عالم الحياة الزوجية - منتدى

muneera · 22-04-2006, 02:48

مع احترامي لجميع من يقدن السيارات، الموضوع التالي رأي شخصي قابل للنقاش

أولا: أكشخ وأحلى السيارات اللي تشوفونها في الشارع اعلم ان اللي يسوقها بنت وخصوصا من ناحية الالوان.
ثانيا: معظمهم من الاحظهم يسوقون ميسورات ماديا، اذا ليش تسوقين مدام انك قادره تجيبين سواق؟؟ هل هي حبا في الظهور أم (الصياعه) أم تقليد الأخرين أم ماذا؟
ثالثا: معظم من اراهن عند الاشاره!! الاغاني على أعلى صوت (حتى لو الأذان يأذن) ماسكه مرايه وتعدل في قذلتها وشعرها اللي ثلات ارباعه طالع؟؟!! وتتلفت يمين ويسار (يعني هاه؟ حد شايف الجمال والا؟)

السؤال اللي يطرح نفسه ياناس؟؟!!

هذول ماعندهم أهل؟ ماعندهم اخوان؟؟ وش السالفه؟؟ المرض مستفحل وعدد الحالات في ازدياد؟!! هل انا غلط؟!
والمشكله الاسوأ انها ياليتها تعرف تسوق بعد؟!!! والله وبالله اني اذا شفت وحده تسوق امامنا اني ادعي بالسلامه!! ياناس كثرت الحوادث بسبب سواقه الحريم وربي محد راضي يعترف بالمشكله؟!! أمس شفت وحده تسوق وفي الكرسي الوراني 4 اطفال بدون رقيب ولا حسيب وهي تكلمهم وهي تسوق (اظني تهاوش فيهم) وسواقتها يمين في شمال في يمين، والله حرام الرخصه تنعطى لأي حد!! المفروض ومن رأي الشخصي ان الرخصه تنعطى للحالات المحتاجه فقط بشرط تكون المرأه كفء وواعيه.

انتظر تعليقكم

mahaaaway · 22-04-2006, 02:59

وش حارق رزقك

خليهم يتمشووووووووووووووووووون

لكن لا رجعنا للحق

لو كن يخفن الله واليوم الاخر لقرن في بيوتهم ولم يتبرجن تبرج الجاهليه الاولى

دعي الخلق للخالق

سلااااااااااااااااام

muneera · 22-04-2006, 03:11

رزي موب محروق

أهم شيء أرواح الناس اللي في الشارع

~ اليمامة ~ · 22-04-2006, 16:45

التعميم مرفوض عزيزتي

فكما أن هناك فتيات وشباب أيضا مستهترين .. يوجد في المقابل فتيات وشباب قمة في الاحترام والذوق والأخلاق والتربية

بصراحة أرفض تعميم مثل هذه الحالات البسيطة وكأن الدنيا خليت من الخير

مثلما أن هناك شر .. هناك أيضا خير .. ولكن للأسف اعتدنا على اعطاء الأمور أكبر من حجمها

رأي شخصي لا أكثر ولا أقل

تحياتي لكي عزيزتي

كلن عايش بحظه · 26-04-2006, 11:55

والله العالم ما لقولهم اجابه لسواقه المراءه
والله حاله اللي يقوووووووووووووول خلها تسوق
واللي يقووووووووووووووول لا لا تسوق
اللي يقوووول خل اللي محتاجه تسوووووووووق
واللي يقوووووووووووول لا خل كل الحريم تسوووووق
والله يقول خل السواقه لعمر معين
ياالله اللي ببي يسووق يسووق واللي ما يبي يجلس بيتهم

