عالم الحياة الزوجية - منتدى

أخر قطرة عطر · 14-04-2006, 15:21

السلام عليكم ورحمة الله وبركاته

نقل لي أحد أخواني مشكله واحد من أصحابه ويريد لها حل المشكله وبدون مقدمات
يقول الشاب :
تعرفت على بنت وحبيتها من كل قلبي بس البنت أكبر مني بأربع سنين ومطلقه وعندها طفل وأنا ما أهتميت بهذا الموضوع ما دام بينا حب ما يوصف وحتى هي حبتني على عيوبي حيث أني صارحتها بكل شي ( أني ما معاي ألا ثانويه وهي جامعيه وعاطل وسبق أني كلمت قبلها بنات بس ما حبيتهم كثر ما حبيتها هي أبداً)
المهم قررت أني أدخل دورة حاسب وبعدها معهد تقني أو دوره عسكريه عشان أتوظف بسرعه وأتقدم لها
وفعلاً ألتحقت بدوره حاسب وكنت أروح يومياً متحمس
بس
انا أستعجلت وفاتحت أبوي بموضوع البنت أبوي رفض وبشده قال مالك ألا بنت عمك (انا ما أبيها)
كلمت أمي قالت حنا حاجزين بنت عمك لك
قلت لهم أحب بنت ثانيه ما أبي بنت عمي قالوا مشكلتك ما لنا دخل بتتزوج بنت عمك بالطيب بالغصب ما لك ألا بنت عمك
البنت وعدتها بعد كذا صدمتها بالكلام هذا والان شبه فاقدين الامل أننا نتزوج
حتى المعهد ماعاد أروح له زي أول أروح يوم وعشره لا وهي أللي تقول رح للمعهد(المسكينه حريصه علي)
بس مع ذلك أبيها وهي ما حاولت تضغط علي مجرد أنها بكت والله أن قلبي تقطع وهي تبكي
أنا أبيها بس ما أبي أغضب والديني ولا أبي أخسرها
كان أرضيهم وأتزوج بنت عمي ثم أتزوج البنت إللي حبيتها(الشرع محلل لي أربع) بس ما أبي أظلم بنت عمي
بكل أختصار أبي البنت أللي حبيتها وأبي حل عشان أرضي أمي وأبوي ولا أخسر أللي حبيتها
ملاحظه :
البنت أللي حبيتها أنظلمت في زواجها الاول كثييييييييييييييييير هي وولدها وأنا أبي أعوضهاوراضي أن ولدها يعيش معنا لو حصل وتزوجنا بأذن الله
طلبت الطلاق من طليقها وأهلها كانوا معارضين ومع ذلك طلبت الطلاق وأصرت عله لين حصلت عليه
وأهلها عاقبها على طلاقها صككو عليها ما خلوها تطلع لأحد حتى وظيفه منعوها لدرجه حتى جوالها فصلوه وطلعت شريحه من وراهم عن طريق وحده من صاحباتها وهذا قبل ما أتعرف عليها طالبوها أنا ما تاخذ مصروف الولد من أبوه
وحرموها من المصروف ومع ذلك صمدت قدامهم وأخر شي جازوها انهم طردوها في نص الليل(وهذا كمان قبل ما أتعرف عليهابس من بكره تعرفت عليها دقت علي بالغلط يعني غلطانه وهي تبكي وباين عليها الخوف حسيت أنها غلطانه مع ذلك قلت خل أسمع وش فيها وبعدها قلت لها يا بنت الناس غلطانه مو أنا إللي تبينه بس ما تركتها حسيت أن في شي يشدني لها يخليني أطمأن عليها ) ولجأة وزارة الشؤن وحلوا لها ثلاث أرباع مشاكلها مع أهلها ولكن ألى ألحين تعاني من الظلم
عشان كذا أنا متمسك بها وزود أني أمووووووووووووووووت فيها أحبها موووووووووووووت حب والله ما يوصف
والظلم أللي هي عايشته هو أللي خلاني أستعجل وفاتح أبوي
حيث أنها تتعرض للضرب من أخوها أللي أصغر منها وضرب مبرح حتى ولدها ينضرب أكثر من مره في اليوم
معلومه : البنت من عائله كبيره ومعروفه
وتكفووووووووووووووووووووووون أبي حلول جديه
انتهى.....

