عالم الحياة الزوجية - منتدى

الفنان خالد · 18-03-2006, 19:43

العبايات:-

شمغ .. ساري.. شك .. خرز.. طب وتنقى بس لا تكثرووون يالبنيات..

نشوف ان العبايات بدت حبه حبه شوي شوي.. step by step
كانت وسيعه==> بدو يضيقون===> فستان عزيمه===> بدلة رقص شريهان==> خلصنا صارت
فيفي عبدو..

والي يلفت انتباهي.. مره وانا عند خياط عبايات كان فيه ثنتين وحده عبايتها تقول وزرة يماني..

والثانيه قاعده تفصل عبايه.. عاد تقول للخياط ضيق من عند الخصر.. وخلها كلوش من تحت
(يعني فرنسي)

والخياط ماغير يضيق بهل العبايه لمين الخياط طلع من طوره وقال
ماما هذا مافي عباه هذا صار فستان عروسه..
(مشالله الهندي مطوع)

ولا يوم خلصت قالت خل فتحات من الجوانب وخلهن لمين الركبه.
. عشان يطلع البنطلون الجينز..

خلونا الحين من ذولي قالتله عندك خرز احمر ??
قال الهندي المسكين ايه قالت حطه بالعبات كله..
من حق عبات صارت..(بس اقول الله يستر عليها بس)

الشيلة والطرح..

-الفوطه:الي صايره جنها فار مقرضها مافي قض الي فيها.. صايرة جنها مشخال..

لوحة بيكاسيو:- مافي لون بالعالم الا رازته بالغطى

غطى على غفله:-شيفون ولا حرير بس يكون شفاف الله يرحم والدينك(طيب ليه تغطين)..(والله ماودي بس الوالد اجبرني)

-مافي خيط هندي وخرزه الا بالغطى:-الي تصير كله شخابيط ..

هذي بعضالشيلات الي هابين فيها هل اليومين بنات ترى الموضه الحين الجنز لا يفوتكم

الشنط:-

1-اهم شي انها تكون صغيره(سندويشت ابو يمن..) وتلصق بالاباط وتكمله ضيق الكم بالله وشلون تمشي..

2-تلمع وتبلص:-ومره انا امشي واحد يلحق وحده وانا وراهم اتتبع الاحداث(CNN)ومستغربه البنت مابه شي
يعني عشان يلحقها.. وبالاخير وقفه قاله من وين شنطتك انا ابي اتزوج وابي لزوجتي مثل ذي الشنطه لانها تلمع..
البنت دور خشمها طار للدور الثالث..

3-ح************ المدرسه:-قال امريكان قال.. بعبايتك ومتغطيه ورازتن الشنطه وراج(والله عيب)

الاحذية (وانتو بكرااامة )

1-ابراج الكويت ولا برج حمود و برج التحرير معاهم:-(بالغصب طويله وعنقى)تلبسهن بس اويلاه من جاء ودفه
(عاد مايقصرون الشباب انواع الحرش)

2-جواتي االشباب العرابجه:-اكشخ من قدكم البنات بدوا يقلدونكم..

المكيـــــــــاج:-

لطخي بويهج وكثري بالعيون وسوي زي كحل زينب العسكري.. وشوفي الشباب كيف يلاحقون..

(ابي امي .. ابي ابوي..ليش الشباب يلاحقوني)..

عرفتووو اي نوعية الي يلحقووونها الشباب و يغازلونها ؟؟
ترى البنت المحتشمة الي ما تتبرج تبرج يلفت الانظار محد يقدر يتجرأ و يقرب يمها ...

الله يهدي جميع البنات الي يسون مثل جذى ويدلهم على الطريق المستقيم
وخليهم يبتعدوو عن هذه الاشياء اللهم امين

م
ن
ق
و
ل

خجوله حيل · 18-03-2006, 19:55

ههههههههه ماخليت شي الفنان
وبعدين من قالك ان الشباب بس يتحرشون بالفئات هذي
بالعكس التحرش موجود ومستمر حتى بالمتسترات مانسلم من المضايقات والحركات النص كم
تحياتي ...

