عالم الحياة الزوجية - منتدى

مرجوووجة · 19-01-2006, 18:47

^
^
^
^
^
^
^
^
^
^
^
السلام عليكم
اهلا بالبنيات يالله حيهن

منذو مبطي وانا ابنزل لكم طريقة هالاكلة
عاد قبل كم يوم طنت ببالي اصلح لاهلي هالعشاء المميز اللي هو
((((( حنيني )))))

وفنكرت قلت (يامرجوجة مادام انتس بتصلحينه وراه ماتلقطين صور

عشان لانزلتي الطريقة تحطين معه الصور وتوضح الطريقة اكثر لانه معقدة شوي )
شفتن مدلعتكن عالاخر

بسم الله فسرن ذرعانكن يالله نبدا سويا وخليكن يابنيات مصحصحات ومركزات خطوة بخطوة

بوريكم كيفية عمل هذه الاكلة العجيبة التي اذهلت الامريكان
وصرقعت ابن لادن والشيشان وشيوخ واعيان بني قحطان

>>> لاتصدقون عشان القافية بس

ولاصلحتنه تصيرن تعرفن لحنيني القصمان اللي مهوب أي احد يضبطه

المهم اول شئ تجيبين العبيطة عاد مدري وش تسمونه انتم
( تمر مفرغ من العبس او النوى ومطحون ) هذا هو

همن تجيبن القرصان يصير طازج توه مصلح وتاخذين القرص الواحد وتحطينه بقدر مليان
ماء حار وتربصينوه بوسطوه عشان يصير ليييييين ميخالف لو اشتبت ايدينتس
تحملي مهوب زمان اول يقولون ( الزين شقاوات

) يعني يشقيتس ههههههههه
وتطلعينوه وتعصرينوه قوووه زي طريقة عصر الثياب منول
وتحطينوه بقدر وتصلحين كل اقراص القرصان الباقية نفس الطريقة عاد
عدد الاقراص يكون على حسب الكمية اللي بتصلحين
وبعد ماتخلصين يصير كذا مثل اللي بالصورة هذي

انزلي تحت باقي

مرجوووجة · 19-01-2006, 18:48

همن طبقيه بالغطاء عشان يلين زيادة وبخار الحرارة ترجع عليه
وبعدين تجيبين الطاحونة وتحطين تحته صحن كبييييييييير
وتبدين تاخذين القرصان وتقطعينوه قطع بحيث القطعة الوحدة تكون كبر قبضة اليد (تنتفين نتف)
وتحطين بوسطه قطعة من العبيطة (حجمه يكون نص حجم قطعة القرصان اللي بيدتس ) للتحلية
همن ياطويلات العمر تكورينه مع بعض وتزينين كثار ليييييين يخلص
يفضل انتس وانتي تزينين تطحنين بالطاحونة
ويصير تسذا

همن لاطحنتيه كله وخلص روحي وعيدي عليه مرة ثانية
وقبل غيري الريشة حقت الطاحونة بدل الاولى هذي

حطي اللي الثقوب حقته صغار هذي

عشان يكون لييييين مرة زي الزبدة

انزلي بعد باقي شوي

مرجوووجة · 19-01-2006, 18:48

بعدين تاخذين قطعة من اللي مطحون أول وتكورينه وتطحنينه ثانية
واذا عدتي عليه كله وخلصتيه عاد اعجنيه بيدينتس
هو صح متعب ويحتاج لقوووووة وتفركينه مع بعض لين يتجانس
وينعجن بقووووووة ويصير تسذا

همن يالمزيونات تمددينوه بيدينتس بالمطبقة هذي او اي مطبقة عندتس لكن الاغلب يحطونه بهذي

وبالوسط تخلين بوه حفرة خفيفة تحطين بوسطه الزبدة تكون سايحة(مايعة)
وبالهناء والعافية

( يفضل تقديمه وهو حار او يحط على موقد خاص أثناء الاكل

)
ويفضل انتس تقطعين فاكهة الترنج وتقدمينه معه

هذي الاكلة شعبية مشهورة عندنا بالشتاء فقط ويحبونه كثير القصمان

اتمنى انه يكون شرحي وافي ومفهوم

واللي تبي تسأل تفضل تقول لاتستحي

هيا بمان الله

صـمـت الـوجـود · 19-01-2006, 20:07

وعليكم السلام والرحمه...

يامال العافيه يامرجووجه ..
بس تعالي الصور كبيـــره مره بعد

..

المهم ليه أنتم تسوون المراهيف بالماء الحار...
ماما تسويها بالحليب المغلي أحلى تكون..
جربيها وشوفي ..
يمكن تختلف طريقتنا شوي عنك الترنج نخلطه معاه مو لحاله..

