عالم الحياة الزوجية - منتدى

بو فهد · 10-09-2006, 11:03

بسم الله الرحمن الرحيم...

تحية طيبة وبعد...

اخواني وأخواتي اعضاء المنتدى الكرام.....

طبعا عنوان المقال واضح جدا....ويبين وضع الزوج عند دخول وقت المدارس الينا...

اغلب الازواج يتشائمون منه..لكثرة الطلبات فيه وشراء مستلزمات اطفالهم. وتعال نشوف

وضع الزوج وقتها....

الموقع : (البيت ).. الزوجه... نبي نشتري ملابس حق الاطفال المدراس قربت وما عندهم

ملابس والزوج راتبه بحدود 5 الاف ريال... ( لديه 6 اطفال ) الزوج: بكل يأس الشكوى

لغير الله مذله... توه مستلم الراتب قسط سياره 1200ريال.. اغراض البيت 800 ريال

والباقي هو 3 الالاف ريال...

الموقع 2 : ( السوق ) .. الزوجه عطني اشتري حق البنات ( 3بنات ) ملابس وكتب وغيرهم

الزوج : كم تحتاجين من الفلوس..

الزوجه: عطني 1500 ريال..علشان اشتري لهم ولا تبي البنات بمدرستهم يتشمتون فيهم

الزوج : لاحول ولا قوة الابالله.. طيب.. ترا ما عندي غيرهم مو تجين وتطلبين مني بعدين

الزوجه: روح اشتري لعيالك ملابس وفصل لهم شي جديد وماركه.. ولا تبيهم يصيرون مثل

عيال فلان وفلانه... واشتري لهم ساعات جديده .. وكتب واقلام.. ولا تنسى بعد حمودي

( الولد الصغير ) يبي مثل اخوانه .. طبعا حمودي عمره سنتين بس مع الخيل يا شقرا

الزوج : بعد حمودي يبي ملابس... ( بقلبه ) حسبالها انا الوليد بن طلال .... انشالله

الموقع 3 : بعد مرووور 3 ساعات وهو ناقع بالسيارة.. بعد ما خلص ابنائه الذكور..

والعيال ناموا بالسياره وذبحهم الحر... وفجأة احد بناته ..

البنت : بابا أمي تقول خلصت كل أغراضنا بس باقي شي واحد وتبي منك 200 ريال..

الزوج: طيب هذا 200 ريال وقولي لامك تستعجل ترا اخوانك ناموا بالسيارة..

بعد مرور ربع ساعه... الزوجه معاها بناتها... محملين بما يشيل شاحنه صغيره

الزوج : لماذا التأخير... العيال ناموا وانا ذبحني النوم .. وراي دوام بكره الصباح...

الزوجه : عادي كان نمت.. بس كنت بمعرض عطورات جديد وحلوو.. وشريت منه عطرين

الزوج : حنا فاضين للعطورات... المفروض تشترين لبناتك ملابس واغراض المدرسه..

الزوجه : طيب طيب ليه معصب..خلصت الحين روح البيت بسرعه علشان اقايس ملابسهم

الموقع 4: بالطريق الى البيت(.الزوجه)مر على البقاله ( الماركت ) اشتري بطاقه سوا

حق فهد وخالد.. بكره عندهم مدراس وما عندهم رصيد مكالمات..وهات معاك اغراض البيت

الزوج: ينظر لها بقهر ... لايكون قالوا لك مجمع المملكه مال الوالد.. ولا سووق الراشد

للوالده.... ( مجمعات شهيره بالمملكة )...

الزوجه : أجل ليش متزوجني وجايب عيال .؟.... اذا مو قد المسؤليه ودني لاهلي..

الزوج : بنظرات يملؤها الحيره و ( بقلبه ) اشدعوة الحين اهلك العائله الحاكمه باليابان

الموقع5: السوبر ماركت... الزوج : كم الحساب.؟؟ 850 ريال... الشكوى لله لازم اضحي

بالطريق ... الى البيت .. يدق عليه والده.. بكره هات معاك خرووف.. فلان وصل من السفر

الزوج... انشالله وحاضر..( الخروف 500ريال )

الموقع 6 : البيت.... عمل حسبه بسيطه للراتب... الباقي من 5 الالف ريال....؟؟؟

مطلووب 50 ريال......

