عالم الحياة الزوجية - منتدى

خايف عليها · 24-06-2006, 09:21

السلام عليكم

باختصار مشكلتي عاديه وتصير بكل مكااان

بس محتاج مشووورتكم ورأيكم السديد فيها

انا رحت خطبت بنت من قرايبنا وكانت مخلصه الثانوي وتمت الملكه والحمد لله

والعرس ان شاء الله بعد خمس اشهر

وبعد فترة الملكه بسبوعين اتصلت اخت خطيبتي وكلمة اختي الكبيره وقالت لها

ان فلانه تبي تكمل دراستها في معهد قالت اختي بشاور اخوي صاعد الشان ورد لكم خبر

المهم اختي قالتلي وانا قلت اوكي مافيه مشكله

بس الحين لما فكرت في الموضوع عدل

قلت هي راح تكمل في معهد ماله اي داعي ولاراح يفيد الناس في شيئ

يعني لو مدرسه او دراسه منها سنع كان قلت مو مشكله

بس دراسه مالها داعي بالاساس

وثاني شي انا مابيها تتوظف معاشي يسدني ووافي والحمد لله

المهم الحين انا قلت لهم ماعندي مانع

وبعد التفكير شفت ان ماله داعي تدرس بس مستحي اخلي اختي تدق عليهم

وتقول اخوي غير رايه مستحي منهم والله ومنحرج

لأنهم اول شي استأذون مني وانا وافقته وبعدها اقول لا

احس انها مو حلوه

بس انا من داخلي مابيها تدرس احسن انه بس دلع بنات وتضيعة وقت مالها داعي

والحين اشرايكم شنو تشووفوووون ؟؟؟؟

ردووو علي بسرعه

boturki · 24-06-2006, 09:33

يبا من راسك لراس زوجتك و فهمها اللي تبيه

التفاهم و الصراحه جدا مفيده هذي الفتره

خايف عليها · 24-06-2006, 09:44

عاداتنا ماتسمح نكلم بعض

حنا بدوووو

الاصيل المحب · 24-06-2006, 09:50

اخي يعني متى مسموح تكلمها ب ليله الدخله !!!! فقط

اطلب مكالمتها مش عيب ولو طلب رسمي عبر والدتها

شوف حسب نوعيه الدراسه اذا كانت لغه او حاسب مش مشكله اما شئ اخر ما منه داعي

حبيت اضيف ان المرأه المتعلمه طبعا افضل بكثير بلميون مره

لكن لو قرأتو الاخ قال خمسه اشهر يكونو عرسان اعتقد تحتاجها هي لنفسها وزوج المستقبل وترتيبات وووو

ممكن تقترح عليها تقول لها اهتمي بنفسك واشوف الوقت مش مناسب او نوعيه الدارسه مش مناسبه اي بين انك موافق اللهم المعهد ممكن تغيره او تغيير التخصص اللي بتدرس فيه او اذا كانت مثل ما قلت لك سابقا لغه فهي مهمه لها

عموما مش عيب انك تناقشها او تكلم اختك تناقشها خمسه اشهر وهي عروسه متى ستهتم بنفسها !!!!!

مرجوج انترنشنل · 24-06-2006, 10:01

عزيزي ....

أي شي يخص فيه تعليم أو فيه فايدة واحد بالمئة لا تبخل فيه على زوجتك لنه أكيد بيجي يوم وراح تعلم اولادك

بالمستقبل بما تعلمتة وبعدين أحنى في فترة صيف وإجازة لماذا لا تشغل نفسها بدل وقت الفراغ اللي يملل ويصيب

حلاات نفسية احيناً .

وأنشغالها في معهد أو دورة دراسة يشغل لها وقتها وأنت المستفيد بالنهاية وموافقتك على تعليمها وتقديرها لك

وأخذ موافقتك هذا شي كبير يدل على أحترامها مع أنها ما زالت عند اهلها .

عزيزي ...

