عالم الحياة الزوجية - منتدى

الغريب17 · 21-07-2006, 22:28

يقول بطل القصة

رحت لمحل بيع الكتب المستعمله المكتبة ذي تبيع الكتب الرخيصه

رحت لها وشريت لي كتاب وكان عندي اختبار له في اليوم الثاني.. (هذي طريقتي في الاختبارات).. المهم فتحت الكتاب

فتحت الصفحة البيضاء اللي بعد الغلاف لقيتها مكتوبة بقلم حبر ناشف، واضح إنه مكروف لين قال آمين، المهم ..

الكتاب طلع لبنت قبل ما تبيعه (يا عمري توها زانت المذاكرة ) والغريب إنها كاتبة الكلام هذا:

( أنا أدري إنك أول ما تقرا الورقة ذي بتنهبل، بس خلّني أقول لك شي.. أنا صراحة مثلك في الكلية ومقهورة..

ما كتبت هالكلام إلاّ من القهر.. وعندي إحساس إنك بتقدّر ظروفي كونك مثلي عايش نفس الأجواء الحين )!!

وقامت تسب في دكتورة اسمها .... !! وبعد ما شبعت من سبّها.. قالت: (وعموماً فرصة سعيدة جداً إني تعرفت عليك، وأشكرك على قراءة كلماتي بس والله ما كتبت إلاّ من الطفش -عموماً- أنا فضولية شوي.. ممكن بعد ما

تخلّص من الكتاب.. تكتب لي على الوجه الثاني ردّك لي.. ورجعه وأنا بقرا ردّك.. وإن شاء الله إني أبي أجي أشتريه في تاريخ كذا كذا )

ناظرت في التاريخ.. لقيته بكره !!!!!؟

ياساتر وش أسوّي؟ طيب أنا ما ذاكرت.. وش ذا الحظ؟ المهم إني خقيت (يعني رحت
وطي)..

وقررت إني أكتب لها الرد وبرجّعه.. بس قبل كل هذا رحت وصورت الفصول اللي داخله
بالاختبار عشان اذاكر

ضبطت لها رد محترم وقلت لها: ترى أبي أشتريه عقب أسبووع .. ورحت أرجعه ..

وفعلا رجعته وشراه الزوووول مني بنص السعر

اليوم الثاني بالليل رحت للمحل لقيته الكتاب مباع سألت الـزووول : الكتاب اللي شريته منك أمس وينه؟ قال: امبارح اجت

بنت وشالته !!

وانا اللي تنفتح كشرتي لين وصلت اذاني

المهم أخذت أنا ويّاها الله لا يقردنا ثلاثة أشهر وحنّا شارين الكتاب بايعين الكتاب.. والمستفيد الـمحل حق الكتاب المستعمل..

لا وبعد صار ما يحطّه في الدرج.. خلاص فهم علينا وصار يخليه عنده على الطاولة ويسلمه لي أو لها أول ما نجي ..

مررررررت الأيام وجيت مرة قلت للـزوول وين الكتاب؟ قال: ما أدري امبارح

جاء راجل أخذ الكتاب.. قلت: يا ابن الحلال قل غير هالكلام الكتاب قديم ومعفّن وأوراقه نصها كتابات.. قال: آآآآآي

عليك الله أخدوه الزول الكتاب الأصفر ..

المهم طلعت وركبت السيارة.. ويوم وصلت الإشارة قلت : لحظة يا رجال، الـ.....
الحين يقول الكتاب الأصفر.. يا خي هو

أحمر أصلا مهوب أصفر ..

المهم ديورت بسرعة ودخلت المحل بسررررعة.. تتوقعون وش شفت؟!!!

لقيت الاخ ابن الذين ماسك كتابي الأحمر وقاعد يكتب الرسالة اللي أنتظرها في صفحة من الصفحاااات طلع اللئيم هو اللي انا خاق معه من مده

حــ موسم ــب · 22-07-2006, 02:23

قصه رائعه ..اتوقع ان الرساله الاولى كانت حقيقه من بنت وبعداستغل البائع خقت الطالب واستغله..هههه

الغريب17 · 22-07-2006, 13:49

ههههههههههههههههههههههه

كلشي جايز حتى التفحيط عند العجايز

يسلمو على الحضور موسم حب

خجوله حيل · 22-07-2006, 14:00

هههههههههههههههاااي الحين هذي واقعيه ؟
بس بصراحه ذكي يستفيد من الوضع
تحياتي ،،

moon1396 · 22-07-2006, 14:17

غريبه والله هالدنيا غريبة

انا هو انا · 22-07-2006, 14:30

ههههههههههههاي

راحت فلوسك

والا المشاوير رايح جاي

لوكان >>>>>> اسم القصه>>>>>>> اغرب كتابه في الرياض<<<<<< كان افضل

اشكرك على القصه

الأميرة 2006 · 22-07-2006, 14:42

قصة جدا غريب وحلوة

الغريب17 · 22-07-2006, 14:43

القصه واقعيه وحصلت فعلا خجوله

يسلمو على الحضور

الغريب17 · 22-07-2006, 14:43

يسلموووو قمر على الحضور

الغريب17 · 22-07-2006, 14:44

ههههههههههههههههههههههه

يسلمو انا هنا على الحضور

الغريب17 · 22-07-2006, 14:45

تحلا ايامك الاميره

يسلمو على الحضور

الفارس السوري · 22-07-2006, 22:22

غررررررررررريب

ابنة الشاطئ · 22-07-2006, 23:11

دانــا · 22-07-2006, 23:34

ما أقول إلا لعبها صح السوداني ....كيف ...
لقى له واحد كل شوي يجي يشتري باكثر ويبيع بأقل...
بس سوداني ...ذكي ..
شكرا أخوي على القصة...راح احكيها لأهلي و صديقاتي..

الغريب17 · 22-07-2006, 23:59

الله يعطيك العافيه على جمال حضورك الفارس

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

أغرب قصه حب بالرياض