نقلت لكم كلام الشاب بحذافيره الشاب برضوه من عائله محترمه
وسامحوني على الاطالهوياليت تساهمون معاي في إيجاد حلول لهذي المشكلة
أكون شاكره لكم أهتمامكم

خلود المشعل · 14-04-2006, 22:35

اهلين اخوووووووووي والله مشكلتك مشكله دام اهلك معارضين ترا الشرع محلل اربع ادري انه مو حل وادري انك راح تظلم بنت عمك بس والله البنت قطعت قلبي ولا اقول كلم بنت عمك وقلها ماابيك ادري انه مو حل

اااااااااااااه والله لو اني ولد لااروح اخطب بنت عمك وافكك منها ههههههههاااااااي ادري اني مالي داعي بس مافي حل

لي عوووووووووووووده بروح افكر بحل

خايف عليها · 14-04-2006, 23:00

الله يعينك ويعينها

شوف اخوووي صديقك ماله الا حل واحد إما إنه يقنع والدينه بشتى الطرق

او انه يتزوج بنت عمه وإياك ان تعصي والدينك إياااك

وإذا انت من النوع الحساس ومتعاطف مع البنت ... انت مالك ذنب في كل اللي جرى لها

وانت ماقصرت ووقفت معاها يعني بيض الله وجهك

وماتدري البنت شنو وراها يمكن تتمسكن إلين تتمكن

وانت ياخووك تووك شباب وعليك بالبكررر

مو معنى كلامي هذا ان المطلقات فيهم شي لا بالعكس

ولكن هذا الأفضل وصدقني فيه ناس كثيرين عصوو والدينهم وحياتهم انقلبت فوووق تحت

فا اياك واياااااك معصية والدينك

فتانة القلوب · 14-04-2006, 23:23

انا عندي حل

بس مادري حلي تمام او لا مع اني احسه زين

كلم بنت عمتك انك تحب وحدة ثانية وتقول لأهلك انها ماتبيك

احس ان هالحل زين لان ماعتقد احد بيجبر بنت عمتك انها تاخذك غصب، اذا تمسكت يقرارها

وان شاء الله خير

أخر قطرة عطر · 14-04-2006, 23:50

اقتباس:

المشاركة الأصلية كتبت بواسطة خلود المشعل

اهلين اخوووووووووي والله مشكلتك مشكله دام اهلك معارضين ترا الشرع محلل اربع ادري انه مو حل وادري انك راح تظلم بنت عمك بس والله البنت قطعت قلبي ولا اقول كلم بنت عمك وقلها ماابيك ادري انه مو حل

اااااااااااااه والله لو اني ولد لااروح اخطب بنت عمك وافكك منها ههههههههاااااااي ادري اني مالي داعي بس مافي حل

لي عوووووووووووووده بروح افكر بحل

أشكرك أختي على مرورك أول شي أنا مجرد ناقله للمشكلة ومو أنا صاحبة المشكلة ثاني شي أنا بنت مو ولد

أخر قطرة عطر · 15-04-2006, 00:10

اقتباس:

المشاركة الأصلية كتبت بواسطة خايف عليها

الله يعينك ويعينها

شوف اخوووي صديقك ماله الا حل واحد إما إنه يقنع والدينه بشتى الطرق

او انه يتزوج بنت عمه وإياك ان تعصي والدينك إياااك

وإذا انت من النوع الحساس ومتعاطف مع البنت ... انت مالك ذنب في كل اللي جرى لها

وانت ماقصرت ووقفت معاها يعني بيض الله وجهك

وماتدري البنت شنو وراها يمكن تتمسكن إلين تتمكن

وانت ياخووك تووك شباب وعليك بالبكررر

مو معنى كلامي هذا ان المطلقات فيهم شي لا بالعكس

ولكن هذا الأفضل وصدقني فيه ناس كثيرين عصوو والدينهم وحياتهم انقلبت فوووق تحت

فا اياك واياااااك معصية والدينك

مشكور أخوي على مرورك

أحس أنك قسيت على البنت
البنت من جد صادقه لأن شاب زي ما نقل لي أنه سمع كم مره صياح ولدها ولما تروح له وهو على الخط على كلامه يسمع أنه الموضوع فيه ضرب يعني ما أكتفى بكلامها
وكم مره سمع أمها تتلفض عليها وتسبها
وبعدين يقول أنها تخاف من أهلها وبشكل مو طبيعي

وبعدين تقول أنه ماله ذنب أحس أنه كون أنها يحبها لازم يساعد
وإذا فيه حب بينهم ينسى كل واحد عيوب الثاني وكون هي مطلقه وهو شاب برضوه هو مامعاه إلا ثانويه وهي جامعية
وعلى فكره(أنا مطلقه وحس أني ودي أقتلك

)

