عالم الحياة الزوجية - منتدى

الجازي3 · 29-05-2006, 01:59

انا زوجي نحيييييييييييييف فوق ماتتصورون وانا جسمي مناسب لطولي ومايطلق علي دبية لكن اذا كنت جنبه احس اني نعمان

احاول اسمنه مافي فايده

[SIZE="4"]ايش المشكلة الآن[/SIZE]
اني فاقدة انوثتي جنبة ...كاني انا الرجال وهو ......................."والله مو قادرة اقولها على زوجي لكن هذا الحاصل
احيانا في بعض الحركات تحتاج انه يحملني او ................او...................
طبعا انا ما اثق انه يحملني اخاف يطيح فيني واتكسر او آخذ اثم فيه
اضيفوا الى ذلك:اني شخصيتي يقولون عنها انها قوية............كملت صرت انا الرجال
والله الشي هذا مضايقني مدري ايش اسوي سويت رجيم لكن الدكتورة قالت انتي ماتحتاجين رجيم لاتأذين نفسك
وحتى زوجي اتوقعه متأثر ويتمنى وحدة نحييفة علشان يشيلها و...............و.................
تخيلوا حتى الثلاجة انا اسحبها اذا بغير مكانها وهذا يألمني واتحمل انا مع الشغالة وهو يخاف على نفسه انه ينمصع
والغاز ماعمري شفته شايلة لحاله ينادي الشغالة او انا معه
حتى المرتبة المفروض تنقلب كل 6 شهور ..والله يناديني اساعده يقول ثقيله
وأنا حامل اغمى علي ويش سوى؟؟؟؟؟؟؟؟؟؟؟؟؟؟؟؟ مسك يدي و جلس يناديني وبس
يعني لو بموت مايقدر يسوي شي...اتصل على ابوي يابعدهم وجا ابوي طاااااير والله انه شالني ورفعني بيد وحدة حسيت بقوة في ابوي وتمنيت بعد زوجي كذا
لما اسافر معه احاتي لو يصير لي شي بالشارع راح يخلي الناس يشيلوني وهو بيتفرج
يمكن مافي حل لهذي المسألة لكن حبيت افضفض لكم لاني والله احبكم

العطرالعطر · 29-05-2006, 02:07

ياقلبي يالجازي طولي بالك واحنا نحبك بعد

°°»Najla«°° · 29-05-2006, 02:14

احبك الله اختي الغالية

زوجك يحتاج الى برنامج للياقة خلية يروح نادي يتمرن

حتى لو هو نحيف ييقوي جسمة

مشكلتة مو بس في النحافوة ماعندة للياقة ابد

فية زوج ما يقدر يشيل اسطوانة !!

على ايش اخذو القوامة اجل

كان الله في عونك

حرف مشتعل · 29-05-2006, 02:29

أختي الجازي،،
بصراحة مادري وش اقول
ماعندي حل لزوجك،، بس شاركتك وجدانيا والله،، وانتي قلتي بالأخير مافي حل بس مجرد فضفضة

أختي الجازي،، بسعة صدرك،، أرجو أن تسامحيني لأني والله ضحكت كثيييير لاشعوريا وانا أقرا موضعك
مو من باب الاستهزاء لا والله،، بس... والله كلامك يضحك من جد
فأرجوك يا أختي تسامحيني لأني اعتبرت ضحكي عبارة عن غيبة تتطلب الاستسماح منك

شكرا لسعة صدرك
وأدعو الله أن يمن عليك بحل لمشكلة زوجك، كما اني أتفق مع اختنا نجلاء في موضوع برنامج اللياقة في النادي

تحياتي

الجازي3 · 29-05-2006, 02:35

تسلمون لي ان شاء الله على الردود
حرف مشتعل
والله اني انا بعد ضحكت على ضحكك مايهمك اختي وسعي صدرك

تموت فيني · 29-05-2006, 02:44

ضيفي على رد حرف مشتعل الاتي

اختي مايصير مايبي يسمن ،،، مكسرات اخطليها مع العسل وباليوم ملعتقتين او ثلاثه ،، شهر ويصير عملاق

والناس تقول راح العملاق ،،، وصل العملاق

حاولي معاااااااااه اكيد بيطخ ،، كل انسان يتمنى يصير عنده جسم حلو ،،،
حاولي وان شاء الله بيتعدل الحال
او انصحيه يدخل نادي رياضي لبناء الاجسام ،،

وبعدين في رد قريته بس ماعجبني ،،، وينه وينه ،،، لحظه
الاخت نجلا

اقتباس:

فية زوج ما يقدر يشيل اسطوانة !!

