عالم الحياة الزوجية - منتدى

سديم الحب · 03-11-2006, 22:05

السلام عليكم

عندي استفساارت ياليت تردون علي

وش افضل الاستثمار ولا فتح محفظه ،،، وياليت الي فاهم

في هذي الشغلات يوضح كيف استثمر وكيف افتح محفظه

ووش الاجرأت الازمه عشان افتح محفظه وكم لازم يكون معاي مبلغ

للمحفظه للعلم اني سمعت ان المحفظه لازم الاول يكون في الحساب

خمسين الف بس انا مو مصدقه ،،،،،، بعد وش البنوك الي تنصحوني فيهاااااااا

اتمنى من اصحاب الخبرة في هالامور انهم يردون علي

ولكم شكري وتقديري

رسـام المشـاعر · 04-11-2006, 02:42

تحيه طيبه
أقل شئ تفتحين محفظة على حسب البنك
بعضهم يشترطون 30 الف وبعضهم 50 وبعضهم مليون
انا انصحك بالبنك السعودي الفرنسي
يشترطون 30 الف وخدماتهم حلوه
واذا تبين نصيحه مني
انا لي اكثر من 5 سنوات بالسوق
وانصحك بسهمين
الاول جرير
والثاني أسمنت القصيم
أسهم استثماريه امانه
وتعطي كل ارباح كل سنه لمستثمرينها
فلاخوف منها ابد لو شريتيها ونزلت لا تستحق الاقتنااااء
والف على الاطالع
اي خدمه اا حاظر
تحياتي

سديم الحب · 04-11-2006, 07:45

مشكوور اخوي رسام المشاعر على افادتك

بس وش الاستثمااار يعني هو افضل من المحفظه ولاكيف

لك شكري وتقديري

رسـام المشـاعر · 07-11-2006, 01:25

الاستثمار هو : انك تشتري سهم معين يعطي ارباح كل سنه

ويسمونه أسهم العوائد

بس قبل تشتري سهم وتستثمرينه لازم تفتحين محفظة تحطين اسهمك فيها

واي اخدمه فى ذالك راسلينني وابشري بعزك

تحياتي

عدو الشتاء · 09-11-2006, 21:21

وين اعضاء المنتدى ما ينصحون سديم
ارجو بقائك خارج السوق لحين استقراره ذهاب جزء من الربح افضل من التعليقة والخساره

احلام وردية · 10-11-2006, 13:41

بالنسبه لفتح محفظه في

البنك الاهلى بدون دفع مبالغ..

سديم الحب · 11-11-2006, 01:00

رساام المشاعر

عدو الشتاء

احلام وردية

مشكوورين على افادتكم بس اول مره اعرف اني اقدر افتح

محفظه بدون ماادفع ،،،،،
ويعطيكم العافية
لكم شكري وتقديري

ألغامدي · 11-11-2006, 07:05

تبي نصيحة اخ خسر وتضرر كثيرا بسوق المقاصيص ؟
اتركى عنك الاسهم نهائيا اذا عندك كم قرش حطيها بقطعة ارض لو صبخه با بعد مكان على الاقل صكها عندك وراح يزيد سعرها مهما طالت مدة امتلاكك لها او قصرت يعنى ما في امل تخسري. الاسهم لعبه لعبها معنا الكبار واخذوا اموالنا وتركونا نندب حظنا.
حتى الاستثمار في الصناديق اصبح مخاطره كبيره لا انصحك بها.
واذا صممتى ان تخسري فلوسك وتجربي حظك بالاسهم ففتح محفظه بالبنك الفرنسي يشترط ان يكون لديك 30 الف ريال كحد ادنى لفتح المحفظه . اول شيء تفتحي عندهم حساب جاري وحساب استثماري ومن ثم تأخذ المعامله مجراها وبعد شهر ستتمكنى من البيع والشراء باستخدام المحفظه عن طريق الانترنت او الهاتف المصرفي( ماعمري جربته للامانه ).
اسأل الله العلي الكريم ان يعوض على وعلى المسلمين ما فقدناه من اموالنا واسأله سبحانه ان يشل اطراف من كان السبب في ما تعرضنا له من خساير في سوق الاسهم

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

وش الافضل الاستثماار ولافتح محفظه