مساء الخير ..

مع ان الموضوع عفا عليه الزمن .. لكن بأضيف فيه شوي من خاطري ..



دائما الجمال اللي ما يكون مقرون بعقل .. هو أشبه بزهرة " الجثة " شكلها رااائع لكن

رائحتها مثل اللحم الفاسد !

لذلك في مسابقات ملكات الجمال .. الثقافة لها جزء كبير من التقييم وليس الجمال

الصوري من يهبُ الملكة عرش الجمال . ( ذكرتها للمثال وليس الحصر ) .


الجمال مطلوب .. ولا فيه بشر يسعى للقبح مهما كان شاب او فتاة ..

بأرجع للموضوع الرئيسي .. واقول للفتيات ..

الشاب الوسيم .. حتى وان كان مظهره الخارجي يوحي بسعادته .. فهو من الداخل من

اتعس الناس ..

كل النظرات تلاحقة .. العيون تراقبه .. حركاته محسوبة .. حتى تعامل الناس معه متباين

اما يكون ناس معجبين فيه لدرجة الإحراج .. او ناس حاسدينه لدرجة الكره والبغض ..

وسوء الظن دائما ما يكون مرسوم حوله ..

اما على المستوى العائلي فهذا امر آخر ..

اهله في خوف وقلق عليه .. لدرجة انه يكون كأنه طفل .. ( ما اقصد انه يكون بدون

شخصية .. لكن الشاب يضجر من الخوف الزايد .. ) ..

واذا جا يخطب .. قالوا له .. هذي ماهي بمستواك .. وهذي اقل منك .. وهذي حرام

تآخذها .. ويطق راااااااسه الشيب وهو ما تزوج !

دائما مايكون الوسيم محط اعجاب اقاربه .. وخصوصا قريباته .. وهات يا قصص الحب

وكل وحدة ترى فيه فارس احلامها .. ( وهو المسكين يا غافل لك الله !! )

واذا فكر انه يأخذ من خارج عائلته .. قالوا له .. قريباتك اولى فيك .. واذا فكر انه يآخذ

من قريباته .. تجي مشكلة ثانية .. ايهم يختار .. ومين يرضي ومين يخلي !!

صرااع دائم مع النفس ..

وتأنييب للضمير ما ينتهي !


طيب وبعد الزواج .. خصوصا اذا صارت زوجته شكاكه .. راح تحول حياته لجحيييم !!

وعلى ادنى تصرف .. تعمل فيها قصة طويلة لها اول ما لها آخر ..



سبحان الله .. ربي يعطي شي .. ويآخذ آخر ..


وفي النهاية محد رااااضي ..

هذي بعض سمات حياة الوسيم ... او اللي الله رزقة بشئ يميزة عن غيره ..

اي وحدة بتتقبل كل ما سبق .. تطلب الوسيم .. والا لالا تتوهق !

واياك يارب ..

طيب وين يروحون الوسيمين ... يعنسسون ...

لكن قد لا يكون كما ذكرت .. لكن من تطمح للوسيم .. يجب انها تضع في اعتبارتها الكلام اللي انا ذكرته ..

وتبي الصراحة .. انا أحس الشك من الزوجة شئ فظيع .. خصوصاً اذا زاد عن حده .. لأن مع الأسف بعض

الزوجات يفقدن عقولهن اذا وجدوا ولو ذرة صغيرة من الشك حول أزواجهن ..


الله يعين بس .. خُلق الإنسان في كبد .

وفي النهاية ..

انت تريد .. وانا أريد .. ويفعل الله ما يريد .. سبحانه ..

لا تكذبين على نفسك يا اختي ..

الله سبحانه جميل يحب الجمال .. فكيف بخلقه ؟

الجمال هبه من الله .. فمنهم من يصونها ويعطيها حقها .. ومنهم لا ..

اذا اقترن جمال الرجل بعقل رزين .. فلا يمكن لأنثى أن تكرهه ..

الا في حالة واحدة فقط ..

امرأة متعقدة من الرجال .. والوسيمين بالذات لأنهم ما يلقون لها بال .. فهي بذلك تعبر عن نقص الجاذبية

فيها (ولا اقصد بالجاذبية الجمال وحده .. وانما كل ما يزين المرأة من دين واخلاق وجمال ) .. تعبر عنها بكره

الرجال الوسيمين .. وتظهر عدم اكتراثها بهم .. والواقع غير ذلك تماماً .. وانما هذه ردة فعل عكسية منها .





تكون مراهقة في حالة وحدة بس .. اذا كانت تبحث عن الجمال وحدة بدون ما تنظر للأمور الأخرى مثل الدين

والأخلاق والرجولة والشهامة .. ومن ناحية الشك والغيرة .. فهذي انا معك ..اللي ما تقدر تتحمل نظرات

الآخرين لزوجها .. فماله داعي تحرق نفسها وتآخذ رجل جذاب .


________________________________________

كنت متوقع مثل هالآراء .. فمسألة ان الأنسان يكره الجمال غير صحيح .. ومخالف للفطرة البشرية والتي

تأنس بالجمال في كل شئ .. جمال الطبيعة , جمال الروح , جمال الأخلاق , جمال الشكل ..

انا عن نفسي اعترف .. اقدر الجمال في المرأة بشكل غير طبيعي .. (لأني بشر ) واعتبره شئ مهم ..

لكن بشرط ..انه يكون مقرون بعقل وثقل ..

بصراحة انا من الناس اللي يقدرون الجمال .. ويأسرني الجمال في كل شئ .. واحيانا يتحرك الإعجاب في

داخلي لأمرأة رأيتها .. سواء في الحياة اليومية .. او في السفر أو في التلفزيون مثلاً .. لكن هذا الأعجاب

فضلاً على انه وقتي .. كذلك يكون اعجاب بالشكل فقط .. بدون تعمق .

يعني بالعربي .. القلب اخضر على قولتهم .. يحب الزين .. ( أيضاً لأني بشر ) .


لذلك انا اتوقع عندما يرفض انسان سواء رجل او امرأة الإرتباط بشريك يتمتع بصفة جمال الشكل والأخلاق

معاً .. فهذا يرجع لعدة أسباب منها ..

عدم قدرته على جذب الشريك بشكل كافي .. ( لإفتراض انه قد لا يملك الكم نفسه من الجمال ) ..

عدم قدرته على المحافظة عليه .. ( لخوفه الدائم .. وقلقه الزائد من أن يخسر شريكه )

عدم قدرته على تحمل اعجاب الآخرين .. او قد يتخيل الشريك اعجاب الناس بشريكة .. ( لغيرته الشديدة )

عدم الثقة بنفسه ..


وفي النهاية .. لولا اختلاف الأذواق .. لبارت السلع .