عالم الحياة الزوجية - منتدى

بسمة البحرين · 11-10-2006, 10:45

طبعا أنتوا ناطرين آنه أقول لكم أفكار وتسوونها للعيد لا حبايبي أبي كل وحده منكم تقول اللي بتسويه للعيد من أفكار حتى كل وحده تاخذ شوي أفكار جديده ونتبادل شغلات اتفيدنا يالله أبدأوا والله معانا خلني أشوف شنو أنتوا بتكتبون بعدين آنه بقول لكم شبسوي للعيد

بسمة البحرين · 11-10-2006, 13:24

وين مشاركاتكم جذي عاد اللحين آنه اللي شاده الظهر فيكم والله كسرتوا خاطري

ஐرٍهيـنة الخيـالஐ · 12-10-2006, 00:53

لسا مالقيت للعيد
انتِ ايش افكارك (:

بنت القمر · 12-10-2006, 00:57

هلا اختي بسمه انا كنت ناويه اكتب هالموضوع بس زين انك سبقتيني

انا بقولك اول يوم عيد وش راح البس

اول يوم راح البس بنطلون برمودا جينز ومنقوش عليه بالاحمر خفيف عالاطراف بس ومعه بدي احمر ساتان طويل شوي لين الخصر وفوقه جاكيت جينز اللي يسمونه دلع يجي ربع موطويل وعليه نقش احمر نفس البنطلون والجزمه شريتها حمرا وشريت شرايط ساتان راح اربطها عالكاحل حركه يعني وراح اربط حول الرقبه وازينها بكريستالات ناعمه مع حلق فضي دائري وراح اربط بطرفه شريطه بيطلع حلو كانه طقم اكسسوار...

ثاني يوم شريت فستان قصير ساتان ولونه نيلي وتحته طبقه تيل اسود وراح البس معه صندل اسود وارفع من شعري شوي واحطفيه اكسسوار ناعم للشعر والاكسسوارات الباقيه عباره عن عقد فضي واسود طويل شوي والحلق نفسه..

وشعري راح اصبغه اشقر فاتح وراح اقصه لين نص الظهر بس ماراح ادرجه لاني مااستفيد ان درجته ..

ولبس ثالث يوم لسى ماشريته بس افكر اشتري تنوره قصيره لونها ذهبي وان شاءالله القاها...

وشكررررن لطرحك الموضوع واتمنى البنات يشاركونا بافكارهم

بسمة البحرين · 12-10-2006, 10:42

الله صج حلو ماشالله عليج آنه بعد أول يوم راح البس أحمر بس آنه راح ألبس فستان حمر قصير معاه حزام عريض أسود وراح ألبس بانطلون شاموا أسود قصير وايد وشريت نعال الله يعز السامع لونه أحمر من ناين وست وأخذت إكسسوارات لونهم أسود فيهم أحمر وشنطة لويس فيوتون فيها كرز أحمر بعد وبحط مكياج أسموووووك مع اللون الأحمر وااااااااااااااااااااو صج بيطلع حلو
يوم ثاني بلبس جلابيه آنه صممتها سويتها من شيفون أبيض واليد فضفاضه وعلى اطراف اليد والصدر والظهر حطيت دانتييييييييييييييل ذهبي وبلبس معاه الذهب مالي وطبعا خذيت انعال ذهبي وشنطه بعد وبحط ميك اب بني مع ذهبي يعني مكياج لبناني
يوم ثالث بلبس فستان صممته بنفسي من قماش النمر وسويته على طريقة الستايل المكسيكي وبسسسسسسسسسسسسسسسسسسسسسسسسسسسسسسسسس عاد ما بكمل اللحين انتظروني بعد قليل

رفيعة المقام · 12-10-2006, 15:59

لين الحين ما شريت شي للعيد

لكن شريت الى بناتي وخلصت

يالله متابعة افكاركم

*كلي حنان* · 12-10-2006, 21:22

تعالوا في موضوع جلسة بنات المنتدى وشوفوا افكار البنات اللي هناك مافية اكتب مرة ثانية

خالص شكري وتقديري لكم

بسمة البحرين · 13-10-2006, 15:20

الله يسامحج اللحين انه ذابحه عمري عشان انعرف افكار بعض وانتي يتي وتبينهم اطلعون من موضوعي

