عالم الحياة الزوجية - منتدى

أحساس الورد · 13-01-2006, 22:02

السلام عليكم ورحمة الله وبركاتة

بداية أحب اشكر القائمين على هذا المنتدى بما فيهم صاحبة

كما احب اعرفكم على نفسي لتتمكنوا من حل مشكلتي
أنا احساس الورد ومايجملة من معاني وشعور
أنا الورد في جمالة وأحساسة ورقتة

مشكلتي ربما تكون سهلة وتافهة من جهة ولكنها والله العظيم مثل الجحيم لي

اتمنى منكم مساعدتي وعدم تجاهل حالتي

من يوم كنت صغيرة وأنا احب ولد عمي واللي حببني فية ابوي وامي

لما هو يجي يقول هذا زوجك ويقولة هذه زوجتك وانتو لبعض طبعاً
وامي لما حد يجي او يتكلم فية واهلة يقولون انشاء الله هو ياخذ بنتي

دارات الايام وانا طبعاً افكر فية ((طفــــــــــلة)) كبرت وكبر تفكيري

معاي

لما حد يقولي اني لولد عمي اتضايق لسببن الاول اني خجولة
والثاني لانو فية اشياء تافهة ماحبيتها فية
مثل انو مومتفوق بدراستة واشياء مثل هيك

وامة لما تشوفني دائما تتكلم عنه وتضحك يعني اسمعي
اشعر بالانزعاج صح واتضايق بس حاطة في بالي انو الانسان اللي بياخذني

شريك حياتي .... كبرنا ولما تخرجنا من الثانوية دخلنا نفس التخصص
(( للمعلومية انا ماكلمة ولا اوصل ولا يوصل لي سلام))

كوني بنت وبنت جميلة تقدم لي اكثر من شاب من خارج العيلة وماستشرت فيهم
ودريت لما بنات خالي قالوا لي وفية واحد عجبني فيهم بصراحة بس اهلي رفضوا لأنو خارج منطقتنا

وبعد كم سنة تقدم لي ولد عمتي وافقت مبدائيأً والعالم كلها عرفت بس ماحصل نصيب

المهم مرت سنة وخلال السنة دقت علي بنت عمي اللي هي اختة وقالت لي ايش رايك باخوي
هو يبي يتزوج وحنا قلنا لة كمل دراستك ولا لك الا بنت عمك (( حسيت باحساس قريب وفية فرحة))
هو قال والله هي بنت ناعمة ومايعيبها بس بفكر(( !!!!!!!!!!!!!))

هنا ضربت على الوتر بيفكر يعني مافكر فيني من زمان او وش السالفة مدري
بس انا داخليا ومن قلبي احبة بالرغم من بعض الاشياء الي تعيبة
(( رغما عني حبيتة والسبب من حولي ))

المهم بعد كم شهر انخطبت وخطبني واحد من برة العيلة اهلي ماخلوني الا لين وافقت علية
ملكت بعد الملكة ومن خلال المكالمات اكتشفت اشايء فية ضرورية اهلي انقلوها لي خطاً
اولها شغلتة قالوا لي انوه على مكتب وطلع الاخ يشتغل غير
وثاني شيء مستوى التعليم قالو ادبلوم وطلع دورات حاسب

حسيت بطعنااااااااااااااااااااااات في صدري والله العظيم اني اكتب لكم هالكلام وانا ماني قادرة

جلست ابكي هلكت والله هلكت كيف كذا
كيف اهلي يقولون لي اشياء غير
المهم اسبوعين وانااااااااااااااااااا مو على بعضي وكرهت نفسي وتمنيت اني اموت

جا يوم وبعد زيارة زوجي شفت امي لوحدهااااااااا وقلت لهااااا شلون تقولون انو مستواه التعليمي كذا ويلطلع غير
وشغلتة تقلون لي شيء وهي شيء ثاني

وبكل بساطة وثقة ترد علي وتقول عاااااااااادي احين خلاص اهم شيء انة رجال واخلاق

شنو خلاص رديت عليها وانا مخنوقة وقلت لها اخلاق على عيني وراسي بس هم من حقي ارتبط بالانسان الي انا اختارة وفية اشياء الي انا احبهاااااااااااااااااااااااااااااااااااا

ورحت اصلي وانا ابكي ادعو ا ربي واسالة ليش انا يصير فيني كذا

انا انسانة طيبة وعمري ماأذيت احد ليش يصير معي كذا ليش اغلا الناس يسوون معي كذا

بعد ماخلصت الصلاة جاني ابوي ووالوقت متاخر وجلس يهزئني ويهاوش ويقول لي احمد ربك احد جالك!!
ولا انتي من يبقاك وانتي فيك فقر دم (( اناااا هناااااااااااااااااااااا انتهيت تجمدت))
وقال لي وهالشهادات اللي انتي تبينها بتنفعك بشنوووو مالت عليك وعلى الشهادات ومدري شنووووووو

اناااااااااا ماهمتني الشهادات بس شيء مهم يكون الانسان متعلم والحياة صعبة والله وانا انسانة طموحة وابي زوج المستقبل طموح وعلى مستوى مو عالي متوسط على الاقل من التعليم

والله اني ياخوان اعيش بعذااااااااااااااااااااااااااااااااب ونار بصدري

مرضت بعدهاااااااااا يومين مااقدر امشي على رجولي

وتوكلت على الله وسلمته امري بس والله هالشيء مضايقني

المهم زوجي اكبر مني بــ8 سنوات  ومن خلال مكالماتة يقول لي والله انتي صغيرة
وانا كنت اقول لا حرام تعطوني صغير
بس تدرين ماتوقعتك بهالعقل عقلك كبير وثقافتك عالية

على فكرة هو صح اكبر مني بالعمر بس انا اكبر منه بالتفكير
واسلوبة يختلف عن اسلوبي وتفكيرة كمان والشيء اللي يبية مايوصلة يعني بارد ماعنده عزيمة
((مثلاً يبي يرقونة بالشغل والترقية ماتجي الا بدراسة اقولة خذ دورات قال بعدين لما نتزوج!!))
لا واللي يزيد الطين بلة يقول صراحة ماتوقعتك توافقين علي سالتة ليش قال كبير وشغلتي

مشكلتي هي................

