عالم الحياة الزوجية - منتدى

اخــر العنقــود · 28-08-2006, 03:19

صباح الخير حبايبي واخواني
بصراحه ودي اقولكم عن اللي صارلي واكيد صار لكثيييييير غيري
وبنفس الوقت بناقشكم بموضوع هام وابي اشوف كيف وجهت نظركم لان الموضوع حساس
المهم انا تقدم لي وحد امس مدرس بالجامعه اللي انا فيها وماعليه يمدحونه اهلي وهو متزوج بنت عمه وقد تزوج وطلق عمره 35
وقلت لامـــي الله يطول بعمرها اني ماابيه .....عصبت وقالتلي ليه متى ترفضين كل ماجاك احد رفضتي وترى البنت كل ماكبرت قلو خطابها وتراني ماني دايمتلك (((الله يطول بعمرك يايمــه)))وانتي تراك مطـــــــــــــلقه وش تبين تبين ولــــد يجيك والا أمير احتريهم لين يجونك.....بصراحه انا انجرحت من هالكلمه اذا امي تقول عني كذا وتدري وش سبب انفصالي وانا مو اول ولااخر وحده تتطلق فمابالك بالناس ...انا مابي اتزوج الحين ابي اكمل دراستي وتوي طالعه من تجربه فاشله حتى ماكملت سنه وبعدين وش فيها اذا خذت ولــد ليه فيها شي بتخرب الدنيا والا كوني مطلقه خلاص كخا هذي معاد تنبغى الا من واح عنده كوووومه اولاد ومزواج ...ومع هذا كن امي ماتدري انا قبل كم شهر تقدم لي ولد بس انا رفضت لاني مستعديت..وماعابني كوني مطلقه
سبحان الله هالمجتمع عادي البنت البكر تاخذ متزوج وعنده حريم والا مطلق وحراااااااااااااام المطلقه تاخذ ولد عادي البنت تاخذ شايب حتى اسنانه طايحه بس حرااااااااااام الولد ياخذ بنت اكبر منه من جد مجتمع غريب ........انا ادري اني امي الله يطول بعمرها تبي تشوفني ببيت زوجي بس اناماارتحت ولااستعديت نفسيا للزواج ياليت احد يفهمني ودعواتكم لي ولكل وحده بهالحاله

العطرالعطر · 28-08-2006, 03:24

اه لي عوووووووووووووووووووده لموضوعك ولايهمك

تطمني وتوكلي على الله

الحال من بعضهانا جاني واحد مايجيله عيال وقالوا وش تبغين بعد احمدي ربك لاتنسين انك تطلقتي مع ان زواجي استمر اسبوعين بس

خليها على ربك بس

اخــر العنقــود · 28-08-2006, 03:36

اقتباس:

المشاركة الأصلية كتبت بواسطة العطرالعطر

اه لي عوووووووووووووووووووده لموضوعك ولايهمك
تطمني وتوكلي على الله
الحال من بعضهانا جاني واحد مايجيله عيال وقالوا وش تبغين بعد احمدي ربك لاتنسين انك تطلقتي مع ان زواجي استمر اسبوعين بس
خليها على ربك بس

ياقلبي حتى انتي بس اسبوعين قولي امين الله يعوظك ابرك منه ويعوظني وكل مطلقه يارب انا بعد زواجي بس استمر 3 شهور

وحيد...! · 28-08-2006, 03:39

الله يعينكم يالحريم الصراحة بهاذي انتو ا مضلومين يعني الرجال لو تزوج وحده وثنتين وثلاث وطلق ما يعيبه.
والبنت اذا تطلقت من واحد خلاص يحسبون ان ماحد يبيها.

الله يعينكم

منيب هينة · 28-08-2006, 05:27

رقم المشاركة : 6

دمعة المشتاق vbmenu_register("postmenu_935228", true);
مــــبـــــدع

ياقلبي

الله يكون في عونك..بس ماعليك

من كلام امك الله يخليها ياارب يعني قالت الكلام بدوون قصد

وترااه ياحبيبتي كل ذاا من خوفها عليك

وجعل ربي يعوظك انتي ولأخت عطر العطر

وكل المطلقات بلأزواج الصالحه ولي تستحقكم.....

بجد معاناه الله لا يورينا

تحياتي يلغلا

دانة أهلها · 28-08-2006, 05:32

الله يعينكم ويسمح امركم ...بس هذي نظرت المجتمع ومااحد يقدر يغيرها ...

حتى انا صديقتي نفس الشي وعرضت مشكلتها هني في المنتدى ...وتطلقت
وعمرها 19 سنه وما يخطبونها الا متزوجين وعندهم أولاد او كبار في السن
بس هي مثلك صرفت نظر عن الزواج وبتكمل دراستها ...وعايشه في عز أبوها
لمن الله يكتب لها وتتزوج ...وأنت أنصحك لا تستعجلين على الزواج وكملي
دراسه ...وشهادتك هي سلاحك ...والي الله قاسم لك بتاخذينه ...ولا تزعلين
من كلام الوالده ترى الأمهات لو توصلين لمنصب وزيره ...مايهمهم ولا يطمنون
عليك الافي بيت السعاده مع أنسان يخاف عليك ويحترمك وتقضين باقي عمرك
معاه ...الله يوفقك ويسعدك أنت وكل البنات يارب

**فـــهـــد** · 28-08-2006, 05:46

كلام واقعي وجميل يااخت دانة ..خاصة اذا كانت صغيرة في السن..اهم شي لاتتركين الدراسة بكرة تحتاجين نفسك

مرجوج انترنشنل · 28-08-2006, 14:22

القنــــاعة كنز لا يفني

عزيزتي ...

