عالم الحياة الزوجية - منتدى

مرجوووجة · 18-07-2006, 17:55

^
^
^
^
^
^
^
^
^
يالله اشوف يالله يالله
الحريم يقعدن بالمقدمة لانه خاص لهن والرقالة يتجمعون
براس العاير يعني بربعه يعني بزاوية يعني ألفقوها عاد
ويغمضون عشان مايسمعون هالحركات >> لا والله عينا خير خخخخخخخ
ولو يقضبون الباب كان احسن

نقول احم احم أ أ أ يؤ نسيت وش بقول

طيب لاتناظرونن

ايه صح تذكرت ،،،

بزحمة الحياة ينسى كتاكيت الحب ( الزوجان ) بعض الامور اللي ممكن تكسر الروتين
وتدخل البسمة والفرح بحياتهم ونعرف ان الضحك افضل الطب ويريح النفس
ويشرح الصدر وينبسطون ويزيد من التألف وقربهم لبعض ،،
حتى المختصين بعلم النفس ينصحون الناس اللي يعانون من الاكتئاب بأنهم يجلسون مع
ناس مرحين وخفيفين ظل ووسيعن صدر لما للضحك من أثر كبير لى نفسية الفرد
فما بالكم بالمعرسين اللي مقابلين بعض 24 قيراط >> تسمع بالقيراط ولا تدري وشو

طيب من هالمنطلق خلون اعطيكم يابنيات بعض الافكار وبعض الاشياء اللي تونس
واشياء غريبة وبه شوية رومانسية مرجوجية هق هق هق <<< ضحكة ذي ولا شهاق يالله لاتبلانا

وأكيييييييييد لاأمانع وارحب باللي عنده فكره جديدة تكتبه ويمكن تغيب عن اذهان خواته الثانيات
ويجربونه ويدعون لكم ،،
وعموما الخبال يؤ

اقصد التفكير يصنع المعجزات والتجربة خير برهان ......

بسم الله نبدأ .....

مرجوووجة · 18-07-2006, 17:56

حركة العوعو المفاجئة ،،،
مثلا تجيبين كرتون كبير حق غسالة او مكيف او تلفزيون المهم كبير مرة
وتغلفينه وتلبسين وتكشخين وتتروشين بالعطورات
ويصير من تحت الكرتون مفتوح وتدخلين بوسطه وتحطين كرت فوقه وتكتبين
كلام حلو ورومانسي لأميرتس وعبارة ،، (ارجو ان تقبل هديتي لك) ،،
اذا بدأ بمحاولة فتحها بيشوف وش الهدية الكبيرة !!!
اطلعي له (سمي بالله قبل تطلعين ) وبعدين هذاك وشسموه بالخد <<< افهموه عاد كل وحدة ابخص

حركة ( يوم الترشيق العالمي ) ،،،
جيبي مسدس اللي يعبى ماء حق البزران (رشاش ) وعطيه واحد وعبوهن
ويالله من اللي يخلص الماء بالثاني اكثر لين تربصون بالماء

وركزي على عيونه بالترشيق عشان تعيقين حركته
وتفوزين وتخلصين الماء قبله هع هع هع

>>> اوتش من اللي كفخن اهئ اهئ

طريقة عرض وطلب ،،،
عاد هذي به شوية ذكاء مثلا تبين السوق او أي شئ وتدرين انه بيرفض
قولي شوف بنلعب لعبة الطلبات وكل واحد يكتب وش يبي
بس بأمانة ينفذ هالشئ بعد مايتفقوا وماتكون الطلبات كبيرة او مرهقة
المهم اكتبي الطلب اللي مبيتة النية عليه
( توديني للسوق او بروح لاهلي او
تعزمن على اكلة تطبخها انت وووو الخ
<<< ان كيدهن عظيم

طريقة الصراحة راحة ،،،
مثلا تحطون دفترين واحد لتس وواحد له
وعلى مدار السنة او الشهر واسمه ( دفتر الصراحة )
الزوجة وخلال الاسبوع تكتب وش الاشياء اللي سواه زوجها
واعجبتها وفرحت بها والاشياء اللي ضايقتها وزعلتها
وبنهاية الاسبوع يقراه الامير
ونفس الشئ الامير يكتب الاشياء اللي فرح بها
واعجبته بزوجته والاشياء اللي تضايقه بها
وبنهاية الاسبوع تقراه الزوجة
ويصير فيه نوع من الحماس
لنهاية الاسبوع ,,, ويمنع التطفل خلال هالاسبوع

