عالم الحياة الزوجية - منتدى

sweet nana · 15-07-2006, 01:09

هذه قصة من جد صارت وتوه اخويا قالي هيا وحبيت اوصلها لكم عشان تشوفو ان الانسان مكتوب له متى يموت
كان في اربع شباب ما يطلعو مكة للعمرة الا فين وفين يعني بالقوة وبالدف يعني وان طلعو في ايام السنة او الاسبوع يطلعو يسلمو عالشباب ويرجعو ...
يوم من الايام كانو طالعين منهم اثنين اولاد خالات وواحد من هدول الاولاد خالات هو اللي كان بيسوق وماشيين في الخط مسرعين طبعا والاغاني وشباب فاليييييييييين محد قدهم واللي بسوق طالع في اللوحة قري باقي على مكة 20كيلو قال يلا يا شباب هانت طالع ثاني قرى بايقي على جهنم 15 كيلو .. انفجع وقال اكيد انا باتوهم من النوم ولا المسجل وقال يا شباب يلا خلنا نقفل المسجل قربنا على مكة طبعا طارو فيه لا وخلي الاغاني شغالة طالع في اللوحة التاني قري باقي على جهنم 10كيلو قال لا مستحيل اكيد انا بتوهم وقال هالمرة الاخيرة لو قريت جهنم ثاني معناه ربي بينبهني وقال يا شباب بلاه اقرو اللوحة الجاية كم بقى على مكة عشان يشوف ايش حيشوفو زيه ولا هو متوهم وجات اللوحة الاخيرة طالعو كلهم قريو باقي على مكة 5 كيلو الا هو قراها باقي على جهنم 5 كيلو هنا خلاص توتر وانصرع وقال يا شباب انا شفت كم مرة كدا وكدا وابي ارجع جده قامو يضحكو عليه وهو مفجوع قال من جد رجعوني جدة ولا حطوني هنا ارجع مع اي احد قامو يضحكو عليه ووقفوه في نص الطريق وقالو له دبر نفسك هو مسك في ولد خالته انه يجي معاه رفض وجلسو يتريقو عليه المهم نزل من السيارة حس براحة كبيرة وقعد يستغفر وعلى اعصابه وكل ما بعدت السيارة عن نظرة قلبه ينقبض المهم وقف نرلا وقال بلاه نزلني على جده راعي الترلا ما قصر وقاله اوكي بس بنطلع كبري مكة وننزل ثاني قاله اوكي وطبعا هو من جواته بيتنافض المهم طلع الكبري وهو نازل من الكبري شاف حادث سيارة فظيع السيارة مقلوبة وشابة فيها حريقة غريبة المهم نزلو يشوفو تالحادث لقاها سيارة اصحابو طبعا هو جاته صدمة كبيرة وعرف انه ربه كاتب له عمر جديد وبدا حياة جديدة بحياته
ان شاء الله تكون عجبتكم القصة

تحياتـــــــــــــــــــــــــــــي

الأميرة 2006 · 15-07-2006, 13:10

سبحان الله
قصة تهز الأبدان ومؤثره جدا
من جدربي كاتبله عمر جديد

رقة مشاعر · 15-07-2006, 19:59

يعطيك العافية على القصة

دكتور روماسية · 16-07-2006, 17:04

الله اكبر ان شاء الله هالشاب هذا يعتبر

دكتور روماسية · 16-07-2006, 17:05

الله اكبر ان شاء الله هالشاب هذا يعتبر

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ماتو اصحابه وربي كاتب له عمر جديد.....