***emy · 13-10-2006, 22:29

والله خيتو أنا بفكر ألبس تنورة ميدي وبلوزة

يعني حاجه بسيطة
وبصراحه مافكرت الأيام التانيه من العيد ايش ألبس

ومرسي خيتو على الموضوع الحلو
ننتظر جديدك

حنين الانين · 14-10-2006, 05:02

والله للحين مو شاريه لان بصراحه مالقيت شي يعجبني بنتي وولدي خلصتهم
ماباقي الا انا رحت كل محلات الماركات من ديور ولويس وفالنتينو كلهم مافيه شي بصراحه عجبني بس ليت الي شرت تقولي من وين ابي ارتاح لان ماعندي المشكله وقت مابين زوجي واولادي وبصرحه شي يجنن وعقلي طار
............
اختك ............... حنين الانين

كبرياء انثى · 14-10-2006, 12:43

الله الله على الافكار الحلوه و ربي بنات الخليج ذوووووووووووق بس انا للحين اعاني ادور شي يناسبني لاني حامل و اذا لبست فستان بيطلع مو حلو علي لازم البس شي قطعتين مثل تنوره و بودي او شي جذي اقول يالله بنات عطوني افكاركم شنو البس

أب12 · 15-10-2006, 03:19

يا أخوات نصيحة لله في هذا الشهر الكريم
يقول الرسول صلى الله عليه وسلم ( من تشبه بقوم فهو منهم ) والملابس القصيرة وكذلك البديات التي بدون أكمام ......... أو بشكل عام ما شابه لبس الكفار ( الغرب )محرم بإجماع العلماء لأنك لو سألت والدتك او جدتك تجديها تستغرب هذا اللباس لأنه جانا من الغرب.... وبعدين إذا لبست كذا عند الناس وش يبقى لزوجك ,,, معناته كل شي برز للناس إلا العورة!!!!! أين غيرة الزوج!!!

أخواتي أنا أشتري من كل مكان وألبس ملابس ألكل يمدح ذوقي ويسأل من فين اشتريتي ملابسك ,,, بس الحمد لله ما فيها لا أكمام قصيرة بزيادة ( الكت ) ولا تنورة قصيرة أبدا ... مع أني كشخة على ما يقولون

يعني تقدرين تسترين الملابس بعد ما تشترينها أو تدخلين معها قطع تستر العاري فيها وتسوينها حركه .....

احنا في السعوديه قليل نلبس عاري أو قصير حيل أو أكمام كت والحمد لله ...على اني بأت الاحظ التغريب أثر فيهم كثير في السنوات الثلاث الأخيرة والله يستر على بناتنا....
آآآآسفة إذا دخات بكلام جديد وأتمى تفهمون قصدي زين ....

بسمة البحرين · 15-10-2006, 07:54

بس ساعات الوحده تلبس قصير لزوجها أو في البيت أو حتى تكون لابسه عليهم عباية فضفاضه وين المشكله ساعتها يعني ؟

وشكرا على النصائح

بكرى أحلى · 15-10-2006, 15:22

اول يوم : جلابية فخمة
لونها وردي فاتح مع تطريز يدوي من قماش التُل والموديل حقي مثل المحارم على طول الجسم

بقية الأيام اشتريت تيور من مانجو
تنورة قصيرة من الشيفون مشجر (سماوي ووردي ودرجات ألوان فاتحة )
مع بلوزة شيفون كت مع صندل كعب موديل الخاتم في الاصبع

واشتريت بلوزة سيور فيها طبعات ذهبية وطقمت معها قطعة جاكيت شيفون أسود قصير اللي أكمامها طويلة بس موديل الكم مثل كم عباية الفراشة .. وفيه ترتر ذهبي على ذارعين الكم ..

بس للحين مالقيت الجزء السفلي .. أتوقع لو تنورة ميدي أحلى من لو انها بالبنطلون

بسمة البحرين · 15-10-2006, 18:42

روعه ماشالله كلج ذوووووووووووووووووق الغالية وشكرا على المرور

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

أفكااااااااااااااااااااار ملابس للعيد