عاد ممكن بوسط الدفتر تكتب مفاجأة
رح افتح الدرج اللي بالصالة وخذ اللي فيه
<<< هدية مثلا

او مثلا لما يجلس الامير فاضي وزوجته مب عنده
يمسك الدفتر ويكتب اللي بخاطره او العكس

او يكتب سؤال ويطلب منها الاجابة الاسبوع الجاي
المهم يحتوي هالدفترين على اشياء شيقة وكثيرة ومتنوعة
(((( اشياء خاصة بينهم ))))

عاد بنهاية الفترة المحددة ممكن كل منهما يستنتج وش الشئ
اللي يتكرر ويفرح شريكه والاشياء اللي تضايقه
والى أي درجة من التوافق والتفاهم وصلوا بعلاقتهم ،،
هذي للي رايقين ماعندهم بزران يبلشونهم هههههههه

حركة شطانة ،،،
*مثلا الامير او الزوجة منشغلة بعمل ما يقوم احدهما بسكب الماء البارد
فوق راسه لين يشهق شوي تطلع روحه ويقول احيييييييييييه او قطع ثلج وتحطه
بملابسه وتثبته غصب بظهروه لين ينهبل ويناقز من البرد >>> يابنت يامقنونة اي ده

* او ان الزوجة لما تكون تغسل الثياب ويجي زوجه للبيت عنده
تاخذ رغوة صابون وتحوسه براسه ههههه

*وبوه حركة ولو انه ماني ماستسيغه لكن بقوله للي يحبون المقالب القوية ( خطر خطر

)
انه مثلا الزوج نايم وصعب الايقاظ تجيب فلفل شوي بس وتشممه من بعيد
لين يصحى ويصحي جيرانه من العطاس ههههههههه <<< اجرام مب مزح ذي>> الله يستر شكلي بستاثم باللي بتسوي هالحركة أ أ أ أتشوووووووو خخخخخخخ

حركة مضارب البادية ،،،

روحي جيبي جلابية تصميم بدوي ألوانه غامقة وحطي جديلتين وحطي عصابة براستس
وكحلي عيونتس ادعجيها بقوة كثري الكحل الاسود وارسميها بفن بدون شدو
وحطي خطوط بالوجه او بالذقن <<< ياويح حالي ياوضحى ابك ابك

هههههههههه
واحفظي لتس كم بيت قصيدة وألقيها على شيخ القبيلة زوجتس .
طبعا لاتقصرين بشغل الكرم (ودكم تجي وحده تخربه وتحط ذبيحه على حسابوه

)
لاء يعني مثلا اذا عندكم حوش افرشي بالحوش وسوو عشاكم مشوي يم يم
واذا ماعندكم محشورين بشقة اشوي بالفرن أو سوي عشاء شعبي <<< وان حصل تعزمونن فاأنا على ماقال القايل ما يرد الكريم الا لئيم ولا تخافون بجي اذوق عشاكم وأنا مغمضة

بلايستيشن ياهوووووووو حركة ،،،
اشتروا بلايستيشن واذا صرتوا مروقين وفاضين ألعبوا بوه
بس انتهبوا لان احتمال كبير تصير مشادة وهوشة بأخر اللعبة
لان الاعصاب تتوتر لاتقولون للبزران ( والله ياأنا مالي خلق اللي يستثقلون ويتميلحون ويقولون حنا كبار)

بوه كثير اعرفهم يسووها

حركة للمراجيج رايقة مرررررررة هالحركة وتجنن ،،،
تنفع لراعية المقالب وماعندها اطفال .
روحي ألبسي بنطلون برمودا وبدي فيه رسومات غيوم او رسومات تشكيلية
المهم طفولية مهوب اللي به صور لانه مايجوز وتبعد عنتس الملائكة
وسوي قرنين وحطي مكياج نعومي شوية حمرة بالخدود وروج وردي مع لمعة
وبس وألبسي حقيبة صغيرة ولاتنسين حلاو مصاص او عسكريم وتخبي ورى الباب
قبل يجي الامير واذا جاء أنقزي له وتكلمي زي البزران وناديه ( بابي )

&& ومن الافكار اللي سبق ذكرتها بأحد المواضيع لاحد الاخوات
حركات بالسيارة لما يكونوا طالعين يرفهون عن نفسهم && ،،،
مالي خلق اجيبهن هنا اضغطوا على هالرابط بتلقونهن

http://www.arb3.com/vb/showthread.php?t=40639#Scene_1

( ملاحظة لكل الطرق السابقة اذا حسيتي انها ماتناسب أميرتس فلا تعمليها عشان مايستخف بتس )