الأمهات في الغالب أهتمامتهم وتفكيرهم في الزواج أنه بنسبة للبنت راحة وأستقرار

وطبعاً تفكيرنا في الوقت الحالي يختلف تماماً عن ماهوم متعلمين فيه

لذا في البداية يجب علينا أن لا نلوم الام لنها هي الحنان والعطف الذي نرتوي منه

الى أخر نفس منك أو منها وأتمناء أن لا تأخذي الأمور بالحرج لو عرفتي مدى غلاك

لدى والدك العزيزة الله يطول بعمرها

عزيزتي ...

من الناحية القناعية لا يحبذ أن يأخذ أنسان دون الشعور بالراحة والطمئنين لمستقبلك

وحياتك لن هذا زواج مو يوم ولا يومين وخلاص لا هذا على طول .

يجب على والديك أن تعرف هذا الشي عن ظهر قناعة وتفاهم وود وأحترام

لن السعادة ما يختارها ألا صاحبها بيدة يكون سعيد إذ اأراد وبيدة يكون تعيس

لذا

أن لم تقتنعي بهذا لا توافقي وأي كلام يأتي من أمك وأن لا ننجرح من الوالدة لنها

مهما كانت أم وغير كذا أنتي فلذة كبد لها .

أنتي لديكي هدف وهو تكملة الدراسة والأستمرار فيها وهذا شي جميل جداً وبداية

موفقة أبدي بكل عزيمة وأصرار لكي تصلي الى مرادك وتحقيق حلمك

فعلاً أتمناء لكي كل التوفيق والنجاح والوصول الى القمة بكل جبروتك

أتفي الأن وإذا تطلب حضوري سوف اعود

لكي مني كل الود حتى الرضى

boturki · 28-08-2006, 15:39

أسأل الله عز و جل أن يستر عليك وييسر لك أمورك

مـاعاد بدري · 29-08-2006, 05:57

لا ياحبيبتي مو لأنك مطلقه يعني مكسوره ولا نصف امرأه ولا على الهامش .. !!!!!!!!
خليك قويه وما ابي اشوف الضعف فشخصيتك ..

اولا موب كل مطلقه يعني هي الغلط وهي اللي ماعرفت للحياه الزوجيه .. اغلب حالات الطلاق اللي اشوفها بالمجتمع سببها الزووووج ثم الزووووج ..!!

انا اعرف وحده سوت حفله كبيره وكيكه وعزمت كل الناس..تدرين وشو المناسبه..؟
مناسبه طلاقها ..

وكانت فرحتها بهالمناسبه وفرحه اهلها موطبيعيه .. لانها افتكت من الرجل الغير مناسب..
وانتي المفروض تصيرين كذا..خليك مستانسه ومنعنشه وكووول دايم ونصيحتي لك لاتكتمين سبب طلاقك ايا كان ..عشان الكل يعرف الحقيقه ..

ودام زواجك بس 3 شهور..فنصيحتي لك لاتتنازلين ابد وتاخذين واحد متزوج وعنده عيال .. يا عزوبي ماقد تزوج ..أو مطلق ""بدون اطفال"" مع معرفه الاسباااب كامله >> حبرشي بالمعلومات عنه

والله يوفقك للي فيه الخير والصالح.. واستخيري بكل الاحوال ..

ام الوناسه · 29-08-2006, 14:34

المشكله مو في الي تطلقت وجلست مع زوجها شهر أو شهرين وش تقولين في الي تطلقت بعد عقد القران ولنحسب عليها زواج وشالت أسم مطلقه وهي بكر وتزوجت من ابو عيال لأنها في نضر المجتمع مطلقه من شاف مصيبة غيره هانت عليه مصيبته ياأختي

ام الوناسه · 29-08-2006, 14:35

المشكله مو في الي تطلقت وجلست مع زوجها شهر أو شهرين وش تقولين في الي تطلقت بعد عقد القران ولنحسب عليها زواج وشالت أسم مطلقه وهي بكر وتزوجت من ابو عيال لأنها في نضر المجتمع مطلقه من شاف مصيبة غيره هانت عليه مصيبته ياأختي

[ بس أحسن لك انك تاخذين مطلق أحسن من الولد أريح لك نفسياً في المستقبل ]والله أعلم

ربيع العمر · 29-08-2006, 15:09

الله يساعدك

وكلامك صحيح اختي ففي هذا المجتمع بينظر الى المطلقة نظرة دونية وكأنها عملت

شي غلط ولازم تتحمل زوجها لاخر لحظة .

ما بعرف كيف اساعدك ولكن نصيحتي الك كافحي قد ما تقدري واعملي اللي بريحك

وجربي اتعرفي على اللي بتقدملك وشوفي اذا بناسبك او لاء بعدين قرري

* حلا * · 29-08-2006, 19:31

( اذا جاءكم من ترضون دينه وخلقه فزوجوه )

هذا الحديث هو الفاصل في الموضوع .. اذا الرجل دينه واخلاقه تمام لا ترديه

اخــر العنقــود · 30-08-2006, 09:04

[QUOTE=مـاعاد بدري]