أمزح

ومن ناحية أنه مايعصي والدينه هو يدور حل عشان ما يعصيهم وأنا معاك في الشي هذا

أخر قطرة عطر · 15-04-2006, 00:25

اقتباس:

المشاركة الأصلية كتبت بواسطة فتانة القلوب

انا عندي حل

بس مادري حلي تمام او لا مع اني احسه زين

كلم بنت عمتك انك تحب وحدة ثانية وتقول لأهلك انها ماتبيك

احس ان هالحل زين لان ماعتقد احد بيجبر بنت عمتك انها تاخذك غصب، اذا تمسكت يقرارها

وان شاء الله خير

شكراً أختي على مرورك
بس ما أعتقد هذا حل بنسبه له لأنه وحسب ما وصلي أخوي أن عندهم عاد البنت لولد عمها والولد لبنت عمه ويمكن البنت لو قالت ما أبي ولد عمي بقول لها أبوها ما لك ألا هو

قلب موجوع · 15-04-2006, 00:37

اقتباس:

المشاركة الأصلية كتبت بواسطة فتانة القلوب

انا عندي حل

بس مادري حلي تمام او لا مع اني احسه زين

كلم بنت عمتك انك تحب وحدة ثانية وتقول لأهلك انها ماتبيك

احس ان هالحل زين لان ماعتقد احد بيجبر بنت عمتك انها تاخذك غصب، اذا تمسكت يقرارها

وان شاء الله خير

وانا مع اختي في هالحل واذا اثنينكم اصريتوا انكم ماتبييون بعض الاهل بطخوون وبهونون...

ام لينا · 15-04-2006, 01:53

انا انصحك تتزوج بنت عمك لان حب التليفونات مايدوم
واهم شي ترضي اهلك لان العاصي لأهله ماراح ربي يوفقه واحتمال اذا تزوجتها مايتقبلونها
اهلك وتصير مشاكل انت في غنى عنها وتقول ياليت الي جرى ماكان
وبعدين انت اديت واجبك وساعدتها وقفت معها اعتقد هذا كفايه
والله يوفق الجميع

صانع البسمة · 15-04-2006, 04:32

لعن الله الجور والظلم والعادات البائدة السيئة

ruff · 15-04-2006, 11:12

لا يسمع كلام ابوه و امه ولا يتزوج بنت عمه ابدا يتزوج من يريد وهذه حياته هو من يحددها مع وجود كل الاحترام والتقدير والبر لأمه وابيه

ويبين لأبيه وامه انه لا يرغب ان يظلم ابنة عمه وربما يصل الامر الا ان يطلقها حينها كيف ستكون نظرتهم لأفاربهم وكيف سيكون الوضع

لا يتزوج ابنة عمه ابدا ولا يستطيع انسان ان يجبره على ذلك

اما المراة التى يريد ان يتزوجها فأسئل الله ان يصلحها ويصلحه ويهديهما لما يحب ويرضى

مرجوج انترنشنل · 15-04-2006, 14:47

عزيزتي : بشـــرة طفل

أنا بتكلم باشياء تخص هذا الموضوع لكن الموضوع فيه نوع من الغموض بنسبة لهذي المطلقة وراح قول السبب

عزيزتي :

مشكلك هذا الصديق أنا بعتقادي أنه مو حب هذا أسمة عطف وحنان لترف قلبية وطيبتة

شكت هذي المراءه وشاهد الضرب والأهانة وحس أنه متعاطف زيادة وأيضاً قال أنه يحبها

طيب ما سئل نفسة وش سبب طلقها وليش يتعاملون معها أهلها بهذي الطريقة أكيد فيه سبب

أنا ما أبي أطرق لمواضيع يصعب التفكير فيها لكن طلاق يوجد سبب ضرب من اهلها ومعاملتها بالاهانة يوجد سبب

معاملة طفلها مدري وش أقول

لكن قبل كل هذا لازم يعرف كل هذي الأسباب وأن لا يستعجل بأمور قد يندم عليها في المستقبل

عزيزتي :

أنا سمعت عن مشاكل ناس يعني هم أصحاب المشاكل لكن أندفاعهم حول هذي الأمور كانت في صفه عاجلة

وأي شي بس المهم أني أنفذ مبتغاي يتحقق بعجلة " في العجلة الندامة وفي التأني السلامة "

أنا أحجب موضوع المراءه يمكن فعلاً تكون مظلومة في حياتها وأن زوجها فعلاً العيشة نعها صعبة وأهلها كذا

قدرها إذا كانت كذا وبظلمها بتلاقها عند الله سبحانه وتعالي وبيعوضها

لكن لو نجي للجد علاقة هذا الشخص من المراءه محرمة وعلاقتة تخالف الشرع أنا أدري أنه تقريباً عدد كبير يمشي