على ايش اخذو القوامة اجل

كان الله في عونك

اختي العزيزه نجلا ،،، ببساطه ،، لان الله سبحانه وتعالى شهد لنا بذلك في كتابه الكريم

الجازي3 · 29-05-2006, 03:13

اقتباس:

المشاركة الأصلية كتبت بواسطة تموت فيني

ضيفي على رد حرف مشتعل الاتي

اختي مايصير مايبي يسمن ،،، مكسرات اخطليها مع العسل وباليوم ملعتقتين او ثلاثه ،، شهر ويصير عملاق

والناس تقول راح العملاق ،،، وصل العملاق

حاولي معاااااااااه اكيد بيطخ ،، كل انسان يتمنى يصير عنده جسم حلو ،،،
حاولي وان شاء الله بيتعدل الحال
او انصحيه يدخل نادي رياضي لبناء الاجسام ،،

وبعدين في رد قريته بس ماعجبني ،،، وينه وينه ،،، لحظه
الاخت نجلا

اختي العزيزه نجلا ،،، ببساطه ،، لان الله سبحانه وتعالى شهد لنا بذلك في كتابه الكريم

والله فكرة العسل والمكسرات...أظنا بعد افكر اشتري له خلطة تسمن لانه والله متضايق من نحفه ودايم يشتكي ويقول شوفي فلان من تزوج انتفخ وفلان وفلان وانا وزني ينقص...والله يكسر خاطري
وفي الشتاء بالموت حصلنا له سديري كلهم كبار عليه والدبل الله لايوريك كذا محل رحت له ابقى اشتري له دبلة هدية كل صاحب محل يعلق ويقط كلمة على النحف

**&&دلوعة الحب&&** · 29-05-2006, 03:55

انتي مشكلتك عكسي بس شكله زوجك نحيف مرة حتى قوة مافيه انا العكس انا النحيفة وزوجي الأمتن بس ماكنت اتوقع ان النحف عند الرجل يعمل مشكله عند النساء وانا من كثر ماني متعقده من بدانة زوجي احسد كل وحده متزوجة نحيف لا اللي عندها بدين مبسوطة ولا اللي عندها نحيف مبسوطة مااحلى الوسط0بس صدقيني النحيف خفيف الحركة حتى في كل شيء خفيف انتي فهماني اكيد يعني تخيلي لو هو متين ايش راح تسوي بيكتمك ههههههههه

°°»Najla«°° · 29-05-2006, 10:20

اقتباس:

المشاركة الأصلية كتبت بواسطة تموت فيني

وبعدين في رد قريته بس ماعجبني ،،، وينه وينه ،،، لحظه
الاخت نجلا

اختي العزيزه نجلا ،،، ببساطه ،، لان الله سبحانه وتعالى شهد لنا بذلك في كتابه الكريم

ونعم بالله تجلت قدرتة

انا لم اعترض على الاية ولا يحق لي ذالك ابدا

ولم اقصد الجميع بكلامي

بس الاخت تقول انه مايقدر يرفع حتى اسطوانة غاز

والمقصود من كلامي المفروض يعرف هو هالشي والقوامة نعمة من ربي على بني ادم ليش هو ماعرف يستغلها؟؟

الله سبحانة وتعالى شهد لكم بذالك ماختلفنا بس كوني اي واشيل الاسطوانة عنة وجرك الثلاجة وهو ييتفرج مافية حيل وش صار دورة اهو

اتمنى قدرت اوصل المقصود من كلامي

هو مايبغالة تسمين يبغالة نادي صحي يقوي جسمة لان المشكلة في قوتة وليس بحجم جسمة لانو لو صار جسمة مليان وماعندة قوة راح تصير المشكلة مشكلتين

أبو مدحت · 29-05-2006, 12:07

السلام عليكم

لازم يدخل نادي رياضي,لمدة شهرين أو ثلاث مع تناول بروتينات خاصة بكمال الأجسام تنباع في الصيدليات و أسعارها معقولة حول الميتين ريال تقريباً علبة فيها عشرين قرص و يتناول قرص واحد كل يومين.

و صدقيني في خلال ثلاث شهور إذا مشى على البرنامج الغذائي و واضب على التمارين راح يتغير بإذن الله و يتكسب قوة و جسم متناسق,و لكن الأهم إنه يستمر على التمارين خاصة تمارين السويدي مثل الضغط لأنها تكسبه لياقة و تحافظ على العضلات مشدودة.

اقتباس:

هو مايبغالة تسمين يبغالة نادي صحي يقوي جسمة لان المشكلة في قوتة وليس بحجم جسمة لانو لو صار جسمة مليان وماعندة قوة راح تصير المشكلة مشكلتين

إذا كان نحيف زيادة عن اللزوم لازم يسمن شوي عشان تصير عنده عضلات يبنيها,أما إذا جلس يتمرن و أهمل الغذاء فكأنه يحرث البحر.

و كان الله في عونك.

