عالم الحياة الزوجية - منتدى

smart · 29-10-2006, 15:44

يسعد لي مساكم ،،،

الحقيقة أنا من أعضاء هذا المنتدى وودي أن الناس تصير بإذن الله لهم مصادر رزق غير الوظائف علماً أني عاطل عن العمل و تعبان في دراسة الجامعة وحبيت اكتب لكم هذا الموضوع لتعم الفائدة للجميع ،،،

عندك راس مال أو حاب تشارك أحد في مشروع ؟؟

تبي تعرف كيف الطرق والإجراءات القانونية ؟؟

تبي تعرف كيف تسوي دراسة للمشروع ؟؟

تبي تعرف كيف تحل مسألة توفر العمالة ؟؟

تبي تعرف كيف تسوي عقود توظيف أو شراكة أو إتفاق ؟؟

تبي تعرف أساليب التسويق وارضاء الزبائن و بدون خسارة ؟؟

كل هذا بشرحه لكم إن شاء الله بس أنصحك أفصل خط التليفون واتصفح علشان ما تصرف على الإتظار

=========

أولا : التتوكل على الله قبل كل شيئ وطلب البركة ثم تحدد نوع نــشــاطك .

ثانياً :هل معك شركاء .وانصحك مايكون معك أحد لتلافي المشاكل المستقبلية أو

يحتاج أحد الطرفين مبلغ من نصيبه (( قدر الشراكة ما يفوح )).

ثالثاً : قيمة إيجــار المحل و مصاريف التشغيل لأن من الممكن أنك تشتغل وتتعب

ويروح تعبك كله للأيجار و التشغيل (( مهم جداً جداً كــمــبـتدأ)) وهي :

(( كـهـرب + رواتب + نثريات + تجديد إقامات + سكن العمال " بإمكانك إعطائهم راتب

مقطوع شامل كل شي "))

رابعاً : موقع المشروع ( على حسب نشاطك ) أياك و المواقع النائمة في أطراف

الأسواق أو الشوارع أو المجمعات الصغيرة مهما كان الإيجار رخيص " أسأل مجرب "

ولاتحط مشروعك في حي سكني او شارع عام ولا يوجد بجاورك أحد على سبيل

المثال : محل أثاث في شارع مطاعم أو شارع 36 في الأحياء السكنية لأن لوفتحت

بجوار ناس يزاولون نفس نشاطك أفضل لك على شان تصير النطقة اللي أنتم فيها

معروفة بهذا النشاط و يزيد الإقبال عليها .

خامساً : حاول أنك في مشروعك تستهدف النـســاء $$

************************

الأمور والإجراءات القانونية :

إذا كان محلك تبي تحطه بأسمك بدون أسم تجاري مثال :

علي بن أحمد بن منصور [COLOR="Red"]العمران للملابس النسائية [/

COLOR] ماعندك مشكلة سو اللي أقولك عليه :

1/تروح لبلدية الحي اللي فيها مشروعك ومعك ملف علاقي يحتوي على :

- صورة بطاقة أحوالك ( إذا أنت موظف حكومة بعدين أعلمك وش تسوي )

- صورة عقد الإيجار .

- برنت من الأحوال المدنية (( علشان يتأكدون موظف حكومة والا لا وهم بيعطونك خطاب

موجه للأحوال المدنية لا تروح بدونه ))

- تعبئة الإستمارات اللي يعطونك وهم هناك بعلمونك باقي الإجراءاة على حسب نشاطك

(( الله يعينك البلديات كلهم علل ومشاكل .. بس أزمة وتعدي ))

إذا كان محلك تبي تحطه بأسم تجاري مثال :

الأنيقة للأزياء

1 / تروح لوزارة التجارة ــ مكتب السجل التجاري (( اللي على الدائري الشرق مخرج 16

طريق عمر بن خطاب إتجاه الغرب بعد ثاني إشارة تسوي يوتيرن تجيك على اليمين

بعد 300 متر تقريباً .. أدخل في مواقفها المظللة ))

2 / تروح على طول لمكتب الإستعلامات وتاخذ خطاب منه للأحوال المدنية علشان البرنت

إذا ماكان عندك دفتر عائلة + أستمارات تسجيل مؤسسة فردية + إستمارة أسم

تجاري وانصحك (( لازم تختار أسم قبل ماتجي وممكن تحصله غير موجود حط في

راسك 20 أسم وعساك تلقاه بعد ))

بعد كذا تروح للأحوال المدنية اللي على شارع الوشم وتخلص أمورك بعدين ترجع لمكتب

السجل التجاري وتعطيهم الملف

3/ تجيب معك ملف علاقي فيه مايلي :

- صورة بطاقة أحوالك أو دفتر العائلة لتحديد نوع المهنة .

- جميع الإستمارات المطلوبة .

- عقد الإيجار (( يتسحسن ))

- رسوم السجل بدون الأسم التجاري بــ1333 ريال . لمدة ثلاث سنوات

وبالنسبة للأسم التجاري يزيدون عليك 900 ريال

بعد كذا تخلص كل الإجراءاة اللي يطلبونها منك الموظفين

ألف مبروك الآن عندك سجل تجاري

سواء كان بأسمك الرباعي أو أسم تجاري .

