عالم الحياة الزوجية - منتدى

*jojo* · 29-10-2006, 18:51

بسم الله الرحمن الرحيم
عندي مشكله بذكرها بأختصار
انا متزوجه تقريبا لي سنه ونص
اخت زوجي من يوم ما تزوجنا وهي احس حاقده او فيها غيره ما ادري ليش
يعني انا انادي ام زوجي بأمي وهي تغار تقول ليش تقول امي !!!!!
وغير هذا اشياء كثيره تغار منها مع اني احبها واعاملها كويس
والمشكله انها مو صغيره عشان اعذرها يعني باقي لها سنتين وتتخرج من الجامعه
المشكله : اني كنت في بيت اهلي وزوجي في بيت اهله اتصل علي وكلمني وهي موجوده عنده
فقال يمزح معاي بسافر قلت انا لالا تروح وتخيلني واضحك فجأه سمعت صوتها تقول سافر سافر ما عليك منها انا سامحه لك
هو قال اختي سامحه لي قلت نعم ؟ وش تصير هي عشان تسمح لك المهم هو كان يضحك وضحكت انا وسكت
وبعدين قامت قالت بزوجك يا اخوي بزوجك يااخوي
انا يوم سمعت هالكلمه عصــــــــــبت مررره وزعلت طبعا وقلت لزوجي باي خلاص بعدين اكلمك قال اوكي وباي
انقهرت وجلست ابكي ليش هي تبي تقهرني وتحاول بأي طريقه تخرب علاقتنا انا وزوجي
المهم من القهر ارسلت مسج لزوجي وكتبت فيه= لا تخليها تخرب علاقتنا وتتدخل بيننا هي اصلا من يوم ما تزوجنا وهي منقهره وغايره مدري من ايش
المهم هي شافت المسج وزعلت وعلمت ام زوجي وزعلت كمان قالت ليش تقول غايره ومنقهره
انا الحين ابي احل المشكله كلهم زعلانين الا زوجي طبعا واقف معاي وقال انها هي اللي بدأت وانتي المفروض ما ارسلتي المسج بس انا كنت معصبه ومنقهره
لأنها ضايقتني
فياليت تساعدوني وتقولو لي مين الغلطان؟؟؟
وكيف احل المشكله؟؟

وكيف اتعامل مع اخت زوجي في المستقبل وكيف احل مشكله غيرتها

لأنها كل شوي طالعه لي بمشكله

يا بعدهم كلهم · 29-10-2006, 18:59

والله الغلطان اكيد اخت زوجك و انا اقول لو انك تسفهيها و ما تعطيها وجه و بهذي الحالة بيرتفع ضغطها و تنساكي و تروحي عند ام زوجك و تفهميها السالفة من الاول للاخر و كيذا يكون ازين حل و دام زوجك واقف معاكي خلاص ليه تهتمي بالسالفة من اصلها

*jojo* · 29-10-2006, 19:03

شكرا لردك

بس انا ما همتني هي

انا خايفه ان ام زوجي تزعل وتكرهني لأن اخت زوجي تأثر عليها دائما بكلامها

وام زوجي تتأثر بالكلام كثير

وانا شفت ام زوجي بعد هذه السالفه ولا قلت اي شي خليت الأمور عادي

بس اخاف انها شايله بقلبها ولا عندي الجرأه افتح السالفه واقولها شي

تتوقعي اني اسكت واسفههم وخلالاص؟

طيب وشلون احل مشكله غيرتها لأنها كل شوي طالعه لي بمشكله ؟؟؟؟؟

أتعبتني · 29-10-2006, 19:20

أختي العزيزة

أنتي في بداية الطريق ولك من المشاكل ما الله به عليم والغيرة شىء موجود بالفطرة في الانسان، وعلى هذا الاساس لا بد أن أن يكون لزوجك موقف بحيث يبين لاخته بلطف وهدوء أنك من عائلة غير وكل أنسان له طبعه الخاص فمن الصعب أن تتأقلمين مع زوجتي خلال سنه أو سنتين، وأنتي بدورك تذهبي لها وتلطفي الجو بكلمه حلوه وأنك كنت متضايقه من شىء ما، واذا أردتي أن تكسبي ود أخت زوجك فعليك بهدية تكون قيمة نوعا ما عند تخرجها من الجامعه فبهذه الهدية سوف تحصلين على كل ودها وأحترامها،

