عالم الحياة الزوجية - منتدى

مرجوووجة · 20-02-2006, 22:08

^
^
^
^
^
^
^
^
^
^
ودي اناقش بعض مواقف سوء الفهم اللي تصير بين الحرمة وزوجها
عشان تلاحظون اخوتي و اخواتي المقبلين بعض اللفتات اللي ممكن تصير غايبة عن اذهانكم
ولا مانع من تواجد المعرسين

وعشان ما تظلم الزوجة زوجها وتقول انه من النوع الاقشر وأطباعه شينة مهب
زي باقي الرجال السنعين

وعشان الرجال يفهموا الزوجة وشلون تفكر ولا يظلمها ويحسب انه سيئة الطبع

اختي الغالية واخي الفاضل لابد ان يستوعب كل منكما ان شريك حياته يختلف عنه كثيرا
وهذا الاختلافات تسبب اصطدامات مع الشريك ومشاكل بس ماتعني بالضرورة انه سئ الطبع ،،

كلنا عارفين ان الحريم يختلفون تماماعن الرجال ..
ونقدر نقول ان بعض هالاختلافات بينهم رائعة والبعض الاخر يخلي الحياة بينهم
متعبة ،، وايضا هناك نوع من المشاكل اللي تصير بين الزوجين
عادية ممكن تصير بين اي أثنين بغض النظر عن جنسهما على سبيل المثال :
هذا يحب الاثاث الالوان الفاتحة والاخر يحب الاثاث الالوان الغامقة
لكن اغلب الاختلافات تختص بجنسهما وترجع احتمالات اسباب الاختلافات اللي تصير بينهم
انه الرجل تربى ونشأ على تفكير وتصرف وعلى اسلوب معين
والحرمة تربت ونشأت على اسلوب مختلف وشئ طبيعي بيصير بينهم سوء التفاهم
بين الحين والاخر وهو السبب الرئيسي للمشاكل ومسببات الطلاق

** متى يقع سوء الفهم بين الزوجين ؟

عندما يعتقدان انهما يتفهمان الوضع وهم نقدر نقول (ماخذين بأنفسهم مقلب

) لان الواقع غير ذلك ،،
ادري مافهمتوا خلين اقرب الصورة اكثر بضرب مثال

:
لو نجيب شخصين من دولتين مختلفتين واللغة مختلفة
نقول واحد سعودي وواحد صيني واحطهم بغرفة واقول تواصلوا
كل واحد يمدح الثاني كلنا متأكدين من ردة الفعل كل واحد بيدربي راسه
ومب فاهم على الثاني

وكل واحد يحاول يفهم على الثاني بس كثيرا يساء الفهم

انزلوا باقي

مرجوووجة · 20-02-2006, 22:09

ونفس الشئ عنكما ايها العروسين بتتكلمون بنفس الطريقة او بأخرى
لغتين مختلفتين ولأنكم تربيتما بصورة مختلفة ولكما منظورات مختلفة تجاه الامور ،،
فالحب مثلا عند المراة ليس هو نفسه الحب عند الرجل ،،،

تقول ديبورا تانين باحدى كتبها الرائعة (ان مصادر ثقافة الرجال والنساء مختلفة ،،
فالرجال ينشئون على الاستقلال اما النساء ينشأن على رعاية العلاقات واحتضانها )
وخلون اضرب مثال لفهم هالمعلومة :
لو نجيب صبي وبنعطيه ألة حصد الحشائش ونقوله يالله ياشاطر شف شغلك واحصد
احتمال تواجهه مشاكل عند التشغيل يمكن ماتنفتح او يمكن خربت او يمكن ماعرف يشغلها
بس مايلقى من يساعده واحيانا يصل للعجز عن تشغيلها
بعكس البنت لو حطت بنفس المكان وطلب منها نفس الطلب لو واجهتها مشاكل بيجي
ابوها او أي احد يساعدها ( وفي رواية يفزعلها

) لتشغيل الالة
( لو لاحظنا الفرق ان البنت تتعلم وشلون تستعين بغيرها من خلال علاقاتها
لكن الولد يتعلم تدبر أمره بنفسه دون الاعتماد على الاخرين ) << طيب ليش ؟
لان المرأة لاتخشى طلب العون او الاعتراف بحاجتها اليه لكن الرجل يشعر بالخزي إذا مااحتاج الى مساعدة الاخرين ...

