عالم الحياة الزوجية - منتدى

واثق ومتواضع · 15-03-2006, 13:37

السلام عليكم ورحمة الله وبركاته ..
أخواتي الاعزاء ..

عندي سؤال بسيط وأتمنى الأجابه عليه بكل صراحه وضوح ..

هل ثلاثين ألف ريال تكفي للعروس لشراء جميع مايخصها من ذهب ومجوهرات وملابس وووووووووالخ اي مستلزمات الحياااااااااااااااة الزوجيه ؟؟بالكامل ؟؟ طبعاً أختيار الماركات الممتازه ((ولكن مع مراعاة عدم الاسراف ))

أقصد بالماركات الممتازه .. اي اللتي ليست رخيصه مررررره ولا غاليه مرررررره
أي جيده ومتوسطه ؟؟

هل هذا المبلع من المال يكفي ؟؟ ام لا ؟؟
على فكره ان لست خاطب ولا على وشك الزواج ولكن أريد ان أعرف ؟؟

أتمنى من الاخوات المتزوجات ومن لهم خبره الاجابه
وأكون شاكر ومقدر لكم

تحيتي لكم
واثق

الحاج متولي · 15-03-2006, 13:47

اقتباس:

المشاركة الأصلية كتبت بواسطة واثق ومتواضع

طبعاً أختيار الماركات الممتازه ((ولكن مع مراعاة عدم الاسراف ))

تحية طيبة لك اخي

وجه نظري الخاصة -ان ذلك المبلغ يكفي - لمن اراده ان يكفي
ولكن كيف تريده ان يكفي اذا اشترطت انت ( الماركات الممتازة - وعدم الاسراف )

يعني النقيضين
يعني بتروح تشتري ثياب من شانيل - وتقول ما اسرفت

الحاج متولي

واثق ومتواضع · 15-03-2006, 13:50

اقتباس:

المشاركة الأصلية كتبت بواسطة الحاج متولي

تحية طيبة لك اخي

وجه نظري الخاصة -ان ذلك المبلغ يكفي - لمن اراده ان يكفي
ولكن كيف تريده ان يكفي اذا اشترطت انت ( الماركات الممتازة - وعدم الاسراف )

يعني النقيضين
يعني بتروح تشتري ثياب من شانيل - وتقول ما اسرفت

الحاج متولي

ههههههههههههه

الحاج متولي انا اقصد يعني مركات متوسطه يعني مب غاليه مره ولا رخيصه مره
يعني مابيها تأخذ شي رخيص وبايخ ولا غالي مررررررررررره يعني شي جيد وسط

ابرووووح اعدل في الموضوع عشان مايفهمون خطا
برب

الف شكر لك

(من جديد ) · 15-03-2006, 14:10

اخي العزيز لقد جهزت نفسي فعليا ب8000 ريال
كان منها قمصان نوم وعطورات
وجددت مكياجي وكم لبسة حلوة وعباية

بس لان اصلا عندي لبس بالهبل وكله ماركات من برة يعني من قبل زواجي وكان جديد وعندي مجوهرات من عند والدي
ولاني اتبعت مبدا مد رجولك على قد لحافك
بس ماشريت ذهب
والمجوهرات والذهب اللي من عندي معظمه بعد زواجي

الشاطرة تغزل و برجل نملة
والمظاهر مو كل شيء

(من جديد ) · 15-03-2006, 14:12

واثق يقصد الماركات العادية وليست العالمية
يعني المحلات الاجنبية المعتادة

أحساس الورد · 15-03-2006, 14:37

يكفي

بس كل شيء عدد محدود

حتى عشرين تكفي عشرة بعد

اعرف وحدة من خوياتي والله جهازها عشرين

وجهزت من احلى الماراكات وطلعت برة بعد بس دققت على موسم التخفيضات

بس ماشرت ذهب كل جاها هدايا

اهلها قالو لاتشترين خلية عليناااااااااااا

وسوت فستانها وكوشة وكلشي من المهر

وزواجها كان ناعم وحلو

بس انا عن نفسي والله ماتكفيني 30 انا مهري 40 وابوي اكيد بيزيدة

لاني صراحة وحدة تحب تكشخ على طول واحب اشتري اشياء زينة ماحب اشتري خرابيط

والذهب يبي له والله اهل الزوج اول مايشفون الذهب

والوحدة لازم تبرز نفسها في البداية لانها محط انظار

ومثل ماقالت الاخت مد رجولك على قد لحافك

وهالايام والله كل شيء غالي والغالي احلى

HaVeN · 15-03-2006, 16:19

المسألة كلها نسبية...ما تشتريه العروس يعتمد على الميزانية التي لديها وعلى ما تعتقده مناسب لها ولكيفية ونوعية حياتها