انا زوجي مو فارس احلامي ولما يزورني واجلس معاااااااااه اقول لا مستحيل هذا زوجي
ومرة قال لي انتي زوجتي حبيبتي رديت علية بسرعة البرق وقلت له انا خطيبتك

!!!!

وانا ماصافحة الا باليد لي شهر ماصافحة الا باليد ((اقول في بالي اصافحة بيدي يمكن يجي يوم وانفصل عنه))

امي لما تسالني ها وش اخبارك معاه تخنقني العبرة كيف تساليني في خاطري وانتي اللي دخلتيني عالم انا مابية
وللمعلومية امي وابوي يهمهم الناس يعني لو بروح لمي وبقولها مابية لأنو تفكيرة غير عني فية فرق بيني وبينة
لو بقول مابية على طول انتي تبين تفشلينا و............زو ....................

ياخوان انا ماكتبت الا لأني ابي حد يريحيني ماني قادرة اشتكي لأمي من أمي ولاني قادرة اقول لزوجي انت مو فارس احلامي ومافيك شيء عجبني او شدني لك ولاني قادرة اشتكي لقريبة لي

على فكرة هو قالي من كم يوم فيك غموض وكلام بعيونك ماني عارفة

احيانا اقول اسلم امري لله واشوف وش نهاية هالقصة مع وجود احساس اني بنفصل في يوم من الايام

كل الود مني لكم

حزن السنين

الحاج متولي · 13-01-2006, 22:53

تحية طيبة لك احساس الورد - -

ما اود ان ابدا به هو ملاحظاتي على كتابتك - - حيث لم يتضح موضوع ابن عمك - هل رد عليكم - ما موقف اهلك منه - - كيف انخطبتي لشخص اخر على الرغم من خطبية بيت عمك لك ( خطبة ضمنية )

لذا سوف اتناقش معك من منطلق خطبتك من خطيبك الحالي واتجاهل ابن عمك - -
اولا - ما استشفيته من كلامك ان والديك من الاباء القديمي التفكير - لذا يجب الدخول عليهم من باب المودة والحنان للتناقشي معهم - وليس من باب الحوار البناء.

ثانيا - ما استشفيت ايضا - ان خطيبك - مهزوز الشخصية نوعا ما بسبب شعوره بالنقص امامك من ضعف التعليم - -

ثالثا - انتي فتاة متعلمة متحضرة - لكن خط حياتك غير واضح - اي لم تحددي هدف مستقبلي - للتعاملي وتضعي برنامج لك لتصلي له.

لذا ما انصحك القيام به - - - اولا - صلاة الاستخارة بعدد فردي - اي ثلاث مرات او خمسة - سبعة - - واطلبي من العلي القدير ان ينير لك طريقك - - -

- - قوم قبل صلاة الفجر بساعة - وتواضئ وصلي ركعتين اقرائ بالركعة الاولى سورة ( قل يا ايها الكافرون ثلاث مرات - وفي الركعة الثانية قل هو الله احد - - طبعا بعد الفاتحة بالركعتين - -وادعي الله العزيز ان يفرج همك - -

بنأ على ما ستشعرين به بعد اداة صلاة الاستخارة - - - اذا شعرتي بارتياح فتوكلي على الله مع خطيبك - - اما اذا شعرتي بضيق لا كثر من مرة - فلا تترددي في النقاش باسلوب مبسط مع والديك - واشرحي لهم ما فعلتيه - من صلاة استخارة - وما نتج عنها - - ولا تخضعي لاي ضغوط لاتمام الزواج - - لان في النهاية تجربة الزواج اذا فشلت - تكون البنت هي الخاسرة مهما كانت الظروف او من المنتصر - لان البنت سمعة - وللاسف في مجتمعاتنا - القيل والقال كثير جدا بين الاهل والاقارب والاصدقاء - - - نفذي ما طلبت منك - كمرحلة اولى - واتركي الباقي على رب العباد - -

مع خالص امنياتي - -

الحاج متولي

لويس فيقوا · 13-01-2006, 23:55

ورب الكعبة ما أحسست باللي انتي تحسين فيه الا لمى قلتي ذهبت وصليت وبكيت

أختي الكريمة موضوعك يحيّر بصراحة للكن امنيتي انك تطلعين من السعودية

اختي الغالية تلفونات المشائخ اللي تبينهم اضعهم لك بالمنتدى فقط حددي المنطقة

وارسل لك رقم الشيخ ,,,, ليتحدث مع والدك

اولاً الرسول يقول زوجوا من ترضون دينة وخلقة والشهادات يا اختي ليس لها علاقة ولا تأثر

اذا دين الرجل تمام وخلقة توكلي على الله فقط ابليس يوسوس لك واذا كان غير ذلك لا والف لا لا تأخذيه

