عالم الحياة الزوجية - منتدى

رياح الغربه · 16-02-2006, 03:31

السلام عليكم ورحمة الله وبركاته اتمنى ان تقبلو عذري في التاخير على هذا المنتدى الذي اصبح جزا كبير من حيااااااااااااتي فانا لن انساه مهما حصلت الظروف لقد مررت بمشكله كبيره فيها ظلم كبير لي واريد توجيهكم لي وعارفه ماراح كلام صريح للمراة والرجل مع النصيحة

تقصرون كلام صريح للمراة والرجل مع النصيحة

من فتره مريت بمشكله كبيره مع اهل زوجي انا تها وشت مع سلفتي التي لا تمل ظلم لي والمشكله بعد ما جلست

احاول في حماتي اني اوجهها واوقفها عند حدها المهم تمت المواجهه وانتصرت لني ما سويت غلط لها انتهينا من

المشكله تدخل زوجها وجلس يدافع عن زوجته مع انها ظالمتني وطبعا زوجها شقيق زوجي وتهاوشو الاخوان بسبب لقافته وتلفظ علي شقيق زوجي وقال اهي من تزوجها اخوي وهي ناويه مشاكل وهي ماتربت وهي اذا جت تخدمها زوجتي ومن هاالكلام المهم في وقتها انقهرت وتحسبت عليه لانة من جد ظلمني اهو وزوجته طبعا بتسالوني عن موقف

امه وابوه عادي عندهم ومن شده قهري على حموي قلت عادي خلوه يتكلم بس اهم شي انكم ماتزعلون صحيحه مره المهم صلحو الاخوان بس انا مابي اصلح معهم لانهم ماتاسفو لي وحلفت مااسلم على اخوه اجبرتني خالتي وقالت اهو

بيسلم وخلاص اهو متحسف طبعا خراط انا قلت خلاص وانا اصرف يوم جلست نادت ولدها وقالت تعال بتسلم عليك اهي هذا اولا والشي الثاني محد في العائله قال معليش تر مارضينا فيك وانا من النوع لويبون عيوني عطيتهم وش رايكم

وش الحل احس اني بنهبل من القهر وش اسووووووووووووووووووي كثرت مشاكلي مع زوجي وبدينا نكره بعض بسبب هالموضووووووووووع

(من جديد ) · 16-02-2006, 03:50

اهلا بك اختي الغالية

اولا تعوذي بالله من الشيطان الرجيم

وفكري من الاهم

ان تتحسن علاقتك مع زوجك الذي تريه كل فترة بسبب ظروف عمله

او علاقتك بسلفتك وزوجها

هاتين مسئلتين منفصلتين

ناخذا الامور الايجابية اقصد اللي من صالحك

ان زوجك ماسكت عن حقك
وهذه ميزة
لانه كثيرا كثيرا مايبتعد الازواج عن التدخل في سوالف الحريم لاجل مايخسرون اخوانهم
ومعنى هذا انه ما يرضى عليك

طيب يستاهل تفكري فيه او لا

النقطة الثانية ان ابو زوجك وامه انصفوك ايضا

يعني من اللي انقهرت
هي او انت

واكيد الام والاب مايريدون لولادهم خلاف وخصوصا اعذريني من غيرة السلايف اللي ماتنتهي فهي مشكلة ازلية

تحتاج مسلسل مكسيكي المرة الجاية اكتبه

هم ماحيتاسفون لك كيفهم

مادام معك القمر مالك ومال النجوم

يعني يااختي هي منغاظة منك
ومنغاظة من موقف اهل زوجك منك
وتبيها تعتذر لك

اذا اردت ان تطاع فامر بما يستطاع

هدي نفسك

وابعدي عن نفسك الهواجس الشيطانية

وتذكري موضوعك للتجهيز لاستقبال زوجك واقري المعوذات فالعين حق

وتجهزي لزوجك والدنيا ماتسوى

وكيدي العذال

اختك في الله

رياح الغربه · 16-02-2006, 03:55

مشكوره اختي بس انا اللي انقهرت مو ام زوجي

(من جديد ) · 16-02-2006, 03:58

ومن طرى ام زوجك

~®§§][][ جانيت ][][§§®~ · 16-02-2006, 05:43

انا لو منك اول شئ اعمله
ان اعمل ما يشر لى به زوجى ؟؟؟
لتكسبى كل الاطراف صدقينى ليس فيها لا مذلة ولا كبريااااء مطعون ،،
تكبرين بعين زوجك وهذا المطلوب وتكسبين رضاااه ورضاء الله عليك ........؟؟ وتنتهى من هذه المشاااكل الى ابد
وان تعتبرين نفسك المظلومة بالموضوع ،،
حاااولى ان تظغطى على كبريائك وتسامحين كل الاطراف ،، وبتااالى ستكبرين فى عيون الجميع ؟؟
ولك تحيتى