وفقك الله وسدد على طريق الخير خطاك،

خايف عليها · 29-10-2006, 19:22

هذا شي حاصل في كل بيت

وشي معرووووووووووووووووووووووووووووووووووووووف

يعني حتى حنا بالبيت عندنا مثل ماتقولين

مافيه بيت يخلا من الغيره بين زوجة الاخ واخته

فا افضل شي انك تطنشين

وان زوووجك مايعطي مجال لها او لك

ويطنشكم كلكم ويريح باله خخخخخخخخخخخخخخخخخخ

انتي قومي بواجباتك وام زوجك راح تحبك

وانتي صيري ذكيه وكسبيها الصفك

زبالتوفيق يارب

ندى الجوري · 29-10-2006, 19:51

معليه يقلبي راح اقول رايي وبكل صراحه يمكن انها تزعلك بس انا احب اني اكون صريحه الغلط الاول والاخير بدر منك عارفه ليه ؟؟؟

لانك انت جاوبتي على اسئلتك غيوره حاقده والسبب الاساسي والمهم انها كبيره ولسى ماتزوجت
ايش تبين ردة فعل وحده عايشه بدون زواج مع وحده متزوجه وزوجها مدلعها على اخر دلع وطلباتها عند زوجها اوامر وتتغنج وتتدلع عليه

السبب الثاني مافي داعي انك تكلمي زوجك قدامها وتضحكي معاه وتتدلعي عليه قدامها وانت عارفه انها غيوره
لازم تحطي حدود بينك وبين زوجك خاصه قدامها وتكون علاقتكم رسميه شويه

نصيحتي لك اكسبي زوجك بمحبة اهله لك والمسج الي عطيتيه لزوجك كان اكبر غلط المفروض انتظرتي زوجك لحد مايرجع وفهمتي الموضوع بالكامل

وكمان عصبيتك وقهرك وبكائك قدامها كان اكبر غلط ك>ا يشجعها على انها تغيضك زياده خليك واثقه من نفسك وواثقه من زوجك انا لو كنت مكانك وقالتلي الكلام الي قالته كان قلت لها عادي زوجيه ماراح يحصل وحده مثلي غيضيها وسلاحك الوحيد هي الثقه بالنفس
وروحي تسامحي من ام زوجك وقولي لها ان غيرتك على زوجك هي الي خلتك تنفعلي حتى تكسبي زوجك وبالنسبه لاخته ثقتك بنفسك وتطنيشك لها هم العلاج الوحيد

انا حصلي نفس الموقف بالعيد اخت زوجي توها متزوجه وكانت جايه تعيد عند اهلها وزوجها كان دكتور وعنده مناوبه سمعت زوجي يقول لي من وراء الباب خليك جاهزه ياحبيبتي علشان نطلع نتمشى ونروح المطعم نتعشى سوا . سمعت الكلام وعلى طول قالت لي كل ه<ا دلع لك وعلى ايش الدلع كله .رديت عليها وقلت لها لاني استاهل يكفي اني كاسبته بجمالي ودلعي ونعومتي كانت ردة فعلها انها على طول راحت من قدامي ولا انطقت باي كلمه والسبب ثقتي بنفسي وبزوجي
اسفه لاني طولت عليك يقلبي واسفه ان كنت غلطت بحقك

تحيــــــــــــــــــــاتي الخاصه لك والله يوفقك

بنت عاديه · 29-10-2006, 19:52

هلا فيك اختي لو بدك ترتاحي من شر اخت زوجك لازم تكسبيها لصفك يعني روحي اعتدري منها و طيبي خاطرها و عامليها بكل حب مهما تصدك لانه تصرف طبيعي من جهتها المهم حاولي .تحكي معاها و تعرفي شنو مكدر خاطرها منك....وطنشي ملاحظتها....
و لو عاندت ممكن تحكي مع ام زوجك و شرحيلها امر و قوليلها انك بتحبيها و بدك تعاملك مثل اخت