وكما قلت لك ارقام المشائخ فيما لو كنت من السعودية انا اتكفل لك بإحضار ارقامهم اما لو كنتي من خارج

السعودية فياليت تشوفين اقرب شيخ عندكم تثقين فيه ,,, او احد اقربائك يشرح الوضع لأمك وانتي يا اختي الكريمة

لازلتي بكراً والرسول قال البكر بصماتها وانتي رافضه من الاساس فما يجوز اجبارك عليه

وصدقيني انا دخلت في شوشره معك للكن بوصيك باللي يثلج قلبك

الصلاة ,, الصلاة ,,الصلاة والله ثم والله ثم والله لتجدي راحتك فيها

الدعاء الدعاء ,,,,

ولا تنسي قول الرسول صلى الله عليه وسلم ..ارحنا بها يابلال

.....اطللبي الله واللي كاتبه الله بيصير

واعملي ان اما اصابك لم يكن ليخطئك وما اخطئك لم يكن ليصيبك

قال الرسول صلى الله عليه وسلم .. ما يصيب المؤمن من هـــــــــــمّ

ولا غــم ولا وصب ولا نصب حتى الشوكة يشاكها الا كـــان له بهـــا

أجراً ......وعليك بأذكار الصباح والمساء من قال

حسبي الله الذي لا اله الا هو عليه توكلت وهو رب العرش العظيم حين يصبح

سبعا وحين يمسي سبعاً الا كفاة الله كل هم ...(والذي لا اله الا هو اني مجربها وهمومي اكبر من همومك.

والله يعينك وانا اخوك ويشرح صدرك وييسر امرك ويرزقك الزوج الصالح اللي يسعدك ويهنيك ويعينك

وأسألة ان يفتح ابواب السعادة في وجهك ....**يتبع ان لزم الأمر**

أحساس الورد · 14-01-2006, 00:28

سعدت بتواجدكم ووقوفكم معي

اخوي الحاج متولي

شوف حنا بالسعودية فية قبايل ومن عاداتهم ان البنت لولد عمهااااااااااااااااااااااااااا

انا من صغري وانا اسمع اني لولد عمي بس انخطبت كذا مرة ماقالوووووووو ترى نبيهااااااااااااااااااا لاتعطونها لأحد

مدري بصراحة انا احبة صح وامة ادري انها تحبني وتتمناني لولدهااااااااااااااا بس في مشكلة ان اختة ابوي كان يتمناها لخوي وزوجها عمي لواحد ثاني

ولما انا انخطبت ابوي ماقال لولد عمي او حتى عمي هااا ترى البنت مخطوبة تبونها ولالا

انا احبة صح والله اني دايم احلم فية واني معاه بجنة خضراء

يعني السالفة عناد بعناد وانا الضحية

/ بالنسبة لأبوي ابوي دارس ومتعلم ومثقف بشكل وحوارة قبل كان معاي رهيب بس تغير علي لما انخطبت اول مرة ورفضت ولد عمتي وكاني سودت وجهم عند العالم تغير اسلوبة معااااااااااااااااااي مع انوة كان اقرب الناس لي والله ويستشيرني بكل صغيرة وكبيرة بس كلشيء تغير وشوف لما انا ناقشت امي وقلت لها ليش وليش جاااااااااااااا هو وبعصبية وهزئني وهاوشني مع انوة والله ماااااااااايرفع صوتة علينااااااااااااااااا ابوي اكثر من اخ بس تغير كثير علي مدري ولما كان يصارخ علي قال يعني شنو يعني بتقولين ماتبينة الدنيا فوضى
انا ماوافقت على زوجي الا باستخارة رب العباد بس تحس السالفة فيها غش المفروض انهم يعطوني كل المعلومات صحيحة
((هم حطين في بالهم اني انا دلوعة يعني لما سالت عن مستواه قالو زين وعنده شهادات ودبلوم ولما سالت عن شغلة قالوا انة في مكتب بشركة خاصة ماقالو ا انة سكيورتي شايف اخوي شنو الفرق يعني كل بنت ترسم صورة لشريك حياتهاااااااااااا وانا انسانة طموحة واحب الدراسة وربي اني تمنيت انسانة مستواه جامعي احس الحياة تعطيني كفوف وطعنات ))

// بالنسبة لخطيبي الي هو زوجي كوني ملكت خلاص انا ماحبيت شخصيتة والله بس هو مخلص ثانوية وعندة دورات الفرق بيني وبينة اني انا دبلوم وبنت متفوقة احس انو مو طموح يعني شوف الشيء اللي ابي اوصلة اوصلة اما هو لا يقولي انا اتمنى اغير شغلي بس تحس ماكو عزيمة يقهرني اقولة دور ادرس اخذ لك دورة في كذا وكذا مدري كيف مرة سالتة قلت انت اللي تبية ماتوصلة قال اي

قهرني زيادة احس انو تفكيرة بايخ مدري كيف مع الرغم انوة اكبر مني ب8 سنوات

ثالثا - انتي فتاة متعلمة متحضرة - لكن خط حياتك غير واضح - اي لم تحددي هدف مستقبلي - للتعاملي وتضعي برنامج لك لتصلي له.
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!
حاسة انو كلشيء ضدي انا مليت الحياة من الاساس عنجد اتمنى امووووووووووووووووووووت قبل لااتزوجة