رياح الغربه · 17-02-2006, 21:43

مشكووووووووووووورين جدا ولي رجعة معاكم بس لين تهدا الاموووووووووووووور ادعولي

رياح الغربه · 22-02-2006, 02:39

مشكوره اختي ياقلبي لا تحزن كلامك عسل بس تدرين اللي مضايق زوجي مني يبيني انسى اللي صار وانا اقول مهوووووووب سهل انا اللي قاهرني انا وحدة جديدة عليهم مالي الا سنتين ونصف متزوجه ولدهم المفروض يحطون لي قدر ويقولون اللي راح راح ولازم نرجع الامور لمجاريها واللي صار مارضينا به الله يهديه عصبي ومن هالكلام لا ساكتين وحاقريني وكل ماشافوني قالو عيالنا ماقد صار لهم كذا ويلاة الدموع والشكاوي ولا احس انها زعلاااااااانة علي لاني اذا كلمتها مااقول وشلون ولدك الكبير ودايم اهي تقولي سوالفه ويازوجته الحشره بس احس اني انجرحت منهم جرح كبيررررررررررررررر الله يعلمه يعني موقفي والله مايصير الافي مسلاسلات تخيلي يجي اخو زوجك يقول انقلعي عن امي ابعدي عنها انتي مافيك خير من جيتي وبيتنا منهدم ولا يكرره قدام اخوانة واهلة وزوجته حسبي الله عليه ويازوجته يعني موقف ماراح انساه منة وزوجي الله يهديه يبيني جماد وانا انسانه كرامتي اتعبتني

رياح الغربه · 22-02-2006, 02:48

اختي جانيت ودي واتمنى بس انا من النوووووووووووووع اللي اذا لذعني احد اعزة اكرررررررره مره وبيني وبينك اهو حمار دايم يتشكا من زوجته وعارفها ودايم بينهم مشاكل المفروض انه مااتهمني بها الكلام وانا غريبه في بيتهم يمكن ما نجتمع معاهم الامره كل ثلاث شهور وذيك السنه كان منتدب في باكستان تخيلي كل روحة يروح اجي ذاك اليوم عندهم واسكت زوجتة واواسيها واحاول اعوضها بس على قولت القايل سو خير تلقى شر ومشكووووووورة جدا كلامك حلو الله ينسيني علشان اطبقه

nawaf_777 · 22-02-2006, 03:18

كوني مظلومه ولاتكوني ظالمه

والباقي يبغا دبلوماسيه منك وبالذات مع اهل زوجك وكمان اكسبي ابووة وامه والباقي يزبط

خليكي كذا واهم شي زوجك يفهمك والباقي وش عليكي منهم ..

أبوعبدالإله · 22-02-2006, 23:23

اختي رياح الغربة الحمد لله على سلامتك , عوداً حميداً

اعملي بأمر المولــــــى في هذه الايــــــــــــة فهو الأعلم بخلقه :-

{وَلَا تَسْتَوِي الْحَسَنَةُ وَلَا السَّيِّئَةُ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ} (34) سورة فصلت

وتذكري قول سيّد البشر محمد صلى الله عليه وسلم :-

( من كان يؤمن بالله واليوم والآخر فليقل خيراً أوليصمت )

وهنا كلام ذو حكمة :-

يزيد سفاهتاً وأزيد حلماً,,,كالعود يزيده الإحراق طيبــاً

شوق .. · 23-02-2006, 00:18

..
اختي رياح الغربه ..
مشاكل اهل الزوج ماتنتهي ..
وتتطلب طولة بال وحنكه في التصرف ..
احب اقولك ان امي عانت كثير من اهل ابوي ..
ووصلت المشاكل انها تسمع حمواتها يحكون عنها وعن اهلها ..
وكانت تموت من القهر بس ما ترد عليهم وتقابل اذيتهم ببرود وعدم مبالاة ..
الين ا يوم من الايام وكل الحموات وهم عددهم 3 تهاوشوا هوشه كبيره مره مره ..
وعماني الثلاثه تقاطعوا بسبب حريمهم ..

