عالم الحياة الزوجية - منتدى

آهات صامتة · 07-11-2006, 06:30

هلا حبيبتي Sara777 أبد مافيها لا احباط ولا شيء بس على فكرة أانا في الأسبوع الـ14 وداخلة على الأسبوع الـ15 بعد كم يوم على كلام الدكتورة حتى أنا متعجبة لأن حسب دورتي أنا الأسبوع 13 بس الدكتورة تقولي الجنين عمره أكبر في الألتراساوند تبارك الرحمن وللعلم أنا الدورة مب منتظمة عنديصابتي بتكيس المبايض يمكن هذا السبب والله مدري .

وللعلم عن كثر التبول هذي علامة وايد حلوة تدل على ان الجنين تبارك الرحمن قاعد ينمو نمو طبيعي لذلك تحسين الرحم يضغط على المثانة .

وعن الوحام للعلم احنا عندنا في العايلة مايجيهم الوحام إلا في الشهور الأخيرة
بس الوالدة ربي يحفظها تقول مرة جاها الوحام في واحد من إخواني تسع أشهر كاملة
وكانت مول مب طايقة ريحة الوالد رغم ان المسكين يتنظف يتحمم ويتعطر ويجي عندها بس هذا الوحام وفعايله خخخخخخخخخخخ واذكر تقول انها نشفت من الوحام والترجيع يعني حال تاكل أو ماتاكل نفس الشيء.

وتخاف اني وحامي مثلها لأن شرات مايقولون البنت تروح على أمها في وحامها
ودكتورتي لمن سألتها قالت لي هالمعلومة صحيحة بس مب شرط كل وحدة تاخذ من أمها.

يالله ننتظر المزيد من المشاركات لنستفيد من تجارب الحوامل

آهات صامتة · 07-11-2006, 06:31

هلا حبيبتي SARA777 أبد مافيها لا احباط ولا شيء بس على فكرة أانا في الأسبوع الـ14 وداخلة على الأسبوع الـ15 بعد كم يوم على كلام الدكتورة حتى أنا متعجبة لأن حسب دورتي أنا الأسبوع 13 بس الدكتورة تقولي الجنين عمره أكبر في الألتراساوند تبارك الرحمن وللعلم أنا الدورة مب منتظمة عنديصابتي بتكيس المبايض يمكن هذا السبب والله مدري .
وللعلم عن كثر التبول هذي علامة وايد حلوة تدل على ان الجنين تبارك الرحمن قاعد ينمو نمو طبيعي لذلك تحسين الرحم يضغط على المثانة .
وعن الوحام للعلم احنا عندنا في العايلة مايجيهم الوحام إلا في الشهور الأخيرة
بس الوالدة ربي يحفظها تقول مرة جاها الوحام في واحد من إخواني تسع أشهر كاملة
وكانت مول مب طايقة ريحة الوالد رغم ان المسكين يتنظف يتحمم ويتعطر ويجي عندها بس هذا الوحام وفعايله خخخخخخخخخخخ واذكر تقول انها نشفت من الوحام والترجيع يعني حال تاكل أو ماتاكل نفس الشيء.
وتخاف اني وحامي مثلها لأن شرات مايقولون البنت تروح على أمها في وحامها
ودكتورتي لمن سألتها قالت لي هالمعلومة صحيحة بس مب شرط كل وحدة تاخذ من أمها.
يالله ننتظر المزيد من المشاركات لنستفيد من تجارب الحوامل

sara 777 · 07-11-2006, 14:47

ايه يالغالية اهات انا ما قلت هالشي الا لمن شفت شريط الحمل مالج عموما انشالله يكون الجنين كبير يارب ويمكن على قولتج هالشي لان دورتج مو منتظمة فما تدرين متى صار الحمل عموما الله يتمم لج على خير انشالله والظاهر انتي على امج
عاد انا كلش مو على الوالدة لأن امي ما تتوحم ابد يابتنا 5 وما توحمت لكن انا وحامي لحماليني اللي قبل كان مو حلو بالمرة لي الشهر الخامس وانا ترجيع ودوخة لا وكنت بالجامعة بعد تعالي شوفي جم مرة رجعت بالباركينج مال السيارات جدام الطلبة

بس معذورة امبين اني حامل
الله يتمم لنا على خير ان شالله كلنا حوامل الحياة الزوجية ويطعمنا اللي في بالنا ويطرح فيهم البركة يارب

آهات صامتة · 07-11-2006, 18:02

هلا اختي سارة ها الحين تغير الشريط مال الحمل ,وصرت بالرابع

بس مدري الشريط شكله مخرف لأني حسب الدورة 13 اسبوع و6 ايام متأخر 3 ايام اما بالألتراساوند 14 اسبوع وكم يوم.

