عالم الحياة الزوجية - منتدى

نسايم ورد · 11-02-2006, 22:28

أسرار خاصصصصة ......... لكِ
السلام عليكم ورحمة الله وبركاته ،،،

أخواتي عضوات وزائرات المنتدى كيفكم ، جبت لكم موضوع وعسى بس ما يكون محرج
وينلغي ، بس وربي حبيت أفيدكم لأنكم محتاجات لهالنصائح وبالذات للمرأة المتزوجة منكن ..

كثير من البنات و خاصة المتزوجات يشتكون من ..... موضوع حساس
اللي هو الالتهابات التناسلية واللي تأثر تأثير مباشر على المتزوجات وحياتهم الزوجية

المهم في الموضوع نقطتين :

أولا :
اهمال الالتهابات قد يوصل الميكروبات والجراثيم لعنق الرحم .
ثانيا :
عمل الوقاية والحماية من هالمشكلة اللي تؤرق بعض الأخوات ...
عن طريق عمل الطرق التالية :-

1) بعد الاستنجاء بالماء بعد قضاء الحاجة , مانلبس ملابسنا الداخلية مباشرة , لان الرطوبة تسبب نوع من البكتيريا والفطريات , خصوصا عند اللي مايغيرون ملابسهم الداخلية يوميا , المفروض اننا نتجفف من الماء ثم نلبس ملابسنا الداخلية .

2) ضروري ضروري جدا تغيير ملابسنا الداخلية يوميا بعد تنظيف المنطقة جيدا .

3) نبتعد من لبس السراويل المصنوعه من النايلون ونلبس قطن .

4) * نقطة مهمه جدا * بعد الاستنجاء مانمسح ابدا بمناديل الكلينكس او أي نوع من المناديل ,
وهذي غلطة كثير مننا يطيحون فيها , لان هالمناديل كفيلة وحدها بتكوين الالتهابات لان اصلا هالمناديل ماهي معقمة . >>>>>>> طييييييب وش الحل؟؟؟؟؟

انا اقولك

# نشتري قماش قطني 100% من السوق,,,,, ان لم يتوفر ناخذ بعض ملابس الرجال والاطفال القطنيه 100% اللي مستغنين عنها باللون الابيض.

# نقص قطعة القماش الى مستطيلات كل قطعه بحجم المنديل العادي , نقصص لين نحصل ل50 او 60 قطعه ,

# بعدين نغسلها بشكل جيد جدا بالماي والصابون

# بعد ماتجف تماما نكويها قطعه قطعه , ونرصها في علبة محكمة الاغلاق وتكون نظيفة .

# ونحطها في دولاب الحمام , او في مكان في متناول يدك , وبعد الاستنجاء بدل مانستخدم مناديل نستخدم قطع القماش النظيفة .

# بعد استخدام كل قطعه نكون محضرين علبة نحط القطع المستخدمة فيها , لييييين تتجمع , وناخذها من جديد ونغسلها غسل ممتاز ونكويها ونحطها في العلبة النظيفة .

5) نرجع لطرق الوقاية , الاستحداد بعد كل دورة شهرية وهو مستحب لنظافة الوحدة .

6) نغسل الفرج يوميا بقطعة من القطن الناعم مبلولة بماي دافي ونقطتين من الشامبو الطبيعي
( اللي كيماوياته اقل مثل شامبو الاطفال جونسون ) ونغسل الاعضاء الخارجية جيدا , حذاري من استخدام الصابون لان يسبب لنا الجفاف وبعدين احتمال يسبب لنا التهابات , ولازم مانستعمل الليفة الخشنه في غسل الاعضاء التناسلية الخارجية لانها تسبب لها جروح وخدوش صغيرة , وكمان ماندعك بالاظافر , نكتفي بغسلها بالقطن والموية الدافئة والشامبو , نستخدم هالطريقة في الاستحمام اليومي , وبعد افضل اننا بعد مانغسل المنطقة , ناخذ قطنه معقمة ونحط عليها ملعقة ماي ورد ونقطة وحدة وحدة فقط من دهن الورد والمسك او العود , ثم ندعكها في بعض ونمسح بها المنطقة الخارجية اكرر الخارجية عشان تعطينا ريحة حلوة .

