عالم الحياة الزوجية - منتدى

محاسن بنت الصدف · 01-09-2006, 03:56

السلام عليكم..
بس حبيت اقول مشكلتي واللي يمكن تكون تافهه عند البعض بس من جد ابي احد يساعدني لو برأي من اصحاب الخبره والتجربة...
انا زوجي كل يوم ثلاثاء من كل اسبوع يقولي باوديك لاهلك بكره يقصد الاربعاء(يصرفني ) وباجيك يوم الجمعة..حتى لو اني عندهم من امس صار نضام عنده قمت احس اني متزوجته لمدة اربع ايام من كل اسبوع يعني يشبه زواج المسيار..مدري وش قصته معاي مع اني مررررررره حبوبه معاه ومو مقصره بشي و الباين من معاملته لي انه يحبني
بس يقهرني بحركته هذي مدري وش معناها امانه الي يقدر يساعدني لا يبخل علي لاني بديت احس انه مو حريص علي واني قاعده على قلبه..ويبغى الفكه مني ..!!
والله حتى بديت احس بالحرج من الي حواليني دايما يعلقون (انتي ماتقرين في بيتك؟)
دايما عند اهلك؟؟..!!!!.........وش اسوي اقولهم انه يصرفني..دايما اتعذر بأنه مشغول..او اقول اني ازعجته لحد ما جابني ......وطلبته يخليني عند اهلي
والله قهر!!

غلاب · 01-09-2006, 04:11

متابع
والله ماعندي جواب علي المشكله انتي اعرف بزوجك و تصرفاته

دانة أهلها · 01-09-2006, 04:52

اقتباس:

بس حبيت اقول مشكلتي واللي يمكن تكون تافهه

مشكلتك مو تافهه أبداً ...مشكلتك غريبه ...ويمكن تكون خطيره ؟؟؟
ليش يصرفك عند اهلك في وقت الأجازه اللي المفروض الزوجين يقضونها مع
بعض ...تمشيات وجلسات وعزايم ...
طيب يمكن يكون يسافر وما يجلس في البيت ؟؟؟ولا مره حاولتي تسألينه ؟؟؟
وإذا مايسافر ...يمكن يسوي حاجه في البيت مايبغاك تشوفينها ...
وليه تروحين تطاوعينه أجلسي في بيتك ولا تروحين عند أهلك ...وشوفي
شيسوي ...وإذا قالك قومي باالقوه ...هدديه أنك مابترجعين مره ثانيه الا
لما يقولك ليش ..يوديك بيت اهلك ..ويجلس لحاله ...
وأنت حاولي لما تكونين بيت أهلك تطلين على البيت بين فتره وفتره ..عشان
تطمنين ...أنا من رايي تواجهينه وتقولين له يعترف لك ...ويمكن يكون صحيح
هو يحب يرتاح في جو هادي ...بس برضو غلط يعني يرتاح هو اللي مكلف أبكم
ويبتلشون أهلك ...هذا مو كلام ...الله يهديه أن شالله ..طمنينا أختي لا تخلين

الطيب الغالي · 01-09-2006, 12:15

لايكون متزوج
اكيد هذا يعمل شي مايبيك تعرفين عنه شيء

دنيا زائلة · 01-09-2006, 14:46

اقتباس:

المشاركة الأصلية كتبت بواسطة دانة أهلها

مشكلتك مو تافهه أبداً ...مشكلتك غريبه ...ويمكن تكون خطيره ؟؟؟
ليش يصرفك عند اهلك في وقت الأجازه اللي المفروض الزوجين يقضونها مع
بعض ...تمشيات وجلسات وعزايم ...
طيب يمكن يكون يسافر وما يجلس في البيت ؟؟؟ولا مره حاولتي تسألينه ؟؟؟
وإذا مايسافر ...يمكن يسوي حاجه في البيت مايبغاك تشوفينها ...
وليه تروحين تطاوعينه أجلسي في بيتك ولا تروحين عند أهلك ...وشوفي
شيسوي ...وإذا قالك قومي باالقوه ...هدديه أنك مابترجعين مره ثانيه الا
لما يقولك ليش ..يوديك بيت اهلك ..ويجلس لحاله ...
وأنت حاولي لما تكونين بيت أهلك تطلين على البيت بين فتره وفتره ..عشان
تطمنين ...أنا من رايي تواجهينه وتقولين له يعترف لك ...ويمكن يكون صحيح
هو يحب يرتاح في جو هادي ...بس برضو غلط يعني يرتاح هو اللي مكلف أبكم
ويبتلشون أهلك ...هذا مو كلام ...الله يهديه أن شالله ..طمنينا أختي لا تخلين

هذا الكلام السليم

بكرى أحلى · 01-09-2006, 16:08

اقتباس:

المشاركة الأصلية كتبت بواسطة محاسن بنت الصدف

انا زوجي كل يوم ثلاثاء من كل اسبوع يقولي باوديك لاهلك بكره يقصد الاربعاء(يصرفني ) وباجيك يوم الجمعة..حتى لو اني عندهم من امس صار نضام عنده !!