*jojo* · 29-10-2006, 20:34

مشكورين جميعا لله يعافيكم ويسعدكم
اختي ندى الجوري
مشكوه على تفاعلك لكن انا ما كلمت زوجي قدامها وتتدلعت عليه وبكيت قدامها
انا كلمت زوجي بالجوال يعني مو قدامها
انا كنت في بيت اهلي
ودائما احاول ما ابيت اي دلع قدامها لأني اعرف انها بتغار
بس ما ادري كيف اتعامل معاها
كل ما صلحت علاقتي معها لقيت انها من اقل شي تسوي سالفه او تفسر الأمور على كيفها
مره كنت بروح معاها السوق
وانا حامل تعبانه ارسلت لها مسج وقلت لها معليش خلي السوق بكره لأني تعبانه اليوم
على طول ارسلت لي اصلا خلاص ما ابي شي من السوق خلصت انا انتي روحي وخلصي امورك لحالك لأني انا خلصت

قلت يعني ما تقدري تروحي معاي ما بقى لك اي شي في السوق؟
قالت لا
يعني زعلت وعصبت وانا والله مو قصدي بس هي كذا عصبت
يعني بالعربي تدور اي شي علي
ودائما تحاول تكره زوجي فيني
وش اسوي معاها ؟

بنت عاديه · 30-10-2006, 02:11

اختي خليكي انت مو العقل الكبير.... طنشي تصرفاتها وملاحضاتها ....لا تهتمي.... يعني انت عامليها كويس ...... حبت او كرهت هدا مش شغلك انت عملت لي عليك والكل حيشهدلك بيه......حاولي تكسبيها ....لان الكلمه الطيبه لها مفعول عجيب
المهم مشكل المسج لانتي رسلتيه لازم تتكلمين معاها وتحاولي تصلحي الامر وخلي علاقتك بعائلة زوجك طيبه..... ولي يزرع خير لازم حيحصد خير بس لازم شوية صبر وتوكل على الله
والله يعينك اختي ويهديها ويكفيك شرها

لميوني · 30-10-2006, 02:26

شوفي عزيزتي

يمكن هي متعلقه باخوها حيييييييييل وعشان كذا انقهرت لما بدت تحس انه بيبعد عنها

صدقيني اعرف كثييييييييييييير كذا ولاتلومينها والله احساس صعب مررررررررة

انتي هنا يجي دورك

اكسبيها صدقيني بالكلمه الحلوة والسؤال عنها والضحك معاها تكسبينها علطوووووول بس انتي ابدي خطوة وحده بس وصدقيني بيتغير كلللل شي وانا اعرف وحده كذا وفعلا لما تقربت منها تغير الوضع والكل انبسط البنا وهي والاخو والاهل وكلهم وليش ماتخلينها تصير صديقتك ؟؟؟

والله اكسبيها وش الحركات هذي ؟؟ غايره مني مو غايرة مني حاقده علي ؟؟ هذا كله من ابليس الله يكفينا شره وبعدين هذي اخته قبل لاتصيرين زوجته

حبيها من قلبك واخلصي النيه وابدي بخطوه لمها وصدقيني بتبادلك بنفس المشاعر وبتتذكرين كلامي

والله يوفقك

عذراء نجد · 30-10-2006, 02:46

شوفى عزيزتى محد يقدر ينكر ان بعض خوات الزوج يغارون من زوجات اخوانهم وبالاخص لما يكونون الزوجين حبهم والدلع باين عليهم عموما انا انصحك ومن تجربتى مع اخت زوجى بالتطنيش ولا تعتذرين على المسج ولا تفتحين الموضوع هذا ابد مع اى احد حتى زوجك وخليك رسميه معاه ومصيرها بتعرف انها غلطانه لكن مو معنى هذا ان حركت المسج كانت ماتزعل لا بس عشان ماينعاد الكلام فى الموضع تجاهليه بدون ماتكررينه وايش ماصار حاولى تبدين زعلك لزوجك لما تشوفينه مو بالجوال والافضل انك ماتدخلين زوجك بينكم ابد عشان بالاخر راح يمل حتى منك ودايما اذا جات سيره بينى لزوجك ان الموضوع مايهمك ورضاه ورضا امه اهم شى وهى الله يوفقها بعيده ولا قربيه وانك تحترمينهم عشان خاطره مو ضعف منك والله يوفقك عزيزتى