اخوي الحاج انا دخلت في عوامة وبسوي اللي بقولة بس صدقني اذا رفضتة او طلبت الطلاق امي وابوي بيكرهوني
احيانا اقول ادخل بجحيم عشانهم معلية حياتي بتصير معاه تمثيل بتمثيل وان واجهتهم والله بيغصبوني علية
بعدين اهلة حبوني امة وابوه العيلتين فرحانين وهو مستانس فيني ميت علي ولكن اناااااااااااااا لا
الله يكون في عوني
الله يوفقك وجزاك الله خير

أحساس الورد · 14-01-2006, 00:54

اخوي الغالي

أنااااا سعودية من الشرقية

واهلي ماجبروني علية

انا صليت صلاة الاستخارة ووافقت بس هم ماعطوني كلشيء بالضبط

وانا يوم اكلمة حيت فية اختلاف في التفكير

وانا شخصيا حابة ارتبط بانسان جامعي على قدر عالي من الثقافة

وعلى فكرة ابوي مستحيل اقوووووووووووووووووووووووول له مابية والله انتحر ارحم من اني اجيب الموت لبوي

ابوي بسرعة يتعب
الله يوفقك وينور دربك

أحساس الورد · 14-01-2006, 00:59

اتمنى تفهموني

لويس فيقوا · 14-01-2006, 01:10

والله عاد دام السالفة كلها ماسكه معك تبين مثقف ؟؟؟؟

مشكلتك عاد

واقترح عليكم بعد لو تسكنون في مدرسة ترا اطيب لكم تنمي الثقافة عندكم

سلامات الله يهديك

مثقف
.
.بعدين

يااخت مهما كان ابوك عصبي الدين فوق كل شي وبيرضى بالحل الديني

وذكرية بحديث الرسول من كان له بنتين او ثلاث فأحسن تربيتهما دخل الجنه

وحاولي انك تقتنصين الفرص اللي يكون فيها يستقبل الكلام ما فيه واحد اربعة وعشرين ساعه

معصب

ولا اقول

طيب حليها عن طريق حريم ويحلها الله
.
.
ونا ودي اعرف الحين ولد عمك الي تبينه ماجا يخطبك ولا شلون

المهم هذا رقم الشيخ خالد الراشد 0505934898 عدنك بالشرقية

الحاج متولي · 14-01-2006, 09:56

اقتباس:

المشاركة الأصلية كتبت بواسطة أحساس الورد

سعدت بتواجدكم ووقوفكم معي

اخوي الحاج متولي

شوف حنا بالسعودية فية قبايل ومن عاداتهم ان البنت لولد عمهااااااااااااااااااااااااااا

انا من صغري وانا اسمع اني لولد عمي بس انخطبت كذا مرة ماقالوووووووو ترى نبيهااااااااااااااااااا لاتعطونها لأحد

مدري بصراحة انا احبة صح وامة ادري انها تحبني وتتمناني لولدهااااااااااااااا بس في مشكلة ان اختة ابوي كان يتمناها لخوي وزوجها عمي لواحد ثاني

ولما انا انخطبت ابوي ماقال لولد عمي او حتى عمي هااا ترى البنت مخطوبة تبونها ولالا

انا احبة صح والله اني دايم احلم فية واني معاه بجنة خضراء

يعني السالفة عناد بعناد وانا الضحية

/ بالنسبة لأبوي ابوي دارس ومتعلم ومثقف بشكل وحوارة قبل كان معاي رهيب بس تغير علي لما انخطبت اول مرة ورفضت ولد عمتي وكاني سودت وجهم عند العالم تغير اسلوبة معااااااااااااااااااي مع انوة كان اقرب الناس لي والله ويستشيرني بكل صغيرة وكبيرة بس كلشيء تغير وشوف لما انا ناقشت امي وقلت لها ليش وليش جاااااااااااااا هو وبعصبية وهزئني وهاوشني مع انوة والله ماااااااااايرفع صوتة علينااااااااااااااااا ابوي اكثر من اخ بس تغير كثير علي مدري ولما كان يصارخ علي قال يعني شنو يعني بتقولين ماتبينة الدنيا فوضى
انا ماوافقت على زوجي الا باستخارة رب العباد بس تحس السالفة فيها غش المفروض انهم يعطوني كل المعلومات صحيحة
((هم حطين في بالهم اني انا دلوعة يعني لما سالت عن مستواه قالو زين وعنده شهادات ودبلوم ولما سالت عن شغلة قالوا انة في مكتب بشركة خاصة ماقالو ا انة سكيورتي شايف اخوي شنو الفرق يعني كل بنت ترسم صورة لشريك حياتهاااااااااااا وانا انسانة طموحة واحب الدراسة وربي اني تمنيت انسانة مستواه جامعي احس الحياة تعطيني كفوف وطعنات ))

// بالنسبة لخطيبي الي هو زوجي كوني ملكت خلاص انا ماحبيت شخصيتة والله بس هو مخلص ثانوية وعندة دورات الفرق بيني وبينة اني انا دبلوم وبنت متفوقة احس انو مو طموح يعني شوف الشيء اللي ابي اوصلة اوصلة اما هو لا يقولي انا اتمنى اغير شغلي بس تحس ماكو عزيمة يقهرني اقولة دور ادرس اخذ لك دورة في كذا وكذا مدري كيف مرة سالتة قلت انت اللي تبية ماتوصلة قال اي

قهرني زيادة احس انو تفكيرة بايخ مدري كيف مع الرغم انوة اكبر مني ب8 سنوات

ثالثا - انتي فتاة متعلمة متحضرة - لكن خط حياتك غير واضح - اي لم تحددي هدف مستقبلي - للتعاملي وتضعي برنامج لك لتصلي له.
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!
حاسة انو كلشيء ضدي انا مليت الحياة من الاساس عنجد اتمنى امووووووووووووووووووووت قبل لااتزوجة

