عالم الحياة الزوجية - منتدى

** عازف ** · 22-04-2006, 19:22

سلام

وشلونكم وش اخباركم...

حبايبي أنا لانيب معرس ولا يحزنون وكل الدعوه إشاعات في إشاعات

لكن دخل علي واحد من الشباب في المكتب وأنهبل لأنه قرر يعرس

وسألني يقول يا عازف أنا قررت أعرس وأدور على بنت الحلال المناسبة لي..وأمي وخواتي وقريباتي جالسين يدورون لي على فتاة أحلامي>>>تكفى ياروميو...

ويقول أحترت فيهم كل يوم يقولون فلانه وفلانه وأنا رأسي أنقلب واستدار...

يقول هذا الصديق (العلة) أحيانا<<<ترى أحيانا مهوب دايم عشان مايجيني بكرا ونتكافخ
وش رايك في فرق الطول المناسب بيني وبين البنت اللي أبي أختارها زوجة لي

قلت وش شايفني؟

دون جوان والا ايش

المهم أنا أحول موضوع الرجال عليكم وأنتم تفاهموا معه ...

ماهو فرق الطول المناسب بين الزوجين؟

صاحبي يقول ان طولة 170 وأعتقد أنه غلطان

أنا أشوفه 172

المهم مهيب فارقة ال2 سم بيني وبينه...وأنتم كريمين وهو يستاهل..

طبعا نحتاج أراء الجنسين وخصوصا الشباب المتزوجين.....وأركز على الشباب لأنهم هم اللي حاسين بالوضع

وأكيد البنات المتزوجات ياليت يشرفونا بردودهم

ويامشرفين اذا الموضوع مكركر أرجو إرسال رابط لي على الموضوع القديم....

وشكرا كبيرا وطويلا...

برايفت لفيصل

فصييييل
هذا موضوعك ونزلته ..والله لو توطوط عندي تسألني عن الزواج وإلا أي شي فيه أني لأتمخض في بطنك
تأخذ طويلة والا قصيرة هذا شيء راجع لك يا روميو...

واذا تبي رأيي خل عنك العرس وتعال كملنا بلوت الليله ووسع صدرك...

عابر الصعاب · 22-04-2006, 19:27

ههههههه
الله عليك يا عازف دائماََ مواضيعك جنان واسلوبك اجن منه

يالله خليني اوهق خويك وقوله عليك بالطويله الي اطول منك

بحفظ الله

(من جديد ) · 22-04-2006, 19:36

صراحة موضوعك ياعازف توه وحدة سئلت عنه في عالم المتزوجين وكان اسمه سؤال للمتزوجين

وتم اغلاقه بالشمع الاحمر
وحتى الان لا اعلم سبب ذلك

غير ان الموضوع اختفى تماما عن وجه الارض

** عازف ** · 22-04-2006, 20:05

اقتباس:

المشاركة الأصلية كتبت بواسطة wajeh

ههههههه
الله عليك يا عازف دائماََ مواضيعك جنان واسلوبك اجن منه

يالله خليني اوهق خويك وقوله عليك بالطويله الي اطول منك

بحفظ الله

يقول الشاعر

عيرتني بالشيب وهو وقار..واللي مايطول العنب حامض عنه يقول

>>>وش تبي أنت؟

خويي يقولك أبي زوجه أشعرها بحناني ...مهوب تسطرني

تسطرني وفي روايه تجلدني..ومصدرها سطر..أي ضربه ضربتن قوية على دمجتة...

تحياتي لك...

** عازف ** · 22-04-2006, 20:09

اقتباس:

المشاركة الأصلية كتبت بواسطة ياقلبي لا تحزن

صراحة موضوعك ياعازف توه وحدة سئلت عنه في عالم المتزوجين وكان اسمه سؤال للمتزوجين

وتم اغلاقه بالشمع الاحمر
وحتى الان لا اعلم سبب ذلك

غير ان الموضوع اختفى تماما عن وجه الارض

الشر برا وبعييييييد يا قلبي

موضوعي هذا مافيه لا ضمضمه ولا خمخمه ولا تبويس ولا تلحيس ولاتدليس...

روقي المنقا ولاتفتحين العيون علينا..

ويعلم الله أن الموضوع جدي بغض النظر عن أسلوبي...