العقربيه · 27-04-2006, 13:05

الاخت الغاليه
موضوعك اكثر من رائع
هؤلا اختي الغاليه عندهم اهالي اكيد ولكن بلا غيره
يعني الموضوع عادي
هؤلا ما عندهم وقت يسألوا هل الموضوع حرام , مكروه , حلال ,
لان الحياه اشغلتهم والله يكون بالعون
والرجل ما عنده وقت يشوف اهله واحتياجاتهم لأنه مشغول الله يكون بعونه
يداول المسكين من الساعه 8 -2
بعدها يرجع تعباااااااااان ويتبطح حتى الساعه 8 المساء
بعدها مسكين يطلع يرفه عن نفسه مع الشباب حتى الساعه 2 بالليل
ثم يرجع يتبطح حتى الساعه 8 الصباح
يعني هذا المسكين من وين يجيب الوقت ليتفرغ لأهله
الله يكون بعونه
والله يعين زوجته عليه

majidoberrada · 28-04-2006, 18:30

ما ذكرته من نواقص في سياقة المرأة ليس خاصا بها وحدها بل للرجل باع طويل فيه ، ولذالك فإن منع المرأة من السياقة لمثل ما ذكرت لا يستند على أساس منطقى .
ثم إن ما شاهدته من السائقة التي حدثتنا عنها لا يمكن أن ينفي أنها قادرة على خدمة نفسها بنفسها وتوصيل أبنائها لمدارسهم وقضاء مآربها الحياتية دون أن تكون تحت نظر سائق قد يؤدي انفرادها به يوميا إلى ما لا تحمد عقباه لأنه ما انفرد رجل وامرأة إلا كان الشيطان ثالثهما .

واثق ومتواضع · 30-04-2006, 10:13

الحمد لله ماعندنا بنات يسوقن ..

رماد الحب · 30-04-2006, 10:55

اختي استغرب شلون هالموضوع ينطرح بهالشكل المبالغ فيه ولكن يعتريني دائما شعور بالرغبة بالرد على اي موضوع فيه اختلاف وجهات نظر بهالشكل..اختي انا اشوف ان التعميم فيه ظلم ومثل ماقمنا على رواية بنات الرياض لتعميمها ولمنا الكاتبه على هالشي لازم نتعلم ان نلوم انفسنا ولا نعمم ولو لمرة واحده..
اختي العزيزه احترم فيكي غيرتك على الناس حتى على اسوأهم في نظك ولكن خلنا واقعين هل السايق هو اللي بيمنع البنت تسوي نفس اللي توسيه تمام وهي تسوق هل السايق بيغصبها تخش قذلتها ولا بيقول لها لا تمكيجين ولا بينزل يكفخ اللي لا حقينها..لا يا اختي وانما سيساهم في استراق النظر اليها..هالموضوع موضوع ادب البنت نفسها واحترامها لاهلها ماله دخل بأنها تسوق صياعه ولا كشخه..والله يااختي والله اني اشوف بنات راكبين مع اهلهم وقاعدين مو مقصرين بس من تحت لتحت..وفي بنات طالعه من احسن العوائل بس سبحان الله هاذي الدنيا عادي تشوفين بالبيت الواحد المتقي واللي مو مفتكر بشي..لان في عوامل لها تأثير اكبر بكثير من دور الاهل وبس..
انا يا اختي ببلد هالموضوع اصلا ما نتناقش فيه لانه متاح للجميع ومن زمان وماهو بشي غريب وعادي اللي محترمه نفسها ولا احد يسترجي يقرب منها واللي محترم نفسه ولا عنده استعداد يلتقت حذاه وياخذ ذنوب علشان وحده ماتسوى..
اختي انا بنت اسوق وكل صديقاتي يسوقون والله يكفينا شر الطريق ولكن يا اختي اشوف انك ظلمتينا لما عممتي بأن مالنا اهل او ان جميعنا على الشاكلة اللي مرت عليكي..اعذرك اختي لانك يمكن قاعده تناقشين الموضوع كسواقه بالسعوديه ودايما الشي النادر ملفت للنظر ..
اتمنى انكم تتفهمون ان التعميم فيه ظلم فأخلاق الشخص نفسه هي المعيار الوحيد اللي تقدرين تحكمين منه بس انج تاخذين مثال او حتى عشرة من شاكلة معينه وتحكمي على 100 وحده هذا هو عين الغلط..
واحترم رايج عزيزتي ولا الومك في تساءلك..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ملاحظات سيدة لا تقود!!