اخوي الحاج انا دخلت في عوامة وبسوي اللي بقولة بس صدقني اذا رفضتة او طلبت الطلاق امي وابوي بيكرهوني
احيانا اقول ادخل بجحيم عشانهم معلية حياتي بتصير معاه تمثيل بتمثيل وان واجهتهم والله بيغصبوني علية
بعدين اهلة حبوني امة وابوه العيلتين فرحانين وهو مستانس فيني ميت علي ولكن اناااااااااااااا لا
الله يكون في عوني
الله يوفقك وجزاك الله خير

تحية طيبة لك - احساس الورد - - - انا حاس فيكي مضبوط - - - والسبب في احساسي - لاني انا شخصيا عشت نفس التجربة لكن بالعكس - يعني هية موافقة وانا رافض - - - لكن على رايك التقاليد والاعراف البالية هية الفيصل - لذا راجعي نفسك وادرسي وضعك - ولا تضعي نفسك في مسار انتي غير مرتاحة له - وسوف تعيشين حياتك - - غير راضية - - وسوف تندمين اذا لم تكوني مقتنعة بنسبة 85% - - واسئلي من سبقك التجربة - - اما والدك حتى لو متعلم - فاين فائدة التعليم وهو بهذه الاسلوب في فهم الحياة - - - احساس الورد - - حتى لو زعلو عليكي اهلك - كم راح يزعلو العمر كله - مستحيل - لكن لا تحكمي على نفسك بالسجن المؤبد علشان تقاليد بالية - او زعل موقت - - مثل ما قال المثل - اسئلي مجرب ولا تسئلي طبيب - - -

الحاج متولي

أحساس الورد · 16-01-2006, 05:17

آه .... ياقلبي

جزيت خيرا اخي لويس

اخوي الحاج متولي
انا يوم ابكي واقولهم ليش ماقلتووو انا وظيفتة كذا رد علي يعني بتقولين مابية خلالالالاص كلشيء صار دعواتكم لي بالموت لني عنجد ماني متخيلة نفسي اعيش معاه حتى لما يقرب مني ويقبلني احس بالقرف وفوق كذاااااااااااااااااا لما يجي يتكلم دايم يتكلم معي

عن الشباب اللي معاه بالشغل وكيف يغازلون البنات وان كل واحد عنده خوية ويقولون له ليش ماعندك وسع صدرك بس يقول انا اقول لهم ابي الحلال (( معقوووووووووووول ربعة كذا وهو مو زيهم)) >>>من عاشر قوم صار منهم

او يقول اليوم مرت بنت قالوا الشباب وااااااااااااو تجنن بس انا قلت روحوا زين زوجتي احلا منهااااااااااااااا

احس انة غبي اقولة انت الشيء اللي تبية ماتوصلة صح

يقول اي والله

ماعنده عزيمة ماعنده طمووووووووووووووووووح

قاهرني

دعواتكم لي بالموت والله الموت اهين لي ولا ازعل امي وابوي

pink moon · 17-01-2006, 01:29

مرحبا اختي احساس الورد

اسمحي لي اناقش معاك عدة نقاط

اولا انا مقدرة نفسيتك المتعبة وشعورك بضياع والحيره ويأسك من الحياة
وانا بطمنك ان هذا شعور بنات كثير اذا ما كان كلهم وهو شعور طبيعي بعد الملكه لان الملكه بنسبه للبنت يعني اشياء كثيره لحد الان عجزت افسرها واحصيها وتسألات تافه لكن كبيره بنظرها حتى انها تنظر للبنات العازبات وتحسدهم لانهم ما جربوا هذا الموقف وصدقيني ان انا كرهت حتى الفستان الي لبسته في يوم الملكه بدون سبب لكن كانت لحد الان اعاني من نفسيه دمار رغم ان ملكتي بتكمل السنه لكن كل ما قرب موعد الزواج يسؤء مزاجي وأتعب نفسيا وتضيق فيني الدنيا رغم ان بنات كثير يحسدوننا على هذا الشعور لانهم ما جربوه عشان كيذا انا نصحت البنات في اكثر من موضوع انهم ما يتملكون بسرعه تفادينا لهذا الشعور لان انا اتوقع الخطبة راح تعطي مجال لكل الطرفين بالارتياح البعض وتفسح لهم مجال القرار الصحيح

ثانيا بنسبة لولد عمك انا متأكدة ان انتي تعلقتي لان اهلك علقوك فيه وانا مريت بنفس الموقف قبل كيذا رغم ان كنت اكرهه وما اطيق اسمع صوته وكان اكبر مني وكنت اوصفه مثل ما انتي توصفين خطيبك لكن في النهاية لقيت نفسي احلم فيه كزوج وكنت اغار اذا سمعت اهله يتكلمون عن بنت غيري له
لكن لما تقدم يخطبني لا شعوريا رفضت وبشده وحسيت ان انا عتبانه عليه وانا اجهل السبب وتكرر الرفض وبنهاية اكتشفت ان انتهاء من حياتي