وللكلام بقية

عاد ابي رايكم اذا شفت انكم فاهمين علي تشجعت وكملت اما اذا العكس بوقف
عن التكملة لاني اشك احيانا بقدرتي بتوصيل المعلومة

للمعلومية : ( انا منيب اجيب كلامي من فراااااغ )
عندي سؤال : انزل الباقي بنفس الصفحة ولا اخليه كل واحد بموضوع مستقل
على طريقة اجزاء شرايكم ؟؟
هيا بمان الله

THE-BARON · 20-02-2006, 22:13

هههههههههههههههههههههههههههههههههههههههههههههههههه ههههههههههههههههههههههههههههههه
يا حليلك مرجوجة
ما فهمت شي والله
هههههههههههههههههههههههههههههههههههههههههههههههههه ههههههههههههههههههههههههههه
مرجوجة
يا حليلك وانتي تتفلسفين
يا رب اكون صاحبل اول رد
وبعدها اكمل

(من جديد ) · 20-02-2006, 22:20

هههههههههههههههههههه

حسيت نفسي خبلة وانا اقرا لاني مافهمت شي
لكن برد البارون ارتفعت ثقتي في نفسي من جديد

هههههههههههههههههههههه
ياحليلك وانت تتفلسفين
ههههههههههههههه

السموحة

ياحبي لتس

مرجوووجة · 20-02-2006, 22:22

اقتباس:

المشاركة الأصلية كتبت بواسطة THE-BARON

هههههههههههههههههههههههههههههههههههههههههههههههههه ههههههههههههههههههههههههههههههه
يا حليلك مرجوجة
ما فهمت شي والله
هههههههههههههههههههههههههههههههههههههههههههههههههه ههههههههههههههههههههههههههه
مرجوجة
يا حليلك وانتي تتفلسفين
يا رب اكون صاحبل اول رد
وبعدها اكمل

لا والله خوش بداية موفقة

تحطيم من اولها يالبارون

انا نقزت ياحظي اخي الطيب اول من رد
واخرته مافهمت

شسوي بعمري اقطع روحي ياربيييييييييييييي

المشكلة لو احد غيرك تسان اهون لانك من الناس اللي يهمن رايهم

اقراه بهدوء وتركيز حاول تفهم

عاد تراي تعبت وانا اكتب باللغة العربية انعفط لساني

انتظر رجعتك

هيا بمان الله

مرجوووجة · 20-02-2006, 22:26

اقتباس:

المشاركة الأصلية كتبت بواسطة ياقلبي لا تحزن

هههههههههههههههههههه

حسيت نفسي خبلة وانا اقرا لاني مافهمت شي
لكن برد البارون ارتفعت ثقتي في نفسي من جديد

هههههههههههههههههههههه
ياحليلك وانت تتفلسفين
ههههههههههههههه

السموحة

ياحبي لتس

لا لا لا مهوب معقول

حتى انتي يالغالية ياقلبي لاتحزن
مافهمتي علي

الله يقلع اباليسكم شككتون بروحي

ههههههههههه

حاولي تكفين عشاني يمكن يصير بوه بصيص من الامل

هيا بمان الله

مرجوووجة · 20-02-2006, 22:31

ياناس والله قريته كم مرررة احس انه واضح لاتجننونن اهئ اهئ اهئ

حتى اميميتي عساه بالجنة تقول بالعكس مفهوم وش بلاكم اجل انتم مافهمتوا ؟؟!

اللهم ارزقني من يفهمن احبطتون

<<< يمكن لو انا كاتبته بلهجة القصمان كان فهمتوا

THE-BARON · 20-02-2006, 22:38

اقتباس:

تقول ديبورا تانين باحدى كتبها الرائعة (ان مصادر ثقافة الرجال والنساء مختلفة ،،
فالرجال ينشئون على الاستقلال اما النساء ينشأن على رعاية العلاقات واحتضانها )

