عالم الحياة الزوجية - منتدى

دانه الدانات · 31-07-2006, 22:22

السلام عليكم اول شي ماابي احد يقول انه مشكلتي تافهه او اني مكبره الموضوع انا مخطوبه وملكتي انشالله بعد كم شهر المشكله عندي وين اني ناويه اسوي عمليه تجميل وبليز ماابي احد يقولي انه عمليات التجميل حرام لاني محتاجه لها مرررررررررره المشكله الحين اني يمكن اسويها بعد الملكه لانه الدكتور عنده اجازه السؤال والله يجزاكم خير اقول لخطيبي اني اعاني من الشي هذا وودي اصلحه ويعلم الله انه كله هالعذاب الي بتحمله من العمليه والبنج وتعرفون مخاطر العمليات لعيونه بس لاني مابيه بعد الزواج يتضايق اذا شاف الشي هذا فيني وانا بكون مره متضايقه لانه ماراح يكون عندي الجرأه والشجاعه والثقه اني اطلع قدامه بالشكل هذا المهم هل اصارحه باني ناويه اسوي عمليه التجميل هذي ام اتوكل على الله واسويها ولا من شاف ولا من درى واخلي حياتنا تمر بسلام وحطو في باالكم انه بيكون الموقف جدا صعب علي اني اقوله انا فيني عيب معقدني في شكلي تخيلو الله شي يجرح البنت مره مره وبيعرف من اولها اني مهزوزه وماعندي ثقه وبنفس الوقت احس انه بيكون زوجي كيف مااعلمه عن كل شي اسويه بالذات انه بدخل مستشفى واتنوم يعني بضطر اني اكذب عليه الله يعافيكم خذو موضوعي بجديه ولا تستهزأون او تقولون انه تفكيري على قدي لا كلكم تعرفون اهميه الشكل والطب موجود عشان يخدمنا ويريح همومنا صح ولا لا وعلى فكره ولو انه شي محرج اني اقوله بس المكان الي ابي اسويله العمليه بجسمي مو وجهيي يعني شي مو مبين بالملابس بس المشكله اذا تزوجت وعشت معاه في بيت واحد انتو عارفين الوضع بتتطلع البلاوي المستخبيه

والله يجزاكم الجنه اذا ساعدتوني وربي نفسيتي متحطمه وحالتي مايعلم فيها الا الله وكل شوي أاجل الملكه للسبب هذا

~ اليمامة ~ · 31-07-2006, 22:54

اقتباس:

هل اصارحه باني ناويه اسوي عمليه التجميل هذي ام اتوكل على الله واسويها ولا من شاف ولا من درى واخلي حياتنا تمر بسلام

اذا كان لديكي عيب او مشكلة في جسدك وتستدعي الجراحة فتوكلي على الله واعملي العملية ولا تخبري خطيبك بأي شيء عنها ومثل ماقلتي خلي حياتكم تمر بسلام

لكن عزيزتي اخشى ان ما تعتقدينه عيبا لديكي هو شيء عادي ولكنكي تبالغين في التفكير فيه وتضخمينه في تفكيرك حتى وصلتي لهذه القناعة التي هزت من ثقتك بنفسك وجعلتكي تلجأين للعمليات التجميلية

نصيحتي لكي عزيزتي هو التريث قبل اجراء هذه العملية وزيارة طبيب موثوق في أمانته وطلب استشارته .. فلعل ما ترينه عيبا يكون شيء عادي وطبيعي لا يحتاج لأي عملية

تمنياتي لكي بالتوفيق

دانه الدانات · 31-07-2006, 23:08

مشكوره اختي اليمامه على ردك وصدقيني انا محتاجه للعمليه هذي مره وانا فاهمه قصدك انه فيه بعض البنات يبالغون بالموضوع لكن بالنسبه لي لا ماراح اخاطر بعمليه الا لانه بتريحني نفسيا واكيد بتريح زوج المستقبل والله يعطيك العافيه ردك ريحني الله يريحك وينولك الي في بالك يارب

هواويهـ · 31-07-2006, 23:24

إذا أنتِ ضامنه العملية ونجاحها ومحتاجه لها توكلي على الله والله يسهل أمرك ويوفقك
وزوجك ماله داعي يدري عنها إذا كنتِ بتخفينها قبل مايشوفها..

لكن لو كانت فيك ولا راح تسوين عملية فواجب عليك تحطين عنده خبر..

ربي يعينك.