وتزوج ولما اتذكر السالفه استغرب من شعوري لكن في نفس الوقت اتعجب كيف كنت معجبه فيه رغم انه ما كان يعجبني وانا بصراحه سعيدة ان انا ما تزوجته ولله الحمد مع ان اشوف زوجته سعيده معاه لكن ما احس انه يعجبني او انه كان بيسعدني انا
وانا صدقيني احس ان صاير معاك نفس ما صار لي وهذا مجرد شعور عابر ورثناه من اهلنا
لكن هذا اثر علينا بانه اغلق علينا مشاعرنا واحساسنا وخلانا نفكر بأشخاص معينين هم حددوهم لنا والارتباط بغيرهم بنسبه للاحساس الي تعودنا عليه هو خيانه وغريب عشان كيذا محنا قادرين نتقبل احد ثاني بسهوله وصدقيني تفتحين لنفسك المجال انها تختار من اول وجديد افضل ولا تسجنين مشاعرك بشخص رفضته عليك العادات والزمن وعطي نفسك مجال تقراء كتاب زوجك يمكن تقدرين تقرينه بطريقة مختلفه هذي المره

واذا على التعليم صدقيني انا خطيبي معاه شهاده كبيره رغم كيذا اعاني معاه مشاكل كبيره ولو زرتي ركن المطلقات راح تلاقين موضوع لي هناك لانه رغم ان شهادته كبيره لكن ما يعرف الفرق بين الخلاف البسيط التافه وبين التهديد بطلاق لاتفه الاسباب, هذي نقطه والنقطه الثانية والاهم هي ان انا تعلمت منه كثير يعني مثلا شهادته كانت حافز ان انافسه واحصل على شهاده مثل او افضل انشاء الله
وهذا بيكون بينك وبين خطيبك ممكن تعلمينه ينافسك ويتعلم وانتي توقفين جنبه وتساعدينه عشان يتذكر لك هذا الشئ عمره كله
ولا تنسي وراء كل رجل عظيم امراءه عظيمة
حتى بنسبه لاسلوبه في الحديث او طباعه صدقيني هو راح يتعلم منك وراح يحس بالفرق بين اسلوبك اسلوبه ويحاول انه يكون بافضل صوره امامك تكلمي معاه بطريقة الي تحبينه يتكلم معاكي فيه وبيتعلم منك بدون ما تنصحينه او تحسسينه انك تعلمينه خليه عفويه وعطيه مجال يتعلم ويعبر عن نفسه ويتغير عشان يرضيك وانا متاكده من انه حرس على رضاك

رابعا بنسبه للاهل هم على العين والراس لكن لا تقولين اخاف منهم لان انا عندي قناعه ان البنت محد يجبرها على مشاعرها او شي تسويه اذا ما كان لها خاطر فيها
وانتي تتكلمين عن زواج وعن انسان ماله ذنب يتعلق فيكي ويحبك وبعدين تعيشين معاه كم يوم وتقولين مع السلامه
لانك بتكسرين مشاعره وقلبه وبتحطمينه حتى ماديا لان بيكون تعب عشان تكاليف الزواج
لاتحطين نفسك في موقف تكونين فيه زوجه ناشز تخيلي لو ان انتي في مكانه تحبين خطيبك وفي نفس الوقت انتي حاسه انه يقرف منك ولايطيقك رغم انك تحاولين انك تكسبين حبه وتعبرين عن مشاعرك له
ورجال يختلفون عن النساء في التعبير عن مشاعرهم ممكن يكون يموت فيك لكن ما يقولك احبك إلا في السنه مره وحده بس

نصيحه مني يا اختي

اجلسي مع نفسك شوي وطولي مده الخطوبة شوي حاولي تبعدين عنه ما تكلمينه سافر او عطيه اي عذر انك ما تكلمينه بأسلوب ما يجرحه وفكري فكري لاتبخلين على نفسك بتفكير هذي حياة تخصك وتخص شخص ما له ذنب وضحية مثله مثلك

كل حاجه بيدك انتي. بس فكري كيف تصنفينها وتستغلينها لصالحكم

وطمنيني عنك حبيبتي الله معاك

شكرا

الحاج متولي · 17-01-2006, 10:29

تحية طيبة لك - واتمنى لك من كل قلبي السعادة

تعرفي انا اتناقش معك من تجربة وليس من فراغ - - -

اولا - حق الرفض - والقبول من حقك الشرعي والذي اعطاكي هذا الحق - هو رب العباد الذي نصلي له ووالدك يصلي له
لذا لا ارى اي خطا في استخدام حقك بغض النظر عن العادات القبلة البالية - - ولا تكرري ما حصل معي - لعلمك بسبب تلك المشكلة - تزوجت مرتين غير المرة الاولى - بسبب تلك المشكلة - وبسبب العادات البالية - -
لذا سوف ارسل لك بريد خاص اشرح لك امور كثيرة - - - وانصحك بتقيم الشخص ليس على اساس تعليمي - او قبلي - او قريب لك -- - لان هناك الاهم من ذلك - هو مدى رجاحة عقل الانسان وتميزه وتقديره للانسان المرتبط به - او الانسان الذي يتعامل معه - لذا سوف اشرح لك الكثير بالرسالة .

اخوكي - الحاج متولي

كلمات · 17-01-2006, 23:38

أختي إحساس الورد ..... لا أدري كيف إغتالوا ذلك الإحساس الجميل فيك .....
كنت أتأثر مع كل حرف أقراءه..... حتى أصبحت أشعر بتلك المعاناة .... كان الله في عونك ..

أنا الذي فهمته أنك الآن متملكة .. هنا مربط الفرس ...

أنتي تريدين أن تتخلصي من ذلك الشبح الذي جثم على صدرك الغض !!

كيف الخلاص يا الله !!

