عالم الحياة الزوجية - منتدى

الفلكي · 24-01-2006, 21:26

السلام عليكم،،،

انا عقدت العقد يوم الخميس الماضي 19 1 2006

في البدايه ماقدرت اكلمها ولا هي اصلا تتكلم الا بعد 3 ايام تقريبا صار عندها ثقه وجرأه انها تكلمني،،، عالعموم

والمشكله اللي تحرقني انها ما تسأل عني!!!!

اطرشلها 10 مسجات تطرشلي مسج واحد وتكتب فيه كلمه او كلمتين!!!!

اقولها يا فلانه انتي قاطعه انتي ليش جذي؟؟؟؟ تيلس تضحك!!!

الحين اهي تدرس بس ماتطرشلي مع اني اشتريتلها والله افخم التلفونات بالسوق N 70 بس للاسف!!!!

احسها مطنشتني!!!

شو اسوي اخليها ولا ادق؟؟؟ والله مادري

.........

اوكي فيه نقطه ثانيه في احد المرات طرشتلي بالحرف الواحد ( العفوا حبيبي) انا الصراحه انصدمت بالاصل متى هي حبتني؟؟؟؟ انا الصراحه اشك انها تطرش حق ثاني او........او

ارجو اناره الشبهات وجزاكم الله خير

اخوكم سلطان

فدوه · 24-01-2006, 21:36

لااا حرام عليك مو من اولها

يمكن البنت خجوله وما تعرف تكلمك ويمكن اهلها قايلين لها الثقاله زينه

سلطان

وانا اختك لا تقطعها خليك معاها دايم مو بس مسجات كلمها خليها تحس انك حياتها كلها
ولا تقعد تقول شريت لها وطرشت لها وعملت لها وسويت لها تعلم تعطي باليمين واليسار ما تعرف

وانا اختك صلي على النبي وخلي الرحمن بقلبك ولا تبتدي اول حياتك بشك وظن
وعساها يارب زوجه حياتك واللي تسعدك وتهنيك وتحافظ عليك وانت حاول تفهمها

وخليك صريح معاها وعفوي واسحبها بالكلام لا تخليها مثل ما هي

الفلكي · 24-01-2006, 21:37

انا والله شفت مواضيع نفس هالموضوع بالنتدى بس كانت الحاله العكس

numanismail · 24-01-2006, 22:19

لا لا لا من اولها خليك حنون البنت خجلانه او اهلها ما يسمحون لها دير بالك عليها كلمها صارحها شوف شو السالفه
ونتمنى لك التوفيق

الفلكي · 24-01-2006, 22:29

المشكله انها ماحاسه بشيء هالي قاهرني..... اليوم ما كلمتها ابدا ابدا بس طرشت مسجين
فيهم كلمتين

صباح الخير

والثاني

تصبح على خير

والله مش طبيعيه ابدا

الطيبة · 24-01-2006, 23:21

اقتباس:

المشاركة الأصلية كتبت بواسطة الفلكي

اقولها يا فلانه انتي قاطعه انتي ليش جذي؟؟؟؟ تيلس تضحك!!!

ذكرتني بعمري والله.. يوم بو الشباب يقولي ليش لابستني و ما تتصلين كنت أضحك و اقوله ليش انت فانيلة ألبسك..

كنت استحي و ما اقول شي بس اضحك بصوت واطي ==== أكيد كان يقول عني خبلة

اصبر عليها شوي خل تتعود عليك و بتشوفها تزعجك بالإتصالات لين ما تمل و تقول يا ريتني ما لحيت عليها تتصل

و نصيحة ابعد عنك الشك يا أخي و لا تبدا حياتك بشك .. لو في حد ثاني بحياتها ما وافقت عليك و تزوجتك ..

الله يوفقك ان شاء الله

دلوعه زوجي · 24-01-2006, 23:38

اكيد انها مستحيه لحد ماتتعود عليك

وبعدين انت تقدر تغيرها

الفلكي · 24-01-2006, 23:43

اقتباس:

المشاركة الأصلية كتبت بواسطة دلوعه زوجي

اكيد انها مستحيه لحد ماتتعود عليك

وبعدين انت تقدر تغيرها

والله ما مستحيه ابدا

والله ان النك نيم مالج رهيب ياريت اللي عندي ربعج

لحن حياتي · 24-01-2006, 23:50

اول شي اخوي لاتبدأ حياتك بالشك

ابتعد عن الشك .

وثاني شي هذي فترة خطبة والبنت

دايم تكون خجولة بهذي الفترة .

يعني فيه بنات يقدرون يقولون ويعبرون عنه

بالمسجات او الرسايل الغرمية ( للمخطوبين أو المتزوجين )

ولكن لما تتكلم معاك غير .. راح تحس انها تخجل انها تبوح لك بمشاعرها

أو اي كلمة مثل حبيبي أو اي شي ثاني

يعني انت لما تجلس معاها وتتقابل معاها قول لها ابيك تتصلين فيني

لا تطنشين لي .. إذا هي تخاف على مشاعرك راح تسوي اللي تقولها عليه .

وعليك بالصبر لان كل شي في بدايته يكون صعب شوي وخاصة على البنت .

الله يوفقك ان شاء الله .