[QUOTE=sara 777] اما بالنسبة للوحام فالله يعينج انا اول مرة تمر علي وحدة نفسج العادة انه الوحدة من تخلص ثلاث شهور يبدي يخف عندها الوحام بس الله يكون في عونج ويهون عليج

[QUOTE=sara 777] لكن انا وحامي لحماليني اللي قبل كان مو حلو بالمرة لي الشهر الخامس وانا ترجيع ودوخة لا وكنت بالجامعة بعد تعالي شوفي جم مرة رجعت بالباركينج مال السيارات جدام الطلبة

بس معذورة امبين اني حامل .

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!

sara 777 · 08-11-2006, 01:16

شنو اهات صرتي كونفيوزد من كلامي انا في حملي هذا مثل ما قلت مافي وحام بالمرة بس الدوخة لكن لمن حملت من قبل مرتين كان فيه وحام انتي الظاهر تخربطتي من كلامي
بس معذورة انا دوختج بالحجي . اهني كل بنات المنتدى والمنتديات الثانية يقولون انه الوحام يخف بعد ما تخلصين 3 شهور علشان جذي قلت لج انج اول وحدة تمر علي بهالحالة بس انا عن نفسي في حمالاتي السابقة كان فيه وحام لي حد نص الخامس وحمالي هذا اهوا المختلف اشوي
فهمتي علي الحين ولا بعدج كونفيوزد
بس يا معودة لا تعصبيين علي ترا مو زين للحامل

آهات صامتة · 08-11-2006, 06:18

هلا والله بأختي سارة شو أسوي ماعندي حد أطلع عصبيتي وياه لذلك قلت بطلع وشحناتي الزايدة فيج

لذلك تحملي أختج الصغير هذا أول حمل لها

حبوبه بخصوص الوحام انا فعلا كنت كونفيوزد لنج ما ذكرتيلي عن أي حمل تتكلمين الحمل الحالي أو حمل سابق بس الحين توضحت الفكرة.
على فكرة انا مشاركة في منتدى اسمه عالم حواء هالمنتدى جنان والبنات فيه قمة في الروعة والتعاون لحل مشاكل بعضهم البعض والدعاء لبعض يعني والله ونعم الأخوات لو تسجلين عندهم ماراح تندمين

يصير انج تتصفحين من غير تسجيل وانتي قرري إذا يستاهل إنج تسجلين .

إذا عجبج المنتدى يا هلا بج وإذا ما عجبج بعد ياهلا بج

للعلم انا لقيت في منتدى عالم حواء بنات في الشهر الرابع عندهم نفس مشكلتي وتبارك الرحمن كلنا دخلنا في الرابع في نفس الأسبوع وعندنا نفس الأعراض عاد كل وحدة تونس الثانية وتصبرها

لين نخلص ونعدي شهورنا على خير ونولد بالسلامة

sara 777 · 10-11-2006, 00:12

هلا اهات خلاص ان شالله انا بسجل هناك
انتي متى عطوج موعد ولادة ؟ شكلنا مع بعض واذا ممكن جم عمرج ؟ انا عمري 23 يعني هم صغيرة مو كبيرة وايد
اتصدقين عاد من يوم كتبتي عن الالام اللي فيج ببطنج ومن تحت ثاني يوم صار فيني وحسيت اني كلش مو مرتاحة وبغيت اروح الطبيب انا اول مرة ييني جذي قبل ما صار لي هالشي الظاهر الشكوى عدوى

انتي مشركة بعد بطبيبي صح ؟ صدتج هناك

sara 777 · 11-11-2006, 01:34

وينج يا اهات صايرة ما تدخلين

sara 777 · 11-11-2006, 01:36

وياريت الدكتورة سوسنة تسوي تثبيت لدردشتنا احنا حوامل الثلث الثاني علشان نستفيد من بعضنا ونلاقي الصفحة مو تضيع منا ونقعد ندورها

آهات صامتة · 11-11-2006, 02:32

هلا سارونه حبيبتي السموحة كنت مشغولة شوي هاليومين .
انزين قولي لي كيف عرفتي اني مسجلة بمنتدى طبيبي لأن زوجي هو اللي مسجلني حتى مذكر بأي اسم مسجلني ؟؟؟؟

المهم انا انتظرج في عالم حواء بس قبل خبريني بأي اسم بتسجلين؟
علشان اعرفج انا زوجي مسجلني بإسم ثاني مب آهات .

