايوريكم كانت تمشي على الجدار وراي بالضبط وكانت راح تدخل بشعري يعني قرصة على الراس ( دايركت)فسبحان الله
كنت يومها قارية أذكار المساء بحرص وكأني حاسة أنه فيه شي بيصير
أن شاء الله وصلت الفكرة؟
أكيد كلنا مرينا بمواقف مثل هذي أو أكبر بس بظنكم أيش هذا الصوت اللي نسمعه؟؟
هل هو الحاسة السادسة اللي يقولون عنها؟
ليش دايما مانلتفت لهالأصوات وبعدين نخسر؟
هذي الأصوات من وين؟ العقل الباطن؟
طيب كيف عرف عقلنا الباطن بالخطر؟
هل هم ملائكة؟بالذات أني في هالمثال قارية أذكار المساء
هل هم جن مسلمين مثلا؟
أتمنى كل واحد يذكر لي موقف صار له وتفسيره للحدث0

سنا الفضة · 26-12-2005, 09:09

ههههههه انا كثر تصير لي
واكثر شيء بالاحلام
بس تعبت ابغى القاء لها تفسير بس ماقدرت

زهور المدينة · 26-12-2005, 09:16

سبحانه الله

بصراحة انا نفسي محتارة
ما أدري شو أقولك

بس اذا فيه حد يقدر يفسر لنا
احنا منتظرين

والله يحفظك والجميع من الشر

أم وليد% · 26-12-2005, 09:22

أختي سنا الفضة شكرا على مرورك ومادام يتفسر حلمك على نفس الشكل فهذا هو تفسيره 0ياما شفنا ناس باحلم صحينا شفناهم أو سمعنا أخبارهم
أختي زهور المدينة( حبق ولا دوش؟)أشكر مرورك عالموضوع

veine · 26-12-2005, 09:33

ممكن هذا تنبيه من الخالق عزوجل ..

لأنك إنت معاه دايم وتذكري الأذكار ,,
(( إحفظ الله يحفظك ))

والله يعافيك ,,

شي جميل إنك تلاحظي قرب الخالق لك .. فأديمي قراءة الأذكار والحفاظ على الصلوات ..

سلامات .. إختي ... والحمد الله على سلامتك ..

أم وليد% · 26-12-2005, 10:18

الله يسلمك أختي الغالية وعساك ماتطيحين في هالمواقف00بس ماقلتي لنا موقف صار لك

~ اليمامة ~ · 26-12-2005, 17:01

الله اعلم بتفسير هذه الظاهرة

اتذكر اختي قبل تقريبا شهرين كانت رافضة تعفو عن أحد الأشخاص الذين ظلموها وكان هذا الشخص في آخر أيامه يحتضر وكان الكل يحاول فيها انها تعفو عنه عشان تبرأ ذمته قبل ما يموت وكانت معاندة ورافضة وما احد لامها على كذا لأنه جاها ظلم منه كثير بصراحة

المهم

قبل وفاته بساعات قليلة لما صلت اختي المغرب تقول ما ادري ايش جاني وقال لي اعفي عنه وعفت عنه وسامحته من قلبها

سبحان الله العظيم

فعلا شيء محير جدا

veine · 26-12-2005, 17:19

فالك طيب أم وليد ...
صار لي موقف قريب حيل ..

كنت فيوم من الأيام طالعة مع إختي وجدتي وأخوي ..
فأنا من عادتي أخلي جدتي تقعد جمبي ( جمب السائق ))
بس في هذاكي اليوم كنت أقول لها إجلسي جنبي وقلبي ماراضي كأن في أحد يقول لي لا تخلي أي أحد جمبك ..

وبالفعل جدتي رفضت إنها تقعد في هذا المكان .بسبب مكيف السيارة بارد . وإختي كانت مصرة تقعد جنبي فقلتلهم إذا جدتي ماراح تقعد جنبي ما أبي أي أحد يقعد بدالها .. أول من طلعنا في لطريق صدمتنا سيارة بس على الجه اللي كنت أبي جدتي تقعد فيها
والحمد الله تأذيت انا ... والباقيين الحمد الله على سلامتهم ...

كـ وردة وأكثر · 26-12-2005, 19:17

سبحان الله
لانكي قرات الاذكار ربي حفظكي

بنت النور · 26-12-2005, 22:33

سبحان الله

اذكر الله يذكرك

اذكر الله تجده تجاهك

احضان دافئه · 26-12-2005, 23:44

اني ولله الحمد ماصار لي مثل هالموقف

والله ايكفينا وياكم شر الدنيا

°°»Najla«°° · 27-12-2005, 01:18

سبحان الله تصير

انا احيان احداث اتخيلها وبعد فترة تصير نفس الاحداث اللي مرت في بالي

وانتي خيره انك تحصنتي ولا كان رحتي فيها

أم وليد% · 27-12-2005, 11:21

أختي veine كيف تقولين فالي طيب ؟لاوالله فالي أقشر اللي جابلك هالحادث ,وألف الحمدلله على السلامة ,عسى ماتأذيتي؟سامحيني على هالفال؟
كل اللي دخلن موضوعي أقدم لهن شكري واحترامي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

كيف تنظر لهذه المواقف؟