فقط يوم واحد

شكرا

أقرع · 10-09-2006, 11:51

اسمح لي اقول لك ودها بيت اهلها وزد عليها ... هههههه .... يعطيك العافية اختصاصي ... بس احلى شي ردها بالاخير .... هذي يبي لها روضة لتعليم كيف تكون زوجة من الالف الي الياء .... اعتقد المدرسة بتوصل معها لحرف الثاء وبتطفث ....

الزوج المميز · 10-09-2006, 12:03

الله يكون بعونك اخوي ما لك الا الصبر
اقترح عليك تجلس وتتناقش بكل وضوح مع زوجتك وتبين لها باسلوب هادئ ان اسلوبها خطأ بالكلام

waad · 10-09-2006, 12:22

من جد الي كذا مأساه ..................الله يعطيك العافيه

amalsa · 10-09-2006, 13:44

الله يعين
الزوجين لازم يسوو ميزانيه معينه لطلبات المدارس اذا كان الحاله الماديه ضيقه شوي

أم عهود · 10-09-2006, 14:09

الله يعينه وزوج الي كذا طيب مع زوجة ليش هيه ماتكون طيبه معه وتراعيه شوي

نيوفه · 10-09-2006, 14:25

الله يعينك بتخلص من طلبات المدارس وتبدا بطلبات العيد
لازم تلاقي حل لهالمشكلة

فتاة الشرق · 10-09-2006, 14:25

الله يعين كل الأزواج
والله بداية الدراسة أزمة مالية عند الكل
بس المفروض ان الرجال يشتري لعياله على قد دخله أشياء معقولة من دون تكلف

عيون خضراء · 10-09-2006, 14:59

اختصاصي 6 اولاد ما شاء الله الله يخليهم ويعطيك الف عافيه

بو فهد · 10-09-2006, 15:10

هههههههههههههههههههههههههههههههه

يا ناس مش انا صاحب الموضوووووووووووع.. لا تفهمون غلط

هي مجرد خيال للازواج فقط.. وقضيه موجوده بالمجتمع العربي كعموم

شكرا على تفاعلكم

عسل بوظبي · 10-09-2006, 16:04

هههههههههههههه
الله ايعينه مسكين والله ايسرله اموره ويعطيه الصبر ع هالحرمه

تسلم اختصاصينا ع الموضوع الحلو... عندك ماشاء الله خيااااااال .. يعطيك العافيه

اختك// عسل بوظبي

بو فهد · 10-09-2006, 16:07

اي خيالي واااااااااااااااااااااااااااسع جدا..

بس اصور الاشياء بطريقه صحيحه

يوكاد · 10-09-2006, 16:15

يعطيك العافيه اختصاصي

وترا فيه فوائد كثير للزوجين مع المدارس......لاتفوتك

شحروره · 10-09-2006, 16:28

كل هاذولي مصاريف بيوم واحد؟!!!
الله يكون بعون هالزوج
يعطيك العافيه اختصاصي على الموضوع

EVERAFTER · 10-09-2006, 18:43

ايه صادق بس الدنيا كذا,,,,وبعدين الزوجة مالها ذنب هي عليها انها تبلغه بالمشتريات هذي جزاتها اللي تجهز عيالها للمدارس؟؟؟
والا حاطين عيونكم على الميتين حقت العطر ؟؟؟ترا كله لزوجها,,,,
الصراحة اللي راتبه اقل من 10 هالايام مدري وش يسوي؟؟؟ماينلامون نفسياتهم تعبانه والله صعبة,,,,
مشكور يالاختصاصي تنفع مخرج سينيمائي,,,,,بانتظار الحلقة الثانية اول يوم دراسي بعد ما جوا العيال من المدرسة,,,,,,

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

عودة المدارس ( هموم زوج )