عالم الحياة الزوجية - منتدى

nada wahbi · 25-03-2006, 21:46

يجب ان تتغلبي على غيرتك وتدهبي الى الأماكن التي تتواجد بها النساء المتبرجات. ان لااحظت ان زوجك بيبصبص اوهميهانك كدالك يمكنك البصبصة ادا رايت شابا وسيما. لا تظهري ابدا لزوجك انك غيورة بل حسسيه انك اجمل و دلك بابتساماتك الدائمة والدلال

شمس الحب · 25-03-2006, 21:56

مشكورين
بس حبيبتي جانيت
اشلون اقدر ان اخفيها

~®§§][][ جانيت ][][§§®~ · 25-03-2006, 22:08

اقتباس:

المشاركة الأصلية كتبت بواسطة شمس الحب

مشكورين
بس حبيبتي جانيت
اشلون اقدر ان اخفيها

عزيزتى شمـــــــــــــــــــس ؛؛؛
لعلك لم تفهمى ما قصدت............ لا احد يستطيع اخفاء غيرته على الاخرين وان كانوا اغرااااااب عنه ؟؟
فما بالك زوجك ؟؟
انها سنة الحياة...................عليك بتقبلهااا اذا احببتيه ؟؟ والدعاء له؟ فقط

الدمع الحزين · 25-03-2006, 23:01

اقتباس:

المشاركة الأصلية كتبت بواسطة شمس الحب

مشكورين
بس حبيبتي جانيت
اشلون اقدر ان اخفيها

-
خذي الأمور عاييييييييييييييييييييييييييدي
-
وسعي صدرك وتجاهلي الغيره مع أن الغيره حلوه بقدر معقول
-
بعدين انا معك مو ضدك وكنت امزح في الصبصه ههههههههه
-
تحياتي

نفسي عزيزه · 25-03-2006, 23:19

شوفي حبيبتي اللي يبي يشوف ويطالع بنات بيشوف لو انتي مغمضه عيونه

لاتخلين زوجج يكرهج واذا يبي يروح مكان حد من اصدقاءه خلج انتي دائما معاه

انا ماأقول انج لاتغارين غاري عليه بس بحدود لأنه الشي اللي يزيد عن حده ينقلب ضده

يعني لما تشوفين هالاشكال من البنات لاتفتكرين فيهم سوي نفسك عميا عنهم

لأنه اذا انتي عطيتهم أكبر من حجمهم زوجج بيفكر فيهم وبيقول اكيد احلى منها والا

فيهم شي مغري وبيحاول يشوف لأنه النفس تأمر بالسووو انتي سوي نفسك ماتشوفين

بس انتي وهو وادلعي عليه صدقيني لو تمر وحده عاريه قدامه ماشافها اتمنى اكون نفعتج

والله يووفقج

دانة حجازية · 26-03-2006, 03:56

حبيبتي ..الله يسعدك
تذكرت نفسي ...وغيرتي على زوجي
لكن فيه اختلاف بيني وبينك ..
ماعمري وصلت معاه الى درجة المراقبة ....
ولمن افتح معاه الموضوع..بيكون بطريقة حلوة ومرحة
بصراحة ما عمرنا سافرنا خارج مدينتنا
بس باقل لك على شيء باسوية معاه
مثلا.......... اذا كنت معاه بالسيارة ......
ومرت شيطانه من شياطين الانس ..وشدة انتباهي انا
مو بس زوجي .....ماأكلمه فيها ..باسحب يده بهدوء..
احاول امسح عليها بكل رقة وحنان....مع نظرة
وكلمتين حلوة ...واحيانا من رسايل الجوال اللي حافضتها
وبينتهي الموقف ...وما اتكلم فيه بعد كذا ابدا..
اهم شيء تصبري .......واتكوني واثقة ان هذي الانسانة المتبرجة
مجرد وحدة جاية تعرض نفسها وتبغى الناس تتفرج
وزوجك عارف هذا الشيء.. وما دام ان عينه مو طويله
خفي عليه على الاقل ما راح يسافر مع اصحابه عشان يرتاح من
مراقبتك ..........
ودمتي سالمة ......

.

.