بنت الدكتور · 25-01-2006, 00:02

اوكي فيه نقطه ثانيه في احد المرات طرشتلي بالحرف الواحد ( العفوا حبيبي) انا الصراحه انصدمت بالاصل متى هي حبتني؟؟؟؟ انا الصراحه اشك انها تطرش حق ثاني او........او

لالالالالا حرام لاتشك فيها .....هذا مو سبب يخليك حتى تشك فيها ...... هذا شي عادي جدا....... انا كنت اقول كذا لزوجي اول ماتملكنا الموضوع مافيه شي...... وبعدين مثل ماقلت هي تدرس اكيد انها مشغوله بالمذاكره والتجهييييز ...... وممكن يكون طبع البنت ثقيله .... تصدق والله ودي اني كنت ثقيله ايام الملكه مع زوجي.... احسن والله ..... الله يوفقك ويسعدك

أبوعبدالإله · 25-01-2006, 00:17

اخوي الفلكي :

قلل اتصالاتك ومسجاتك ,

لاتندفع , حاول انك تتعرف عليها اكثر اذا صار بينكم اتصال , والبنت العفيفة تستحي , لاتخلي للشيطان مدخل لظنونك , والفترة اللي بينكم قليلة للي تبغاه يصير منها , ترى وضعك طبيعي جدا ويصير عند الكثير في بداية كتابة العقد..

بالتوفيق اخوي , والله يبارك لكم ويبارك عليكم ويجمع بينكم بخير..ولاتفكر ابد انك تبين لها شكك او تلمح لهاحتى , لان الشي هذا راح يدمر حياتك الزوجية..

(من جديد ) · 25-01-2006, 00:22

واضح السبب

في بداية خطوبتكم قريت مشكلتك وانك تاخرت حتى تكلمها
فالبنت تتغلى عليك

تقول بدل ماالحقه اخليه يلحقني والبادي اظلم

انا قريت مشكلة مثل هذه في منتدى اخر والظاهر هذه وصايا الصديقات

اشربها والبادي اظلم

الفلكي · 25-01-2006, 01:01

اقتباس:

المشاركة الأصلية كتبت بواسطة ياقلبي لا تحزن

واضح السبب

في بداية خطوبتكم قريت مشكلتك وانك تاخرت حتى تكلمها
فالبنت تتغلى عليك

تقول بدل ماالحقه اخليه يلحقني والبادي اظلم

انا قريت مشكلة مثل هذه في منتدى اخر والظاهر هذه وصايا الصديقات

اشربها والبادي اظلم

جزاك الله الف خير اخوي اعتتقد ان جوابك هو الارجح بس صدق شربتها

الفلكي · 25-01-2006, 01:06

اشكرك ابو عبدالله عالرد الجميل وعلى النصائح

بنت الدكتور شكرا لج عزيزتي واشكرج لعرضج للتجربه اللي مريتي فيها

لحن حياتي شكرا عزيزتي للنصائح والرد الجميل شكرا

وجزاكم الله خير

°°»Najla«°° · 27-01-2006, 03:53

اقتباس:

المشاركة الأصلية كتبت بواسطة الفلكي

السلام عليكم،،،

انا عقدت العقد يوم الخميس الماضي 19 1 2006

في البدايه ماقدرت اكلمها ولا هي اصلا تتكلم الا بعد 3 ايام تقريبا صار عندها ثقه وجرأه انها تكلمني،،، عالعموم

والمشكله اللي تحرقني انها ما تسأل عني!!!!

اطرشلها 10 مسجات تطرشلي مسج واحد وتكتب فيه كلمه او كلمتين!!!!

اقولها يا فلانه انتي قاطعه انتي ليش جذي؟؟؟؟ تيلس تضحك!!!

الحين اهي تدرس بس ماتطرشلي مع اني اشتريتلها والله افخم التلفونات بالسوق N 70 بس للاسف!!!!

احسها مطنشتني!!!

شو اسوي اخليها ولا ادق؟؟؟ والله مادري

.........

اوكي فيه نقطه ثانيه في احد المرات طرشتلي بالحرف الواحد ( العفوا حبيبي) انا الصراحه انصدمت بالاصل متى هي حبتني؟؟؟؟ انا الصراحه اشك انها تطرش حق ثاني او........او

ارجو اناره الشبهات وجزاكم الله خير

اخوكم سلطان

الف مبروك اخوي سلطان

انت تقول انها ماتسأل عنك

اقتباس:

والمشكله اللي تحرقني انها ما تسأل عني!!!!

وهذا شي طبيعي
كل البنات راح يستحون يتصلون

وانا وحده منهم اذا هو ما اتصل ما اتصل واذا طولها ممكن اسأل عن طريق اخته

وبعدين انت تبيها تكلمك وانت ماسك كلمة حبيبي ؟؟

اقتباس:

طرشتلي بالحرف الواحد ( العفوا حبيبي)

مو انت ملكت عليها عيب انها تقولك حبيبي ؟؟

يعني الحين انت زوجها يحقلها تقولك حبيبي وابو عيالي وهالشي مو عيب ولا حرام

واساسا مو حلوه انك تشك في انها تكلم غيرك من كلمة اذا بديت حياتك بكذا صدقني راح تتعب وتعب بنت الناس معك حرام

اذا كنت من النوع اللي يدقق بكل صغيرة وكبيرة هي راح تبعد عنك

لازم تعرف ان المراة كتله من المشاعر متى ماقدرت هالمشاعر وفهمتها راح تعيش احلى حياة

ومتى ماشكيت بكل شي راح تنقلب حياتك الى جحيم

والله يوفقك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

في احد صارله مثلي..........خبروني (ماتكلمني)