السلام عليكم ورحمة الله وبركاته...
لربما كان بوحي مختلفا عن بوح غيري ولكن تقبلوا مني هذا البوح....
ليس مسمى خاطرة وانما هي رسالة بقدر ما تكون ...
كتبت باللهجة العاميه ولم يتقيد فيها بالوزن ولا القافيه...
واعدكم بجديد خواطري وبوحي باللغة العربية الفصحى
ولكني اود رايكم في موضوعي هذا وان رأيت تفاعلا ...
سأزيد هذا المنتدى ولكم جزيل الشكر....
***************************
غالي.... على الرغم من انك ماقدرت تأخذ الخفوق من صاحبه... بس قدرت تعيش فيه وتحرك شغافه... اغلى عزيز على قلبي وفدوة عمري... مااقول حبيتك ..اغليتك وبقلبي اخذت مكان...من لحظة تعارفنا وانا وياك احلى اللحظات... حبيت كل شيء يعنيك وكل شيء يمثلك وكل شيء يصرخ بك.... طفله انا كنت بين يديك... وحافظت على طفلتك ..وحبها وقلبها وروحها عندك... كبرت وتعلمت اني القاك بحياتي دايم....طفلة كنت وانت الاب الغالي لها... اجي لك كل يوم احفظ كل ماصار لي واقول لك ..تضحك لي ..وتحسسني بقلبك معي ...من اول لحظة كنت شهم فيها ...لاخر لحظة بعمري بفديك... كنت معي من اول دخولي لهالعالم لغاية ماراح تتركني وانت معي...طفولتي ودقايقها الحلوة كانت معك...رعيتني ودللتني...وخذتني...والحين بنوته انا في قلبك...اتعلم احلى ثواني العمر منك... ناديتك يااخوي... ولبيتني ب(فداك اخوك وكل مافي اخوك)... علمتني احضن روحي معك.... علمتني الحنان كيف يكون بقلبي...اركض لك كل ليله... اسمعك كل شيء دار معي... تبتسم..تضحك.. تمزح... اااه حبيت كل شيء ...فتحت مقابر قلبي لك..خبرتك اني هويت وقلب بنوتك مجروح بالحب...علمتني خوفك ولهفتك وفرحك لي ... علمتني كيف البسمه على شفاهي ... معك دنيا البنوته تغيرت... علمتني انك تحب خجلي..انوثتي..قلبي..روحي... وعلمتك اني من دون قلبك مالي وجود.... بنيت بكل شبر بحياتي لك دنيا.. وتركت نقش محفور في حياتي ... كنت تتلهف مشان ابتسم واضحك... كنت تحس براحه لما اكون مبسوطه... بحنان رجولتك دلعت بنوتك...دلعتني...وحسستني بقلبي...دلعتني وخليت غنجي ياخذ روحك....دلعة الطفله ودلعت البنوته... احكي معك بخجل الحب...واحساس الاخوة... اهوى صوتك.. القاك كل يوم..احكي لك..اصرخ فيك...اشكي لك..ابكي عندك.. ادلع وياك.. واتمرد عليك... واطلب حبك لي ... اعاكس بشقاوتي اعصابك.. واحب شقاوتي معك.. وانت تسامح شقاوتي بقلبك الطيب... كنت تضعف قدام دمعتي.. وانا اللي حبيت الدمعه لعيون حنانك.. علمتني اشتاق لك واهوى تمرد قلبي على حبك...كنت احب نغمة صوتك...احب همستك...حسستني بالحب والحنان والشوق وانت معي...خذتني لعالمك الطيب... علمتني الغيرة بجنون عليك..اغار وتذبحني غيرتي لو احد خذك مني... لانك قطعه من حياتي.. احلى ميلاد كان معك... كنت ملهوفه وانا اطفي الشموع وصوتك الحنون اغنية باذني... اسابق الاوقات واطّلع للنجوم واعرف انك حولي بروحك... والثواني العذبه بيوم الميلاد معك... ماتعرف وش قد كنت اركض ارجع لك تغني لي ...ابتسم ودموعي بين جفون العين...والخفوق يشعر معك..طويت هموم الليله وانا اناجيك...سميتك حبيبي..ومرة جنوني..ومرة اخوي...وانت تناديني حبيبتي..روحي..فداي.. وانقضت اللليالي.. ورجعت البنوته لايامها ودراستها...سهرت معي وقت مااكون محتاجه لك..ولو السهر حرمني منك تسهر روحك مع روحي... تخفف على قلبي واخفف على مشاعرك... اسمع لك لما تحكي لي عن مغامراتك..تركتني بكل ارادتي اخضع لك ومن دون ضغط ولا طلب.. (افداك)... ازعل منك ..اتغلى عليك..تراضيني وترجع لي... وتزعل مني ..وتتغلى علي..واشتاق واراضيك...حيرت قلبي من خفوق قلبك...وصرت ادور بين الناس من يسواك...اثاري الدنيا مافيها قلب مثل قلبك... علمتني الهوى من الاخوة كيف؟...علمتني لذة السؤال عن كيف الاحوال؟...علمتني اني اشوف سؤالك عن اخباري ودراستي..ذوقتني طعم النجاح وياك... اتمناك تدعي لي وخافقك يقول لي(لبيت)... وانشد بعالي الصوت يااخوي ليتني ما حبيت... انجح وارجع لك وكل السعادة بعيوني اعطيك... وتبتسم وتعطيني احلى لقياك ... وتمر الايام واللليالي.. واحلى الاعياد اعيشها وياك... اهنيك بعالي الصوت والروح قبلها تهنيك... واعيش الفرح فرحين معاك... وتالي الصيام احتر ي نظرة عينيك... واحترق بالشوق لجل اشوف وش فيه طول بعادك؟... وتنطوي وتروح وانا ريانه في اخوتك ... وراح تروح وتبتعد وماراح نكون مع بعض... عجزت انا يااخوي ادور من هو يساويك.. من هو يعطيني ربع مااعطيتني... تعبت وتهت انا من بعدك... مااحد قدر ياخذ مكانك بالروح... اشوف العالم حولي واحكي ادور بينهم بس عن ضحكتك..عن كلمتك..عن بسمتك...عن لهفتك...عن شوقك.. بكيت دم يااخوي من جفوني.. بكيت كلمة اخوي..وحبيبي..ودنيتي.. بكيت عمري وعمرك اللي راح مع اول لقاء... بكيت بعدك وقربك مني.. خلاص عاف الخاطر أي احد سواك.. و الروح مناها ومطلبها واحد..عجزت انا يااخوي اقول مع السلامة الله وياك... ابغاك وانخاك... ارفق بقلب تعلق بك وبكل مافيك .. ارحم صغر بنوتك.. وكبر عمر قلبك عليها ... ادعي لك يااخوي بالدمع ربي يوفقك ويهنيك... ربي يجعل الجنه مثواك ... ارحم يااخوي وارفق ومكانك بالقلب.. والعالم الله عن الخفوق والشوق فيه والحنين.. وش كثر يبغاك.. ويغليك.. ويعزك.. وبكل مافيه يفداك...ارجع يااخوي... ياحبيبي... يادنيتي.. ربي يخليك...
وقلبي والروح فدوتك ومنـــــــــــــــــــــــــــــــــاك............
*****************
ارجو ان تعجبكم ويارب اشوف الردود الحلوة