7) نهتم بنظافتنا الشخصية اثناء الدورة .

قبل مانخرج من البيت لاي مكان نروح للحمام , وللاحتياط :
# نحط في الشنطة في علبة متوسطة مناديل عادية مطوية مربعات ونصفها وحدة فوقها الثانية ونبللها بأي من المواد الطهرة ( الاسبيرتو . الديتول , الكلونيا)

طيب الان فرضا احتجنا الحمام وما قدرنا نصبر لين نرجع ,
اولا نسحب ماي المرحاض لانها يمكن تكون وسخة
ثانيا نمسح حواف المرحاض بالمناديل المعقمة اللي جهزناها , ونكرر العملية لين نرتاح نفسيا وينظف المقعد زين .
وبعدين نجلس وانحن مرتاحيييييييييييييييين .

سؤااااااال ليش نتعب نفسنا وننظف المقعد ؟؟؟

عشان ياحلوين ماناخذ عدوى من الناس اللي استخدموا المقعد , فرضا كان فيهم التهابات شديدة
او أي مرض اخر معدي او خطير الله يستر ...

9) من الافضل عمل غسول خارجي او مهبلي مرة بالاسبوع بسسسسس للمتزوجات .عندي طريقة
بس ماجربتها اذا كنتوا تبونها

....بالنسبة للطريقتين :
الطريقة الاولى للغسيل المهبلي او الخارجي :
ليتر ماي تحطينه عالنار وتضيفين عليه ملعقة كبيرة بابونج وتتركيه يغلي 3 دقايق , بعدين تخلينه حتى يفتر وتصفينه في خرقه نظيفة ومعقمة , وبعدين اغتسلي به او سوي دش مهبلي للمتزوجات فقط .

الطريقة الثانية :
تشبه الاولى وهي تحطين لتر ماي عالنار وتضيفين له ملعقة كبيرة من البابونج وملعقة كبيرة من الكرفس او البقدونس المفروم , وتخلينه يطبخ 3 دقايق يطبخ , وبعدين تخلينه لين يفتر وتصفينه بقطعة قماش معقمة ونظيفة , وتغتسلين به او تعملين دش مهبلي .

نجي الان لعلاج الالتهابات , بعطيك طرق كفيلة باذن الله بابعاد ازعاج الالتهابات
قبل كل شي اذا كنتي تعانين من الالتهابات روحي للطبيبة قبل لاتزيد الامور , اذا ماقدرتي سواء ظروف او لاي سبب كملي معاي ....

1) تغيرين الملابس الداخلية يوميا

2) لما تغسلين ملابسك الداخلية لاتخلطيها مع ملابس زوجك او اطفالك , لازم تغسليها لحالها ولما تجف تكوينها .

3) اذا كانت الافرازات غزيرة وتضايقك من رطوبتها , حطي في ملابسك الداخلية من القطن النسائي حق الاستعمال اليومي ( يشبه الفوط النسائية بس يكون اصغر ورقيق مرة ومن انواعه كير فري Care Free فيه عادي ومعطر ونوع يتنفس مايكتم ) طبعا تغيريها كل فترة وكذى تبقى ملابسك نظيفة .

4) اذا كانت افرازاتك كثيرة ولها ريحه ولونها اصفر لازم تستشيرين الطبيبة وتاخذين علاج , عشان مايتطور الامر .

