هــــاد الدنيـــا كلــــــها اوهــام===كلــها همــوم كلــها احـــزان

كلــهـــا غش كلــهـــا خـــــداع===الا مــا قــل وبــين الامـــــان

كلــها كــذب كلــهـــا نفـــــــاق===حتى من اعز واوفى الاقـران

نحكـــيلـــكـــم حكــايتـــــــــي===انا اللي زهري مازال ما بـان

او لمــــــن نحكيـــهـــــــا===للصبيـــــان ولاللبيبـــــــــان

طالما ما بقاش اللـــي يسمـــع===الكل في مشاكيـــلو تيهــــان

دوزت الباك بجـــد وبعمـــــــل===او نجحت في الاخير بمستحسن

شاركت في بزاف من المباريات===او في التالي حتاشي ماكـان

كتلــــقى غيــــر الوجهيـــــات===هـــذا عمــــو في البرلمــــان

او هذا ولـــد رجـــل اعمـــــال===او الاخــــــــر ابـــــاه بريــان

توسطــــو لو باش يقـــــــرا===في مــــدارس اخــــر الزمـــان

او مسكين اللي نجح بحســـن===او بـــــات الليـــالي سهـــران

او كــــان ولـــد رجـــل فقيــر ===مزلـــــــــوط او فنيـــــــان

ما عنـــدوش بـــاش يخلـــص===مصاريــــف ولــــدو الطمــحان

باش يولي طبيب ولا مهنــدس===ويكـــــون عايــــش مزيــــان

كيقنع بمصيـــرو المحتـــــوم===معلــــــم للغــــــة القـــــرآن

كـــــــــره القرايـــــةاو و لا===غيـــــر عاطيهـــــا للــــدوران

حيت اللي قراها في المركـز===تطبيقها مستحيــل في الميــدان

كيقري التلامذ جوج كليمـــات===هـــــذا كريــم ، هــــذا رمـان

او كايبقا يعاود لهم باش كان===كيحــــلم كــــأي انســـــــان

ايوا اللي ما هزوهش المعلمين===او قـــــاد يصـــــبر مزيـــــان

على المصاريــــف الماديــــة=== والمشاكــــل المتعددة البنيـان

كتكون اخــــر ملجـــأ ليـــــه===ذات العطــــــف والحـــنـــــان

الجامعة المفتوحـــة الابــواب ===لجميـع الطلبــــــة والشبـــان

تســــــجلـــت في الكليــــة===ومـــا ادراك ما الكلية يا فـــلان

مشيت او انا كلــي حيويـــة===وطمـــوح بـــاش نقــرا مزيــان

ولكن تصـدمت بالعديــد من===المشاكل خلاتنـي كيف الحيـران

اول حاجة كتصادف الطالـب===هي مشكلـة البــحث عن سكــن

الى بغا يديرالحي الجامعي==خاص شي واحد يكون في الضمان

ويلامالقاش اللي يتدخل ليه===خاـــو يكري بيوت دلفيـــــران

صغيرة كتجيـــب الضيقـــــة===والاثمنـــة شاعلــــة نيـــــران

اما محــــــل الكليــــــــة===نبــــــع الثقافــــــة والعرفــان

مالقـــاو فيـــــن يبنيـــــوها===غيـــرحـــدا الوســـخ ولعفــان

ملاصقا مع شلال الواد الحار===عامــــر بالنامــــوس والدبــــان

كيجي الطالـــــب مسكيـــــن===كيحــــو الطوبيـــس سخفــان

بسبب الشمـــس والحـــرارة===مــــع الزحــام او كثـرة القومان

كيشـــم الروائــح الكريهة===وي ولــــي بحــال شي سكــران

واش هــــــذا بــــــــــقالو===فيـــــن يفهــم ويركز مزيـــان؟؟

دفعـــــت طلـــــب المنحـــة=== بحالــي بحـــال كـــل الاقـران

او زدت جــــــوج اخريـــن===حيت حطوني في لائحة النسيــان

ماخرجوهاليش شكيتـــــهم===لله الــــواحـــــــد الــــديـــــــان

في الكلية كل واحد وغرضو===هــا اللي عاطيهـا غيـر للدوران

ها اللي كتعـــرض ازيــــاء=== الموضـــــــــة بغــــات تبـــــان

او هــادشــــــي كولــــــو===كيجـســـــد انعـــدام الايمـــــان

اللي سولتو كيف الاحـــوال===كيــــــقولي رانــــي ندمــــان

ندمان حيت دخلت للمدرسـة===او جيــــت شفــــت هاد المكـان

بلا ما نسا تمارة دالطريــق===والتكرفيــــس فــــي الكيـــران

جاتنـــــي الشقيقة للــراس===وليــــــت كنشــــربدوليبــــران

الله يارب ارحمنا برحمتــك===ياكريــــم يا حليــــــم يا منـــان

كنتمنى اتغير هاذ الوضعية===مـــن حســــــــن لاحســـــــن

او تولي دايمــــــا الكليــة===حاملـــة لواء تقــدم الوطـــــن