عالم الحياة الزوجية - منتدى

أقرع · 30-08-2006, 14:35

رجعتي من بيت أهلك أو عملك ، زوجك خلص مقاضي البيت ومر مكتب الاستقدام وقدم لك على شغالة وشاف طلبات العيال ومر الخياط جاب فساتينك وهو راجع بالمرة شاف عطر حلو واشتراه لك وقال لك نبي نزور أمك وأبوك من زمان ما مريت عليهم وعندك حفلة عازمة صديقاتك بالبيت قال أنتي آمري وتدللي عطيني الطلبات في ورقة ويصير خير و شافك هذا اليوم مشغولة وتعبانه قال ما يحتاج تتعبين حالك يا حبيبتي انا بجيب أكل من برة و كلو تمام . بعد ما ريحت المدام قلت لها : ممكن طلب ؟
أصدقاي يبون يروحون البحرين أو رحلة البر أو البحر وأبي أروح وياهم ، من زمان ما طلعت وأبي أغير جو وحاس اني تعبان ومتضايق.
ايش رايح تكون ردة الفعل ؟
1- توافقين والبوز 30 سنتم ، 2- بتشكين في زوجك ، 3- لا و بتذكرين أي سبب عشان تتهربين من الموافقة ، 4- او بتلفين وتدورين وتقولين حبيبي الولد مرتفعه حرارته ويحتاج العيادة (طبعا برضو مبيته النية انك مش موافقه ) ...... ممكن تزينون المشاركة بآرائكم . ترة الأخوان بيقولون """ ما يبين في عينكم يا الحريم """

رفيعة المقام · 30-08-2006, 15:33

والله اخوي على حسب
اذا كان صار له فترة ما طلع مع الربع عادي بالعكس اقول له روح وبسوي له دلة شاي ومرات يدلع ويقول يبي سندوتشات
وهو طالع بوصيه على نفسه
وفي سؤال مهم دايم اسأله وخصوصا اذا مسافات طويلة من راح يسوق
لاني اعرف ربعه بعضهم متهورين في السياقة

او اني اشرط عليه هو يسوق وخلاص يروح
لكن اذا كل يوم والثاني طالع مع ربعه لا لا لاااااااااااااااااااااااااااااااااااااا
ما بوافق واذا اصر والح بوافق بس بمد البوز 30 سنتم

لكن ما راح اشك

نستلة · 30-08-2006, 16:27

بصراحه احاول اتهرب من الموافقه , وادور على اي عذر عشان ما يروح .,

الحـ ـ ـلم القريب · 30-08-2006, 19:44

اقتباس:

المشاركة الأصلية كتبت بواسطة أقرع

رجعتي من بيت أهلك أو عملك ، زوجك خلص مقاضي البيت ومر مكتب الاستقدام وقدم لك على شغالة وشاف طلبات العيال ومر الخياط جاب فساتينك وهو راجع بالمرة شاف عطر حلو واشتراه لك وقال لك نبي نزور أمك وأبوك من زمان ما مريت عليهم وعندك حفلة عازمة صديقاتك بالبيت قال أنتي آمري وتدللي عطيني الطلبات في ورقة ويصير خير و شافك هذا اليوم مشغولة وتعبانه قال ما يحتاج تتعبين حالك يا حبيبتي انا بجيب أكل من برة و كلو تمام . بعد ما ريحت المدام قلت لها : ممكن طلب ؟
أصدقاي يبون يروحون البحرين أو رحلة البر أو البحر وأبي أروح وياهم ، من زمان ما طلعت وأبي أغير جو وحاس اني تعبان ومتضايق.
ايش رايح تكون ردة الفعل ؟
1- توافقين والبوز 30 سنتم ، 2- بتشكين في زوجك ، 3- لا و بتذكرين أي سبب عشان تتهربين من الموافقة ، 4- او بتلفين وتدورين وتقولين حبيبي الولد مرتفعه حرارته ويحتاج العيادة (طبعا برضو مبيته النية انك مش موافقه ) ...... ممكن تزينون المشاركة بآرائكم . ترة الأخوان بيقولون """ ما يبين في عينكم يا الحريم """

حتى انتو الشباب عندكم هالحركااااااات والله شئ حلوهههههههههههه 00

بس باجاوبك اذا كنت اعرف ان زوجي مع الخيل ياشقرا

وكل شئ عنده ايزي والربع لك عليهم والمكان اللي بيروحون له مكان مشبوه

بارفض 00بطريقتي الخاصه عشان مايعاند00

مو انانيه بس من حبي له 00ولا عادي جدا لو يروح مع ربعه يوسع صدره اذا كان كل

شئ تماااااااااااااااااااااااام00

كيكة ونسكافيه · 30-08-2006, 23:19

يمكن اسوي هالاحتمالات كلها بوقت واحد...

اتهرب وانشغل عن الاجابة وبعدها اشك في السبب وبالنهاية اوافق على مضض...

بس حسب نوعية الربع اللي بيروح معاهم...

دلوعه حبيبها · 31-08-2006, 03:29

اما كلام يعني جوزي مريحني على الاخير اقوم انا اتعسو وانكد عليه وماخليه يروح لاوالله يروح حبيبي وهو مبسوط وانا اقوم اجهزلو الاغراض بنفسي كمانا

الدبلوماسي · 31-08-2006, 04:06

حتى لو تسمح له بالروحه مع اصحابه ، تقول له رووووووووح الله معك ( وهي شادة على اسنانها من القهر ) ههههههههههههه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

سؤال يا "مدعي" الحرية ؟ ترضين لزوجك ؟ (الجزء الثاني – للزوجات)