5) لازم تسوين الغسول المهبلي ( طبعا للمتزوجات فقط ) اما انك تشتري المحلول من الصيدلية بوصفة طبيبة او انك تسوين التالي :

اذا كنتي تعانين من التسلخات والفطريات والحكة الشديدة
• ملعقة كبيرة بابونج
• ملعقة كبيرة ونص بقدونس جاف
• ملعقة كبيرة خطمي
• قليل من الملحه ( تباع عند العطارين )
• ملعقة كبيرة اكليل الجبل يباع في الاسواق
• ملعقة كبيرة شمرة
تطحنين المقادير بشكل ممتاز وتحطينها في برطمان ولما يجيك التهابات وسيلانات , تاخذين ملعقة وسط من البرطمان وتحطينه على كاس ماي وتتركينه يغلي لمدة دقيقتين فقط , وبعدين تخلينه يفتر وتصفينه بقطعة قماش نظيفة ومعقمة , وتغسلين به من الخارج الخارج .

اذا كنتي تعانين من الالتهابات الداخلية
• ملعقتين كبيرة بقدونس جاف
• ملعقة كبيرة بابونج
• قليلق من الملحه ( تباع عند العطارين )
• ملعقة كبيرة اكليل الجبل ( تباع في الاسواق )
تطحنين المقادير وتحطينها في برطمان وتاخذين منها ملعقة كبيرة وتطبخينها مع لتر ماي لمدة دقيقتين وتتركينها لين تصير دافية وتصفيها بقطعة قماش نظيفة ومعقمة , وتغسلين بها المهبل من الداخل .

اذا كنتي تعانين من كثرة نزول السيلان المهبلي
• ملعتين كبيرة من بذور البقدونس
• ملعقة من الخبيزة الطازجة
• ملعقة من اكليل الجبل
تطحنين المقادير وتحطينها في برطمان وتاخذين منها ملعقة كبيرة وتطبخينها مع لتر ماي لمدة دقيقتين وتتركينها لين تصير دافية وتصفيها بقطعة قماش نظيفة ومعقمة , وتغسلين بها المهبل من الداخل .

احيانا مع بعض انواع الالتهابات يجي الم في منطقة الرحم والمبايض وعشان تخففينها وتزيليها باذن الله :
1) تطبخين حلبة بالماي وبعد ماتبرد تصفينها وتجلسين فيها اذا كنت مصابة بالام الرحم .
2) ولازم تكثرين من اكل التمر .
3) تعملين وصفة لتخفيف الام الرحم والمبايض اللي هي :
• ملعقة كبيرة نعناع جاف
• ملعقة كبيرة ميرمية
• ملعقة كبيرة بقدونس جاف
• ملعقة كبيرة ونص بابونج
• ملعقة كبيرة شمر
• ملعقة متوسطة كمون
تطحنين المقادير وتحطينها في علبة وتاخذين منها ملعقة متوسطة تضيفينها على نصف كاس ماي مغلي وتتركينها لين تبرد بعدين تصفينها وتحلينها بالعسل وتشربينها الله يعافيك .

اذا كنتي تعانين من التهابات الرحم والمبايض :
3 ملاعق كبيرة بذور بقدونس
•ملعقتين كبيرة بابونج
•ملعقة كبيرة حبه سودا
•ملعقة كبيرة حلبة
تطحنين المقادير وتحطينها في علبة وتاخذين منها ملعقة متوسطة تضيفينها على نصف كاس ماي مغلي وتتركينها لين تبرد بعدين تصفينها وتحلينها بالعسل وتشربينها , وتستخدمينه مرة الى مرتين يوميا , لازم اللي تستعمله ماتكون حامل او فيها مرض القلب عشان الحبه السودا .

والله يعافي كل مسلم ومسلمة

نقلته لكم للفائدة ..

نسووووووووووومه

hebaa · 11-02-2006, 22:41

موضوعك جميل بارك الله فيك

الفصول الاربعة · 11-02-2006, 22:41

الف شكر نسومتي
كانت استاذة عندنا تقول لنا خلو عدد ملابسكم الداخلية بعدد ايام الاسبوع
و انا اقول خلوها الضعف>>>>غيرو الملابس بالصباح و بالمسا
و مثل ما قلتي نسومتي الفوط من القطن مهمة كثييييييييييير
دمتي

