عالم الحياة الزوجية - منتدى

عسل بوظبي · 02-11-2006, 22:58

مساء الخير للجميع ..

يايبتلكم اليوم ليلة ولا في الاحلام .. عجبتني وايد وايد .. واتمنيت الله يرزقني بزوج رومانسي عشان اسوي له هاليلة وافرح قلبه .. بس لين ذاك الوقت قلت انقلها لكم وان شاء الله تعجبكم وتستفيدون منها ..

الفكره بختصار من دون تكلف اتعلمج كيف اتحولين بيتج في هالليلة لحديقة فراشات وانتي الملكه فيها .. حركه مبتكره وحلوه وااايد .. يالله نبدأ :

شوفي اول شي تسوينه عزيزتي انج تجيبين فراشات وتعلقينهم في غرفتج..
""الفراشات ممكن تلقينها عند لايف ستايل ""
والمكان يعتمد على الغرفة.. ممكن تعلقينهم على الجدار .. أو تنزلينهم من السقف بخيوط..
أو تثبتينهم على الستارة .. واذا كان سريرك بعمدان .. حطي الشيفونات باللوون الأخضر العشبي .. وعلقي بعض الفراشات عليه..

وبعدين .. طبعاً تحطين كل ديكورات الغرفة فراش مثل/ الشموع .. السجادة.. لوحات برسمات الفراش..
وطبعاً المفرش لازم يكون بألوان الربيع : الأصفر .. البنفسجي.. الوردي.. أو أي لون تحبينه..
ولا تنسين تاخذين ورود صناعية اللي تكون مفتوحة ومسطحة عشان تنثرينها على الأرض كأنها حديقة..وطبعاً بكل الألوان.... وبجيه خلصنا من غرفة النوم..

*************************************
نبدأ باالحمام..

طبعاً أول شي بعد تعلقين لك كم فراشة .. وتحطين كل اكسسوارات الحمام برسمات الفراشة.. حطي فوط خضرا على الارض.. وعلى الأررف اخذي فوطة مطرزة بفراشات.. ولا تنسين البانيو اترسيه ماي وحطي شموع .. وورد.. واغصان شجر صناعيه بورود حلوه وحمام الهنا مع حبيب العمر..

************************************

طبعاَ طاولة الطعام تطلع شي عجيب ... !

رتبي الصحون .. على كاس العصير اخذي فراشة صغيرة واربطيها بشريطة على طرف الكاس..
وانثري شوية فراش على الطاولة .. مع حبيبات لامعة و كريستالات.. وبجيه خلصنا من طاولة الطعام ..
وبالهنا والعافيه ع قلوبكم .. .

************************************

نجيلك انتي يا احلى فراشه .. .

شوفي تسوين لك تنورة كلها طبقات تور .. قصيرة .. حسب ماتحبين
وتلبسين معاها بدي كات مشكوك خفيف ملون جذاب ويا حبذا لو كان مشكوك باشكال فراشات عشان تكمل الليلة .. طبعاً مكياجك خفيف .. وشعرك مهدود ارفعي شي بسيط منه.. عشان يبان جمالك...

وبجيه انتي قدرتي اتحولين مملكتج الخاصه لحديقة فواحه واستطعتي بجداره انج اتكونين فراشة قلبه وللابد

ملاحظة : "ادري بتقولون ياكثرها هالحركات وهالليالي بس صدقوني صدقوني إلها اثر كبير عليه وبتشقق وبيستانس ويطيييييييير من الوناسه

"

وفي النهايه .. سلاااااااااااااااااااااام يا أحلى فراشة....

بعض الافكار مقتبسة + لمساتي الخاصه.

