عالم الحياة الزوجية - منتدى

آهات صامتة · 14-11-2006, 08:55

صباح الورد يا ورد

شحالج السموحة تأخرت عليج انا من يومين مب قادرة ادش المنتدي مدري ليش يعنطيني Error
اليوم قدرت ادش .
الهم عن المشيمة انا بعد الاسبوع الماضي قالت لي انها نازلة بس قالت لي باين إنها على وشك انها ترتفع والحمدلله السوائل تمام حول الجنين ولله الحمد حبوبه كثري من الماي تخيلي اختج تعاني من مشاكل بالكلى وحرقان بالبول عزج الله والسبب قلة شرب الماء بس عالحمل خفت من حرقان البول لذلك قاعدة اجنب نفسي من مشكلة الحرقان لأنه والله متعب لذلك مكثرة من شرب الماي حتى لو ماآكل .
يالله ان شاء الله كلام الدكتورة يطلع غلط وترتفع عندج المشيمة ما تشوفين أي شر حبوبه.
سارا انتي من وين لأن لهجتج خليجية؟
بغيت اعرف انتي الحين بالضبط بأي اسبوع ؟

على فكرة انتي ماتلاحظين الموضوع محد يدخله إلا انا وانتي ؟

والا مب عاجبتهم مواضيعنا؟

سارا طمنيني عليج حبوبه اترياج .

علشان اريحج انا اسمي في المنتدى totah_frotah متى ماتسجلين وتدشين قسم الحوامل خبريني وياهلا بج حبوبه.

cendrella · 14-11-2006, 11:18

بنات كيف حالكم

اهات لا تخافي حبيبتي ان شاء الله خير لكن اشربي الماء لانه مهم جدا اثناء الحمل.....

سارة ا ن شاء الله تكوني على احسن حال ....

عن نفسي انا الآن ب٢٨ اسبوع الحمدلله ربنا يتمم علينا بخير جميعا اللهم آمين ...

sara 777 · 14-11-2006, 23:25

هلا والله اهات , ياغالية انا من الكويت وانتي ؟ انا الحين بالاسبوع ال 16 و 3 ايام يعني ماشية بال 17
انا سجلت هناك بس ناطرة موافقتهم

هلا والله سندريلا اخيرا دخل احد يديد مشكورة يا عمري عالسؤال انتي شلونج مع الحمال ان شالله كل شي تمام
ناطرينكم يا باجي الحوامل

ام سلومي · 15-11-2006, 03:11

مساااااااااء الخير ياحلوين

انا الحين بالشهر الخامس .. آخر اسبوع من الخامس

يعني قربت عالسادس

سارا

لو سمحتي

بما انك بالكويت

في اي مستشفى بتولدين

ابي مستشفى دكاترتهم زينه .. لان دايم يذمون بأطباء الكويت

آهات صامتة · 15-11-2006, 07:21

صباح الورد يا بنات هلا والله نورتوا الشاشه اخيرا حد شارك ويانا والا كنا انا سارا ملانين من مجابل ويه بعض خخخخخخخخخخخخ لا والله فديت سارا حبيبتي محد يمل منها.
ساندريلا مشكورة حبيبتي الحمدلله كل شيء تمام والله يتمم علينا حمالنا على خير انا هذا اول حمل لي من بعد اربع اجهاضات ربي يثبته لي على خير ويحفظه لي.
سارا شحالج طمنيني عليج حبوبه.
انا من الإمارات من دبي .
وعن الحمل بيني وبينج اسبوعين انتي سابقتني بأسبوعين يالله إن شاء الله تدعين لي وقت ولادتج.

وانتوا بعد يابنات لاتنسوني من دعائكم ترا ازعل خخخخخخخ

ملاحظة : بنات ليش ما تحطون التوقيع لشربط الحمل لأنه الوحدة ماراح تحتاج انها تسأل عن مدة حملك الشريط راح يوضح .