ام لينا · 18-03-2006, 20:04

هههههههههههههههههههه
كل الي قلته صحيح ميه بالميه
مابقى الا يفسخون ويمشون بالشواراع
هذ الي ناقص
الله يثبت علينا العقل والدين

الفنان خالد · 18-03-2006, 20:07

خجولة حيل

الشباب ماخلو شى بس الى تبرز مواهبها اكثر بيتحرشو بها اكثر

ولى متسترة ما اعتقد

تحياتى مشكورة على مرورك الكريم

الفنان خالد · 18-03-2006, 20:09

ام لينا

تحياتى لك وتسلمى ياغالية

على السراحة

تقبلى تحياتى

خجوله حيل · 18-03-2006, 20:58

ولى متسترة ما اعتقد

لا اعتقد يالفنان وانا مو قاعده اتكلم من فراغ او اتبلى على خلق الله
شكرا ....

HaVeN · 18-03-2006, 21:06

الشباب الذي يعاكس الفتيات نسي الله وتعاليم دينه بغض النظر عن اي مستفزات حتى وإن نسيت بعض الفتيات قيم الدين

نديم الشوووق · 18-03-2006, 21:56

هههههههههههههههههه

الفنان خالد>>>ما خليت شي!!!

سمعت فيه نوع جديد من العبايات اسمها المطاطيه000عندك فكره عنها!!!

كان ودي اعلق اي شي000بس هذا واقع وحاصل---

واكثر ما يرفع الضغط لما الهندي او العامل ياخذ مقاسات الجسم بيديه ويمتر

من الخصر طلوعا" الى الصدرر مرورا" بالأيدي والأكتاف

بسأل سؤال :

اي وحده بالصفات اللي نقلها الفنان خالد وراحت اي مكان بهذا المنظر وهالكشخه والأستعراض00

وش تبي مثلا" تدعو للأسلام والا تبي تلقي كلمات وعظ وارشاد00بالضبط وش تبي؟؟

اللهم احم بنات وشباب المسلمين

تحياتي لكم00

البرنس 2006 · 19-03-2006, 09:02

اخي الفنان الآن قد هو العكس البنات التي تعمل هذة الأشياء وش الذي تريده غير من انهنا تغري الشباب عشان يلحقوها

ابو الشـمقـمـق · 19-03-2006, 11:13

كلام واقع وحاصل مية بالمية

والبنت اللي تسوي كذا ، بنت تحس بالنقص وتحاول تعوضه بهذه الحركات

بس الغريب في الامر ، مثل هذه العينات ما عندهم اهل يظبطوهم >>

او انه زي ما قال الشاعر : إذا كان رب البيت بالدف ضاربا فشيمة اهل البيت كلهم الرقصو

ربنا يستر على بنات المسلمين اجمعين

الفنان خالد · 19-03-2006, 11:16

نديم الشوق

اي وحده بالصفات اللي نقلها الفنان خالد وراحت اي مكان بهذا المنظر وهالكشخه والأستعراض00

وش تبي

تبى كلمة حلوة تبى تشوف انة الشباب بيمشو وراهاولالا

يعنى اذا مشيو وراها الشباب انها حلوة

تحياتى

الفنان خالد · 19-03-2006, 11:20

HaVeN

الشباب الذي يعاكس الفتيات نسي الله وتعاليم دينه بغض النظر عن اي مستفزات حتى وإن نسيت بعض الفتيات قيم الدين

الدين اساس

والحياء شعبة من شعب الايمان

تحياتى

الفنان خالد · 19-03-2006, 11:22

البرنس 2006

اخي الفنان الآن قد هو العكس البنات التي تعمل هذة الأشياء وش الذي تريده غير من انهنا تغري الشباب عشان يلحقوها

اكيد تحياتى لك اخى تشرفنا بردك الجميل

الفنان خالد · 19-03-2006, 11:25

ابو الشمقمق

إذا كان رب البيت بالدف ضاربا فشيمة اهل البيت كلهم الرقصو

نقول الله يحمينا ويحمى بنات المسلمين ويهديهم يارب

تحياتى لك اخى ابو الشمقمق

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

تدرون لييييش الشباب يغازلون البنات؟