لا أخفيك أختي الغالية أنه بعد أن تملكتي .. فأنتي الآن في وضع صعب نوعا ماء .. ولكن الحلول التي من الممكن أن تنفذيها لكي تتخلصي من ذلك الشبح هي كالتالي :

1- إذا كنتي فعلا تكرهين ذلك الرجل .. فلماذا لا تصارحينه وتقولين ذلك في وجهه !! .. أنتي ذكرتي في ردودك بأنك كنتي تسألينه عن طموحاته إلخ .... فلماذا لا تسألينه الرحيل وتقولين " أسألك الرحيلا " بأسلوبك ... قولي له يإبن الناس أنا ما أحبك ... ولا راح أقدر أسعدك في حياتك .. و أنا إنسانه مريضة .. وراويه بعض التقارير الطبية علشان يصدقك .. ولا تخافين أو تستحين منه .. لأنه حسب كلامك لا يستحق ..

2- بإمكانك أن تجعلين أحد أقربائك المثقفين يحكي مع أبوك بهذا الموضوع ....

3- الحل الأخير و الصعب :

إخرجي سيفك من غمده .. نعم .. فلم يبقى لك إلا أن تحاربي وتخرجين إلى أرض الميدان ..

ولكن كيف !!

الطريقة هي أن تقومي بإضراب عن الطعام ... وعلي وعلى أعدائي .. و إضراب عن الذهب للمدرسة ...

قومي من تحت الردمي .. كزهرة لوز في نيسان
قومي من حزنك قومي .. إن الثورة ..تولـد من رحم الأحزااااااااان

اللهم إني أسألك بأسمائك الحسنى أن تفرج هم أختي إحساس الورد آميييييييييييين ....

أخوك كلمات ...

م-سيف · 18-01-2006, 07:42

لا أحد يجبرك على شيء

اذا كنتي مو مقتنعه به ... لك الحق بالرفض ..... وفقر الدم ليس بعيب ... كثير من البنات عندهم فقر دم وفاتحين بيوت !

هذي حجه لكي توافقي عليه

من حقك انك تضعين خطوط و شروط لزوج المستقبل وليس لأحد ان يناقشك فيها مادامها في حدود المعقول

وقد يكون الرجل لا يوجد به اي عيب .... ولكن لا تستطيع تقبله ...... لك الحق في رفضه

لا سمح الله لوحصل زواج ولم يحصل توافق بعد الزواج ..... من سيحمل لقب مطلقة سواك !!؟

محد نافعك .... هذي حياتك وانتي كوني صاحبه أتخاذ القرار فيها

واذا ما تقدم لك ولد عمك فيه غيره ....

الله يرزقك الزوج الصالح ...

أحساس الورد · 24-01-2006, 04:33

pink moon
مساء الورد

والله ياختي اني سعيدة بردك ليــ

اقتباس:

انا نصحت البنات في اكثر من موضوع انهم ما يتملكون بسرعه تفادينا لهذا الشعور لان انا اتوقع الخطبة راح تعطي مجال لكل الطرفين بالارتياح البعض وتفسح لهم مجال القرار الصحيح

صعبــ جداً اني اجلس مع واحد او اكلم واحد مابعد ملكتــ علية يعتبر اجنبي
لو على كذا والله كانـــ شيء ثانيــ

بلعكس حلووو انا الواحد يتعرف على الشخص قبل لايملك بس تعرفين حنا مسلمين ولازم نتماشى مع تعاليم الدين

** بالنسبة لخطيبي اقصد زوجيــ

ديام يردد اكيد بتوقفين معي وبحقق لك اللي تبين >>> احس انو كلام مومن القلبــ طيب
بعد اسبوع يتغير الكلام اذا قلت لة بخليك تاخذ الشهادة الفلانية اوتدرس كذا ينفعك بشغلك قال انا شايب!!!!!!!!!!!!

تخيلي انا 22 ويجي يقولي انا شايبــ قمة التحطيم عنديــ والله عندي عمامي نفس عمرة بس احس انهم اصغر
تخيلي يقولي اسال نفسي كثير شلون وافقتي عليـــ انا سكيرتي(مع العلم اني مادري انه سكيرتي/على بالي تبع الادارة)
وعمري كذا تصدقين يقولي انا لما شفتك قلت اوووووووووووووه هذي يبيلها واحد احسن مني احس بكلامة طعنات لي
يزيد همي هم
انا ماحددت الزواج فتح الموضوع وهذا من حقة طبعاً يقولي شنوتبين كيف تبينة يصير قلت ابي زواج بسيط عائليــ فرح واستانس
تخيلي قال تبينة ببيتكم قلت لا اكيد في قاعة ومدري ايش المهم يرجع ويقولي تعرفين اني انا قد حالي هههههههه <<>> هو يضحك
شرايك انتي تسوين الزواج وانا اكشخ واجي

مدري لية يبي يحسسني انه شوفي ترى اناااا على قد حالي وفقير احس بالالم والله مولانة فقير على قولتة لان كلنا فقراء لله وانا مؤمنة بان السعادة مو بالمال بس تكرارة لهذا الشيء يضايقني تشوفين حالة من الصمت تحل فيني

يسالني نفسي اعرف شنو تفكرين فية

.............. انتي مومرتاحة لي احس انك مو مستهظمتني!!
الايام جاية بينا بس صدقيني انا اموت اموت فيك