على فكرة عن الآلام ونغزات اسفل الرحم هذي عادية حبوبه لاتحاتين لأنها تصير من تدفق الدم للرحم انا سألت دكتورتي فطمنتني.

آهات صامتة · 11-11-2006, 02:33

سارونه انتي بأي شهر حامل لأني انا باجر بكون مكملة الـ14 اسبوع بس الالتراساوند يعني اكثر بأربعة ايام بس ماتفرق عادي .

آهات صامتة · 11-11-2006, 11:08

صباح الورد يا سارا وينج أشوف صابتج عدوى ماقمتي تدشين ؟

sara 777 · 11-11-2006, 15:19

اهلين اهات مو انا اللي صارت فيني عدوى انتي اللي ثلاث مشاركاتج بيوم واحد وهذا انا دخلت الحين

(انزين قولي لي كيف عرفتي اني مسجلة بمنتدى طبيبي لأن زوجي هو اللي مسجلني حتى مذكر بأي اسم مسجلني ؟؟؟؟)
انتي كتبتي هني وهناك عن موضوع الالام بالرابع وتقريبا كان بنفس الصيغة من جذي عرفتج اما بمنتدى عالم حواء فبدخل بنفس النك مالي هذا
اما عن وقت ولادتي فهو يوم 29 \ 4 \ 2007 او يمكن قبله خاصة انا ولدت بنتي الاولى قبل موعدي ب 10 ايام عموما انا بكمل 16 اسبوع تقريبا
وبعدين ما قلتيلي جم عمرج ليش متهربة من السؤال عبالج نسيت , يلا عاد مو بس انا اقول عمري ( براحتج اذا بتقولين ولا لأ انا اضحك معاج )

آهات صامتة · 11-11-2006, 20:03

لا حبوبه انا ماأتهرب بس ها إذا قلت لج لازم تحترميني لني اكبر منج بوااااااااااااااااااااااااايد خخخخخخخخخخخخخخخ .

انا عمري 25 حبوبه.
ومتزوجة من اربع سنوات بس ماحصل لي الحمل إلا بعد زواجي سنتين ونص .
حملت اربع مرات واجهضت وهذا حملي الخامس اتمنى من ربي يتمم لي حملي وحملج هذا على خير إن شاء الله وبسهل علينا ولادتنا .
انا موظفة حكومية وماداومت من 3 اشهر والأسباب الحاجة للراحة "اجازة مرضية قابلة للتمديد" نظراً لحالات الاجهاض السابقة ومراعاة دكتورتي لحالتي .
الحين انتي عرفتي كل شيء عني يالله شرفيني بالتعرف عليج ياسارونه.

على فكرة متى ناوية تسجلين خبريني علشان افاجئج هناك.

للعلم انا حابة هالمنتدى بس المشكلة انه الوان الشاشة متعبتني كثييييير هذا من غير ضعف النظر اللي اعانيه.
وطلبت من إدارة المنتدى تغييرها بس للأسف مافي اي تجاوب.

sara 777 · 13-11-2006, 23:41

هلا وغلا باهات
اولا مبروك على تثبيت موضوعنا من دكتورتنا الحلوة سوسنة وان شاء الله الكل يستفيد
ثانيا انا يا اهات كلما بسجل يصير شي ويمنعني بس ان شاء الله اسجل قريب ثالثا يا يدتي p: انا مثلج بس كنت مدرسة واستقلت
ياختج ما احب التدريس <-----------( حاصلها ريل وقالت عور ) وبعدين بيني وبينج ابي اريح بهالحمال
اليوم كان عندي موعد والدكتورة قالتلي المشيمة عندي نازلة واسألتني اذا ينزل علي دم قلت لها لأ قالت عيل احتمال ينزل بس قالت لا تخافين. عاد انا بصراحة عندي سوابق بهالأمور لكن مو بالرابع يصير معاي عادة بالسابع بس الحمدلله على كل حال وقالت لي بعد انه ماي الطفل اشوية لازم اشرب سوائل وايد منشفة البنت هههه يلا انشوفج على خير هذي اخر اخباري وناطرة اسمع منج وتطمنيني عليج
وباقي الحوامل ليشش ما تشاركوون بالله هذي الصفحة وثبتناها لكم
نتمنى من كل حبيباتنا الحوامل يشاركون ودمتم سالمات

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

حوامل الشهور الثلاث الثانية ....... تفضلن ( أرجو من الدكتورة التثبيت )