++صدق المشاعر++ · 26-03-2006, 03:57

من جدك انتي خايفه تسافرون ويشوف بنات هناك وبعدين يتعلم يسافر لحاله ويلعب بذيله
كم عمره ؟؟؟؟15 سنه هل تعتقدين انه طفل مايدري بشي صدقيني لو بيسوي شي سواه وانتي نايمه في العسل بدون حتى مايسافر000000
خلك عاديه وكبري عقلك الي بيصير بيصير سواء غرتي عليه ام لا----شوفي خلك مثل الي يقول :صحيح انا اخاف من حوادث المرور لأنها كثيرة بس لايمنعني هذا من قيادة السيارة سوف اتبع القوانين المروريه واربط حزام الأمان واتوكل على الله والي مقدر ومكتوب بيصير لامحاله----
على العموم اذا انك مصممه على موضوع السفر يمدحون بوركينا فاسو وبعد بنجلادش00هناك الماء والخضرة ومافي الا انتي الوجه الحسن الوحيد جدامه
بس انتبهي لاتروحين اليونان اوهولندا تراهم مايصلحون لك(اقصد حر وغبار ورطوبه وبر اقفر كلهم ذبان وبعوض)

شمس الحب · 26-03-2006, 18:35

حبايبي والله ماقصرتو
هلاك
الدمع الحزين
جانيت
دانة حجازيه
احساس التجربه
وانتظر كتاب متميزين كثير
صصراحه كل مابغيت تقوى عندي الاراده بقرا ردودكم اعزائي

(من جديد ) · 26-03-2006, 20:45

اقتباس:

من جدك انتي خايفه تسافرون ويشوف بنات هناك وبعدين يتعلم يسافر لحاله ويلعب بذيله

يااختي البصباص بصباص ولو عميتيه

ودائما الممنوع مرغوب
العكس ثقي في نفسك وصاحبيه وهو ماحيشوف غيرك

وفكيها عليه لتنبسطي وتبسطيه معك

صدقيني كل مافكيتي عنه حيجي لك بس خلي عيونك مفتحة حتى لا تفقدي السيطرة

العقربيه · 27-03-2006, 12:26

الاخت الغاليه
انا اقول و انصح الجميع بمحاولة تجنب السياحه الخارجيه قدر المستطاع
بكل واقعيه ........ الرجل ينظر للمرأه الجميله
والمرأه تنظر للرجل الوسيم
هناك البعض يقول لو اراد ينظر سينظر مهما حاولتي وهذا الكلام سليم ولكن اجي انا الزوجه وآخذ زوجي بإرادتي ونسافر للخارج ثم ارجع اقول انا اغار وانا ازعل لانه يطالع غيري ... هذا مو معقول
اكيد بيطالع
انا اقول الباب اللي يجي لك منه ريح صكه واستريح
انا ضد فكرة سفر العائله للخارج شكلا ومضمونا .

شمس الحب · 27-03-2006, 23:40

هناك البعض يقول لو اراد ينظر سينظر مهما حاولتي وهذا الكلام سليم ولكن اجي انا الزوجه وآخذ زوجي بإرادتي ونسافر للخارج ثم ارجع اقول انا اغار وانا ازعل لانه يطالع غيري ... هذا مو معقول

معك حق
اختي
بس
اللي مثلي
ماراح
ولا شي
حرام
يحرم
نفسه
مشكورين
على الردود
ياقلبي لاتحزن

بندر الحربي · 29-03-2006, 04:46

شمس الحب ..

هي الدنيا كذا ..

لابد من التضحيات ..

مدامك تغارين عليه .. هي وحده من اثنين ..

اما انك تضحي بالسفر في سبيل انك تبعدي زوجك عن ما لذ وطاب .. من المحمر والمشمر .. ههههههههه

او ترضي على مضض .. والله يعينك .. استحملي بعض النظرات .. واللصقي فيه لكي لا يبعد عنك ..

غير كذا .. مافي ..

كان بودي ان احاسيسنا ومشاعرنا تتغير بضغطه زر .. او بدواء سحري .. ولكن هذه الحياه ماتجي كامله ..

هذا مالدي ..

واامل ان اكون قد افدتك .. فيما ذكرت ..

ودمتي .. بتألق لا ينقطع ..