يالله عاد اتمنى تحوز على رضاكن
وان شاء الله ان تذكرت شئ بعطيكن المهم حطوا اللي بجعبتكن
وابي اشوف افكاركن ياخواتي
وأي فكرة مجربة ومسلية ولا غريبة اكتبوه ...
واللي عنده افكار سمعت بها تساعد غيره ولاتبخل به
يسعدن جدا جدا مشاركة الجميع والتفاعل ،،،
عسى ياربي كل اللي يشاركن معي مايعرسون عليهن رجالهم
ومايبصبصون على غيرهن اميييييييين يارب <<< دعوة يحبونه الحريم كثير

هيا بمان الله

boturki · 18-07-2006, 18:52

متابع من راس العاير

وبحذف صخر

سعد الفوزان · 18-07-2006, 21:57

ههههه والله حركات (أووكيشن) بس بعضها قووويه

يامال الثانكيو يا بعدهم .. من جد انتي مرجورجه هههه

oOoسرابoOo · 18-07-2006, 23:40

ههههههههههههههههههههههههههههه رهييييييييييييييييييييبة يا مرجوجة..

المشتاق لنساء · 18-07-2006, 23:58

يعطيك العافيه
وننتظر ردود بنات جنسك

الدمعة الخرساء · 19-07-2006, 00:11

ههههههههههههههه

افكاااااار حلووووووة

تسلمييييين

الياااه · 19-07-2006, 00:23

والله انج عجيييبه (بس عندي اقتراح ليش ما يلعبوون uno لأني احبها وااايد خصوصا يوم يكون معها طلبات بسيطه ومقدور عليها ) هاااا شو رايج فيني كاني طلعتلج فكره حلوه ....افااا عليج تربيتج نحن يا مرجوووجه

مرجوج انترنشنل · 19-07-2006, 15:27

هههههههههههههههههههههههههههههههههههه

من قرت العنوان ومن قبل ما اشوف أسمك عرفت أنه أنتي اللي كاتبة الموضوع ههههههههههه

مرجوجة

عليك أفكااااااااار أنتي وراسك الله يرجك يا شيخة أنتي وعنوانك ههههههه

برجع أرد مع أقتباسات على كذا ههههههه

امممممممممم

يسعدك ربي قولي " آمين "

لكي منى كل الود حتى الرضى

رقة مشاعر · 19-07-2006, 16:33

ياااااااااااااااااااااااحليلتس يا مرجوجة
لا حرمنا ربي من رجتس يا شيييخة

مرجوووجة · 19-07-2006, 17:37

بو تركي ،،،

اقتباس:

متابع من راس العاير

وبحذف صخر

عسى ماشر
شكلك نايم

وتحلم انك حاج
وتشوت بليس بحصى

مع اني كاتبتن للحريم الا انه اول من نط لي بالموضوع رجل

لكن اقول جزاك الله خير على المتابعة

هيا بمان الله

مرجوووجة · 19-07-2006, 17:38

سعد الفوزان ،،،
<<< كني مشبهه على الاسم

>>> اقول وش يقربلك الدكتور عبدالله الفوزان

اقتباس:

ههههه والله حركات (أووكيشن) بس بعضها قووويه

يامال الثانكيو يا بعدهم .. من جد انتي مرجورجه هههه

يمال الويلكم اللي تلكم دميجتك >>> متحمسة بالرد

حياك الله اخي الكريم دائما وابدا
هيا بمان الله

مرجوووجة · 19-07-2006, 17:38

سراب ،،،
والله وجودتس هو الرهيب ياقمر
اسعدن مرورتس اختي
بس ودي اقول شئ

وش رايتس ياحبيبتي تشيلين هالماصلة اللي بتوقيعتس ؟
مهوب يصير احسن

اسمتس حلو واكيد انتي احلى بس هالصورة داخلة عرض

الله يحفظتس ويجزاتس خير شرفين دايم اختي سراب
هيا بمان الله

مرجوووجة · 19-07-2006, 17:39

المشتاق للنساء ،،،
<<< خاصت الاسامي الله يصلحك

كان قلت المشتاق للجنة افضل بكثير

الله يعافيك
جزاك الله خير على المشاركة
وانتظر معك بنات حواء

هيا بمان الله

مرجوووجة · 19-07-2006, 17:40

الدمعة الخرساء ،،،
الله يسلمتس من كل شر ويحفظتس اختي
ويجزاتس ربي بالجنة على طلتس هنيا

هيا بمان الله

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

* مزح ومرح وشطانة وفرفشة وخبال بحياة المعرسين بنكهة مرجوجية ،، ياحليلهم ،، للحريم بس