عالم الحياة الزوجية - منتدى

اوراق الياسمين · 21-11-2006, 12:20

اشكركم خواتي على ترحيبكم فيني
انا بالنسبه لي هذا اول حمل
عندي كم سؤال بزعجكم فيهم
انا كان عندي جرثومة الحمل وتعالجت والحمدلله راحت
هل اذا رجعت اكلت شي يسبب الجرثومه ممكن ترجع مره ثانيه؟؟؟
اختي ام سلومي كيف يعني اذا تعدت الشهر الخامس تسوي تحليل يعني بالشهر السادس ؟؟؟؟؟ ولا بالخامس؟؟
انا بالنسبه لي اخذت حمض الفوليك بانتظام والفيتامين اخذته اسبوعين وبعدين قالتلي اوقف واخذه يوم ورا يوم
بس انا نست يمكن لي 3 اسابيع ما اخذ شي لا حديد ولا كالسيوم ولا فيتامين ( انسى ) هل ممكن الحين يكون الجنين اتضرر ولا اقدر اعوض؟؟؟
ادري بتقولون مهمله بس اتمنى تجاوبوني

ام سلومي · 21-11-2006, 15:27

هلا اوراق الياسمين

شوفي حبيبتي

اللي انا قصدته ان الوحده بعد ماتخلص الثلاث اشهر الاولى

البيبي يبدأ يكبر .. واحتياجاته وغذائه يزيد

وخاصة الكالسيوم يحتاجه بكميات كبيره

اتوقع انه في الرابع مايبان كثير

لكن في الخامس والسادس لين التاسع تزيد حاجة الجنين

فإذا مالقاها بكميات كافيه يسحبها من جسم الام

يعني هو اللي يبيه ياخذه ياخذه

وانتي هالله هالله بلغذاء عشان تعوضين

عشان كذا من الرابع لازم تاخذين حبوب الكالسيوم والحديد

ان شاء الله يكون وضح لك قصدي

ام جاسم2006 · 21-11-2006, 16:04

سلام خواتي شخباركم عساكم بخير اني بالاسبوع الاول من الشهر الخامس بس الوحام واللوعة للحين معاي وحابه اشارك معاكم

اوراق الياسمين · 21-11-2006, 16:30

شكرا اختي ام سلومي على التوضيح
انتظر الاجابه على باقي اسئلتي من الاخوات

الزنبقه · 21-11-2006, 17:06

السلام
اختي اوراق الياسمين ما اعتقد الجنين يتضرر ..
لان اختي ما شربت ولا حبه طول ما هي حامل لكن ما شاء الله
جابت بنت حلوه وكبيره ,, والحين قلت بسوي مثلها يوم اخذ حبه وعشره لا
لان الجنين ياخذ من الام سواء اخذت فيتامينات او لا..
بس من الحين لازم تواظبين عليه والله يتمم عليش وعلينا بخير يا رب

خيوو ام جاسم يا هلا ويا مرحبا حياش الله معانا

sara 777 · 22-11-2006, 15:57

هلا وعلا فيكم جميعا
عزيزتي اوراق الياسمين ما عندي فكرة عن الجرثومة اللي تكلمتي عنها لكن عن الفيتامينات لازم تاخذينها ضروري انا بكل عيالي اخها لي نهاية الحمل اذا مو يوميا ونسيت حبة اخذها اليوم اللي وراه وهكذا هذي الفيتامينات تفيدج وتفيد البيبي طبعا في حالات الحريم يكون البيبي عندهم يكبر وايد ومن غير لا تاخذ هذي الحبوب هذي النوعية من الحريم ما ينصحونهم ياخذون هالحبوب علشان لا يأذيهم البيبي بالولادة وتصير مضاعفات ما يعلم فيها الا رب العالمين مثل نقص الكسجين اثناء الطلق وضعف دقات القلب وما الى ذلك بس لمن يقطعون هالحبوب سبحان الله تلاقين الام تتعب وايد وتييها الام وصداع بالراس وضعف المظر وصفرة الوجه تزيد عاد الله يعينهم
اما في حالتج وهذا اول حمل لج على الاقل لازم تهتمين شوي
اما بالنسبة للفوليك اسيد فتراه ضروري جدا جدا جدا لتكون الجهاز العصبي للطفل في ناس اذا خططت للحمل تاخذه قبل الحمل حتى ب 3 شهور وبعد الحمل حتى نهاية الشهر الثالث لازم تحرصين عليه والله يهداج اذا كنتي قاطعته قبل الشهر الثالث يا عزيزتي كوني احرص من جذيه على الطفل وعلى نفسج عموما انا مابي اخرعج وايد وانتي توج اول حمل لج بس لازم تديرين بالج
اختي ام جاسم هلا فيج معانا وحياج الله