انتفاضة قلب · 30-10-2006, 03:08

حبيبتي طنشيها عندنا مثل يقول (الحقران يقطع المصران)
وماعليك منها وبعدين لا تهتمين عيشي حياتك عادي واصحك يبين منك انك متأسفه عشانها
ترى هي ألحين تستنى اي تنازل تسوينه عشان تبدأ تمارس ضغوطها عليك وراح تشوفين انها راح ترضى لحالها......
وبعدين اسمحيلي زوجك غلطان ليش يوريها الرساله اللي ارسلتيها له هذا اكبر غلط ، افرضي انك ارسلتي رساله حب وغزل لزوجك مو من حقه انه يوريها احد...

*jojo* · 30-10-2006, 04:00

هي اللي اخذت جوال زوجي وشافت المسج من دون ما تستئذن من زوجي

والله انا افكر اكلمها واعتذر بس اخاف تفهم اني انا المخطئه وهي المخطئه وتتكبر زي العاده

ولا ادري وش اسوي

شكرا على تفاعلكم جميعا وما قصرتوووووووووووا

راهـــي · 30-10-2006, 04:17

الله يسعدك مع زوجك

حاولي انك تمسكي العصا مع النص

هي اخته وانتي زوجته

لاتكبرينها تكبر

هونبها وحاولي تسهلي الامور وترتاحي باذن الله

om kaled · 30-10-2006, 22:02

غاليتي جوجو...

حبيبتي أغلب أخوات الزوج كذا الغيرة تنزرع بينهم لسبب واحد إنها تعرف إن الزوجة تغار على زوجها فتستمتع بالغيرة المجبرة منك وتحسسك بالنقص دون ماتشعر إهي بالخراب إلي يصير في أحاسيسك لأنها مو مجربة..

فأنت خليكي عقلانية وأعتبري كلامها جدآ عادي ومايأثر فيك ودوم رددي عند أي غيرة تحسيها إنك واثقة في زوجك..

وإنك مايأثر فيك الكلام معها وخذيها مزوح وجاريها بطريقتها..

بس لاترجعين وتحسسيها بضعفك..

وهي بتتزوج يومآ ما وكل إلي تسويه فيك بتلقاه...

أنا كنت مع حريم أخواني جدآ محترمة لدرجة السكوت وإرخاء الرأس..

بس وحدة عاملتني بحقد في البداية وغلبتها بطيبي فرجعت..

ووحدة كانت معي مثل الأخت بس خانتني وجرحتني وأيضآ غلبتها بطيبي..

إغلبي أي شخص بالطيب وعاملي كماتحبي أن تعاملي ..

وصدقيني بيجيها يوم وبترضخ لك وتحبك وتكبرين بعينها وتتعلم منك وتصيري قدوتها للخير..

أما من ناحية أخوات زوجي فعادي جدآ خليك معهم والإحتكاك إلي تحسين إنه بيقلب عليك إبتعدي عنه..

وداري حياتك علشات تزهر وتحلى..

ومهما كان الغلط لاتخليه يركبك ويجيك..

والله يعينك عليها ..

وإستمري بطيبتك مع أم زوجك وأتركي الغيرة لشئ يستاهل وهذه أخته طلعت أو نزلت ماهي دايمة له بتروح لرجل آخر وبتضلين إنتي مع زوجك..

إنشاء الله تكوني إستوعبتي كلامي..

والله يصرف عنك الغيرة ونارها ويبرد قلبك على زوجك ويحببه فيك..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

مشكله وابي رأيكم؟؟