سالتك الله مرجوجة انتي قريتي كتابها ههههههههههههههههههههههههههه
وش ديبوا تانين هذي ومن وين
>>>>
<<<
لا من جد فعلا
نقلب جد شوي
فعلا موضوعك مهم جدا مرجوجة
التفاهم بين الزوج والزوجة هو اساس علاقة زوجية ناجحة ان شاء الله
لكن اسباب سوء التفاهم
عوامل خارجية
وعوامل داخلية لدى الزوجين
الحب يمشي امور كثير
لكن احيانا تتوقف السفينة اذا كان مستوى الموج عالي
اذا الحل بيد الزوجين طبعا
طيب وش يسوون
يعتمد على مدى توافق طبيعتهم
طيب وهذي شلون
حتى ولو في فروق كثيرة
والله الحياة الزوجية والعشرة اسمى من اشياء كثير
مشكلتنا كشباب ينحصر مفهوم الزواج عندنا في نقطة معروفة جدا
بمعنى اصح
هو معروف
البنت غير
تدور عن امان واستقرار عاطفي
مرجوجة وربي تناولت علاج يأثر على الاعصاب
وحاس اني مو مركز نهائياً ورسمي
ومواصل لي كم يوم
والافضل انسحب من موضوعك قبل لا اجيب العيد
سامحيني مديون لك ب 3 ردود جادة في الموضوع عقابا لي وردعا لامثالي
سامحيني مرجوجة مستحيل اشوفلك موضوع وما ارد
الله يحفظك وسامحيني
ولي رجعات

مرجوووجة · 20-02-2006, 22:46

اقتباس:

سالتك الله مرجوجة انتي قريتي كتابها ههههههههههههههههههههههههههه
وش ديبوا تانين هذي ومن وين
>>>>
<<<

اقول ألفقه يالبارون لاتحرجن

هذي ديبوا دارستن انا وياه بالروضة هههههههههههههههههههه خويات يعني

الله يرج بليسك
هالحين انا متحمسة وجالستن جلسة صحية ومتكتفة تقل قاعدتن بفصل والاستاذة تشرح
عشان تحسون اني جدية وانت تستهبل

لكن ماارضى الا انك تتابع الموضوع لين يخلص اجزاءه
وتعلق على كل جزء ايه ولا ترى مابسامحك

الله يحفظك اخي البارون

loyal heart · 21-02-2006, 00:14

اقتباس:

لو نجيب صبي وبنعطيه ألة حصد الحشائش ونقوله يالله ياشاطر شف شغلك واحصد
احتمال تواجهه مشاكل عند التشغيل يمكن ماتنفتح او يمكن خربت او يمكن ماعرف يشغلها
بس مايلقى من يساعده واحيانا يصل للعجز عن تشغيلها
بعكس البنت لو حطت بنفس المكان وطلب منها نفس الطلب لو واجهتها مشاكل بيجي
ابوها او أي احد يساعدها ( وفي رواية يفزعلها ) لتشغيل الالة
( لو لاحظنا الفرق ان البنت تتعلم وشلون تستعين بغيرها من خلال علاقاتها
لكن الولد يتعلم تدبر أمره بنفسه دون الاعتماد على الاخرين ) << طيب ليش ؟
لان المرأة لاتخشى طلب العون او الاعتراف بحاجتها اليه لكن الرجل يشعر بالخزي إذا مااحتاج الى مساعدة الاخرين ...

مثال جااااااااااازلي من جد..

اقول اختي مرجوووجة

ربي يحرم يدينك عن النار ..

والله روعه ..

ماشاء الله عليك..

لا وبالعربية الفصحى بعد؟؟

من جد من جد اختي مرجوووجة .. قممممممممممممة إللي كتبتيه ..
والله مااجاملتس ..
والله إني صادق ..
تكفين كملي ..
لا توقفي ..
قسم بالله فتحتي اشياء عالقة في المخيخ ..

ربي ييسر امرتس ياااااااااااااااااااارب
ويسعد ايامتس برضاه ..
ويكرمتس بالعافية ..

ويسعد قلب اميمتس إللي تقرا معنا هنيا ..يااااااااااااااااااااااااااااااااااااااااااااااا ااارب

اخوك

صـمـت الـوجـود · 21-02-2006, 00:52

مرجوووجه جيت أفحط في موضوعك على قولتك بس برد عليك عالسريع ولي رجعه إذا ربي كتب...
عجبني مثال السعودي والصيني فعلاً كل من الزوجين يمثل رموز مبهمه للشخص الأخر والفهيم من يحلل ذي الرموز ويفكها ويوصل لمداركها ..
ومتعة الفهم على قولتك هي بطرق الوصول لها وحلها..