ام سلومي · 16-11-2006, 00:43

اهات صامته

الله يتمم عليك حبيبتي

ويثبت حملك ان شاء الله .. وتفرحين بشوفته يارب

ولاتزعلين راح اسوي شريط الحمل (=

آهات صامتة · 16-11-2006, 11:08

صباح الورد يابنات شحالكم إن شاء الله تمام ؟

نشكورة اختي أم سلومي بس انتي كم لج من الحمل ؟

انا اليوم كنت تعبانه جاسني ألم في بطني ومب قادرة لا أوقف ولا أمشي من الألم فقالي زوجي انه بياخذني العيادة والحمدلله كل شيء تمام بس سوت لي تحاليل لأن طلع عندي حرقان بالبول وأنا من كم يوم كنت مستانسة اني ماأعاني من حرقان البول والحين صار عندي جني إلا حسدت نفسي وللعلم هذي ثاني مرة .
أذكر مرة قلت لوحدة الحمدلله اني ماأعاني من لوعة ولا وحام وما أشوف الا اليوم الثاني مب قادرة احط شيء بحلقي إلا ارجعه خخخخخخخخخخخخخ ما يحسد المال إلا اصحابه.

سارا شحالج حبوبه انا سألت لج الدكتورة عن وقت ارتفاع المشيمة فقالت لي انها ماترتفع إلا في الأسبوع العشرين يعني انتي بدري توي الناس عليها.

وقلت لها ان دكتورتج قالت ان ممكن يصيبج نزيف علشان المشيمة نازلة عندج قالت لي المفترض الدكتورة ماتقول هالكلام لأنها ماتعمل بالغيب ودام حالة البيبي تمام كيف تقرر ان راح يجيج نزيف تصدقين انها عصبت من خاطرها على كلام دكتورتج وقالت لي مب شرط إذا صابج نزيف في حمل سابق ممكن يصيبج بهالحمل لأن كل حمل يختلف عن الثاني لذلك اتمنى اني وصلت لج المعلومة الصحيحة.

بنات يالله قولولنا عن جديدكم عن اخبار البيبيات مالكم يالله ام سلومي وساندريلا اتحفونا بجديدكم ننظر ...

آهات صامتة · 16-11-2006, 11:09

صباح الورد يابنات شحالكم إن شاء الله تمام ؟
نشكورة اختي أم سلومي بس انتي كم لج من الحمل ؟
انا اليوم كنت تعبانه جاسني ألم في بطني ومب قادرة لا أوقف ولا أمشي من الألم فقالي زوجي انه بياخذني العيادة والحمدلله كل شيء تمام بس سوت لي تحاليل لأن طلع عندي حرقان بالبول وأنا من كم يوم كنت مستانسة اني ماأعاني من حرقان البول والحين صار عندي جني إلا حسدت نفسي وللعلم هذي ثاني مرة .
أذكر مرة قلت لوحدة الحمدلله اني ماأعاني من لوعة ولا وحام وما أشوف الا اليوم الثاني مب قادرة احط شيء بحلقي إلا ارجعه خخخخخخخخخخخخخ ما يحسد المال إلا اصحابه.
سارا شحالج حبوبه انا سألت لج الدكتورة عن وقت ارتفاع المشيمة فقالت لي انها ماترتفع إلا في الأسبوع العشرين يعني انتي بدري توي الناس عليها.
وقلت لها ان دكتورتج قالت ان ممكن يصيبج نزيف علشان المشيمة نازلة عندج قالت لي المفترض الدكتورة ماتقول هالكلام لأنها ماتعمل بالغيب ودام حالة البيبي تمام كيف تقرر ان راح يجيج نزيف تصدقين انها عصبت من خاطرها على كلام دكتورتج وقالت لي مب شرط إذا صابج نزيف في حمل سابق ممكن يصيبج بهالحمل لأن كل حمل يختلف عن الثاني لذلك اتمنى اني وصلت لج المعلومة الصحيحة.
بنات يالله قولولنا عن جديدكم عن اخبار البيبيات مالكم يالله ام سلومي وساندريلا اتحفونا بجديدكم ننتظر ...