اي مبلغ مع التنظيم يكفي إن شاء الله

أعتقد الموضوع مناسب في قسم المقبلين على الزواج أكثر ..مجرد رأي

سمر عسل · 15-03-2006, 16:28

ممكن يكفي المبلغ اذا شرت الاشياء المهمه فقط وليس كل شي واهم شي لازم تعرفه البنت ان بعد الزواج بيتغير وزنها وبتخسر كل الملابس الي شرتها فياريت تشتري اشيا تهمها في الايام الاولي وبعدين الي يتبقي تشتريه علي مراحل عقب الزواج لان خساره الي بتشتريه بتلبسه كم يوم وبعدين بيتعلق في الخزانه بس للتحسر عليه او يرمي لان خلاص ما فيه فايده الجسم تغير وانا في رايي 10000ريال تكفي الي الشهرين الاولين من الزواج وبعدين تشتري الشياء جديده لانها بتحتاجه العروس لان انشا الله اكيد بتحمل وبيتغير مقاسها وبعد الحمل ما بيرجع الوزن مثل الاول وبتتغير الموظه بعد سنه او سنتين من الزواج وبعد ترجيع الجسم الي الوزن السابق اذا قدرت السيده ان ترجع وزنها

صـمـت الـوجـود · 15-03-2006, 17:41

فعلاً شيء حلو طرح مثل هالسؤال..
لكل بنت وجه نظر أكيد..
لكن أقولك من وجهة نظري..الجهاز يعتمد على ذكاء البنت وكيفية تصرفها بمهرها ..
فيه بنات يشتروا من أغلــى الماركات ومايبين عليهم اللبس الغالي ليه ..لأنها ماعندها ذوق بترتيب لبسها وكيف تنسقه..
لكن فيه بنات يشتروا على قولتك ذي الماركات العاديه ويطلع اللبس مرتب وحلوو ويأخذ العقل عليهم ليه أنها أحسنت التصرف والذوق له النصيب الكبير بذا الشيء..
فيه بنات متعوده على الأسراف والبذخ لكن مايبين حتى أستغرب أنه بذا القيمه ..!!

يعني إذا قدرت البنت تتصرف بشكل جيد يكفيها أكيد..

رماد الحب · 06-04-2006, 10:46

الموضع يعتمد على الاهل لان البنت احيانا تشوف انها راضيه حتى لو بعشرين الف ولكن اهلها يصرون على الاكثر علشان مايحس زوجها انه اخذها بسهوله وبأي شي..انا عن نفسي لو كان الشخص اللي ابيه مامعاه غير 30 بمشي حالي فيهم ومابطلع عن الميزانيه بس لو كان لي الاختيار واديه المقدره ان 50 الف مايكفيني..انا بنت وللحين ماتزوجت واموت بالشراء والملابس والعطور واحب اتكشخ وامخلي خاطري بشي بس لو كان الخيار بين شلون كنت عايشه وبين واحد ابيه وميزانيته ماتسمح عادي عندي استعداد بأقل من 30 بعد..

~ اليمامة ~ · 06-04-2006, 17:29

«®°•.¸.•°°•.¸¸.•°°•.¸.•°®»*«®°•.¸.•°°•.¸¸.•°°•.¸.• °®»
يكفي وزيادة بعد

تم النقل لقسم المقبلين على الزواج لمناسبته أكثر
اليمامة
«®°•.¸.•°°•.¸¸.•°°•.¸.•°®»*«®°•.¸.•°°•.¸¸.•°°•.¸.• °®»

قلب موجوع · 06-04-2006, 18:59

والله يا اخ واثق ومتواضع

عندنا في البحرين هالمبلغ يكون شامل للجهاز والمهر والحفله بعد...

بنت البادية · 06-04-2006, 19:00

انا عني مهري كان 60000وحاولت اني ما ابالغ واشتري اللي يلزمني بس .. وتقريبا خلصت مهري بالكامل واستخدمت راتبي في شراء المتبقي .. مع اني ما اشتريت واايد بس كل شيء غالي هالايام .. يعني 15000 بس للفستان والمكياج ..

خلود المشعل · 07-04-2006, 14:42

متابعه..............

{احلى وحده} · 08-04-2006, 03:15

لااااااااااااااااااااااااااااااااااااااااااااااااا ااااااااااااااااااااااااااااااااااااااااااااااا ماتكفى وش تكفى له فستان العروس بس اقل شى 11 الف اذا بتشترى طقم الماس سعره معقول 15 الف كم بقى من الثلاثين عشان تشترى باقى الجهاز ولاشى
بس اذا البنت راضيه فيهم يمكن يكفى بس انا اختى كان مهرها 100000 راح كله على جهازها وابوى كمل الباقى بعد فمااعتقد انه يكفى

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

سؤال لجيمع بنات حواء ؟؟ أرجو الدخول