يعني لو تشوفون روميو المستقبل اليوم وهو يسولف ويدربي دميجته كان فزعتوا له و ثبتوا موضوعه

روميو المستقبل ..وفي رواية أخرى (صديقي فيصل) ينتظر الجواب

تحياتي لكم..

عابر الصعاب · 22-04-2006, 21:01

ههههههههه
تيييييب معناها طيب

والله اشوف لو يكون الطول متساوي افضل يعني ما تكون اطول منه ولو اقصر منه مب شينه

بحفظ الله

خايف عليها · 22-04-2006, 22:26

خويييك هذااا خنبوووووووقي

والله شباب آخر زمممن

ام وليد · 22-04-2006, 22:50

ههههههههههههههههههههههههههههههههههههه عازف الله عليك وعلى اسلوبك والله يعين زوجتك مستقبلا على كثر الضحك

وانا اعتقد ان الطول لمل يكون متساوي او متقارب يكون افضل

فيثاغورس · 23-04-2006, 00:19

بعض المواضيع من روعتها ,, لا تملك إلا أن تقف صامتا مدهوشا أمامها
لذا سأقف متفرجاً .. وأتابع ,,, ماهي آخرتها؟؟
,,,,,,,,
لكن البلوت ؟؟ ذكرتني بالليالي الحلوة

فيثاغورس · 23-04-2006, 00:22

لكن مسألة الطول
حبيت أبين رأيي فيها ,, مع أنه معروف واسألوا أي واحد يقابلكم بالشارع عن رأي فيثا بالطول
الطول أحلى وأحلى ,, وكل مازاد الطول زاد التألق والحلاوة والجمال
يعني بالفيزياء ((هناك تناسب طردي بين الطول والجمال))

غيـــد · 23-04-2006, 00:48

عازف

الطــــــــــــــــــــول حلو......ورزه .....بس اهم شي ماتكون حدبه......اهم شي يكون ظهرها مستقيم....

وانتبه مو يتورط بطويله,,,,و(,,,,,,,,,,,,,,,,) .....

مع اني اتوقع انه بياخذ وحده اقصر منه بعشر او خمسطعشر سم.....

يامعود الاخلاق ثم الاخلاق بلا طويله بلا قصيره....

ودام طوله 170 او على شوفك 172 اعتقد اغلب البنات بهالطول او اقصر شوي.....اللي يعتبرون طوال

بس اذا صارت بنفس طوله احسب حساب الكعب اللي بتلبسه .......3سم الى6 سم يعني بيصير طولها

جنبه 176.....عموماً الطول المميز170....وبالتوفيق

تحياتي

البلبل · 23-04-2006, 06:53

هههههههههههههه
هلا أخوي عازف
يا سلام عليك وعلى مواضيعك وعلى أسلوبك المرح (ما شاء الله تبارك الله )
بالنسبة لخويك قوله الطويلة بس عاد أهم شيء أقصر منه
أخوك البلبل

البك باشي · 23-04-2006, 07:20

عازف نصيحه اخوك

قله لايتعدى 160 بسنتي واحد
ويفضل بعد تكون 160 بعد ماتلبس الكعب العالي ولكم الكرامه

يعني مابين 155 الى 160

ومبروك مقدما

اوكسيرالحياة · 24-04-2006, 00:06

طيب الي طوله 182 وش يسوي ( وجه واحد متوهق )
ياخي كل بناتنا من الـ 160 وجآي واذا هي 165 قالو عنها طويله !!!!!
بعدين انا ضد فيثاغورس اشوف ان العلاقه عكسيه ( كل ماقصرت كل ماحلوت ) <---- يعني الواحد لازم يختار ياحلوه ياطويله اما اذا جت الثنتين فعني انا اشتر صن مغطى <---- طراه البلوت

عازف دمت سالماً

خلود المشعل · 24-04-2006, 00:44

هههههههههههههههههه .............

خويك هذا طايح على راسه مكيف شي طبيعي لازم وحد طوله يعني اممممممممم امممممم

يعني 160-163

ولايبيها اطووووووول منه عشااااااان لابغى شي قالها ممكن تنزلين شوووووووووي هههههههههههه

(يارب اتزوج واحد اطول مني ) مشكله لو هو اقصر مني يعني تعد الحد <<<<<<<< قزم

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

أخلصوا علينا...زين والا مهوب زين؟