عالم الحياة الزوجية - منتدى

سهران الرياض · 16-07-2006, 19:07

مواقف لعرسان جدد منقولة :

حركه حلوه
عريس توووه أخذ عروسته من أهلها وموديها للبيت
(طبعا كان الوقت متأخر والشوارع تقريبا فاضيه في حارتهم )
قال العريس : وش رايك اوريك حركه حلوه ؟
(قصده يفحط , !! )
قالت :لا ما يحتاج ( البنت موناقصه ترويع كافي عليها أنت !!! )
قال : إلا إلا شوفي هذي ......................... .......
ولا صحت إلا بالمستشفى , وقضوا أجمل شهر عسل على الاسره البيضاء

وش تبين ؟
أيضا عريس اخذ عروسته من القاعة , جو أهلها بيسوون لها موكب والعريس
راسه يابس, وهو رايح, يابن الحلال مو عشانك عشان بنتنا !!
ولا فيه فايده , المهم أخذ زوجته وراح يتمشى فيها(مسوي فيها رومانسي)
ورجها طوال الطريق : وش تبين تتعشين؟
وهي تقول : سلامتك ما ابغى شيء
ويقول :لالالالا لازم
تأكلين شيء ؟؟
وهي تقول : والله ما أبغى شيء
ويقول : لالالالالا وش هالكلام ....... ( ياخي فقعت مرارتها موناقصتك )
وأصر أنه لازم يشتري لها شىء
قالت : خلاص ببسي
(يا عمري بسيطه )

المهم نزل الأخ يجيب لها ببسي ( وطبعا ترك السيارة شغاله عشان ماتفطس
من الحر ) ,, يوم رجع ؟؟
وين السيارة ؟؟؟؟؟؟؟؟؟ وين زوجتي ؟؟؟ وين ما وين !!!!

طبعا السيارة وأكيد البنت انسرقو
( فيه مجرم بيشوف له سياره فخمه وبداخلها عروس كاشخه ويقول لا !!!!)

أحفظ زين
عريس دخل على عروسته وحط يده على جبهتها !!!!!!!! وبعدين سكت
ويفكر ويفكر ويحاول الأخ يتذكر الدعاء , يدورمن هنا وإلا هناك ولا لقاه
واخر شيء قال " الحمدلله الذي سخر لنا هذا وماكنا له مقرنين"
العروس ما استحملت الموقف انفجرت من الضحك !!!
(معذوره وش ذااااااا الأخ بيسافر!!! )

هذي القصة صارت فعلا مع واحد أعرفه شخصياًً

جدول الضرب
عرسان يسولفون لليلة العرس (مكبرين المجلس ) , ومافيه موضوع إلا وتكلمو
عنه (طبعا هذا أول يوم والسوالف الحلوة ) ووصلو لموضوع جدول
الضرب ( أنا مدري وش اللي وصلهم له!! يبدو انه مدرس رياضيات)
قالت العروسه : تصدق حتى الآن ما حفظته .
قال : ولا يهمك وجاب ورقه وقلم وجلس يعلمها
3 في5 = 15 قولي وراي ......................... . (قلبها حصة)

فريقي
عرسان يسولفون , سألها : وش هو الفريق اللي تشجعينه ؟؟ قالت : (.....)
قال لها : وع ع ع ع ع ع من زينهم هم ولعبهم أساسا فريقي (.... )
هزئهم
في الدوري 3/0 , وفريقي اخذ الكأس 10 مرات وفريقك ما أخذوه
إلا مرتين , واساسا مدربهم ما عنده سالفة , واللاعب اللي جايبينه من برا
ماسوا لهم شيء ولاعبكم اللي شايفين أنفسكم فيه هزئه المدافع حقنا و...... و.................... و....................

( الأخ أخذ جو وجاب السيرة الذاتية والتفصيلة للفريقين بـــــس مالاحظتو ا
شيء غريب أن البنت ساكتة و فريقها يتهزأ )
وبعد ماخلص المحاضرة الطويلة , قالت له : تعال أبيك برا الغرفة !!
يوم طلعو دخلت وصكت الباب بوجهه ونام المسكين في المقلط
( يا غبي وش محك لسانك تهزأ فريقها !! كان صبرت كم يوم وبعد كذا
قل كل اللي بطبلونك )

