عالم الحياة الزوجية - منتدى

*جلنار الصابرة* · 19-07-2006, 03:16

السلام عليكم ورحمة الله وبركاتة

لعيووووووووون النحيفات؟؟

اول شي:: لازم تثقين بقدراتج وانج قادره على انج ترفعين وزنج و هذا اهم شي ووالصحع النفسيه والظحك و الاندماج مع الناس و الصديقات و تعدلين نومج و اذا كان عندج مشاكل اجتماعيه حليها قبل لا تبدئين

ثاني شي:: تروحين الطبيب تسوين تحليل دم و تشوفين اذا عندج نقص حديد ولا لا ((فقر دم)) و تعالجين المشكله باقراص الحديد و مره وحده خلي الدكتور يوصف لج نوع جيد من الفيتامينات و نوع فاتح شهيه و مكمل غذائي ..
((انا الصراحه مارحت الطبيب لان كنت عارفه ان عندي فقر دم من زمان و خذيت لي فيتامينات و مكمل غذائي و كل ما يخلص فيتامين اجرب غيره و هكذا يعني ما استمر على نوع معين واللي استخدمتهم و عجبوني هم

فيتامين+فاتح شهيه ((شراب سائل)) اسمه tres-orix
و الفيتامين ((اقراص )) cypro-vita

ثالثا:: اروح الجمعيه و اشتري كل اللي نفسي فيه من الاكل يعني نجهز كل شي قبل لا نبدي المشوار واهم شي لازم تشترينه ((كرتون سنيكرز )) ((كرتون حليب المراعي)) ((علبتين نوتيلا حجم كبير)) ((زبدة الفول السوداني علبه واحده)) ((كرتون بطاطا ليز)) ((معلبات ورق عنب جاهز من امريكانا و ذره )) ((كرواسون )) ((صمون و توست )) ((عسل))
فظيت ركن من الكبت و خزنت فيه هالاغراض بحيث تكون لج بروحج محد يشاركج فيهم .

نبدا بالنظام::

مرات احنا نقول والله انا اكل واجد بس ما ازيد لاكن لو نلاحظ نوع الاكل اللي تاكله نشوفه قليل السعرات و السعرات لاز تكون على الاقل في كل وجبه 700 سعره

اول اسبوع لازم تكسرين فيه ثبات الوزن :: تعالي اقولج

الريوق:: 3 توست نوتيلا كل توسته فيها شريحتين يعني 6 شرايح
علبة حليب المراعي
واحد سنيكرز
تفاحه او اي نوع فاكهه
عسل طبيعي
بطاطا ليز

الريوق يكون من الساعه 8 الى 10
___ ___ ___
الغداء::
كوبين رز
نص كوب مرق او صلصه
قطعه بحجم كف اليد دجاج او لحم او سمك
كوب سلطه بالليمون
سنيكرز الحلى
كوب لبن او عصير
من الساعه 12 الى الساعه 2
__ __ __

فترة العصر وهي الفتره المهمه جدا جدا جدا ::
واحد سنيكرز
2 كرواسون
1 بطاطا ليز او خل وملح او كتشب على كيفج
حبة فيتامين
علبة حليب بارد المراعي
بطاطا مقليه او مشويه بالمايكرويف او الفرن <<حسب الرغبه على الاقل 15 اصبع
((انتي عاد نوعي يعني مره تاكلين بدال البطاطا الورق عنب المعلب او الذره او نوتيلا او معكرونه بالصلصه او شوربة عدس ))

فترة العصر كبيره من الساعه 3 الى 7 ليلا
___ ___ ___

العشاء ::
3 شرايح همبرجر +شريحة جبن + ملعقة مايونيز + خس وطماطم
صمون او توست
سنيكرز
عصير ابتعدي عن المشروبات الغازيه
و ملعقة عسل
وكوب حليب بارديخلط مع مكمل غذائي او بودر ككاو مكمل غذائي
بطاطا خل وملح
و تصبحين على خير

طبعا هالنظام لمدة اسبوع و اذا قدرتي تزيدين الاصناف يكون افضل

استمري لمدة اسبوع وقابليني اذا ما سمنتي على الاقل 2 كيلوا ما اكون بنت امي وابوي<<<اجل بنت منو

منقوووووووول

سجين تحرسه امرأه · 20-07-2006, 02:15

موضوع حلو ونقل موفق

طيب بغيت اسألك

الحين اذا استخدمت فاتح الشهيه

طيب يمكن الضروف الماديه صعبه وانتي خليتي نفسيتها تنفتح اكثر

وش تسوي ههههههههههههه

عموماً معلومات رائعه ونقل موووفق وانتظر ابداعك

الياااه · 20-07-2006, 02:38

فديت رووووووحج ...والله من الصدمه ماني عارفه شو اقوووول تسلمين والله يابعد عمري

عسل عسل والله انج عسل ما تدرين اني خلاص تعبت نفسيا من الضعف لدرجة اني سرت عند اخصائية تغذيه ومشيت على الكلام اللي قالتلي اياه اسبوع كامل يو م ينطح يوم

بس تعالي اخر الاسبوع دخلت المطبخ وطلعت الميزان واذا بي .................

انزل كيلو بدل ما ازيد كيلو

طبعا الاهل متوقعين هالشي عسب جذيه كانو خاشين الميزان عني طول فترة الاسبوع

ماعلينا بس شوفو اختكم في الاسلام شو سوت

قمت الاسبوع اللي بعد ما اكل غير وجبه وحده في اليوم ..خلاص منسده نفسي من الاكل وطفرت ..وشتغل الدوخ والخمول زاد فيني وووو

فقررت ارضى بالمقسوم ...وفجأه ....واذا بي انخطب

ويطل خطيبي متييييييين

قلت في نفسي الحقي على عمرج ياليااه على الاقل زيدي 5 كيلو قبل لا ..............

صح نسيت ....سوووري طولت ويااكم بس اسمحولي (شو اسوي دخلت جو)ما صدقت احد عطاني ويه

عالعموم اوعدج يا الغاليه اني امشي على كلامج واشوف وما افقد الامل فديتج والله ترى حتى لو ما زدت بضل شاكره لج وقفتج وياااي

* راشيـل * · 20-07-2006, 03:15

ويا ترى بصح انا هيك لا اتصور والله حاكم ما خليت شيء يعتب عليي بس لا حياة لمن __

خلاص وزني 49 يعني 49 لا طالع ولا نازل

المصيبة انو طولي لازمه اكثر من هيك

راشيل

هيفاء · 26-07-2006, 11:42

وش هذا

وربي لو اكل كل هذا لااازيد 10 باسبووع

مشكوره جلنار

~ اليمامة ~ · 30-07-2006, 15:14

شكرا على هذا الموضوع عزيزتي جلنار
الله يعطيك العافية

*جلنار الصابرة* · 01-08-2006, 01:07

مشكووووورين ع المرور

البنت الورديه · 11-08-2006, 01:05

مشكوره خيتو يسلمو موضوعك رائع ومفيد والكل رايح يستفيد

الدبلوماسي · 11-08-2006, 02:16

يعطيكي العافية
الله ينفخ كل نحيفه
مع تحياتي

كـ وردة وأكثر · 11-08-2006, 02:49

مشكوره يالغلااااااااااا

وربي وزني مرررره نقص بشكل ملحوظ
بحاول اطبقها

والله يعطيك العافيه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

لعيون العضوة(الياااه)وجميع النحيفااااااااااااااااااااااااااااااااات؟؟تفضلو