دانه الدانات · 01-08-2006, 00:25

مشكوره هواويه على ردك ماهو المشكله بشغله المصارحه هذي الله يعيني ويعين المسلمين اجمعين

دانه الدانات · 01-08-2006, 00:27

وفيه استفسار ثاني اذا ممكن مع انه ضاق صدري يوم شفت عدد الي دخلوو لا ردو الله يسامحهم تقترحون ااجل الملكه بعد كم شهر واسوي العمليه قبل بس المشكله الثانيه ايش نقول اسباب التاجيل والله سالفتي سالفه يارب ساعدني يارب وابي نصيحتكم بعد الله يجزاكم خير ادري طفشتكم

وتون · 01-08-2006, 01:18

دانه الدانات انا مع كلام اليمامه

حرف حرف لاتخبريه ماتدرين أخاف بكره يعايرك انك سويتي عمليه حتى لوقالهامن مزح راح يجرحك سويهاودعواتنالك بالصحه وترى الشكل مطلوب ومهم وعلشان تثقين بنفسك بعدالله يسعدك يارب

دانه الدانات · 01-08-2006, 01:46

مشكوره وتون معاك حق الشكل مره مهم ويعطيك ثقه بالنفس الله يعطيك العافيه

البلبل · 01-08-2006, 06:11

توكلي على الله وسوي العملية مادام أمر ضروري قبل الملكة
ولا تخبريه بشيء وإن رغبتي خبريه بعد الزواج
وأسأل الله تعالى لك التوفيق والصحة والعافية والحياة الزوجية السعيدة

al3deem · 01-08-2006, 07:38

دانة الدانات / سلمها الباري

انتي طلبتينا ولابد نبين لك وهذا من قوله تعالي عن الشهادة ( ومن يكتمها فإنه آثم قلبه)
ارى كلامك فيه إيمان بالله ولا نزكي على الله احد وتقولي الله يجزاكم الجنه
اولا- انتي ومن يقرأ هذا الكلام يعلم أن الاثم هو ماحاك في صدره وكره ان يطلع عليه الناس --ثانيا - اذا كانت عملية التجميل هي تغيير في خلق الله فسألي اهل الذكر ويجيبونك لان فيه تدليس وخداع لزوجك وتغيير لخلق الله
ومن ترك شيئالله عوض الله بخير منه وقد تعملي شيئ فيه بنظرك القاصر مرضاة لزوجك وهو بالاصل ليس في مرضاة الله وقد ينقلب ذلك عليك لاسمح الله وفيه من الامثله الكثير
والسعيد من وعض بغيره
فارى ان تكوني على ثقة بالله قبل الناس ومن اعطى الله حقه بالاتكال لن يخيبه والانسان نظره قاصر فكم من مصيبة نرها بنظرنا القاصر وهي بالاصل نعمة فلا نحس بها في وقتها
ونصيحتي لك بان لا تعمليها اذا كنتي تشعري انها في غير مرضاة الله
واعطى الله حقه بالاتكال ولن يخيبك
فأسل الباري عز وجل بان يبارك لك في زوجك ويجعلك من النواصي المباركه عليه ويجعلك له قرة عين وهو لك كذلك

اخوك / العديم

boturki · 01-08-2006, 11:02

انا مع كلام اليمامه

دانه الدانات · 01-08-2006, 20:08

البلبل
شكرا على تفاعلك ويعطيك الف عافيه
اخوي العديم
كلامك صح ميه بالميه ولكن الطب موجود بخدمه الناس الي محتاجين له وانا الي اعاني منه يسبب لي الام نفسيه ومستقبلا راح يسبب الام جسديه واكيد الي بتوكل على الله ماراح يخيب ظنه الله يجزاك خير
بو تركي
مشكور ويعطيك العافيه

sendbad600 · 07-08-2006, 15:04

اختي العزيزه
انا رجل وتفكيري مثل تفكير كل الرجال .. اذا كان الشي هذا يؤثر على الشكل العاك لك بمعني يغير من شكلك اذا كتني عند زوجك فأنصحك تسوين العملية ولا منشاف ولا من دري .
اما اذا كان الشي هذا شي عادي يعني من السهل ان الرجل يتقبله ولا هوب مقرف بشكل عام فأنا اضم صوتي الى صوت الاخوة اللي ردوا واقولك ان الموضوع يمكن انتي معطيته اكبر من حجمه وهو عادي
كل الاماني لك بالتوفيق

moon_14 · 07-08-2006, 19:12

انتي سويها وتوكلي على الله ماله داعي تقوليله لان هذا جسدك انتي مو جسده هو بعدين الخطيب ماله او الزوج مو كل شي لازم يعرفونه الحمدالله دام شي ماراح يغضب رب العالمين خلاص انتهينا فيه شئ اسمه خصوصيات مالقرب انسان حق التدخل فيها والله يسهلك امرك وتمر العمليه على خير وترجعين ولا احلا بالنسبه للعمليات الجراحيه خاصه الجماليه ماتستغرق وقت بعضها تكون بتخدير موضعي وتخرجين بنفس اليوم واغلبها الان الخياطه تم بالليزر يعني اسبوعين او ثلالثه بالكثير وانتي بااحسن حال نشالله تقومين بالسلامه نحياتي لك

المشتاق لنساء · 07-08-2006, 19:32

دانه
الله يسعدك
بس مادام انتم ماتزوجتو رسمي يستحسن تعملينها بس اكيد انها ماراح تؤثر عليك
اتمني لك التوفق بذلك ولك تحياتي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

طلبتكم لاتخذلوني انتو اخواتي واخواني