أختي الفاضلة ..
يااااااالطيبة قلبك

قولي لزوجك : انا التي من تقرر الذهاب إلى منزل أهلي .. وليس حضرتك
ونظام الحياة الزوجية ليس في النوم خارج منزل الزوجية
وأنت المسؤول

بنت عاديه · 01-09-2006, 16:52

كلام الاخوان صح اختي لاتطوعينه وقوليله انك مش عاوزه تروحين لبيت اهلك وانك عاوزه تقعدين في البيت وشوفي شووفيه يعمل لو حسيتي انه عاوز يصرفك باي طريقه اضن ان في الامر إنَّ؟؟؟؟؟ لازم تعرفينها قبل ماينخرب بيتك وانت نايمه ومش دريانه

مـاعاد بدري · 01-09-2006, 17:48

وانتي يقول لك تروحين بيت اهلك بكرا .. وتروحين ؟!

مالك شخصيه ..مالك كيان..مالك لسااااااااااااان؟؟؟؟

ليه الحرمه غنمه يسرحونها متى مابغوا؟!

آآآآآه يالقهر..لو هو عندي بس !

حبيبتي اسأليه وبقوه عين : انت ليش تبي توديني بالضبط ؟ !

وانا ما ابي اروح توي شايفتهم انا ماتزوجت عشان اقعد عند اهلي..ومن هالكلام .. وخل يطول النقاش حتى تشوفين وش عنده

واللي بالقدر يطلعه الملاس..

بس انقهرت من سالفتك من جد !

بالتوفيق

فـــارس الشرقية · 01-09-2006, 20:57

هم ما يقول لك وين يروح مثلا ؟؟؟

بعدين انتي من نفسك ارجعي لبيتك يوم الخميس وكان الامر عادي وشوفي ردة فعله

أنوثة طاغية · 02-09-2006, 15:26

حبيبتي هذا وراه بلا ..

يامتزوج عليك مسيار ومتفق مع زوجته على الويكند 3 ايام بالاسبوع

يامتزوج عليك زوجة ثانية زواج حقيقي مو مسيار

يا انه يجيب صديقته في الويكند في بيته .

وعموما هذا اللي اكتشفته صديقتي بعد ما خلت اخوها يراقب البيت ، وزوجها قال لها انه بيطلع استراحة كل ويكند ، فلما قال لها اخوا انا شفت سيارته برا - جت مع اخوها ولقت سي السيد في غرفة نومها مع صديقته - وله سنة يسوي كذا وهي غبية نايمة علة ودانها !!

احذري من الرجال لا يلعب عليك .

جـــذاب · 02-09-2006, 16:11

يمكن علشان يروح مع اصدقائه عادي مافيها شيء
وانتي بعد تروحين بيت اهلك وتجلسين معاهم
هذي امور عاديه واغلب او اكثر المتزوجات كذا يقضون الخميس والجمعه مع اهلهم
واذا شاكه بشيء لاتروحين لبيتكم اسبوعين ورى بعض وشوفي ايش راح يصير
ولانسين تعليمنا

om kaled · 02-09-2006, 18:29

تغير الروتين مطلوب ...........
ولاكن ليس أسبوعيآ...

أنا عندي أصحاب زوجي لما أقوله ترى حريمهم بيكرهونك يقولي نايمين عند أهلهم...
أستغرب أنا كنت زمان أنام عند أهلي ربوع وخميس...
بس حسيت إني بعد ماخلفت راحتي هي في بيتي ...

ولو يبي يطلع يسهر ماعندي مانع بس مايتأخر علي إلين بعد الفجر..
والشباب إلي معاه يسهرون إلا بعد الفجر وأطول بعد والسبب حريمهم في بيت أهاليهم مايصير من جد ...

زوجك تعود على كذا ....
مررة روحي غير ي جو إذا كنتي زهقانة ... ومررة إقعدي في بيتك ...
وأن من راءي روحي صح لو كل يوم عند أهلك بس لا تنامي خارج منزلك فالرجل دائمآ في حاجة زوجته...

انغام حزينه.. · 02-09-2006, 20:22

غريب امره

عندي لك خطه على كيف كيفك

اذا قالك روحي بيت اهلك هالاسبوع قولي طيب وروحي
واذا جا وقت الليل ارجعي لبيتك وبتلقينه في وضع حرج

انغام حزينه.. · 02-09-2006, 20:24

واذا لقيتي الوضععادي قولي انك ناسيه شي في البيت وجيتي تاخذينه

بس المشكله اذا كان هو برا البيت وهذا هو الارجح

boturki · 13-09-2006, 20:35

يمكن علشان يوله عليك يوم الجمعه

لا تضنين السوء في زوجك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ايش اعمل معاه؟!دلوني