ام سلومي · 16-11-2006, 12:17

صباحكم عسل ياحلوين

هههههاااااااااااي .. آهات صامته تصدقين عاد

انا دايم تصير معاي هالمواقف

اقول انا ماصار لي هالشي

بعدها بفتره بسيطه يصير لي .. سبحاان الله

الموءمنه · 16-11-2006, 12:25

هله خواتي الحوامل
انا حامل بالشهر الخامس وهسه يالله شفت الراحه من الوحام بس الان عندي وجع في بطني مثل وخز الابر ما ادري ليش وان شاء الله يتمم لكم جميعا الحمل على خير ويرزق الى ما عنده اطفال ان هذا اول طفل لي وموعدالولاده ان شاء الله 21\4\2007

REEM_123 · 16-11-2006, 12:55

سلامات والله عجبني الموضوع المطروح جدا ومريت علي كل الحالات والحمدلله اطمأنيت كنت خايفة لاني في شهور الحمل الاولي كنت قرفانة من كل شي حتي الماء واخذت خمس ابر ودرب(تغزية) من كثر الاستفراق ولا استطيع عمل اي شيء حتي المشي بس زوجي يعطيه العافية مو مقصر معاي وبخفف علي كتير بمساعدته لي0 بس يارب تمر الايام بسرعة ونشوف عيالنا ونفرح بهم ويسهل لنا امورونا خاصةةةةةةةة الولادة 0

sara 777 · 17-11-2006, 02:27

هلا والله فيج يا اهات عمري ما قصرتي على السؤال بس احنا دكاترتنا خاصة في مستشفى نفط الكويت يحبون يهولون ويكبرون الامور بس عادي انا متعودة عليهم اشوي وارد لج خل ارد على ضيوفنا اليدد

هلا ام سلومي شوفي حبيبتي انا اولد بمستشفى دار الشفا بس دكتورتي من برة المستشفى من عيادة خاصة هم موجودة بحولي اسمها امل عبدالعزيز بيني وبينج انا استحرم اروح لدكتور ريال وهذي الدكتورة عجيبة اتينن وحبوبة حيييل حييل وطيبة وتهون عليج الولادة وايد بس تقعد تمسح على راسج وتبوسج ان شاء الله اذا الله سهل هم بولد عندها وحياج الله معانا وتشرفينا بأسئلتج ويلا ان شالله نفيد بعضنا
المؤمنة الله يسهل عليج حبيبتي ويرزقج وايانا الذرية الصالحة يارب ويهون عليج
ريم حياج الله بس ما فهمت العبارة ( ونشوف عيالنا ونفرح بهم ويسهل لنا امورونا خاصةةةةةةةة الولادة 0 )
انتي الله يسلمج حامل بتوائم تبارك الرحمن ولا شنو ؟ جانزين توضحين لنا اكثر انتي في اي شهر وشنو اللي تحسين فيه ( تدرين تبادل خبرات )
رجعت لج يا رفيقة دربي اهات والله وتشرفت بمعرفتج يالاماراتية انشالله ولادتنا مع بعض مو شرط فر ق اسبوعين شوية عادي
عاد خل اشكيلج همي اشوي .... تصدقين رحت مراجعة ثانية للطبيبة عقب الاولى بيومين قالت لي ان في دم بالبول واحتمال هذي علامات حصوة بالمثانة او بالكلى وتقول يمكن هذي اهي سبب اللآم اللي تييني خاة اثناء التبول وانتي مكرمة يزيد هالالم وايد واثناء التبول وبعده يستمر لفترة بعدين يبدي يخف ويكون بالمثانة عاد اهي طلبت مني فحوصات ثانية قالت اسويها علشان نتأكد
يالله الحمدلله على كل حال

sara 777 · 17-11-2006, 02:39

هلا والله فيج يا اهات عمري ما قصرتي على السؤال بس احنا دكاترتنا خاصة في مستشفى نفط الكويت يحبون يهولون ويكبرون الامور بس عادي انا متعودة عليهم اشوي وارد لج خل ارد على ضيوفنا اليدد

