عالم الحياة الزوجية - منتدى

ام رجاء · 11-07-2006, 18:27

أول شي لازم تعرف أنو الجنسية الحمصية هبة من الله سبحانه *(و رفعنا بعضهم فوق بعض درجات )* و الحمد لله على هالنعمة و لازم تكون مقتنع انو حمص مستقلة و لازم تكون كرماوي لإنو الكرامة إنتماء منفصل.

أن تكون مستعدا لأن تعيد يوم الأربعاء ، يعني تصيف عالأخير تمشي بعكس السير مثلا ، تلعب بالطابة بالشارع ، تلحق بنت وتلطشها ، تسبح عالشاطئ ، مع إنو ما في شاطئ عنا بحمص ، بس بدك تدبر راسك ،
يعني : تخرج عن كل الضوابط والأعراف المألوفة ، فكل ما هو مألوف يجب تغييره يوم
الأربعاء .

لازم تكون من العالم اللي بحبو أكلة المجدرة . مع البصل طبعا . فإذا ماكنت هيك روح دور على غيرنا

ولازم تكون مطيع كتير لزوجتك ، لأنو الحماصنة مرضيين كتير ، يعني بدك تخفف شوي من رجولتك ..يعني ال تصير خروء شي 8 ساعات باليوم ومالك
كلمة بالبيت

بدك تكون ظريف كتير مع الموظفين ، لأنو عنا الموظفين بحمص حساسين كتير و بيزعلو ئوام ، يعني بدك تراجعهم بذوء وهدوء بدون ما تجرح مشاعرهم ، ولا تنسى .. المعلوم !! اي اي هه المعلوم لأنو بلاه!

مافي شي بيمشي لازم يكون عندك فراسة وسرعة بديهة ، وتعرف الشوفير اللي ماشي قدامك لوين رايح وكيف بدو يلف او بدو يضرب فرام ولا لاء !! لأنو عنا بحمص ما حدا بيعطي إشارة وكلو بيطحش على كلو !! وعلى فكرة لازم تزكرو ا كمان انو يشغلك العداد لأنو وين مارحت رح ياخد منك 50 ليرة لذلك فزكرو منشان يشغل العداد

لازم تكون رئتك ملوثة بنسبة 99.999 % لأنو إذا كنت متعود على الهواء النظيف والعليل ، ما راح يمشي حالك عنا بتمرض بعدين بأمراض مزمنة . لأنو عنا كل أنواع التلوث .. والحمد لله ، إلا إذا حبيت تسكن غرب حمص ، على ضهر القصير مثلا أو بالقرب من مرمريتا ، فيمكن يمشي حالك وبيجوز تموت هنيك لأنو الحماصنة بس طلعو من حمص بموتو و طلع السبب انو عم يشمو برات حمص هوا نضيف .

لازم تحكي عالعريض ، أما شو يعني عالعريض ، فلازم تسأل مهران يوسف تبع برنامج سؤال عالماشي ، وإذا حزرت إنت وعشرة كمان فراح يقسم الجائزة بيناتكم ، وغالبا راح يحجبها عنكم

ولا ننسى الأركيلة .. لازم يكون عندك نفس ماكن يعني شفيط نمرة ون .

أكيد بدك تحفظ شعار الحماصنة .. وهوي الحماصنة الصقور الحرة .. نظرتهم حادة ومرة .. واللي بيحبهم مرة بيحبوه ألف مرة ومرة ..

وأخيرا وليس آخرا : إذا وجدت هذه الشروط منطبقة عليك أو بإمكانك الوفاء بها ، فلحق حالك
ها لأربعاء لأنو كل أربعاء الشروط بتتغير....!!

منقول عن حامل جنسية مخضرم...

ABU_YARA · 12-07-2006, 10:58

ههههههههههههههه

من وين جبتو هلالتارث العالمي كلو

اليوم الأربعاء مدام

كل أربعاء وانتي بخير

ABU_YARA · 12-07-2006, 10:58

ههههههههههههههه

من وين جبتو هلالتارث العالمي كلو

اليوم الأربعاء مدام

كل أربعاء وانتي بخير

* راشيـل * · 12-07-2006, 12:02

هههههههههههههههههه

الله محيي الكرماوية هههههههههههههه

والله خوتوني وقت سكنت معهم فترة
انا حزرت من البداية انك من حمص من الكنية

بعدين الحماصنة ألد اعداءالحموية ههههههه مرة شفتلن خنائة بالملعب رهيبة يا عيني بين الكرامة والنواعير

ما بتشوفي غير الكلام الحلو عم يطير هون وهون ولا البنات ولك حتى البنات فاتو فيها
وانا واقفة متل الهبلة وفاتحة فمي 00وأااااااااا

هههههههههههه بلا فضايح ماني بدي اكمل خلاص
اما الشروط الي كتبتيها متوفرة الحمد لله
جان

ام رجاء · 12-07-2006, 18:24

اقتباس:

المشاركة الأصلية كتبت بواسطة ABU_YARA

ههههههههههههههه

من وين جبتو هلالتارث العالمي كلو

اليوم الأربعاء مدام

كل أربعاء وانتي بخير

وانت بخير اخي ابويارا

yah oo

yah oo

وهاد العيد على الخفيف هلئ و اول ما حأخود الجنسية حساوي الاحتفالات سبع ايام بلياليها ..
لكن عمي لكن هي حووووومص ام الدني كلها

ام رجاء · 12-07-2006, 18:34

اقتباس:

المشاركة الأصلية كتبت بواسطة جان دارك

هههههههههههههههههه
انا حزرت من البداية انك من حمص من الكنية
اما الشروط الي كتبتيها متوفرة الحمد لله
جان

جيجي بعدها الجنسية مش بايدي لكن بالقريب العاجل واول ماننزل سوريا
مش راضية الا واخدها انا وبنتي من ابو رجاء على اعتبار انو <ال اتاسي الكرام > هنن احد اعضاء اللجنة وساعتها حاصرخ باعلى صوتي:
لك أنا حمصي أه يا نيّالي

وبما انك ذكرتي انو الشروط متوفرة فيكي فانا بنصحك بالانتساب السريع واليوم قبل بكرة بعدين لو حبيتي ممكن كون واسطة خير ودبرك بالمعية انتي اعتمدي بس..