وش تتوقعين امي سوت ؟؟!!
وحده بمكانها كانت تفرح وتقول عقوبه ..
لكنها سوت عزيمه وما علمتهم انها يتناديهم سوا ..
وتفاجأوا الثلاث انهم ببيتنا مع بعض عقب سنه من الخلاف ..
وأصلحت بينهم ..

كل وحده منهم جت وقالت سامحيني انا قلت عنك كذا وكذا ..
طلعتي اصيله واحسن مننا ..

هذا الحكي قبل 12 سنه ..
والى يومك وهم يحترمون امي احترام كبير ..
من التصرف اللي سوته ..

انا ذكرت لك هالسالفه لمجرد تعرفين ان المشاحنات تحصل كثير ..
حش وغيبه << زي بعض ونقل كلام زكذب و و و ..........

اساسها الغيره ..

برودك ومعاملتك الحلوه هي اللي تغيظهم ..
وش يمنعك تروحين لام زوجك وتقولين لها ماصار الا كل خير ياخالتي ..
وتستسمحين منها ..
وتقولين لها عشان خاطرك ياخالتي انا بسوي عزيمه وتنادين حماتك .. .. ..
وتقولين كلنا اهل واللي راح راح ومن هالحكي ..
اولا بتكبرين بعين خالتك وزوجك وبتغيظين حماتك << طبعا لا يكون هدفك إغاظتها
لا خلي هدفك انك تجمعين شملهم ..
والله بيوفقك ..

غير كذا انتي ببدايه حياتك وصار كذا شلون بتكملين الطريق وهذي البدايه ؟؟

اكيد اني اصغر منك وبزر بس حبيت اوضح لك شي ممكن يكون رايح عن بالك من كثر ما انتي
منزعجه ..

وصدقيني بتكبرين بعين زوجك قبلهم كلهم ..

ملحوظه ..
(( حنا القصمان نقول للحماة << اللي متعارف عنها انها ام الزوج (( خالة )) وحريم خوان الزوج (( حموات ))

^^^^^^ قاموس ..

رياح الغربه · 25-02-2006, 03:14

مشكورة جدا اختي نوف بس الظلم شيييييييييين ولا زالت حماتي حاطه ببالها ويازوجها اني انا العينه هذا اللي قاهرني

رياح الغربه · 25-02-2006, 03:17

مشكور اخي عبدالاله اسال الله ان يهديها لكي الين معها مو معقوله اروح اعاملها بطيب وهي ماتستحق لمامه فتانه منافقه كذابه وين وغير كذا فرقت بيني وبين بنت عمي رجلي حرجني ما اكلم بنت عمي بسبب مرت اخوووووووووووة

رياح الغربه · 25-02-2006, 03:21

اختي شووووووووق حلو اسمك بس بنات التالي مومثل بنات اول ان فيني ميزة شينة تدرين وش هي اذا زعلت من احد اروح اواجهة واخذ حقي منه علشان يصفا قلبي له مااحب اشيل بقلبي ولي عووووووووووده لموضوعك سلمي على امك ياليتني مثلها

أسد الشمال · 25-02-2006, 03:32

عودا حميدا لكن أنا لي تعامل مع زوجات اخوتي ولي قوانين مع اخواني
ماأحب أسب زوجاتهم ولاأتدخل بامرهن ولوكن مخطئات ولابد من الايضاح فافهم اخي ويتفاهم معها باسلوب حلو ومتعقل والله يهديها
بعدين الاخوان اللي يتزاعلون عشان هوشات حريم متخلفين عقليا لأنه سيهجر أخاه واولاده لاجل امراه تفسد الاخوه وتحصل القطيعه ونرجو الصبر ارضاء للزوج خاصه ان كان فاهم وحنون
والمفروض عند حصول مشاكل حلها وتحذير النساء من اشعالها لاأن يدافع كل رجل عن امرأته ويسفه الأخرى وشكرالكم

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

وش رايكم بالي صار لي من ظلم