هلا ام سلومي شوفي حبيبتي انا اولد بمستشفى دار الشفا بس دكتورتي من برة المستشفى من عيادة خاصة هم موجودة بحولي اسمها امل عبدالعزيز بيني وبينج انا استحرم اروح لدكتور ريال وهذي الدكتورة عجيبة اتينن وحبوبة حيييل حييل وطيبة وتهون عليج الولادة وايد بس تقعد تمسح على راسج وتبوسج ان شاء الله اذا الله سهل هم بولد عندها وحياج الله معانا وتشرفينا بأسئلتج ويلا ان شالله نفيد بعضنا
المؤمنة الله يسهل عليج حبيبتي ويرزقج وايانا الذرية الصالحة يارب ويهون عليج
ريم حياج الله بس ما فهمت العبارة ( ونشوف عيالنا ونفرح بهم ويسهل لنا امورونا خاصةةةةةةةة الولادة 0 )
انتي الله يسلمج حامل بتوائم تبارك الرحمن ولا شنو ؟ جانزين توضحين لنا اكثر انتي في اي شهر وشنو اللي تحسين فيه ( تدرين تبادل خبرات )
رجعت لج يا رفيقة دربي اهات والله وتشرفت بمعرفتج يالاماراتية انشالله ولادتنا مع بعض مو شرط فر ق اسبوعين شوية عادي
عاد خل اشكيلج همي اشوي .... تصدقين رحت مراجعة ثانية للطبيبة عقب الاولى بيومين قالت لي ان في دم بالبول واحتمال هذي علامات حصوة بالمثانة او بالكلى وتقول يمكن هذي اهي سبب اللآم اللي تييني خاة اثناء التبول وانتي مكرمة يزيد هالالم وايد واثناء التبول وبعده يستمر لفترة بعدين يبدي يخف ويكون بالمثانة عاد اهي طلبت مني فحوصات ثانية قالت اسويها علشان نتأكد
يالله الحمدلله على كل حال

ام سلومي · 17-11-2006, 11:21

اهلين ياحلوين

والله احس اني بديت اثقل مع اني ضعيفه مو متينه

اقووول بالخامس كذا اجل اذا وصلت الثامن والتاسع وش اسوي !!

الله يعين يااارب

انا مدحوا لي دكتوره بدار الشفاء اسمها معصومه .. بس للحين مارحت لها

لاني لسا مارسيت

بعض الاحيان اتابع بالسعوديه واحيان بالكويت

ان شاء الله بروح لها وبشوووف اذا ترضى تولدني قيصريه

ام شهد ويوسف · 17-11-2006, 18:01

هلا وغلا فيكم اخواتى انا ضيفة جديدة عليكم لكن مش جديدة فى المنتدى يارب يارب احد فيكم يريحنى انا لسة يدوب بقالى 40 يوم حمل بس اية جدا ومش مطمنة خاية اكون غلطانة لانى متجوزة من 6 شهور واول مرة يعدى 10 ايام على ميعادها وما تيجى وانا مش حاسة باى اعرفاض ولالا اى شىء بس عملت تحليل منزلى وطلع لية خين فى الشريط هل يكون فية حمل ولا لا اخواتى واحبائى خدونى فى احضانكم الدافئة وحد يريحنى اللة يخليكم انا غريبة عن اهلى اسكن بعيد عن اهلى وكتر خيركم

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 2 ( الأعضاء 0 والزوار 2)

عالم الحياة الزوجية - منتدى

حوامل الشهور الثلاث الثانية ....... تفضلن ( أرجو من الدكتورة التثبيت )