اوراق الياسمين · 23-11-2006, 10:14

شكرا اختي ام سلومي يعطيك العافيه
اختي ساره مشكوووووووووره على ردك انا اخذت الفوليك بانتظام 3 شهور بس الكلام عالفيتامينات والحديد والكالسيوم
مشكوه ويعطيك العافيه

sara 777 · 25-11-2006, 17:40

اهات صامتة وينج شهالغيبة صار لج فترة مو شايفينج ان شالله المانع خير
اختي اوراق الياسمين العفو

الزنبقه · 26-11-2006, 09:41

سلام حوامل

شخباركم انشاء الله بخير
اي والله من زمان ما طلت علينا الاخت اهات صامته
عسى المانع خير انشاء الله

الزنبقه · 26-11-2006, 09:42

سلام حوامل

شخباركم انشاء الله بخير
اي والله من زمان ما طلت علينا الاخت اهات صامته
عسى المانع خير انشاء الله

آهات صامتة · 26-11-2006, 18:18

مساء الخير ياأحلى حوامل
سارا 777
أم سلومي
المؤمنه
ريم
ام شهد ويوسف
اوراق الياسمين
الزنبقه
dr-loli
اتمنى كلكم بأحسن صحه وحال
شو الحمل وياكم إن شاء الله كل شيء تمام ؟

هلا سارا 777 شحالج حبيبتي ان شاء الله مرتاحة ؟

مشكورة على سؤالج علية

السموحه لأني انقطعت عنكم اسبوع لأن كان عندنا عرس اخت زوجي وكنت مربوشه
ياحلوات من فيكم تقدر تفيدني انا من كم يوم اتصلوبي المستشفى وقالوا لو ان السكر مرتغع عندي شوي يعني وصل 150 مدري شو السبب رغم ان اكلي وايد بسيط وما آكل أي حلو بالمرة انا وحامي على المالح ولاحظت دكتورتي كانت متضايحة لأنها المسكينة هي نغسها كانت تعالحني طوال ثلاث سنوات ولمن حملت وايد فرحت لحملي والحين هي طلبت مني اعمل تحاليل بول ودم أكثر من مرة واليوم رحت وعملت بس ممكن اعرف شو التفاصيل وشو الاضرار لو لا قدر الله زاد السكر عندي؟

sara 777 · 27-11-2006, 00:08

اعات صامتة هلا بج بس للأسف يايبة اخبار مو شي بس ان شالله ماكو الا االعافية انا نا اعرف الا ان السكر ممكن يخلي حجم البيبي يزيد بسرعة وفي اغلب الحوامل ينزل السكر مع نزلة الياهل يعني حزة الولادة بس فيه قلة من عقب ما يرتفع بالحمل وما ينزل بالولادة يستمر معاهم لا سمح الله ويصير مزمن هذا كل اللي اعرفه لكن ببحث لج اكثر عن الموضوع وان شالله الف عافية عليج وما تشوفين شر يالغالية

sara 777 · 27-11-2006, 00:09

اعات صامتة هلا بج بس للأسف يايبة اخبار مو شي بس ان شالله ماكو الا االعافية انا نا اعرف الا ان السكر ممكن يخلي حجم البيبي يزيد بسرعة وفي اغلب الحوامل ينزل السكر مع نزلة الياهل يعني حزة الولادة بس فيه قلة من عقب ما يرتفع بالحمل وما ينزل بالولادة يستمر معاهم لا سمح الله ويصير مزمن هذا كل اللي اعرفه لكن ببحث لج اكثر عن الموضوع وان شالله الف عافية عليج وما تشوفين شر يالغالية

كنعانة · 27-11-2006, 16:36

أهلين أخواتي الحوامل

أنا حامل وعاطيني موعد الولادة 25/4/2007

الله يحيينا إلى ذاك اليوم إن شاء الله على خير

الزنبقه · 28-11-2006, 12:00

السلام

يا هلا ويا مرحبا بيش خيوو كنعانه

الله يعطينا وياش الصحه والعافيه ونتمم شهورنا على خير ونولد بصحه وسلامه

واللي نجيبهم يكونوا بصحه وسلامه ونفرح بشوفتهم يا الله .

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

حوامل الشهور الثلاث الثانية ....... تفضلن ( أرجو من الدكتورة التثبيت )