عالم الحياة الزوجية - منتدى

خايف عليها · 03-03-2006, 17:01

السلام عليكم ..

عندي كذا مشكله متعلقه مع بعض الأولى اني خطبت اول مره وتم رفضي وعقبها صابني التردد في الزواج

والثانيه صرت احاتي حيل والنوم والتفكير اقلقوني والثالثه صرت احاتي حيل صرت ادقق وحاتي وقول اللي بتقدم

لهم ليكون مافيهم خير او اقول هاه يمكن فيهم كذا وكذا يعني زاد التفكير

ادري مشكلتي عاديه بس ماعندي احد يهون علي وخصوصا اني امر في هذي الظروف فياليت اكتفي فيكم

بالرد والمواساة ( ادري كبرت الموضوع هههه ) بس مثل منتو عارفين الانسان مثل البني آدم لوووووووول

يحتاج احد يوقف معه ويخفف عليه

وفيه وحده بتقدم لها ان شاء الله بعد فترة بسيطه بس محتار اشلون اسأل عن اهلها مع العلم ان البنت زينه حيل

بس اشلون اسأل عن اهلها لاني ماعرف اي شي عن اهلها وعلى فكرة هي اكبر مني بسنه وشرايكم في اللي

يتزوج اكبر منه بالعمر شنو الأيجابيات والسلبيات

آسف على الإطالة وادري اني غثيتكم والدعوه سهالات

فمان الله

كـ وردة وأكثر · 03-03-2006, 17:16

وعليكم السلام ورحمه الله

شوف اخوي موبس انت الي يرفض ولاتخلي اي شي ياثر علي حياتك حلو انك تفكر في اخلاق البنت واهلها وتسال عنهم وعن عادتهم قبل الزواج
لكن لاتصل الي درجه عدم النوم

وبنسبه لبنت الي بتقدم لها اسال عنها وعن اهلها و اهم شي الدين اظفر بذات الدين
و فارق العمر سنه اوسنتين من وجهه نظري عادي لاتؤثر عمي متزوج بنت اكبرمنه بسنتين والحمد الله مبسوطين في حياتهم
ولاغثيتنا ولاشي
والله يرزقك بالزوجه الصالحه الي تقر عينك فيها

خايف عليها · 03-03-2006, 17:30

لا والله توصل لعدم النوووم هذي حياااة جديدة وثاني شي ابي اشلون اسأل عن اهلها علموووني تراني دفش ولاعندي

احد اكبر مني استشيره يعني انا عميد الأسرة <-- الله يخلف على الأسرة اللي انت عميدها لووووووول

يعني اشلون الطريقة اللي اسأل فيها يمكن احد فيكم عنده خبره ويعلمني

انزين يعني فارق العمر مافيه شي مثل ماتقولين اختي أسيرة الأفراح

تسلمين على مرورك وتعقيبك وياليت تفيدني اكثر ياااااااااااااااليت

كـ وردة وأكثر · 03-03-2006, 17:40

اقتباس:

لا والله توصل لعدم النوووم هذي حياااة جديدة

فعلا صدقت هذي حياه جديده وعشره عمر يعني انظر الي بتختارها علي انها تكون معك طول حياتك

اقتباس:

وثاني شي ابي اشلون اسأل عن اهلها علموووني تراني دفش ولاعندي

اسال جارينهم واقاربهم بس بشكل غير مباشر يعني تاخذ اخبارهم بدون مايحسون

اقتباس:

احد اكبر مني استشيره يعني انا عميد الأسرة <-- الله يخلف على الأسرة اللي انت عميدها لووووووول

هههههههه والله يحفظك ويحفظ اسرتك

اقتباس:

انزين يعني فارق العمر مافيه شي مثل ماتقولين اختي أسيرة الأفراح

وجهه نظري

اقتباس:

تسلمين على مرورك وتعقيبك وياليت تفيدني اكثر ياااااااااااااااليت

الله يسلمك وهذا كل الي عندي والله

وابشر الاخوان ولاخوات ماراح يقصرون ابد

مرجوووجة · 03-03-2006, 17:43

ههههههههههههههههههه خايف عليها ضحكتن وانا زهقانة الله يفرحك
عليك تعليقات مدري وش تبي

بس يقول المثل الدارج : أسأل عن أمه قبل تضمه

موفق يارب

هيا بمان الله

الاصيل المحب · 03-03-2006, 18:02

اعد صياغة ما كتبت

خايف عليها · 03-03-2006, 20:33

اهلين اسيررررررة الأفــراح

وكفيتي ووفيتي يا الغاليه

بس مدري ليه احس عندك الكثيرررررررررررررررررر الكثيرررررررررررررررررررررررررررر

على العموم مشكوورة والله يوفقك انتي بعد بالزوج الصالح

خايف عليها · 03-03-2006, 20:37

اهليننننن مرجوجه

والحمد لله ان خلقك كان ضيق وانا اللي رسمت البسمه على شفاكي

اتصدقين احس الدنيا مو وسعاني لاشفت احد ضايق خلقه وانا طلعته من هذا الشعوور

احس بشعوور لايوصف

بس تدرين اني احيان اتصنع ثقالة الدم لأن اللي دمه ثقيل في عاداتنا وتقاليدنا خفيف وخبل وماعليه شرهه

لوووووووووووووووول بس والله هذا اللي دارج في مجتمعاتنا وعاداتنا اللي ودتنا بداهيه

ونصيحتك بمحلها الأم شيء مهم جداً

تسلمين وكلي أمل ان عندك المزيد من الأقتراحات والمساعده بانتظاره لاتبخلين علي انتي كريمه وانا استاهل

خايف عليها · 03-03-2006, 20:39

الأصيــل اسمحلي الشريط عطلااان هههههههههههههههه

(من جديد ) · 03-03-2006, 22:02

الله يهدي بالك
وينولك مراد
وتحصل على شريكة لحياتك تناسبك

خايف عليها · 03-03-2006, 22:52

اللهم آمين والمسلمين أجمعين

مشكور على الدعاء وجزاك الله خير

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

فزعتكم