العقربيه · 30-03-2006, 01:02

اختي .... شمس الحب
انا شاب ومتزوج وافهم معنى الغيره
الرجل يغار والمرأه تغار ....... شي طبيعي ومحمود
عندما اقول لا تسافروا للخارج فأنني احاول تهدئة نار الغيره ... انا كنت اسافر وبشكل مستمر واعرف مافي الخارج
معرض الانسان ان يرى شي يخالف فطرته بأي وقت .... بحكم انني رجل لا ارضى ان ترى زوجتي اي شي يخدش الحياء
وبين الحين والآخر اسافر مع اهلي داخل الحدود وننبسط وزوجتي تكون بغاية السعاده
اسمحي لي ادلك على بعض المناطق التي زرتها مع الاهل وسعدنا جميعا
الشرقيه , الطائف , ابها , المدينه ....... يا جماعه السياحه الداخليه حلوه بس للي يفهمها
انصح اللي ماعندهم اطفال بالمدارس يسافروا ايام الدراسه ..... فأنا بالصيف لا اخرج اي مكان لا داخليا ولا خارجيا
اوافق الاخ بندر الحربي فيما ذكر
الاخت شمس الحب اسمعي كلامي بإذن الله لن تندمي

++صدق المشاعر++ · 30-03-2006, 05:08

شقال سياحة داخلية
لاتزعل مني اخوي

انا اشوف السياحة الداخلية مكة المكرمة والمدينة المنورة وبس وهي سياحة روحية جميلة جدا
برا اهناك لاسيما اوربا اوحتى ماليزيا وحتى بعض دول الخليج تحس ان تصرف فلوسك على سياحة حقيقية تحس انك غيرت مكان وناس وبعدين هناك تقدر تعيش اوقات رومانسية جدا وخاصة ان هناك كل واحد في نفسه يعني مثلا انت وزوجتك في الشارع وشفتوا منضر مضحك تقدرون تضحكون ولا احد يطالع زوجتك اوبتكون معاها في مكان شاعري مثلا كافي شوب في منتجع على جبل اوقرب البحر تقدر ون تتغزلون ببعض (لاسيما اذا الي يمكم مايعرفون عربي--طبعا اذا شفت عرب جنبك اقلب غزلك بالياباني)

واهم شي لو رحتو سوق اومول ماتحصل كل يبي يشوف شتسوي او تشوف لك شباب يلاحقون بنات او ناس حثالة زوجتك يمك وهم يبون يقلون حياهم

انا عندي اهون اني اطالع متبرجات بره الي كل بحاله ولا ان اهلي يطالعون مناضر مقززة من التحرش الجنسي اوان يجي ناس قلال ادب ويحاولون انهم تحرشون بزوجتي او وحدة من اهلي
هذا عدا عن الطبيعة الخلابة الي مستحيل نقارنها مع البران و جونا الي احسن من جو تركيا

حــ موسم ــب · 30-03-2006, 18:56

اولا ...انا مع اخوي احساس التجربه في كل ما يقول..واللي برى اشوى من اللي هنا لأن اللي هناك اللي يبغى الاماكن البايخة يروح لها ...يعني لها املكن مخصصه ...لكن هنا ...آه ...وما ادراك ما هنا...!!! متوفر في كل مكان..وبالتوصيل المجاني للمنازل...والله من واقع التجربه ...اي مكان نروحه تجينا اذيه حتى صار زوجي لمن نروح البحر_وانا من عشاقه_ نلف كم لفه بالسياره ونرجع..في السوق نشتري حاجات..نرجع نلقاها مو المطلوب..

ونصيحه لكل من تغار..لا مانع من غيره قليله يلفها الدلال وتمثيل الزعل الخفيف..لكن إياااااااااااااااااااااااك والغييييييييرة
المفرررررررررررررررررررررطة..لانها تنفر الرجل منك وتجعله ينظر لك بنظرة الغير واثقه من نفسها..ويشوف حاله بطل التايتنك.

سافري وشوفي جنة الله في الدنيا وربي راح يحاسبه ان نظر وانت ابد لا تناظرينه شوفي الدنيا من حولك استمتعي انت وهو وامسكو بيد بعضكم

بسسسسسسسسسسسسسس استخيري قبل ان تسافري..
وعلى العموم محاوله اخفاء الغيرة امر سهل صعب اوله ..حتى لو لا حظ الغيره في عينيك وسالك ..انكري فهم يحبون هذه الحركه ..

ولا تجعلي الغيره تهدم سعادتك...

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

غيرتي ممممممممممموطبيعيه