مزحة قاتله
عروسين يموتون ببعض (ماصدقو انهم أتزوجو) , حبت العروس تمزح
مع زوجها صباحيه العرس حطت المسدس على صدره على بالها تقومه
بأسلوب آخر , ومن غير قصد منها انطلقت
الرصاصة
اللي في المسدس (وطبعا العريس إلى رحمة بارئه) , صدمت البنت كيف
تقتل حبيبها وزوجها وحياتها وأصر أهل الولد أن تقتل البنت مثله( لكن
البنت مازعلت من تصرف الأهل على العكس فرحت أنها بتروح معه )
( وتم دفنهم جنب بعض )

القعده المحترمه
أخذ العريس عروسته واتجه إلى بيت أهله ( عشانه يسكن معهم) لكن
فوجئ انه كل أبواب البيت الداخلية مقفلة , وجلس بالحديقة هو وزوجته حاول الولد يدخل
للبيت باي شكل لكن مافيه فايده , ولا عنده تلفون عشان يكلم ولا يقدر
يروح ويترك زوجته لوحدها بالحديقة , ولا يقدر يروح لفندق لانه مامعه
أي إثباتات , ولا معه سياره أخوه وصلهم وراح لهذا اضطر يقعد قعده محترمة
لحد الفجر لما رجعو أهله !!

هذه بعض المواقف الطريفة , ولا تبخلوا علينا

من موافق يالمتزوجين حصلت لكم اول ليلة

بالزواج ,

مع التحية للجميع

بو فهد · 16-07-2006, 19:17

هههههههههههههههههههههههههههههه

مشكووووووووووووور سهران الرياض بجد ضحكتني.. واحسن موقف اللي بيقول الدعاء وقال دعاء السفر
ههههههههههههههههههههههههههههههه

شكرا من القلب

كـ وردة وأكثر · 16-07-2006, 19:41

هههههههههههههههههههههههههههه
هههههههههههههههههههه
اما المزحه والمسدس موقف مررره ماله داعي احد يمزح بمسدس
اما تطرد زوجها لعشان تكلم علي فريقها ههههههههههههههههه
===وحده تكره الكوره و ماشجع احد

والله يسعدك زي ماضحكتنا

روينا · 16-07-2006, 20:24

ياااااااااااااااااي حلللللللللللللللللللللللللللللللللللللللللللل لوه بس راعيه المسدس مأساويه تقطع القلب

سهران الرياض · 16-07-2006, 21:25

اختصاصي , اسيرة الافراح , روينا

شاكر ومقدر مروركم

وياليت المتزوجين لو صار عندهم موقف اول ليلية لزواجهم

يكتوبوا الموقف , والف شكر للجميع

boturki · 16-07-2006, 21:26

حلوه

رقة مشاعر · 16-07-2006, 21:33

ههههههههههههههههههههههههههه
يعطيك العافية
اخونا
ضحكت من القلب
لا تحرمنا من جديدك

* راشيـل * · 16-07-2006, 21:52

حلوين

شكرا سهران الرياض

اختك

loran · 17-07-2006, 01:52

مشكورررر تسلم اما دعاء السفر هاذي هههههههههه موتني ضحك الله يسعدك

loran · 17-07-2006, 01:55

مشكورررر تسلم اما دعاء السفر هاذي هههههههههه موتني ضحك الله يسعدك

هنوفة · 17-07-2006, 02:07

خخخخخخخخخخخخخ
خخخخخخخخخخخخخخخخخخ
خخخخخخخخخخخخخخخخخخخخخخخ
بمووووووووووووت ضحك
يعطيك العافية اخوي سهرااان والله لايحرمنا من جديييييييييدك

failon · 17-07-2006, 02:26

الله يمتحن ابليسك والله فطست من الضحك الى ان طحت من الكرسي

واحلى وحدة اللي حاط يده على جبهة زوجته

الله يسعدك
ومشكور على هذا النقل

failon · 17-07-2006, 02:28

الله يمتحن ابليسك والله فطست من الضحك الى ان طحت من الكرسي

واحلى وحدة اللي حاط يده على جبهة زوجته

الله يسعدك
ومشكور على هذا النقل

<<ضياع>> · 17-07-2006, 02:33

يعطيك العافية

قودي · 17-07-2006, 02:42

يوووووووه تخيلوا ليلة عمري اقعد استنى اهله في حوش البيت ..والله القهر ..

مشكور أخوي ...من جد مواقف تحفة

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

مواقف لعرسان جدد اول ليلة بالزواج ...........لاتفوتكم المواقف .