وصدقيني حبيبتي انا والله تمنيت يجيني انسان اعطية عيوني مو حبي بس وعنجد احس اني جالسة امثل معاه
وحياتي معاه بتصير تمثيل بتمثيل بس اهليـــ ماني عارفة اتفاهم معاهم وحبينة بشكل ماتتصورين

وكمان احب اقولك
الصلاة احس انوه مومثل الشباب المهتم الا صلاتي

مرةجلست اكلمة واذن الفجر قالي اذن اوكي سلام باي

يوم قفلت قلت في نفسي ياترى راح يصلي والله مدري وش هالاحساس

يوم ثاني العصر سالتة بطريق غير مباشر ايش سويت بعد ماقفلت امس رحت المسج بكل برود وبساطة لا رحت السرير ونمت ماجلست الا الظهر

تعرفين كانوحد ساكب علي مو ية حارة
احس اني داخلة للجحيم شوي شوي

0
0
0

ومثل ماتمنى السعادة لي اتمناه لك

دمتي بود

أحساس الورد · 24-01-2006, 04:58

]اخويـــ الحاج متوليـــ اشكرك واشكر الاخوان على الاهتمام بي

والله ثم والله مالي الا الله ثم انتم

احس انو فية حد معاي واقف معي

انا حتى صديقاتي موقادرة اتكلم معاهم

0
0
جزاك الله خير
0
0
اخوي كلمات

سعدت بتواجدك وطاب مسائك

اقتباس:

إذا كنتي فعلا تكرهين ذلك الرجل .. فلماذا لا تصارحينه وتقولين ذلك في وجهه !! .. أنتي ذكرتي في ردودك بأنك كنتي تسألينه عن طموحاته إلخ .... فلماذا لا تسألينه الرحيل وتقولين " أسألك الرحيلا " بأسلوبك ... قولي له يإبن الناس أنا ما أحبك ... ولا راح أقدر أسعدك في حياتك .. و أنا إنسانه مريضة .. وراويه بعض التقارير الطبية علشان يصدقك .. ولا تخافين أو تستحين منه .. لأنه حسب كلامك لا يستحق

والله العظيمــ مو قادرة اقولة نفسي اقولها له مع انوهو حاس وقالي كذا مرة انتي مورمتاحة لي انتي مومستلطفتني
ومو قادرة ارد علية هولوانسان ذكي عرف وانا دايم لما يسالني عن متى الزوواج اقولة خلة السنة الجاية بعد سنتين هو يرد لا حرااااااااااام هو مو فاهم القصد بس اتعجب منوه لما يقولي احس انك مو مستلطفتني بس الا يام جاية
تصدق عاد اخوي اليوم يقولي اول ماشفتك قلت اووووووووف ايش جابني لهذه هذه كيف وافقت علي!!!!!! تخيل يقولي هالكلام
تصدقين انتي يبقالك واحد ............ بالمعنى من الهوامير
يسالني ايش كنتي تتمنين في زوج المستقبل قبل؟؟
سكت ماقدرت اجاوبة هل اقولة ولا شيء من اللي فيك !!!!!...................

وبالنسبة انا انسانة مريضة انا فعلاص مريضة وهذا قدر الله وبالوراثة وهذا عبء على ابوي شايل هم المرض
والله ثم والله اني لما احس بالالم اختار اني احبس روحي ولا اقولة يوديني المستشفى تدري لية
لأن مرضي يزعجة ايام المدرسة وانا في الابتدايئ والى الثانوية لما امرض واغيب يوم ثنين ثلاث يقولي لاتقولين لأحد انك رحتي المستشفى او فيني انيميا حسسني اني انسانة مو طبيعية انسانة ناقصة مع انو غيري عايشين وفيهم المرض وباسعد حال ومسيرين الحياة طبيعي لية انا ؟ انا والله احب ابووووووووووي واموت فية بس لية شايل هممرضي مع اني ماتعب الا بالنسة مرة مرتين
هويبي يزوجيني على بالة لما الناس بتعرف اني مريضة محد متقدم لي
يوم شاورت امي قلت لها لية ولية ماقلتو لي عن خطيبي كذا وراحت قالت لة وجاء يهزء فيني جرحني بكلامة مع انوه انا بنتةوهو تاج راسي اللي كنت حابة يظمني على صدرة ويقولي فهميني اشرحي لي وش فيك
جاء يقولي احمدربك ولاتنسين انك مريضة وهذه الشها
ات لاتودي ولاتجيب واهم شيء الوحدة تاخذ رجال والله حسيت وقتها بطعنة ومو اي طعنة من اعز الناس
من اعز انسان من ابوي
والله اني اكتب كلامي هذا واحس اني مخنوقة مو قادرة اوضح لك او بالاصح اكتب عن ابوي هالكلام
كان بودي ماطلع عنه الا كلشيء حلو بس صدقوني انا محتاجة لوقفتكم عشان كذا كتبت عنه
عنجد احيانا اقول قوليهااااااااااااااااا وافتكي قولي له مابيك بس اقول اذا ابوي شايل همي اريحة واتعب نفسي
انا احين شهر وكم اسوبع والله متحملتة على شانهم

اقتباس:

2- بإمكانك أن تجعلين أحد أقربائك المثقفين يحكي مع أبوك بهذا الموضوع

ابوي من النوع لا تدخلين احد في اشيائك الخصوصية مع انها موخصوصية بس صدقني هذا الشيء يزعجة
لما بقول لعمي راح تسود علي الحياة

دعواتك ليــ بانقضاء الاجل
وجزاك الله خير

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

^%^ريحونيـــــــــت الله يريحكم دنيا واخرة ^%^