بالنسبة لباقي الأمور مثل : دراسة المشروع و عقود الشراكة والإتفاق والعمالة

بشرحها للي معزم على فتح مشروع لأن الوقت ضيق بالنسبة لي

لكن عندي نصايح على الطاير مهمة جداً :

1 / أسعى في طلب الرزق الـحلال أنصحك لا تفتح حلاق أو محل أغاني أو محل

عبايات (( مخصرة أو على الكتف أو ... أنت أفهم مني )) أو محل فيديو ... إلخ ، على العموم (( الحرام بين والحلال بين ))
.
2 / أسأل الله البركة في مشروعك دائماً في سجودك وخخص على الأقل 2% صدقة لوجه الله

3/ أحسب قمة التشغيل اليومية : (( الإيجار + الكهرب + العمال+ المصروفات النثرية ))

4 / أختر الموقع المناسب .

5/ الديكور .. لا تحاول أنك تحط ديكور مكلف جداً (( صدقني جب لك واحد عنده ذوق على طول راح يختصر لك المسألة بسرعة وبأقل تكلفة

6/ أنتبه من قيمة تقبيل المحل (( تراها طرق نصب

وأستغفال و إحتيال )) وهذه مهمة جداً

7 / أحرص ان قيمة الإيجار تكون جيدة و منسابة لسعر الموقع والمحلات المجاورة

8 / مهم جداً مهم جداً .. ( أحرص ان عند توقع عقد الإيجار

تكون مدته 8 سنوات قابلة للتجديد ويحق

لك الخروج من المحل دون أن تلتزم بـ باقي عدد السنوات تدري ليه ؟

علشان مايرفع عليك الإيجار

أو يطلعك من المحل وانت خسران ديكورات و مسوي قاعدة عملاء ممتازة .

9/ أحرص أنك تشتري بضاعتك بنظام الآجل أحسن لك علشان ما تخسر بعض راس مالك .

6/ إذا خسرت في المشروع لا تحسب نفسك فاشل أو منتب راعي تجاري بالعكس الفشل أساس النجاح .. (( شرف التجربة يكفيك)) .

على العموم هذي بعض المعلومات وإذا كان فيها بعض التقصير

فسامحوني عليها لأني كاتبها بسرعة والباقي بكمله بعدين

وإذا فيه أحد يبي أستشارت أنا أقدر عليها ما عندي أي مانع وتحت أمركم لأن هذا المنتدى يستهاهل كل خير ..

وأرجو منك أنكم تدعون لي بس ..هذا اللي أنا أبيه .. وجزاكم الله ألف خير

أخوكم علي ،،،

اخــر العنقــود · 29-10-2006, 23:52

ماقصرت اخوي علي على هالنصاااااااااااااااايح يعطيك الف عافيــــه

الواقعيه · 30-10-2006, 01:26

فعلا كلام في محله يعطيك العافيه وان شاء الله الكل يستفيد من هالمعلومات القيممه

najmat sama2 · 30-10-2006, 21:12

بسم الله الرحمن الرحيم

تسلم اخى العزيز

على النصايح القيمة هدى

وان شاءالله الجميع يستفيد منها

يعطيك الف عاافية

ADEL10 · 31-10-2006, 11:36

تسلم اخى العزيز

على النصايح القيمة هدى

وان شاءالله الجميع يستفيد منها

يعطيك الف عاافية

hoot&cool girel · 08-11-2006, 03:00

مشكورويعطيك الف عافيه

@..فراوله..@ · 15-11-2006, 00:08

ابدعت ياسمارت
ومو غريبه عليك كل مواضيعك ابدااااااااااااااع
تسلم ايدينك والله
انتظر جديدك

أخر قطرة عطر · 17-11-2006, 06:05

فراوله ياحلوه مشكوره على تعاونك

أخر قطرة عطر · 17-11-2006, 06:05

فراوله ياحلوه مشكوره على تعاونك

smart · 11-05-2007, 01:05

هونت ما أبي شئ

معتز التركى · 22-05-2007, 04:08

شكرا لك

الله يعطيك العافية

ولا يحرمنا منك

ام ارام · 30-05-2007, 04:25

يزاك الله خير

amrhamed213 · 30-05-2007, 18:49

جزاك الله الف خير و ربنا معاك

دلوعه حبيبـها · 01-06-2007, 16:42

مشكووووووور على النصائح الحلوه والمفيده

وجزاك الله كل خير ويوفقك وين ماتكون

يسلمووووووووووووووو

محمد السبئي · 02-06-2007, 17:37

مشكووووووووووووور يالغالي بس وش رأيك
تقوم بها المجهود لوحدك وتأخذ أجرك ،
تكفى ههههههههههههه وتدخل شريك بالنص
و بمجهوووودك يالغالي ههههههههههههه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

خطوات كيف تفتح مشروع + نصايح من مجرب