نايف

حنون وايد · 29-05-2006, 12:43

الله يعينك

اسمعي زوجك يحتاج نادي رياضي نعم
انا اشتركت في نادي رياضي كمال اجسام والحمدلله شد جسمي وكان المدرب يعطيني عصير ليمون معه مادة تشد العضلات وما اخذت شهر الا العافية ظاهره مع خشمي وحسيت اني رامبو والحمدلله

انصح زوجك بالالتحاق بنادي كمال الاجسام

الجازي3 · 29-05-2006, 12:51

عرضت عليه فكرة التمارين لكن طبعا ليس بشكل مباشر
مرينا على ناس يلعبون كرة وقلت ماشاء الله حلو الواحد يهتم بالرياضة تبعده عن الامراض وتنشطة ولها تأثير ممتاز حتى على نفسيته وهو كان ردة فعله
آآآآآآه على أيام الشباب"مع انه صغير 28 سنة "يقول انه كان رياضي لكن العمل والزواج قضوا على هذا الشي
وانا الآن احاول اشجعه لكن مدري كيف
زوجي يحب رياضة هذي اللي بالسيوف ولبس ابيض خاص مدري كيف اشجعه
ايش رايكم؟؟؟؟؟؟؟؟؟؟
تتوقعون في اشرطة تعرض هذه الرياضة لانه يكيف اذا شافها بالتلفزيون
انا ابقاه يتمرن علشان بعد يرتاح نفسيا لكن بدون ما اجرح شعوره

أبو مدحت · 29-05-2006, 13:01

لا ماش المبارزة بالسيوف ذي ما تنفعه,لازم يدخل كمال أجسام و حاولي إنك تفاتحينه بذا الموضوع بأسلوب ما يجرح مشاعره,و أو تقدري تقدمين له هدية إشتراك في أحد الأندية الرياضية أو إنك تشترين له علبة فيها دامبلز حديد يتمرن عليها كل يوم و صدقيني هذه ما تاخذ من وقته و لا مجهوده أي شي و لكنها تشد عضلات الكتف و الصدر و الذراع بشكل جميل و بوقت قصير.

و صدقيني ما في أي رجل ما يحب الرياضة و خاصه إذا كانت تعطيه جسم جميل و قوي لكن هو فقط بحاجة إلى التشجيع و الدعم.

و لا أوصيك إطبخيله من ذا الكبسات و من ذا الإدامات عشان ينفخ شوي و يصير عنده جسم قابل للبناء.

وكان الله في عونك

ولـــد عـــز · 29-05-2006, 13:01

لو سويتي جدول أكل لزوجك لمدة شهر ...

فقط بس تصبري أنتي ويااااه راح تتغير الكثير من الامور ..

أعطيه عضير حليب بالموز طبيعي .. وبلح الصبااح .. ومكسرااات ..
أعملي له سمسم مع مكسرااات وبيه حليب مركز البناات يعرفواا الطريقة ..

بس أخاف يرتفع عنده السكري بالجسم ...

خليه يأكل بيض مخفوق مع خضاار في الصبااح .. يعني ما لازم يزيد أكله بس يحسن نوعيته فقط

على فكرة أنا جسمي نحيف .. بس ما بدرجه كبيرة .و الحمد لله بس حااب أزيد وزني بعد

بس ما فيني صبر على شيء

أتوقع أنه ما يحب الفطور مثلي

أبحثي في موااقع الانترنت رااح تحصلي أشيااء كثيرة عن هذه الامور ..

لا تنسي الالبان والحليب مفيدة جدااا وخاصة إذا كانت بالزنجبيل

راح تعطيه قوة بس الوزن رااح يجي بعد فترة

أخلطي له عسل بالمكسرااات ولمدة أسبوع

على فكرة الحمد لله أقدر أعمل فتاة وزنها في السبعين .... وحصلت مرة ... ومشيت بها مساافة بس يمكن الخوف لا يصيبها شيء ما فكرت في سالفة الوزن ههههههههه

وخليه يعمل رياااضة رااح يتضايق في البداية ولكن مع الوقت رااح يتحسن

أولا تنسي الكوكتيل وخاصة الي في البيت
أناناس أو فراولة وشكوليت

المهذبة · 29-05-2006, 13:20

بصراحة اختي ما فيها احراج لو ناقشتي زوجك عن الموضوع بكل
حنية وحب وهدوء وقوليله انج تبقين سعادته وسعادتج معاه
وما اعتقد انه بيزعل من صراحتج له بالعكس بتكبرين في عينه
وبينفذ كل النصائح الي قدموها الاعضاء ما قصروا,,
واكليه كل يوم وجبات سريعة من كل المطاعم قبل ما يرقد...
وبشرينا بالنتائج

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

الزوج نحيف والزوجة .............