موافقتك على دراستها حسسها بثقة تجاهك وأنك لا تمانع من أستفدها وتضيع وقتها بالفائدة لكن رجوعك عن

قرارك وخصوصاً بما يخص التعليم يدعو الى الشك فيها بكذا تهتز الثقة وهي راح تحط علامة تعجب " لماذا "

ورائي هذا من غير مجاملة وصريح

دعها تكمل وصدقني هذا من صالحك ودليل ثقتك فيها وبهذا كسبتها وغير كذا لك فضل بتعلمها والأستفادة

وحتى لو أتت عندك وتزوجتو بإذن الله لا تدعها علمها وخليها تكمل بلا تأثير عن حياتكم

لك مني كل الود حتى الرضى

أم الشباب · 24-06-2006, 10:02

اخوي اسمح لي
بما انك وافقت فلا ترجع بكلامك وترى مو حلوة قدام الناس من أولها متردد وغيرت رايك
يقولون البدو [ يا حلو كلمة نعم بعد لا ويا شين كلمة لا بعد نعم ]
اخوي خلها تكمل ولما تخاص لا تتوظف بس تمسك الشهادة
وثاني شيء شلون شفت ان دراسة البنت دلع ليش مو مستقبلها
ولا انت ما تبيها تكمل وتدور حجة علشان تبعدها عن الدراسة
لا اخوي لاتتحكم من أول شيء في دراسة البنت ترى راح تخليها تكره الزواج اللي من أوله تحكم
والله يكتب لك الخير بحياتك

أم الشباب · 24-06-2006, 10:02

اخوي اسمح لي
بما انك وافقت فلا ترجع بكلامك وترى مو حلوة قدام الناس من أولها متردد وغيرت رايك
يقولون البدو [ يا حلو كلمة نعم بعد لا ويا شين كلمة لا بعد نعم ]
اخوي خلها تكمل ولما تخاص لا تتوظف بس تمسك الشهادة
وثاني شيء شلون شفت ان دراسة البنت دلع ليش مو مستقبلها
ولا انت ما تبيها تكمل وتدور حجة علشان تبعدها عن الدراسة
لا اخوي لاتتحكم من أول شيء في دراسة البنت ترى راح تخليها تكره الزواج اللي من أوله تحكم
والله يكتب لك الخير بحياتك

خايف عليها · 24-06-2006, 10:11

الله يجزاكم خير

والله يلعن الشيطان دايم يوسوسلي ويدخل في راسي شكوك واوهام

الله يلعننننه ستين العنه

مشكووورين على مروووركم وتجاوبكم وردودكم اللي تثلج القلب

وخاصتا اخوي مرجوج كلامك ريحني حيييييل فوق ماتتصور

الدمعة الخرساء · 24-06-2006, 12:28

اخي لا تنظر الى ان نهاية العلم هو العمل الكثير من المتعلمين لا يحصلون على وظائف ولكن يحصلون على شئ اكبر وهو العلم

ان تكون زوجتك انسانه متعلمة افضل لك في المستقبل والى الاطفال ان شاء الله

تحياتي لك

مالك الاشواق · 24-06-2006, 12:54

اخوي خايف عليها

بعد السلام والتحية

(( انا ارى ))
ليلة دخلتك عليها او اليلة اللي بعدها ( بعد ماتدي الوااااجب ) تناقش انت وياها
ورايح تحل الموضوع او بمعنى تحلحل الموضوع بكل سهوله بشرط تكون اديت الواجب صح

اتمنى لك التوفيق الدائم // تحيااااااتي

اوركيد · 24-06-2006, 16:41

ماعاد شي ينضاف
بس يمكن راي النساء يفهمك كيف تفكر مرتك
العمل والعلم مالك حجة فيها لأنها تحسين مستوى وارتقاء بالفكرقبل مايكون للموضوع بعد مادي
وانته واولادك وبيتك اول المستفيدين من دراستها وعملها مهمن كان
اذا على الدلع
ايوه طبعا بتدلع عليك وياكثر مابتدلع ........... اجل مين تتوقع تدلع عليه اذا مو عليك ؟؟؟
بخصوص رأيك وتغيره او تحافظ عليه
الأفضل مستقبلا يكون باب الحوار مفتوح بينكم ولا تتعصب لرأيك لمجرد انه رأي لكن تزعم الموقف بلا ضرر والمهم تخرجو من الموضوع بدون زعل

مانو · 25-06-2006, 00:39

رأيي
قول موافق
بعد الزواج
اقنعها
صدقني راح تقتنع
طبعا قلها الاقناع بطريقه حلوة

مانو · 25-06-2006, 00:41

رأيي
قول موافق
بعد الزواج
اقنعها
صدقني راح تقتنع
طبعا قلها الاقناع بطريقه حلوة

كـ وردة وأكثر · 25-06-2006, 00:46

قول لها بعد الزواج لكن بشكل غير مباشر
وصدقني انها غير توافق
لكن قبل الزواج انتبه تقول لها
ملاحظه
لاتلعن الشيطان لكن قول اعوذ بالله من الشيطان الرجيم

والله يوفقك

الحاير نت · 25-06-2006, 01:09

حاول تقنعها عن طريق الوالدة

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

محتاج استشاره صادقه من غير مجامله