تحياتي .. اختكم// عسل بوظبي

يوكاد · 03-11-2006, 00:53

يعطيك العافيه..,

سلمت أناملك....,

ننتظــر جديدك..,

رومانسي مرة · 03-11-2006, 01:40

يعطيك العافيه يا فراشة المنتدي لا عدمنا تميزك

عدو الشتاء · 03-11-2006, 01:44

طيب خليها ليلة نحلات عشان ما ننساك
يعطيك الف عافية على هالذوق الرائع

سنفورهـ1 · 03-11-2006, 04:26

يعطيك العافيه على هالمشاااااااركه

ان شاء الله تستفيد منها الزوجات

الا تعالي بخصوص محل لايف ستايل اشك انج تسوين دعايه لهم ؟؟؟

يالله بشاركج بالدعايه بس كم نصيبي بيكون؟؟
<<<امزح

والله الموفق

رورو ♥♥♥ أبو أيه · 03-11-2006, 04:50

مشكورة يا عسل بس ليا شيئ ممكن اطرحة طبعا ممكن عارفك طيبة ومش هاتقولى لاء ــــــــــــ شوفى يعنى كل شئ فراشات فى فراشات طب مفيش دبور هع هع بكلم بجد علشان يتحول بيتى لمحمية طبيعية

عاشقة علاوي · 03-11-2006, 22:02

دائما أفكارك عسل ياحلاتك ياعسل

عسل بوظبي · 04-11-2006, 04:18

اقتباس:

المشاركة الأصلية كتبت بواسطة يوكاد

يعطيك العافيه..,
سلمت أناملك....,
ننتظــر جديدك..,

الله ايعافيج الغاليه .. اشكر لج مرورج الكريم .. وجديدي قريب ان شاء الله

عسل بوظبي · 04-11-2006, 04:22

اقتباس:

المشاركة الأصلية كتبت بواسطة رومانسي مرة

يعطيك العافيه يا فراشة المنتدي لا عدمنا تميزك

الله ايعافيك اخوي .. تسلم ياذوق ولاعدمنا ردودك المميزه

بنت مصريه · 04-11-2006, 05:22

مشكوررررررررررررررررررررة يا عسل

عسل بوظبي · 04-11-2006, 15:47

اقتباس:

المشاركة الأصلية كتبت بواسطة عدو الشتاء

طيب خليها ليلة نحلات عشان ما ننساك
يعطيك الف عافية على هالذوق الرائع

خخخخخخ حلوة منك .. بس اكيد مابتنسوني اذا طبقتوا هالليلة

الله ايعافيك ويسلمك اخوي .. ومرورك الاروع تشكر عليه

فقدت حياتي · 04-11-2006, 15:52

تسلميييييييين يالغلا على هالفكرة الرووووعه

عسل بوظبي · 04-11-2006, 15:53

اقتباس:

المشاركة الأصلية كتبت بواسطة سنفورهـ1

يعطيك العافيه على هالمشاااااااركه
ان شاء الله تستفيد منها الزوجات
الا تعالي بخصوص محل لايف ستايل اشك انج تسوين دعايه لهم ؟؟؟
يالله بشاركج بالدعايه بس كم نصيبي بيكون؟؟
<<<امزح
والله الموفق

الله ايعافيج الغاليه ويسلم غاليج
خخخخخ لا حليلي وين الله ايخليج ,, بس انتي اتعرفين هالاشياء تنباع هناك
يعني عطيت مثل لاغييييييييير

بس ولا ايهمج اذا سويت دعايه لاي شيء لج النسبة اللي تامرين عليها شو تبغين بعد ؟ آمري فديتج

مرورج اسعدني ونور موضوعي لاتحرميني امنه

PLUS · 05-11-2006, 01:06

بصراحه !!!!! انتي روعه ...ز والله كل ما اشوف مواضيعج استانس
وقبل لا افتح الموضوع اقول في خاطري ان شاء الله تكون فيه افكار و حركات للتجديد

^________^

وايد استمتع و اعيش الجو في مواضيعج

يعطيج العافيه اختي ...و الله يسعدج في حياتج ان شاء الله

عسل بوظبي · 05-11-2006, 19:06

اقتباس:

المشاركة الأصلية كتبت بواسطة روحايم فايز

مشكورة يا عسل بس ليا شيئ ممكن اطرحة طبعا ممكن عارفك طيبة ومش هاتقولى لاء ــــــــــــ شوفى يعنى كل شئ فراشات فى فراشات طب مفيش دبور هع هع بكلم بجد علشان يتحول بيتى لمحمية طبيعية

خخخخخخخخ العفوووو بس انا جباره يعني لأ لاتخرب محمية الفراشات

وبعدين تطنز هاه ماعليه الله كريييييييييم

بس اشكر لك مرورك الحلووووو

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

حلقي بكل انوثة كفراشة تداعب الزهور ! تعالي اقولج كيف .. .