تسلم أيدياتس..ولاتحريمنا من الطبخات الغريبه ههههه..

HaVeN · 19-01-2006, 21:45

مشكورة مرجووجة...شرح مفصل وبعد بالصور..ماشاء الله عليك

الصور بحاول اصغرهم لك وأرسلهم على الخاص تحطينهم !

شهرزاد0 · 19-01-2006, 22:31

يازينك مرجوجه يسلمك ربي على هالشرح الممتع
كانك قاعده تسولفين لي
اما اني فهمت وباعرف اسويه فإنسيـــــــــــــــــــــــ

يوم آخر · 20-01-2006, 20:31

يا سلااااااااااااااااااااااااااااااام شكله لذيييييييييييييييذ

تسلم يدينك والله ...شكله متعووووب عليه مو أي كلام

مرجووجة بجيكم في القصيم عشان أسلم عليكم و..........................................أذوقه >>>>> تسلمين وألا تاكلين ههههه

يعطيك العافية

قودي · 21-01-2006, 20:18

يعطيك العافيه مرجوجه ..وعساك على القوووة

ماشالله عليك يأم السنع انتي ...

واحنا طريقتنا مثل طريقتكم بالضبط ...بس نقدم معاه ليمووون مو ترنج ..

روح الفراشه · 22-01-2006, 09:11

تسلمين مرجوجه على الوصفه

قــ القلوب ــوت · 22-01-2006, 17:31

يارب يسلم يدينك الحلوة

بس تصدقين عاد يا مجمج كان عندي أمل إني أتعلم أسوي الحنيني

الحين يأست ههههههههههههههههههههههههه

أثره صعب كذا

بس تدرين أنا عندي طريقة مرررررررررة سهلة

روحي لحلويات الصالحية جيبي منهم حنيني مفرزن

وحطيه بصحن ودخليه الماكرويف

وبعدها تمتعي بأحلى حنيني

هههههههههههههههههههههههههههههههه

<<<<<<<<<< يا ويلي بيجيلي طق من مرجوجة

خلوني أطلع قبل تجي

دمتي بخير
أختك : قـــ القلوب ــــوت

******حلم****** · 22-01-2006, 21:21

طربق طربق ..........رجتى منورة المطبخ ياقلبى

ومافيه احلى من حنينى البيت ..........مهما كان !!

تسلم الايادى يا مرجوجه وبالهنا والعافيه.......

Donia--Ajeeba · 24-01-2006, 05:25

تسلم ايدينك شيف مرجوجة .. ولو اننا ماذقنا شيء

أنا طريقتي مثل طريقة صمت الوجود ..

وبدل ما تعصرين المراهيف .. قطعيها بايدك قطع صغيرة نسبيا

وحطيها 10 دقايق بالحليب الحار .. لحد ما تتشربه ..

وبعدها افرميها مع التمر .....مرتين زي ما قلتي

وذوقينا هالمرة

شوق الاحساس · 28-01-2006, 16:49

الله يعطيك العافيه انشاء الله

لاتعبتي يامرجوجه

تسلم ايدك والله اني مشتهيه حنيني

لكن عجزانه اسويه

حاطتن حرتي بالقشد

عشانه اسهل من الحنيني..

تحياتي لكم

شوق الاحساس.......

نـدى · 01-02-2006, 22:06

يااااااااااحبي لك مرجوجة ...
حنيني مرة وحدة من جد سنعة
طبعا لايجي على بالك تسأليني شلون حنا نصلحه لاني مااااااااااعرف ,دايم القاه جاهز و وظيفتي اني اكل واقول حلو ولا ماحلو <<== انا اعلق من دووووون ماحد يطلب

شهيتيني على الحنيني .. ابي اذوووووق ممكن ..

اقتباس:

بوريكم كيفية عمل هذه الاكلة العجيبة التي اذهلت الامريكان
وصرقعت ابن لادن والشيشان وشيوخ واعيان بني قحطان

ههههههههههههههه الله يسعدك
يعطيك العافية .. وتسلم ايديك ..

ذهبيه · 02-02-2006, 01:37

اقتباس:

اللهم ازرعني في قلوب الناس كالنبتة الصالحة

يعجبني توقيعك ,,, وخاصة هالدعاء
وانا بعد ان شاء الله اكون كالنبتة الصالحه في قلوب الناس

الله يسعد ايامك رجو ,,, شكلك طباختون ماهرتون

ودي اسألك سؤال بس لا تستغربين منه

ماهو القرصان

بجد ما أعرف هذا تسونه في البيت ولا تشترونه جاهز من برا
بالتوفيق يا غاليه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ياناااس ياعااالم ياأحلى بنااات أغرررب طبخة من يدين اخيتكم,,أقلطواعلى الميسوور طربق طع