بهذا الطريق ولا راح نضحك على بعض لكن لو نظر للواقع وللجد نجد أنه البداية الى النهاية غلط

نصيحتي وهذا وجه نظري أنا

أنه لا يستعجل وأنه يفكر بينه وبين نفسة قبل كل شي ويحاول يعرف بطرقة الخاصة أسباب الطلاق ومعاملة هذه المراءه

وأكرر والله والله لا أظلهما بشي ولا أتهمها بشي وأني أنا متعاطف معاه الى أبعد الحدود وبالعكس يوجد مطلقات

مظلومات والله والله لو تنحط على الجرح يبراء من طيب وأخلاق وحب وكل شي حلو وتخلي حياتك جنة في الأرض

لكن أهم شي التفكير وعدم الأستعجال .

أتمناء ان تكون وجه نظري ما هي من مسبب للجرح أو أي شي ممكن ذاء موقف يتكب بأسمي

أما فيه طريقة ثانية

>>>>>>>>>>>>>> طرق الأنذال

معليش بس جتني الحاله

يروح عند هذي اللي يحبلها ويأخذ دفتر أبو أربعين وقلم أسمة " XTRA 895For********s وروح هو ويها

جه البحر كذا ويكتبون على بعض زواج ويشوفون طيرين كذا يشهدون وهم معدين من فوقهم

واللي يكلمهم ما عليك يدق علي جوال وأنا أرسل 9 جموس " صالون يعني ماليانة يكسرون أي راس يتكلم

بس يكنون قربين من شارع التحلية لني اجلس كثير هناك يعني أكون قريب خخخخخخخ

>>>>>>>>>>>>>>> وراء ما تنقلع ولا تطلع براء ولا تشوفلك أي صرفة أنت وأفكارك خخ

شلووووووووم

جيجو من بلد الكفاح يتكلم

أخر قطرة عطر · 15-04-2006, 14:53

اقتباس:

المشاركة الأصلية كتبت بواسطة ام لينا

انا انصحك تتزوج بنت عمك لان حب التليفونات مايدوم
واهم شي ترضي اهلك لان العاصي لأهله ماراح ربي يوفقه واحتمال اذا تزوجتها مايتقبلونها
اهلك وتصير مشاكل انت في غنى عنها وتقول ياليت الي جرى ماكان
وبعدين انت اديت واجبك وساعدتها وقفت معها اعتقد هذا كفايه
والله يوفق الجميع

شكراً أختي أم لينا على مرورك
بسأل لو أحد جبرك على ولدعمك وأنتي ما تبينه هل توافقين
حطي نفسك مكانه
طبعاً هو يحاول جاهد أنه يوضي والديه في نفس الوقت يحصل على ما يبي
وبعدين أقري الموضوع زين أنا مالحظت أنه ساعدها في شي زي ما تقولين
وعلى العموم شاكره لك مرورك مره ثانيه

أخر قطرة عطر · 15-04-2006, 14:58

اقتباس:

المشاركة الأصلية كتبت بواسطة ماجد المالكي

لعن الله الجور والظلم والعادات البائدة السيئة

شكراً أخوي على مرورك
ولاتنسى الاثار السيئه لها العادات أللي منها نفسيه على الزوجين لو كانوا مايبون بعضهم
وأجتماعيه على علاقتهم ببعضهم وعلى عللاقت الاهل ببعضوهم ولو وصل حالهم للطلاق وش بتصير علاقت الاهل ببعضهم
وصحيه وهذا أهم شي (الامراض الوراثية إللي راح تنتج من الزواج على أولادهم)

بحر الحياة · 15-04-2006, 14:58

عجيب امرك اختي بشرة طفل

كيف عرفتي هذا الانسان وشنو يصير لكي

وباقي الموضوع مو واضح كيف عرف ان البنت مظلومه من زوجها وكيف تاكد من هذا الكلام

وتقولين انها طلعت شريحه تليفون من خلف اهلها وهذا امري يدعوا للشك

تقولين ان اهلها طردوها في منتصف الليل وهذا امر عجيب اذ تقولين انها من عائلة كبيرة ومعروفه ومحترمه

هناك بعض الامور الغير الواضحة والمتضاده في نفس الوقت

لكن كيف سيعيش هو مع تلك الانسانه وهو عاطل

وكم عمرها ؟ وكم عمره ؟

اخوكي بحر الحياة

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

أحبها وأبيها بس الوالد يبي لي بنت عمي قولي وش أسوي