عالم الحياة الزوجية - منتدى

sendbad600 · 17-10-2006, 14:59

حلقه من حلقات طاش ما طاش صورت ومنعت من العرض لاسباب ... لا احد يعلمها .. وان كنت لا اجد سبب مقنع في منعها لكن امتنى ان اقراء الاراء جميعاً ..
وكل الاحترام والتقدير لجميع الاراء سواء كانت موافقه لرائي ام غير موافقه
http://www.brbtyt.com/up2/1a84c7eec0.3gp

fuad66 · 18-10-2006, 08:25

والله شي قهرني صدق لأنه فعلاً هاذا الحاصل بالذات في مدينة الرياض ونفس طريقة تصرفات رجال الهيئة ونفس اسلوب التعامل مع الشباب وحصل الشي هاذا معي ومع الكثير من شباب الرياض .........

ولكم حبي وتقديري ........

لميوني · 18-10-2006, 09:44

حسبي الله عليهم طاش ما طاش ولو انا مسؤوله وقفتهم عند حدهم
هذولي اللي يتهزؤون فيهم هم رجال الدين والله يخليهم لنا وعلى فكرة احنا الدوله الوحيده اللي فيها هيئة الامر بالمعروف والنهي عن المنكر
الله يديمهم ويحفظهم ان شاءالله
انا عتبي على طاش كبيييييييييييييييييييييييييير ومو لهالدرجه المسخرة وقلة الحيا انهم يتهزؤون فيهم
ولنفرض ان بعض الهيئه كذا؟!!!
مايجوز اساسا ان احنا نتكلم فيهم ولانسبهم واكيد كلنا نعرف حكم من سب رجال الدين
والصراحه السنه هذي مسخوها زيااااااااااده عن اللزوم وانا وحده ماارضى بتفاهات عبدالله وناصر وياليت يترفعون بانفسهم عن كذا يعني خلصت الموضوعات عشان نقول مالقوا الا موضوع الهيئه؟!!!
هذا شي حرااااااااااااااام ومانرضى فيه احنا امة محمد نناصرهم ونعزهم ويارب احفظهم لنا ولولا الله ثم وجودهم وش بيصير ببناتنا وشبابنا ؟؟؟
الحين من تحت لتحت لكن لو مو موجودين بيصير كل شي علني
الله يستر علينا ويخلي لنا اامتنا وولاة امورنا ...
ياااااااااااااارب ترانا مارضينا

جدايل البنفسج · 18-10-2006, 10:57

ما يحتاج ازيد على كلام الاخت ليموني الله يبارك فيها ويحفظها

naddosh · 18-10-2006, 11:30

كلام سليم يا ليموني .. وفعلا يعني احنا بحاجة الى انه نقوي ديننا ونظهره بأحسن صورة قدام العالم العربي والغربي .. لكن للاسف اللي بخرب علينا هوه اللي منا وفينا ..
وحسبي الله ونعم الوكيل

evening_bird · 18-10-2006, 11:34

حلقة طاش الهيئة مادري لية منعت مع انها تتكلم عن واقع

حيث ان السدحان والقصبي قامو بأحظار سيارتين للهيئة سيارة تعالج الوجة الخير للهيئة

والسيارة الثانية تعالج الوجه السيئ للهيئة

خسارة

sendbad600 · 18-10-2006, 11:37

كل احترامي وتقديري للذين تجاوبوا مع الموضوع .. وكل الردود جميله ورائعة وعلى الرأس والعين ..

fuad66 · 18-10-2006, 16:45

يا أخ ليموني يعني احنا كفار مو رجال دين يعني المسلم والدين اللي يبربي دقن ويتوضف في الهيئة طيب ليه ما اعترضوا يوم يطلعون حلقات عن الشباب وهم يغازلون في الأسواق الشيء هاذا ما يسيء لشعب المملكة كافة .
خلهم شوي يطلعون بعض اخطاء الهيئة اللي راح ضحيتها كثير من الشباب
ورجال الدين اللي تقول عنهم ما يترك الصلاة عشان يقعد يدور في الأسواق وينهي عن النكر ولا يقعد يدور في الثمامة لآخر الليل واذا جت الساعة ثلاث راح نام وترك صلاة الجماعة .............

وعلى العموم كل شخص له وجهة نظر ووجهة نظري ما أشياء شفتها ولمستها ........

اسكنـــــدر · 19-10-2006, 00:18

الاخت / لميوني
مين الي حاربهم
يعني لما ينتقد تصرف شخص اقول تصرفه صار استهزاء بالدين .
وبعدين عندي سؤال من هم رجال الدين ، هل هم الملتحين المقصرين ثيابهم ، يعني غيرهم ما لهم علاقة بالدين .
والله ان المنطق هذا وتنزيه البشر وانهم كاملين بناء على اشكالهم فقط هو مصيبتنا .

شوق .. · 19-10-2006, 19:05

اولا رجال الهيئه لو تركوا اللناس لهواهم
كان ربي خسف فينا الارض ..
من كثر الفساد والمصايب ..
وثاني شي ..
لو سمعت عن المصايب اللي يكتشفونها كان جنيتوا منها ..
انا عمي بالهيئه من كثر مايشوف نفسيته تعبت ..
شي مايتصوره العقل ..

لو عرفت ان هذولا الناس يحمون بناتنا ويحمون شبابنا
كان احترمتهم وقدرتهم ..
لكن للاسف يطلعون لنا ناس سطحيين ويبدون يعلقون بتعليقات سخيفه ..
(( ليه مايصلي وقت الصلاه ؟؟
اساسا بعد ما ينتهي وقت الصلاه اللي هو من الاساس مفروض كل انسان يكون بالمسجد ..
يكون لهم جماعه يصلون معها ..

اسكنـــــدر · 19-10-2006, 22:35

الاخت شوق

يقول الرسول صلى الله عليه وسلم فيما معناه (من قال هلك الناس فهو اهلكهم)

sendbad600 · 21-10-2006, 11:05

كل الاحترام والتقدير على التفاعل الايجابي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

طاش .. والهيئة