كيندا · 11-02-2006, 22:47

موضوع مهم
شكرا حبيبتي

abass · 11-02-2006, 22:53

احب اطلع على مواضيع اهم

نسايم ورد · 11-02-2006, 22:57

يسلموااااااااااا على المرور

نورتوا الموضوع وربي00 يعطيكم العافيه

الفصول منوره ياقلبي والله لك وحشه 0000 فقناكي يالغاليه00 لاعاد تغيبين

pink moon · 12-02-2006, 03:43

يعطيك العافيه اختي نسايم ورد

والله الموضوع هذا جدا مهم للبنات وخصوصا احنا مقبلين على الزواج ومعرضين لمشاكل كثيره من هذا النوع واكيد الحرص والنظافة بتكون مضاعفة في هذي المرحلة

شكرا

HaVeN · 12-02-2006, 04:14

وعليك السلام ورحمة الله وبركاته

نسايم ورد موضوعك جميل ومفيد وان شاء الله ما راح ينحذف

... لي تعقيب لو سمحتي على بعض النقاط:

الدش المهبلي للمتزوجات إن كان ولا بد فليكون على فترات متباعدة قليلا ...مرة كل 2-3 شهور لأنه ممكن يؤدي إلى بعض المشاكل ومنها زيادة نسبة الالتهابات

الدش أو الغسول المهبلي يمنع استخدامه نهائيا وقت حدوث التهابات ...فهو من الأسباب المؤدية لانتشار الالتهاب إى الأعضاء العلوية من الجهاز من رحم ومبايض وانابيب

اي مواد تستخدم لتنظيف المنطقة الحساسة فلتكن مواد غير معطرة

والتشديد ثانية على أهمية الذهاب إلى الطبيب وعدم علاج اي نوع من الالتهاب فب البيت مهما كان...صحتك بالدنيا

تحياتي

صـمـت الـوجـود · 12-02-2006, 08:34

يعطيك العافيه يانسوومه..
فعلاً حواء تحتاج لهذي النصايح دائماً...

نسايم ورد · 12-02-2006, 14:10

بينك مووووووون00 يسلموا يالغاليه على المروور

يعطيكي العاااافيه

خجوله حيل · 12-02-2006, 14:15

رهيب تسلمين نسايم بسيفه عالديسك توب مالي
تحياتي ,,,

نسايم ورد · 12-02-2006, 14:15

اقتباس:

المشاركة الأصلية كتبت بواسطة HaVeN

وعليك السلام ورحمة الله وبركاته

نسايم ورد موضوعك جميل ومفيد وان شاء الله ما راح ينحذف

... لي تعقيب لو سمحتي على بعض النقاط:

الدش المهبلي للمتزوجات إن كان ولا بد فليكون على فترات متباعدة قليلا ...مرة كل 2-3 شهور لأنه ممكن يؤدي إلى بعض المشاكل ومنها زيادة نسبة الالتهابات

الدش أو الغسول المهبلي يمنع استخدامه نهائيا وقت حدوث التهابات ...فهو من الأسباب المؤدية لانتشار الالتهاب إى الأعضاء العلوية من الجهاز من رحم ومبايض وانابيب

اي مواد تستخدم لتنظيف المنطقة الحساسة فلتكن مواد غير معطرة

والتشديد ثانية على أهمية الذهاب إلى الطبيب وعدم علاج اي نوع من الالتهاب فب البيت مهما كان...صحتك بالدنيا

تحياتي

هاااااافين منوره ياقلبي ويشرفني حضورك00 والحمدالله هالمره ماانحدف

تراني تعقدت

اشكر حضورك هافين وملاحظاتك ومنكم نستفيد

يعطيكي العافيه ياقلبي

نسايم ورد · 12-02-2006, 14:18

صمت الوجود

خجوله حيل

سعدت بمروركم وردودكم حبيباااااتي00 الله لايحرمني منكم

ويعطيكم العافيه

دلوعه الغالي · 12-02-2006, 15:49

يسلموااااااااااااا ياقلبي علي النصح

نسايم ورد · 12-02-2006, 20:38

الف شكر دلوعة الغااااااالي على المرور

يعطيكي العاااااافيه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

اسراااار خاصة0000 لك