بالعكس كلامك جداً واضح بالنسبه لي وجيتي لمبداء من أهم المبادىء الأساسيه اللي يرتكز عليها صفاء العلاقه الزوجيه...

ربي يجزاك الجنه خليها كلها في موضوع واحد أحلى وأرتب..

يوم آخر · 21-02-2006, 06:36

ياربييييييييييييييييي

أيش فيكم على البنت طيب أعطوها فرصة وكل شي يوضح
مرجووجة ماعليك منهم ..كلامك وااااااااااااااااضح جدا بس هما سهرانين بزيادة

أنت تتكلمين عن نقطة مهمة جدا وهي الاختلافات بين الذكر والانثى
وأن بعض الاختلافات لابد منها وماتأثر على الحياة الزوجية والبعض الثاني هو المسبب
للخلافات المؤدية للطلاق
طبعا المتزوجين حديثا مايعرفون هالاختلافات والتي يمكن أن نعتبرها طبيعية لابد منها
فليس الرجل كالمرأة ولابد من وجود أختلافات وهذا يؤكد الكذبة المتداولة
عشان تنجح العلاقة الزوجية لازم نكون متشابهين في كل شي وطبعا ماراح نكون
متشابهين في كل شي أبدااااااااااااااااا
والاختلافات هذة ماتعني إستحالة الحياة الزوجية ..
بالعكس أحيانا الاختلافات مهمة وتساعد في نجاح العلاقة وبصراحة أكبر غلط أني
بعد زواجي أترك كل مالدي من أساليب خاصة بي عشان أتشابه أنا وزوجي
وأذا أختلفنا في شي يا يقنعني أو أقنعه وأذا ماأقتنعت أو ماأقتنع هو أذن مانجبر بعض
والمفروض أن أختلافنا هذا مايأثر فينا وفي علاقتنا أو أحترامنا لبعض أبدا
أذن نصل لنتيجة مهمة جدا ..
الاختلافات في الحياة الزوجية لابد منها بين الرجل والمرأة ومتى ماأقتنعنا بالفكرة هذة
أذن نحن سنتقبل الطرف الاخر بكل حسناته وعيوبه
والمثال اللي ذكرتيه يؤكد أن الرجل طبيعته مستقل (( ويعرف يدبر أموره بنفسه )) أما المرأة
فمن طبيعتها أنها تطلب المساعدة من الغير .. أذن المرأة أجتماعية أكثر من الرجل
مرجووجة الموضوع رااااااااائع
والنقاش فيه أروع
أعطينا الباقي وجزء جزء نتناقش فيه بس حاولي تضعين بصمتك على الموضوع
بصمة مرجووجة المعروفة للجميع

وبالتوفيق يا عسل

ruff · 21-02-2006, 08:06

الى الان صراحة كلام واضح وجميل ومعقول جدا جدا .................ولكن استنى التكملة

ورأيى ان تضعيه فى موضوع اخر يعنى اجزاء افضل حتى تكون مرتبه بشكر افضل ويكون قبل الردود

وننتظر التكملة

بارك الله فيكى اختى وعسى الله ان يزيدك حكمه وفهم انشالله

وصراحة ما اقول الموضوع جدا رائع ...........................اقول والله صراحة مافهمت كل الموضوع بس جزء منه واستنى البقية حتى تكمل الصورة واعذري ثقل الفهم

لكن الموضوع اكثر من رائع حقيقة

كـ وردة وأكثر · 23-02-2006, 06:39

بصراحه كلام جميل جدا ومفهوم
كملي يالغاليه ويليت تخلينها في موضوع واحد
ولامثله الي قالتيها صحيحه
والله يجزاك خير

الدبلوماسي · 23-02-2006, 07:18

تسلمين يامرجوجه
الخط عندي مو واضح ، وصغير بسبب مشكلة في جهازي
مالي نصيب اقرأ الموضوع ، مع اني اعرف انك ما تجيبين الا اروع المواضيع
والله يسعد ايامك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

يااخي ليش انت كذا ماتفهم ،، ياختي انتي ليش كذا ماتفهمين ،، طييييب وبعدين معكم