* راشيـل * · 12-07-2006, 20:14

خلاص اعتمدت والله الحماصنة مكيفين ومصيفين بعز الشتوية هههههههههه

روحي خلاص صرت من بيت السباعي انا هدول كتار بحمص

شوفي اهل حومص على راسي بتعرفي بنات حومص دائما نمبر ون مع انو مصيفين شوي

بس والله حلوين شو بدك بكترة الحكي

يعني انتي مو حمصية لسى ههههههه لك انا تقريبا خلاص رايحة اخذ الجنسية اكتر منك حاكم ساكنة تقريبا جنبهم

ونكتهم دايم الدوم بتوصلني مع العاصي

جان

ام رجاء · 12-07-2006, 20:21

اقتباس:

المشاركة الأصلية كتبت بواسطة جان دارك

يعني انتي مو حمصية لسى ههههههه لك انا تقريبا خلاص رايحة اخذ الجنسية اكتر منك حاكم ساكنة تقريبا جنبهم

ونكتهم دايم الدوم بتوصلني مع العاصي

جان

لا مستحييييييييييييييييييييييل انا الاحق ما دخلني

هههههههههههههههههه اي دخيل رب حمص ما احلاهاااااا ..<مقتبسة عن زوجي..>

* راشيـل * · 13-07-2006, 00:32

شوفي
في تنين حماصنة محششين واحد قال للتاني فينك تمشي على دخان سيكارتي

التاني ليش شايفني مجنون

الاول ليش يعني

التاني مشان وانا عم امشي تطفي السيكارة مو هيك

مسى الخير مدام

اخدت الجنسية ولاء بدينك حكي هههههههههه تعالي نحشش متلن بجوز بجوز ننسى الهم

جان

ام رجاء · 13-07-2006, 18:50

اقتباس:

المشاركة الأصلية كتبت بواسطة جان دارك

مسى الخير مدام
اخدت الجنسية ولاء بدينك حكي هههههههههه تعالي نحشش متلن بجوز بجوز ننسى الهم

شو هاد ؟ ؟ ؟ ؟ ؟
ولك ليه عم تخلطو بين اهالي حمص والمحشيشين شوبكون يا جماعة حكينا جنسية حمصية مو تحشيش!!!!
فديري بالك يا بنت الناس و لا تعلقي هيك علقة وتخلطي الامور ببعضها الله يرضى عليكي ايوااااا...

ههههههههههههههه
وعلى سيرة النكت الحمصية خدي هي:
في حمصيين بمقابلة عالتلفزيون سألت المذيعة الأول : سوريا بالنسبة إلك شو؟
جاوبها سوريا أمي.

سألت التاني سوريا بالنسبة ألك شو؟

قال مابقدر إحكي على أم رفيقي

تحياتي الك جيجي ومبروك الجنسية اللي سبقتيني فيها

* راشيـل * · 13-07-2006, 19:19

هههههههههههههههه حلوة كتيييييييييييييير والله جديدة علي مع اني رايحة وجاية لحمص

بعدين مين قلك خلطت بين الحماصنة والمحششين انتي كم سنة الك غايبة مدام

مو الحماصنة نفسهم الي بيقولو <نحنا اذا ما حششنا مندوخ خخخخخخخخخخخخخ

سمعتا من مليون واحد ووحدة

اسمعي هادا المثل الحمصي <معلومك بياكلو الكبة بشكل كبير

البيت بلا كوبي متل الجامع بلا أوبي

حكولي اياها وقت عزموني وما اكلت لاني ما احب انواع اللحوم خالص

تحياتي يا طيوبة

ام رجاء · 13-07-2006, 20:21

يوه يوه شو هاد ؟؟
ولك حقيقي تجنستي خلاص!!

شوفي جيجي انا بعترف انو بعدي ما رحت ولامرة عند قرايبين زوجي بحمص يمكن لانو كل عيلتو بالشام فانا مش عارفة هالتفاصيل هي كلها
ولهيك اذا ما فيها سئلة تعطيني كم ساعة خصوصي تشرحيلي فيها شوي ..
ههههههههههههههه
< < < انقلب السحر على الساحر وما عدت قدرانة جاريك بهالمجال > > >

* راشيـل * · 13-07-2006, 20:40

شوفي تعالي خدي دروس على كيف كيفك ترى نحنا <على حساب اخدت الجنسية

نحنا جماعةللكيف والضيف وتعديل المكان<مو للسيف والضيف وغدرات الزمان خخخخخخخخخ

سمعي اخر نكتة حمصية

الحماصنة كانو زعلانين بعد فحص البكالوريا ليش

تضامنا منن مع لوريا الي بكا

جان

ام رجاء · 13-07-2006, 20:58

طيب خدي هول الحكم خصوصي الك
ومن المصدر نفسو اكيد:
<رب صدفة اكلتك الذئاب>
<عصفور بالايد سدو واستريح>
وخلاص اول ما انزل سوريا حامر لعندك ونرتب مواعيد للدروس الخصوصية

* راشيـل * · 13-07-2006, 21:06

هههههههههههههههههههههههههههه
هههههههههههههههههههههههه

عندي منن كتييييييييييييييير

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

شروط الجنسية الحمصية...